瑞士㗎啡室

营业中

休息中

今早見客，又見落雨怕塞車所以早左出門，點知比預計早到。因此有時間慢慢搵餐廳早餐，平時經過呢頭真係唔會留意到，因為門牌唔算明顯。但入到去真係有相逢恨晚嘅感覺😂😂裝修好懷舊，格仔地磚同燈光都好有花樣年華feel...最啱輕輕鬆鬆坐低飲杯咖啡。見到佢地餐牌，其實下午茶嘅瑞士雞翼，黃金磚都好吸引架，一定會再黎試。早餐我叫左仿鮑片五香肉丁米粉，配沙嗲牛潛艇，茶走超值超低，叫一個餐當到我2餐份量。重點，我好欣賞佢地嘅肉丁，粒粒肉，唔會好似平時嗰d咁多肥肉，而且份量好多，啖啖微辣肉丁，真心好食。忍唔住問下呀姐，原來係佢地自己工場自家做架，怪不得咁好食。食得夠安心👍👍👍

荔枝角工廈林立，想搵啲好食嘅茶記，一啲都唔容易呢。呢間係其中一間我間唔中會幫襯嘅。相隔幾年再嚟，懷舊感覺依然，而且人情味濃厚。我地一坐低，服務員姐姐就已經攞咗兩杯滾水過嚟俾我地浸筷子瓷羹，然後又介紹我地是日午餐係有啲咩款式，呢啲咪叫做服務囉。我地揭開本餐牌，選擇多籮籮，咁我就點咗個「傷風感冒餐」，其實係番茄火腿通粉。咁多年個名都冇變過，幾搞笑！午餐最正就係包埋杯嘢飲！男朋友就點咗個滋補淮山杞子雞湯飯，$50大大碗。裡面除咗見到有淮山杞子之外，仲有紅棗，啱曬女士補身用啊！我試咗啖湯，好有雞湯嘅鮮味，非常正呀！下次我都要嗌呢個湯飯先得！

今日行開荔枝角，行到肚餓，想去茶餐廳食下野，同朋友經過瑞士㗎啡室，見到門面好有港式風味，比佢吸引住就試下啦。要讚呢度出餐效率超快，呢頭嗌完，果頭就上枱。👍🏻真係快靚正！嗌左個11點後可以嗌嘅「茶餐」——「沙嗲牛肉麵配牛油多士同埋火腿奄列」($47)。上枱時冒煙，湯底夠熱。沙爺牛薄身，又滑又腍。沙爺醬微辣。麵唔會太腍。多士烘得香脆，奄列餡料十足。加左$3嗌凍鮮奶🥛。午餐A：乾炒雞絲意粉($48)夠鑊氣，色水雖然望落呈深啡色但唔會好鹹。配菜有蔥同洋蔥，入口更香！跟餐送熱飲。點左阿華田，又熱又香。星級推介「梅菜扣肉飯」($52)梅菜甜甜地，扣肉大大嚿，肥瘦適中，好入味，汁夠多，送飯一流！😋

今日食既呢間係全港都好多間分店既瑞士咖啡廳，呢度既裝修好有茶記的感覺，價錢唔算貴，而且選擇都幾多下愛牛既我點左個焗咖喱牛魔王飯，由於到左下午茶時間，可以揀要正常size或下午茶size，我揀左下午茶size，估唔到都幾大份！超多既材料包括有牛肉，牛脷，牛腩，而且上面D咖喱汁係加左芝士！成個超邪惡味道真的不錯，肉都好嫩滑而且夠哂入味友人點左個炸脾下午茶，咪睇隻脾好似唔係好大，但係係生炸既！味道比起落重炸粉既好味得多，而且口感一流！值得推介

以前係中環返工 成日都叫瑞士做下午茶今日去開荔枝角 一search 就見到附近有瑞士咖啡室真係好懷舊風 一步之差 就返左60年代咁😂瑞士雞翼撈麵黎得瑞士 緊係食瑞士雞翼一睇顏色 就知醃左好耐 好上色瑞士汁 就係甜甜的 真係入晒味👍🏻貼心的 俾兜汁你 等你自己控制汁既多少西多士由2塊麵包炸成 滿滿的蛋漿 炸到有絲😍😍仲好邪惡 中間夾住花生醬餡唔會炸到乾同硬 仲有麵包既軟熟奶茶控的我 當然又係叫凍奶茶識飲 一定係碎冰最好飲仲用埋不銹剛杯 凍上加凍🤣✌🏻

