珍記大廚小食

营业中

休息中

真平民抵食小店🔥！之前去過佐敦分店，早幾日趁天氣涼啲同朋友去石硤尾總店宵夜，幾有大排檔feel小店做學生哥同街坊生意外賣為主，亦有唔少區外人慕名而嚟食宵夜圖9-10餐牌全日同價，夜晚大多數飯類都係$39-$42，包埋熱飲凍飲加$3多飯多餸大大碗，男仔都一定夠飽肚，大食人士想添飯都係免費，名符其實嘅平民飯堂🤪！除咗主打大碗飯同各款香炸小食，仲有多款麻辣涼拌小食、暖笠笠湯飯等鎮店招牌四寶(避風塘、蔥油、椒鹽、辣椒醬) 全部都係自家製🌟-👍🏻避風塘豬扒飯(包嘢飲) $39鋪滿大量自家炒製避風塘脆脆，加上招牌蔥油、秘製辣粉、椒鹽鹹鹹辣辣，香濃蒜香味，超級惹味，忍唔住撈飯食晒啲炸蒜🤣豬扒連骨但碎上方便食，沾滿避風塘香口入味，不過瘦咗啲同炸得比較乾- 👍🏻蔥油雞扒飯(包嘢飲) $39私心好鍾意食呢度啲蔥油，蔥粒爽脆，蔥香味濃，唔會有蔥嘅草青味或辛辣感亦唔會太鹹太油膩，加上少少甜豉油撈飯一流，真係招牌🤤雞扒味道正常，肉質就唔算好滑，勝在大塊厚肉皮脆-👍🏻沙嗲牛肉飯(包嘢飲) $39石硤尾總店先有，牛肉份量多，沙嗲醬濃稠有花生味，但味道鹹咗啲個人覺得撈丁應該仲夾，仲要平啲$30咋-👍🏻馳名手撕雞飯(包

【深水埗區】【珍記大廚小食】之前寫過一間喺附近告咗急嘅黃店，收到一位朋友嘅留言，介紹返嗰度附近嘅嘢食。呢啲意見真係好重要，因為我都冇可能了解到每一度有啲咩嘢食，尤其係好嘢。實情我都幾中意咁樣捐窿捐罅搵食，好過只食潮流嘢。如果唔係有人講，我可能一世都唔會有機會搵到呢間嘢嚟食，所以都希望大家明白同理解點解咁重視大家嘅意見。我就唔係咁叻去搵啲平民美食，主要都係靠大家口耳相傳，因此，當我聽到有呢啲嘢食嘅時候，我幾乎即刻去。呢位朋友介紹嘅係「避風塘酥脆魷魚鬚」，佢話好食喎，咁我第一次去就當然唔會介意花 $28 去試。佢畀我嘅時候係用一個感覺幾保溫嘅錫紙袋入住啲嘢食，好似就算攞遠啲食都幾保到質素咁。食落都幾惹味，份量就唔算多。我覺得佢個避風塘嘢都幾正，夠晒味，不過食太多的話就會好似有啲鹹，如果買嚟加餸可能都會好正。第二次去我就食其他嘢，叫咗個「營多撈麵」，單拼「燒賣」價錢係 $12，味道都幾平庸，不過唔算貴就冇乜問題。咁一個撈麵當然唔夠我食，之前買嘢嗰陣聽到人哋叫兩隻「生炸雞髀」，搞到我又好似幾好奇，今次嚟到就忍唔住用 $20 叫隻試吓。佢又真係炸得幾好，所以我都明白點解上次嗰個客會叫兩隻，係真係

