琛夜食堂 (已結業)

厚福街其實有很多不同種類的餐廳，之前在這裏食飯的時候，留意到這間日式燒烤店都好想試吓，所以今晚約了兩位吃貨朋友一齊潮聖😄見到門外招牌好靚，店內設有室內和室外場地供食客選擇，最近秋意濃🍁所以我們選擇了室外。其實涼涼哋都幾舒服，別有一番風味。望吓餐牌，好多東西都想點，有pizza, pasta, 沙律，各式各樣的燒物，海鮮sashimi等等。店員話而家有個優惠，如果點酒類飲品的話，可以以半價優惠品嚐貝類食物，我們當然不會錯過啦😜我們都點了冰凍的啤酒，之後再點了幾款燒物。《煙三文魚雜菜卷》煙三文魚~又係我的至愛😋煙三文魚包住非常爽脆的雜菜，口感好好。《意式香脆蟹餅》同個菜名一樣，好香脆，有彈牙感覺，餡料還有些雜菜之類，即使放涼了還是脆，這個唔錯。《香煎蘇格蘭三文魚扒配芒果莎莎》三文魚煎至金黃香脆，配上蔬菜和薯蓉，薯蓉幾滑，醬汁是芒果沙沙，酸酸的幾醒胃。《秘燒鮑魚仔》鮑魚仔燒得好靚， 搽上燒汁， 口感更野味，煙靭。《蒜蓉燒蟶子皇》好香濃蒜蓉味撲鼻，蟶子不會靭，無沙。《鹽燒雞翼》雞皮燒得好香脆，鹹鹹的，幾惹味，肉質嫩滑。《芝士鰻魚玉子燒》賣相好靚，上面還印有“琛夜食堂“商標，必屬佳品😂店員等我們

今次第一次用openrice book位，有25分Asia Miles回贈。呢間餐廳奇奇怪怪，要填個人資料成為會員先可以食飯，如果大家唔想提供個人資料，建議大家唔好去，而佢哋份表格度亦見唔到有任何可以opt out嘅字眼，如果一早知道我一定唔去。餐廳由名到裝修都想走日式居酒屋路線，但偏偏餐牌唔見得係日式，串燒，清酒都無乜選擇，無壽司，無刺身，主食以西餐為主，想食個最基本嘅生薑燒都冇，食物味道一般，有一個汁燒娃娃菜建議大家唔好叫，鹹到我標眼水。但餐廳有室內區同室外區，環境裝修輕鬆自在，如果想幾個朋友飲吓嘢，有啲嘢食吓，都仲可以一個尚可嘅選擇

琛夜食堂是樓上舖餐廳，在藍馬商業大厦𥚃，有著不同的食店，逛街逛攰了，就來這間吧。用餐區不大不小，但也有十多張枱，也有bar table。芝琛玉子燒 - 熱騰騰而又滑滑的，裡面是溶化了的芝士和野菌，店員還很細心的代為分切👍鹽燒牛舌 - 夠大塊，夠爽，不蘸醬汁食原味，滋味。燒蠔 - 蒜香味重，蠔肉也算新鮮✌荔枝煙肉串 - 荔枝及煙肉味也融合到，荔枝感覺上減去煙肉的油膩感。原條蒲汁燒鰻魚飯 - 鰻魚夠腍而充滿著蒲汁味，飯也夠熱。意式白酒煮青口 - 中型尺寸的青口，有十數隻，青口肉質夠爽，除了白酒，還有些洋蔥及沙律菜調味，感覺也搭配。部份餐牌總括而言: 食材新鮮，上菜也快，也沒有進餐時限，感覺良好。

餐廳在尖沙咀厚福街的大廈裡，交通方便而容易找到。內裡也敞大的，除了室內食區，也有室外食區。餐廳有炸物，燒物，鳥冬，燒海鮮等等的食物供選擇。也有少量西餐食物可選點了以下小食嚐嚐：燒蠔 $58/隻中型尺寸，多蒜，也新鮮及鮮甜，是較爽口的那種。芝琛玉子燒 - 野菌 $78有點甜甜的，軟綿綿的，又充滿著溶透的芝士及野菌，幾好食。 荔枝煙肉串　＄68 2串荔枝及煙肉配搭新穎，荔枝中和了煙肉的咸，感覺特別。蒜香燒虎蝦　$88  1 隻很多的蒜，夠大隻，肉也結實而有鮮味。德國腸拼盤  $68有點兒西式的燒腸原條蒲汁燒鰻魚飯 $128夠大條而多汁，味濃，上枱䁔䁔的，剛剛好。食后感 : 座位舒適，用餐也沒有限時，食物質量也算OK。

偶爾到尖沙咀搵食，到厚福街見到易拉架show個menu，48蚊自助餐湯沙律跑吧午餐套餐，香煎牛扒加40，在尖沙咀可以88蚊食牛扒連自助沙律吧，即刻去試試。小店座位寛敞舒適，沙律吧款式不多，但仍有我最喜歡的凍雜腸。主菜來到更是驚喜，賣相很好，炸薯角炒雜菜是即叫即整，唯牛扒質素一般。可能在商業大廈，顧客不多但環境非常舒適，埋單才知不用加一，在尖沙咀區來說性價比極高。

