班戟館 (已結業)

一心想試的就是厚厚的pancake!其實這是我第三次到這裡...第一次人太多要等一個鐘就放棄第二次店主去了酒店整甜品撲了個空...我都算是很有誠意的食客吧？叫了一個三文魚salad（$59）同梳乎厘pancake（$9x)Salad蔬菜新鮮， 橄欖好吃. 黑醋醬汁有加入果汁/糖，中和酸味但份量有點小，總覺欠了點惹味的東西...梳乎厘pancake賣相很好，伴了自家煮的莓醬汁和士多啤梨雪糕，伴碟也畫得有水準.雪糕是好貨色.pancake上的半顆士多啤梨也是新鮮，很甜的可是如預料一樣梳乎厘沒什麼味道，跟去太平館食的梳乎厘差不多. （沒那麼空氣吧）Pancake不夠香，所以建議伴碟有多一團cream，或淋上絲絲楓糖，相信味道會好些看得出小店對食材和食物presentation的用心，但味道方面要花心思研究，加強突出

可能紅橋啲鋪租偏平，唔知幾時變左新開發小店美食天堂。今次黎食成日想試既疏乎厘班戟。好似話係法國藍絲帶主廚來的，其實我無考究總之好食就得哈哈😂同事生日就順便黎試啦，同事好多野都因為敏感唔食得，叫左個全日早餐我唔餓叫左個雜果薯仔沙律就算，因為想留肚食甜品先係主打。 加錢變成餐可以包杯飲品咁就叫咗個咖啡同埋香茅青檸蜜。飲品好快就上咗啦，香茅蜜簡直係有驚喜😲因為聞落去好香飲落去好清新。嘢飲之後等左好耐先有嘢食，一見到個沙律原來係真係好細，即刻叫佢攞個Menu再加多個虎蝦墨汁意粉。沙律係蘋果粒，薯仔蓉加芥末醬做汁，蘋果好爽口汁好特別。又吹一陣水個全日早餐出現個蛋無乜味，腸同肉都正常味係個小班戟好好味好香好有蛋味牛油味。虎蝦墨汁意粉估唔到真係原隻連殼虎蝦燒得香，啲肉又無梅左，墨汁好濃好味。食完又等左好耐，都明白佢用心做所以都無所謂。芒果香蕉青檸忌廉班戟，青檸味忌廉味唔出，但佢減低左香蕉既飽吐感。雪糕係芒果雪笆好清新。橙登燈櫈主角出場～焦糖香梨梳乎厘班戟😍😍😍內有很多氣孔，食落軟綿綿，勁好味，面層梨肉用煮過焦糖化，再加焦糖燒上一層脆皮，食落香甜。9點先食都食到十一點半，哈哈好彩我地無催促佢地，我地又

難得探親入到屯門咁遠, 梗係要飲飽食醉先返出市區啦!!! 上回食完大排檔, 其實都已經好飽架啦不過硬係口痕痕食埋甜品先覺得夠完滿朋友話紅橋一帶開左幾間新的甜品店一於過去趁下墟先的確係有好幾間糖品店喎, 不過間間都排哂長龍咁唯獨是呢間"班戟館" 比較少客為左唔想晒時間排隊, 本住一試無妨的心態去試下班戟館吧!!!!雖然鋪仔細細, 但MENU 上的選擇都幾多呀最後我揀左apple crumble 賣相唔錯~~ 上面仲有一杯青檸雪芭的味道就不過不失啦, 唔會話係一試難忘0個隻囉, 哈哈

好好味呀第一次嚟嘅時候嚟之前喺銅鑼灣食左嗎_嘅拉麵坐960返入到屯門已經係一個鐘後嘅事叫左個士多啤梨嘅甜品等左三四十分鐘左右由於好軟熟　又唔太甜剎那間就消滅晒今日又嚟食多次叫左個三件裝一樣無失手　值得等服務員好好笑容住附近　會繼續嚟食