之前買過幾次$20/1 隻大大隻雞髀…8/4 夜晚買外賣返屋企食！買完飯又為食想買D小食！心血來潮諗起依間野… 買完之後簡直一肚氣，以後都唔會再幫襯，個講唔正廣東話嘅亞姐同我講一句👉👉我哋都唔想買👈👈簡直令我畢生難忘🤣🤣原來佢咁唔休做！唔知開門做嘜…當晚9 點去到叫左10 件煎釀三寶、一份炸雞之後見佢D海報寫住韮菜豬紅$20/1 碗、淨豬紅$15/1 碗…想淨食韮菜就問亞姐幾多錢？佢話淨韮菜都要$20，我覺得都可以喇當食油菜！3 樣嘢一共買咗$58！企喺度等之際三寶拎出黎問佢有冇辣醬，佢話冇，得辣椒油，我問佢可唔可以俾個袋我裝住？因為我食辣但屋企人唔食辣想分開D辣椒油！個亞姐話冇😤😤真係一個袋都唔肯俾😡😡之後到俾拎碗韮菜擺喺枱面諗住冚埋時我見咁少…問個亞姐依度$20 嫁喇？佢話係…之後我話咁少嘅？佢話你覺得少丫？我話梗係啦…拎個超細碗裝仲要一半都冇…之後佢仲係度唔知講咩（因為佢啲廣東話講唔正）最清楚係講👉👉依個我哋都唔想買👈👈我即刻答佢一句唔想買就唔好開門喇！咁樣做生意嘅！係咪嫌棄買得少？睇番網民之前D相$20/1 碗嘅韭菜豬紅用中碗裝，都有三份二係韮菜丫！韮菜根本就係最平嘅菜，大大隻

老闆娘好好人，好多街坊過嚟買野食，買完都會傾一陣計先，好有人情味。😚😚😚炸雞脾（$20），超大隻👍，成隻揸住食，食完心情好好🤣🤣豚肉韓式拌飯（$42），好多餸好大碗，泡菜、豚肉、芽菜、青瓜加隻即煎太陽蛋，唔會太辣，食到尾都有豚肉🤣（影得差好似好細碗咁😅，下次再食再影過）仲有好多唔同類型小食，燒賣、煎釀三寶、公仔麵、營多撈、魷魚鬚、蛋牛治...........不能盡錄下次可以試埋其他

1.) 珍寶沙嗲牛奄列連多士奄列真係珍寶，睇落點都有三隻蛋！未食多士，淨係食佢個奄列已經飽咗， 個奄列又落咗勁多沙爹牛肉， 根本係一個餸， 可以用嚟送飯，因為太足料， 食食下就覺得味太濃，但味道係啱嘅。2.) 紅酒燴牛肉飯呢個飯前前後後食過三次，味道真係好味， 牛肉同紅蘿蔔一粒粒大細啱啱好， 可能因為佢飯比較多，覺得啲餸相對嚟講比較少。

因為限聚令，在家煮飯好討厭，上網睇吓有冇其他好吃東西吃竟然被我發現一間小間做出高級餐廳味道，平時見好多街坊幫襯，以為普通煎釀三寶和魚旦好大條鰻魚，肉厚鮮味，鰻魚汁好香，蛋滑，飯爽不太綿，飯吸收左鰻魚汁超好味麵爽口彈牙，多些醬汁更好味道好吃，好大份，值得試

珍記大廚小食絕對係我近期食過最有衝動覆卓嘅外賣小店，食物邪惡惹味份量超大份， 仲要價錢停留喺十幾年前，如果我住附近或者喺附近做野，一定會忍唔住日日食。珍記雖然只係一間外賣小店，但街頭小食、飯麵、撈丁都有，大大碗飯都係$32，加$3仲有埋凍飲，唔好講味道， 哩個價錢而家都難搵。避風塘豬扒飯($32) - 豬扒飯上面鋪滿炸蒜粒，咸咸辣辣超惹味，豬扒由一大塊切成五小塊，下面碗飯超大碗，麻甩佬都冇可能食晒，正常人我覺得可以兩個人share一碗，或者叫佢少飯。叉燒滑蛋飯($32) - 飯量同豬扒飯一樣咁多，滑蛋同叉燒份量都好多，叉燒有六七舊厚切，雖然冇得同燒味鋪嘅叉燒比，不過唔會太瘦太韌都唔差，滑蛋幾滑，比唔少得個樣嘅餐廳好食。炸雞脾($18) - 炸脾又脆又唔會成口油，雞肉唔會太乾，雞皮外面沈左好多鹽同黑椒，所以又係好惹味。煎釀三寶($10) - 相比之前幾樣野食，煎釀三寶味道算係較為普通，不過$10有六件絕對係抵食之選，如果本身唔係太肚餓，食一份都夠。凍檸茶(跟餐加$3) - 本身$32大大碗飯已經抵，仲要加$3有埋凍飲，除左普通咖啡檸茶檸水，連菜蜜都唔洗另外加錢。總結，炸脾同避風塘豬扒飯哩