今日約左好朋友聚一聚, 甘岩當日落大雨, 就去左地理位置非常方便嘅琛夜食堂喇! 當日落大雨都坐到爆哂棚, 餐廳職員安排左我哋坐出去, 非常大風! 呢度仲可以食煙, 好岩三五知己傾吓計!打開meun, 食物種類都幾多, 有沙津, 串燒, 燒玉子, 炸物併盤等等。我哋當晚都幾肚餓, 就叫咗好幾樣料理喇!牛油果蟹籽沙律牛油果與蟹籽份量十足(出面d 餐廳唔會俾咁多), 加上沙律菜十分新鮮, 兩者mix 埋口感爽口, 且非常口胃, 做前菜就最啱喇! 琛夜併盤呢個併盤好大份! 芝麻雞翼釀得好香, 炸得香口但又唔會太乾! 炸南瓜有驚喜, 外皮好鬆軟，但入面南瓜蓉十分香甜! 蝦多士入面嘅蝦肉好彈牙, 好好味! 咁嘅價錢食到咁多樣炸物，CP 值好高！鰻魚玉子燒蛋很鬼滑，大大條嘅鰻魚包哂入蛋度，意外地加上芝士，玉子燒入口即溶，果然冇令人失望！西班牙海鮮炒飯每粒飯都被鮮濃的湯汁包圍著，一淡一鮮味，停唔到口，最重要係有香料襯托，成個飯食哂。鹽燒牛舌牛舌好爽，一d 都唔腥，而牛舌完克全全索哂醬汁嘅味道，食完又食，用嚟佐酒一流！

今日約左朋友出去the one同Mira place 行街，約好左一齊食個lunch先開始shopping。朋友帶左我嚟食呢間餐廳，話好抵食！午餐餐牌48蚊包沙律、湯、甜品任食，再加一杯飲品。可以自已揀加唔加主食，最平加10蚊就有，最貴都係30蚊。沙律bar有好多款揀，有生菜、薯仔、火腿、炒豆角、椰菜花、雜果，仲有幾款醬揀。我最鐘意係千島醬，加落沙律到好夠味！湯係菠菜忌廉湯，將啲菠菜打到好碎出曬味，忌廉湯好creamy，因為任飲嘅關係，我忍唔住飲左2碗。主食加左10蚊叫左意式乾茄大蝦意粉，意粉軟硬啱啱好，大蝦都幾新鮮。係味道淡左少少，整體都唔錯。甜品係芒果布甸，份量細細杯啱曬飯後食。

今日公司午餐聚餐, 去一間我和同事之前有想過試嘅呢間琛XXX, 因為之前佢哋放咗個餐牌係條街, 即係大廈出面, 吸引咗我哋望兩眼, 諗住有新嘢試但日日係附近返工, 最緊要午餐個餐冇加一, 咁佢冇寫, 啲餐又唔吸引 當然冇幫襯...今日竟然有機會試, 見佢餐牌有牛扒, 即刻想試下......等咗好耐好耐, 終於等咗一份8成至9成熟的牛扒了,  但我係ORDER 5成熟的明知道好多餐廳都會煎到過熟, 但冇諗過佢真係全熟畀我, 唔緊要, 如果佢要當自己係茶記, OK的, 咁就冇必要問我要幾成熟啦, 唉, 仲要話因為人太多, 師傅做唔切, 令我哋全枱都等咗超耐, 起碼8個字(40分鐘)忘記講...佢哋係有自助沙律和湯可以食先嘅, 但.......質數就好差下, 除咗罐頭菠蘿係有味之外, 啲所有湯呀, 甜品等可以用難食嚟形容 , 講返個主菜, 牛扒實在係太堅硬了, 仲要冇牛肉味....正確嚟講應該係冇味...好明顯係未溶雪就立即掉落個鑊度由得它慢慢煎...但師傅叻, 冇煎燶喎...唉, 我真係怕UN胃, 唔使錢食呢餐啫, 都唔好搵命博, 下晝仲要返工架, 胃痛就無謂啦...諗住飲杯凍檸檬茶就急急

約了老公今天晚上去看Mission Impossible，看戲前當然要先把肚子填滿。朋友介紹這一家可以串燒，又有其他fusion，就去試試。餐牌- 有fusion， 串燒，玉子燒，pizza，意粉，焗飯，款式蠻多~串燒拼盤- 有牛舌，大啡菇，荔枝煙肉串，鷄翼，串燒燒得出色，特別喜愛鷄翼串，燒得非常香脆。鰻魚玉子燒 - 蛋很嫩滑，還有整條鰻魚在內，加上滿滿的芝士，入口口感豐富，必試。蟹餅 - 有兩件，份量蠻大，裡面加了蝦肉，頗彈牙。燒黑玉貝，燒鮑魚- 食材十分新鮮，燒得剛剛好，很鮮甜。 石鍋牛肝菌雞柳燴飯- 牛肝菌帶出味道很香。原來最近有優惠，惠顧任何酒精飲品，所有貝類食品都獲半價。下次要再來吃。