Caramel crepes ($52)Mango banana pancakes ($75)👅呢間期待左好耐既pancake店🤓🤓去到見到得勁少位，而且好耐先整到一份咁🙁應該係因為得一個人手，搞到等位加等食都等左成粒鐘😕😕仲要麻麻地又唔抵食😟😟個pancake最差👎🏼又薄又太實，無咩蛋香🤔芒果又酸👊🏼上面個球係sorbet~個crepe就好啲，林林地同焦糖脆脆幾夾😃個球焦糖雪糕入面有啲nuts👍🏻👍🏻但整體好麻麻，唔洗試😗😗好食既話要我等條氣都gur啲啦😔

本人從來不會寫食評的，但今次實在太嬲了昨天一家人專程去試一下這間出名的巨人慕絲班戟，到達時5點老闆話未有叫我們1小時後再到，經商量後因大家都好想吃便決定只好行1小時再來，6點15分再到店時佢又話忙未整，語氣重好似冇嘢咁，亦好似原全唔記得我們一家會再來，只說又要再等45一60分鐘才有，當時已好嬲，但店員仍若無其事地説了一聲唔好意思就算，我們只好叫其他食，看了之後唯有食其它慕絲班戟，再叫時個店員才說其實全部都冇，我們一家即起身走，決定以後不會再去此店，做生意竟然服務咁差，完全無視顧客，只用招數招客，卻貨不對板，浪費時間！希望特登去的人去前想清楚，免受氣。

上網見到屯門有pancake食滿心歡喜地去試下我地十點三去到要留電話話可能要等成45分鐘就到打俾我 好啦 噤我同朋友去食住其他之後十一點我地準時到叫左一個焦糖脆脆可麗餅，一個pancake焦糖脆脆可麗餅$60 其實味道ok的但份量唔多 我地好快就食完十一點三送到，之後一直等期待中的pancake到十一點九都未到，朋友去問下但問到個唔係好知我地坐邊既員工噤我再去搵幫我地寫單既員工佢就話"出緊咖喇其實"嗰下我當堂呆左排隊45分鐘，再等多50分鐘先有得食個pancake?仲要噤既態度，幾好食都係假啦？仲要個pancake好似食空氣唔係難食，但$90 1d都唔值仲要受氣！

屯門竟然開左間食CREPE 的小店, 即去!菠菜三文魚意粉: 煙三文魚得一塊... 不過意粉al dente,  個CREAM 汁又唔會漏, 因為汁唔多, 剛好沾滿意粉, 好食。不過好細兜...要70-80蚊....貴啊傳統法式CREPE: 俾左檸檬我自己吱下去,另有D 糖霜在面, 我特登叫少D 糖霜,因為怕甜。加左LEMON JUICE 酸酸甜甜好正! 餅皮煙煙UN UN, 超中意食CREPE啊! CREPE反而只是AROUND 50蚊, 平過D 專食CREPE GE 店。

這天跟老公一起放假，坐住我們的新車四處去，比平常更更早回到屯門，但是沒有晚餐的胃口，我們便跑來這間又有西餐又有甜品的餐廳，整間餐廳的座位都不超過10個，真的麻雀雖小五臟俱全，門口更有iPad餐牌，未免太先進了吧其實事前我已經點了意粉喂飽老公，畢竟甜品才是我的主角，所以我只介紹甜品。最近都好想食法式焦糖燉蛋所以就點了這樣，等待的時間不是很長，等了一陣就出菜，焦糖的部份有點厚度，變想表面多了一層咬口，蛋香而滑，苺超冰和很酸！不過是正面的酸，口感不錯，位置算方便我家，會再來吃。

同屋企人食完飯唔夠喉，美中不足唯有上OpenRice搵搵屯門有咩甜品好食。自知自己都食過好多間，屯門既都食過唔少。但呢間鋪值得再試❤️首先，佢啲裝修同音樂都係我好鍾意個type，而且佢既甜品雖然唔可以話100分。但用料+誠意都有90。用料靚，員工好禮貌，值得一試！