After finishing my appointment, my wife asked me to buy some food back home tonight. While walking to MTR station, i chanced upon this humble stall and few people were queuing up. Feeling curious, I decided to try it as well. 珍記大廚小食 was located at Pak Tin Shopping Center, few minutes walk from Shek Kip Mei MTR.Even though it was a small store and catered for take-away, it offered a wide range of food such as street food, rice, noodles, snacks and drinks etc. Fried onion chicken chop rice - The s

位置不算特別好找，在石硤尾，我選樂蔥油雞，蔥油味太好吃了，雞排也相當酥脆，煎釀三寶味道正常，沒有特別好吃，醬料倒是不錯，還有一個日式炸豬排滑蛋飯，滑蛋非常嫩，豬排味道也不錯，飲料選了紅豆冰，味道也ok

原本今日happy friday，男朋友嚟接我收工好開心。但係臨收工先嚟開會，搞到遲咗成半個鐘頭先走，個人又攰、頭腦實晒⋯☹️然後男朋友就帶咗我嚟呢間街頭小吃店，俾我「任叫任食唔嬲」！🤣🤣🤣估唔到鋪頭細細間，竟然有滑蛋蒲燒鰻魚飯！😱 老闆娘話係最近先新推出嘅，緊係要叫嚟試吓啦！嘩，竟然係「圖文不符」！明明幅圖係得幾舊仔嘅鰻魚，個飯送出嚟係成條鰻魚嚟㗎囉！🥺 賣$58嘅鰻魚飯簡直超值啊，仲有滑蛋真係滑嘟嘟㗎！😋講到香港嘅特色街頭小食，點少得煎釀三寶、韮菜豬紅、豬皮蘿蔔，同茶葉蛋呢？！今晚咁啱賣晒蘿蔔，唯有「怒叫」晒其餘三樣啦！😆 煎釀三寶$10有六件任選，煎得剛剛好唔會太熱氣，又唔油膩。韮菜豬紅$20份量十足，調味唔會太重口味，豬紅亦大大粒唔會一夾就散。茶葉蛋$10三粒，咬開可以見到成個蛋白都變晒色，滷到入晒味！😋見到小店寫住「馳名食雞」，我哋兩隻「雞精」又點可以錯過呢？！😎 招牌蔥油雞扒好特別，厚肉嘅雞扒煎得好香脆，配埋招牌蔥油非常香口！仲叫咗麻辣手撕雞，叫咗中辣食落都唔算好辣，下次可以挑戰大辣喎～😌 一碗手撕雞裡面超豐富，有雞絲、芽菜、菜甫、紅蘿蔔絲等等，非常之足料好味！獲得「雞精」誠

其實我都幾中意「掃街」平民之選因為可以食到好多唔同款式而且篤篤下真係好開心😂呢日行街行到攰攰地又盲中中亂行———————————————————舖仔細細都幾多選擇就坐低歇歇順便食啲野點知一叫就成檯都係🙂🙂除左基本嘅魚蛋燒賣之外仲叫左豬排 鹽酥雞 多春魚 手撕雞同埋好耐無食過嘅煎釀三寶😋豬排好惹味又唔柴佈滿炸蒜👍🏻鹽酥雞食極都有🤣炸得好香口保持肉汁但咸左啲手撕雞好食啖啖肉有少少泰式感覺加上大量蔬菜夠健康豬紅抵食又大兜煎釀三寶真係抵食大大件茄子最好味豆腐都正 可能我本身就中意食其實佢都有啲飯餐可以食 不過今次就唔食啦😂😂😂😂———————————————————✺ 鹽酥雞 $18/9✺ 多春魚 $14/4✺ 韭菜豬紅 $20✺ 煎釀三寶 $10/6✺ 咖喱魚蛋 $10/8✺ 魚肉燒賣 $10/8✺ 凍好立克 $15✺ 凍檸檬茶 $15✺ 避風塘豬扒 $25✺ 麻辣手撕雞 $25