平時去開旺區食飯，餐廳入邊都會塞滿晒枱，每張枱都係好似枱貼枱咁，想講嘢講得大聲啲啲都唔得，一啲私隱都冇。如果大家係想食下小食，同朋友傾下計，咁你嚟琛夜食堂會係一個幾好嘅選擇。餐廳有分室內同室外，我見呢排涼左少少，所以就決定坐室外，加上佢有一把風扇，所以都唔會話好熱。成晚室外都唔係話超級多人，加上侍應又唔會好似想趕我地走咁，食完野之後繼續同朋友都傾得幾自在。嘢食方面有串燒，炸物，沙律，Pizza，飯等等，都幾多選擇，而且大部份價錢都係$100以下，都幾抵食。牛油果胡麻蟹子沙律 $98一開始食個開胃菜先，佢個醬汁係芝麻醬，配上新鮮沙律菜，好惹味，而且牛油果好大個再加埋啲蟹子，好有口感。琛夜拼盤 $88由於有好多炸物都幾想食，所以就決定嗌個拼盤，入面有炸雞翼，蝦多士，炸薯角，仲有個南瓜炸奶，全部上菜時都係啱啱新鮮炸起，外脆內熱。其中最欣賞個雞翼同薯角。芝士鰻魚玉子燒 $88呢個係一個好邪惡嘅玉子燒，佢出面係好厚嘅蛋，入邊係有鰻魚之外，仲有一層嘅芝士，每一啖都好滿足。石鍋西班牙海鮮炒飯 $98好足料嘅海鮮飯入邊有蝦青口同魷魚。西班牙包乳豬多士 $68幾時特別嘅配搭，佢有蕃茄，乳豬，青瓜，沙律忌

走進厚福街、看見有大招牌、有$48起既 自助沙律、甜品 lunch set, 就走上樓試吓、樓上舖、不用等位、當時心諗是否中伏、叫了墨西哥卷、味道不錯、沙律看上去很乾淨、新鮮、醬汁多選擇！仲有甜品、最後咖啡就很難喝！總結是超抵的午餐！一定會再光顧！

看過同名日劇就明白這種情意結，一直都好想可以在香港找到那間深夜食堂！經朋友的朋友一再介紹，才知道尖沙咀這個角落樓上開了這間食店，急不及待就要來體驗一下！雖然店內的set up、menu不同，但那種輕鬆、可以放下一天的工作的感覺卻跟日劇故事一模一樣～隨心點了幾款小吃，玉子是店主特別設計的除了不同菜款(野菌、鰻魚等)外，還加了份量不少的芝士一起制作，配上蕃茄醬是味道不錯煙三文魚雜菜卷：中間夾著雜菜條，口感特別清新！秘汁白鱔燒：魚很新鮮所以肉質好彈牙好好吃！

呢間店係尖沙咀區真係好抵食,又有沙津又湯又有飲品，主食份量都夠食而且味道又幾好。覺得蛋沙津做得好味。😍😍😍😍主食方面,薯角就唔算脆但都好味既。以我點呢個餐$58左右價錢真係可以再來食。

之前朋友介紹過厚福街有間餐廳的午市自助沙律吧很抵食，而且額外再加少少錢就有一份主食。適逢見工後我已又攰又餓，我就決定試一試朋友這個推介，不再花時間去思考午餐的地點。餐廳於厚福街一商業大廈內，樓下門口總是容易被人忽略，我多次來回才看到大廈入口。由於我到達餐廳時已大約下午2點半，餐廳客人較少，可以隨意坐下。我個人就挺喜歡這樣的環境，可以好好地安靜地去享受我的午餐。午市餐牌的選擇有很多，我就比較偏好意粉，所以就揀選了法式龍蝦汁海鮮意粉。下單後，我就到自助沙律吧取食物。餐廳分別準備了5款不同的沙律，當日就有碎蛋沙律和風蕃茄青瓜沙律雜果沙律凱薩沙律及意粉沙律。餐廳亦提供不同的沙律醬和數款沙律配料，那當然少不了餐湯和甜品。我個人最愛就是碎蛋沙律和是日餐湯 - 意式雜菜湯。餐湯我共飲了3碗，一來我很喜歡這個湯，二來湯是十分夠熱而且足料，非常美味絕對沒有馬虎了事。西芹紅蘿蔔洋蔥，全部切成一粒粒去煲，再加入茄膏，味道香濃厚身。即使沒有肉類的味道，亦有蔬菜的清甜，很好。大約十分鐘後，侍應便送上主食。賣相精緻企理，廚師用心擺盤絕對值得一讚，因為要客人欣賞食物，廚師就必先要尊重食物。我個人就很欣賞他這份心思，

我第一次來食 感覺好親切 串燒勁好食 我特別鐘意牛舌 好有口感 我知玉子燒好出名 我都叫左一碟 賣相好睇仲要有邪惡流心芝士我鐘意琛夜食堂嘅環境好似居酒屋咁，仲要出面有露天平台！