應該係開左鋪冇耐既小店？叫左個焦糖燉蛋，塊焦糖真係好厚入面d蛋好滑 價錢係比其他糖水鋪貴既但分量都唔少 同真係幾好食老闆態度都好好 食到一半 佢過黎問我好冇食黎到紅橋呢邊可以試試

成日以為屯門只有傳統中式食肆，例如燒豬，最多都只是有糖水之類。朋友介紹這間小店如果唔講會以為去左中上環蘇豪區或者是東區蘇豪，店鋪雖少只有十來個位，但製作認真程度驚人，用料一絲不苟，主食水準中上，但甜品質素直逼五星級大酒店。總括而言，是強力推介的法式甜品小店

雖然細細間但啲意粉拍得住有名氣既意大利餐廳好好食呀，我尋覓左好耐屯門幾時先有好食既意粉食，終於俾我搵到個海綿蛋糕真係食過番尋味啲意粉煮得岩岩好，汁又岩岩好啲料應該都吾係用cheap 料😊

熟悉屯門的朋友，便知道虹橋一帶係搵食嘅好地方 不論甜品、牛腩麵、日式拉麵、串燒、cafe等，種類多但價錢平。但今次聽聞新開了一間法式甜品店，為食又好奇的我倆便去一探究竟。店鋪面積較小，但裝修有特色，融入了法式元素同店主心思。不過搵食之旅重點不在裝修，當然要運用味蕾啦！榛子法式班㦸皮薄，榛子醬濃而不膩，筆者認為最好食最有特色係趣趣。可惜味覺不全，未能食出什麼味道，但感覺少甜而有點似可可粉的味道，加上趣趣口感朱古力法式班㦸連唔係朱古力迷嘅筆者都覺得好食，朱古力醬甜味同可可味可以搵到平衡，難得店面不大，門外有人排隊，我倆就退位讓賢，外賣一個榛子法式班㦸予女友家人嚐鮮。走前女友登記為會員，未來將享有優惠。聽老闆娘講會員人數額剩下不多，屯門人快d試下呢間性價比高嘅特色小店啦！心動不如行動呀！

屯門這個彈丸之地，其實有好多好野食。今次我就黎左呢間法式食店吃晚餐。去到的時候是星期六大約8:00pm，不用等位。我和老公二人點了一個法式火腿雜菌蛋餅，一個卡邦尼意粉，飲品則點了杏仁茶和香芒甘露。先來的是飲品，杯子很特別。香芒甘露芒果味十足，喜歡芒果的朋友不妨一試。杏仁茶富有杏仁香味，口感幼滑，由於我十分喜愛杏仁味，所以覺得杏仁味可以再重一些。(杏仁茶忘了拍照...)然後來的是蛋餅，蛋餅的中央有一隻一拮即穿的蛋黃，我將蛋黃拮穿了，讓蛋汁流到蛋餅，然後再吃。這個蛋餅很好吃呢，當中的雜菌也是很有味道的，與蛋餅很配。下一道是卡邦尼意粉，味道適中，不會太膩。當中也是有一隻一拮即穿的蛋。經店員哥哥推介，我們吃完主菜後決定追加一個甜品。店員姐姐說，如果吃完主菜都就飽，可以選可麗餅做甜品，便會剛剛好，不會太飽了，所以我們最後點了雜莓鳳梨可麗餅。可麗餅是偏向薄身的，左邊塗了雜莓醬右邊則塗了鳳梨醬。食埋佢之後就滿足得黎唔會太飽。雜莓方面有啲酸得滯，不過雜莓醬吃得出真是用鮮莓做的，鳳梨那邊就好好味。這間店環境溫暖，食具乾淨，食品用心製作，店員nice，值得再來幫襯。