影片
以上资料只供参考，请与餐厅确认详情
相关文章
今日去开佐敦，一于去试埋呢一间收藏咗好耐嘅舖头。本来以为舖头净系可以卖酒，点知原来都有两张枱可以坐低品尝饮品同甜品。我嗌咗斑斓咖啡同埋斑斓芒果卷即场试食，斑斓芒果卷好香芒果味，不过就比芒果抢咗味，斑斓味冇咁出，如果钟意食斑斓可能原味会比较好。另外斑斓咖啡好吸引，首先咖啡豆已经好香，唔会过浓同好重烘焙味，撞落斑斓同奶个比例十分之好。本身仲谂紧晏昼饮咖啡好惊夜晚瞓唔着，不过好彩最后有事到，如果唔系好后悔。同时我亦都见到有斑斓莲子薏米水，下次经过一定要买嚟试，其实舖头嘅产品都唔贵，一定会再去帮衬。
继续阅读
因为妈妈喜欢斑斓口味，平日打波经过见到呢一间专卖斑斓嘅店已经好想试吓，就系妈妈生日订了一个斑斓芒果蛋糕，有惊喜👍 斑斓味好香好天然，无平时食其他店嘅好似落咗添加剂嘅感觉，忌廉唔会好甜，没有遮盖斑斓嘅味道。妈妈平时好怕食忌廉都觉得呢一个好好味，仲比平时食多咗一件👍我本身对斑斓口味嘅食物一般般，都好钟意食呢个蛋糕，蛋糕质地好松软，忌廉滑溜，加上生果都好新鲜，所以我好推荐大家试吓。下次我会试吓开心果酱味同埋斑斓栗子味👍👍支持小店，加油！💪
继续阅读
想试好耐，今日终于去左买黎试。平日下午都有2、3个客人买紧，好彩大多数既款式都仲有，可以买到心头好。第一次食，买左件原味切件卷蛋试下先~果然同其他食评所讲既一样，卷蛋食落只有淡淡既班兰香。(可能因为佢系用辣鲜班兰叶整？🤔) 但蛋糕体好松软湿润，忌廉够滑够奶香。下次会想试下佢原个既戚风蛋糕🤤
继续阅读
几年前买蛋糕食，当时食物质素十分满意，比得新加坡买既。今日经过佐敦，原打俾买蛋糕，但入门完全没有蛋糕香味，烬想买既款未巿。于是买杯咖啡黎解暑，但发现班兰咖啡，完全没有班兰味，只有淡淡咖啡香，😓名不符实。早知去7仔买。没有下次。
继续阅读
佐敦呢间小店系上海街同宝灵街嘅Corner位， 只卖蛋糕甜点同饮品。佢同坊间不同之处，佢主要系卖班兰制品。班兰叶系用新鲜，并非如坊间添加人造色素同香精，所以佢嘅出品只系有淡淡的浅绿色同班兰味。佢嘅班兰戚风蛋糕，每次只焗制少量，一日会焗好几转。所以买到嘅都系即日新鲜热辣出炉，摊冻之后再入袋。所以蛋糕口感特别弹牙松软，有真正嘅班兰味道同香味。比起新加坡名店绝对不相伯仲！另外仲试咗佢哋嘅黄金板栗班兰卷。即使第二日先食，口感亦好松软，栗子🌰味浓，同班兰绝对系绝配。临走前，见佢有班兰咖啡，马上order一试。由于班兰汁系用新鲜班兰叶即榨汁，本身有啲苦涩味，应该要求加多啲糖水先得。总括来说，绝对值得我哋经常帮衬！
继续阅读