經過石硤尾，見到有間掃街食物的小店, 店內擺滿煎釀三寶，司華力腸，燒賣、魚蛋，茶葉蛋，韮菜豬紅蘿蔔同.....的小食，鋪頭雖小，但食物種類都多，於是就睇下有咩啱食先。企了一會，後生嘅老闆推介呢度嘅雞髀同蔥油，都是招牌菜，購買時都見到有人買，但我想試吓其他🤭 -蔥油叉燒煎蛋飯，叉燒肉質有咬口，半熟蛋汁伴蔥油豉油汁唔會太咸，撈飯味道剛好，但飯粒較淋，份量都不少, 好味~-紅酒繪牛尾飯牛尾起晒骨，配以紅蘿蔔，汁甜甜的，出品熱辣辣，朋友說都唔錯喎!-麻辣手撕雞（小辣）唔會好似出面個啲咁多油，雞嫩滑帶小辣，配上麻油芽菜，食落香口唔油膩。 -沙嗲牛肉米線沙嗲汁唔會好油膩，牛肉份量多夾唔un，簡單配搭都好味啊~-蘿蔔豬紅蘿蔔冇根淋甜，豬紅滑滑的，配上辣醬汁食🤭😘。食物都平民化而且十分之抵食，賣相都幾好😚，同埋佢地有份親切友善嘅感覺，贊贊🥳

珍記大廚小食 石硤尾偉智里1-3號白田購物中心地下84號舖我有掃街的習慣, 行到邊食到邊, 見到小食店口痕會買串魚旦燒賣等, 邊行邊食, 又充滿香港風味。今日去開九龍塘附近, 見到店仔好大張POSTER, 野佞仲OK 抵食, 連SANDWISH 飯麵都有, 仲要平得來有心思唔HEA,一於當埋正餐叫多幾樣。$18 一隻大大隻炸雞骴呀, 肉唔乾身個皮脆到呢!!!! 又大隻多用先係重點, 賣$18 真係無敵。$32蔥油 雞扒飯, 下面有好多飯, 個蔥油好香好開胃呀,店主話係秘製撈埋一齊好惹味, 真想問店主這樣能賺錢嗎?仲有自家製辣醬同醬料可任意添加$32滑蛋又燒, 好多又滑即炒架滑蛋, 勁好味呀, 個豉油汁好好味, 撈飯一流,$10 6件架煎釀3寶, 我食開出面$10只得3件, 個魚漿仲薄過紙. 呢到厚魚漿仲有成6件, 天啊唔食對唔住自己~$4 茶葉蛋, 好香好入味呀 有八角老水同紅茶甘香!!!!於晚餐時段勁多街坊來買外賣, 大件夾抵食, 我估因為附近學校同舊屋村, 老闆考慮到學生哥消費力有限, 食物都定價很便利, 又大大份務求大家食得飽!!!!!

去咗白田買宵夜畀屋企人食，呢間係朋友介紹，話做開街坊生意，平靚正。佢哋嘅招牌自家製蔥油，食過返尋味。叫咗酸辣粉，蔥油雞扒飯，避風塘豬扒飯，一個飯先32蚊，學生仲平只是28蚊。本身好鍾意食蔥，有蔥我可以送一大碗白飯。蔥油配雞扒好正，雞扒煎得脆卜卜，蔥油聞到都流口水。避風塘豬扒飯打開飯盒，就聞到香噴噴，避風塘有少少辣，好惹味。仲買咗我最愛嘅煎釀三寶，呢度十蚊六件平通街，窮人恩物😁等外賣期間都有唔少人幫襯，真係石硤尾 平靚正之選。

這間珍記大廚地方細細，門外只得一張枱給客人坐，所以大多數都是外賣吧。但餐牌選擇都頗多，除了有掃街美食，燒賣，魚旦，煎釀三寶等，還有很多他們的招牌小食，他們馳名食雞，是自家醃製的，所以蔥油雞扒，炸雞脾，鹽酥雞都是他們的推介。大大碗蔥油雞扒飯，只需$32 ，已經是二人份量吧。雞扒大大塊，炸得皮脆肉嫩，重點是他們的手剁蔥油，十分香濃，送飯一流。大大隻的邪惡生炸雞脾，炸得金黃，肉嫩多汁。最好襯熱食啊!豬扒包內的豬扒香煎過，夾著生菜蕃茄沙律醬減輕油膩感，如果個包身可以烘脆一點會更好。另外煎釀三寶$10 有6件，這個價錢很久沒見了，有豆腐/茄子/青椒/紅腸/蟹柳等供應。釀的魚肉不是一團粉漿，而是真魚肉，讚呀!這裡的自家製的辣椒油都值得一試啊~