常餐尼講我同佢都算係幾friend😌因為我試過一日3餐都係食茶餐廳常餐（應該無人破到我記錄🙃）而呢間瑞士咖啡室我喺唔同分店都食過幾次了🤣係好食嘅👍🏻同每次都食到飽飽🤰🏼✨瑞士茶餐A✨ $49 (凍飲加$3)瑞士雞翼好入味🐤甜甜的唔會太咸有4隻好開心😍火腿奄列好食🍳🐷唔係平時茶記油浸嗰種（你懂的)奄列煎得岩岩好🐣有蛋汁架火腿都比得多👍🏻牛油多士烘得外脆內軟麵包夠厚身牛油都是搽得厚厚的一層😛最令我印象深刻嘅係杯凍奶茶🥰好靚嘅黑白淡奶鋼杯啊👀紅茶味香濃而不澀口又幾滑茶奶比例岩岩好☺️✨菠蘿油✨ $17 🍍正‼️邪惡到一個點😈熱辣辣ge菠蘿bell夾住大大塊ge鮮牛油🧈好和諧🤤菠蘿包個皮好香脆麵包好軟熟😍✨粒粒金磚套餐✨ $39其實可以自由選擇金磚配其他小食etc.吉列魚/豬...但我地實在太熱愛瑞士雞翼了🤣西多士預先已搽左大量牛油😏多士好重蛋香🥚好好食🤤

陪友人係香工掃貨行到累，又係時候覓食，就去左呢間充滿港式懷舊佈置既茶餐廳，座位都幾多，總共有2層，叫左2份常餐，呢到出名瑞士雞翼同雞髀，我地每人叫左個餐。🔻瑞士常餐A餐本身係跟全翼2隻，但賣晒啦，所以換左4隻雞中翼比我，仲好啦，方便食🤭個麵底都幾多選擇，通粉，意粉，米粉，出前一丁，福字麵，後2者需要加錢，瑞士雞翼，個汁唔會太甜，岩岩好，而且好入味，好食

附近上完堂食個常餐, 成日係荔枝角, 其實食既野選擇都唔係太多, 其中好食就係瑞士咖啡瑞士雞翼就喇, 餐廳環境好有懷舊感, 疫情下都有分格板, 唔多人, 唔洗等位, 感覺都好整潔, 下午茶叫左個常餐, 個奄列轉左火腿太陽蛋, 嚟到伙記先話原來唔轉得, 今次照轉比我🤣 聽講話瑞士汁撈公仔麵最正, 但係突然想食出前一丁所以冇試跟餐牛油多士唔洗加錢烘底, 個多士唔知點解特別好食😂瑞士雞翼真係正, 仲要兩隻雞全翼, 其他野就正正常常, 總括嚟講都好食同抵食👍🏻

午餐 - 茶記篇- 【瑞士咖啡室】午餐通常都會想楝啲有特色或者坐得舒服啲😌 因為難得放飯， 當然要好好慰勞自己上午既努力 一星期午餐一定會有2- 3 日食茶記，荔枝角太多正既工廈茶記/冰室 ， 今次去呢間就係位於福至工廈地下， 呢間好出名架 好喇， 今次午餐有姊妹陪我食 ， 好幸福就嗌左係乾炒牛河 ， 椒鹽豬扒飯 再加2隻瑞士全翼 × 2隻 估唔到落左單 ， 咁啲野食好快就到喇 味道 : 乾炒牛河夠火喉 ， 牛肉新鮮又唔好炒到柴哂 ， 再配埋辣椒油正 椒鹽豬扒飯估唔到份量都好夠， 椒鹽wo 當然夠惹味， 配飯一流 招牌瑞士全翼掂wo, 價錢唔貴又係瑞士汁， 唔會hea 整 餐廳環境: 懷舊feel 正 價錢: ⭐⭐⭐性價比 : ⭐⭐⭐⭐店員: 都好有禮貌

工廠區🏭入面既懷舊港式茶餐廳, 裝修真係好吸引, 充滿舊日既香港情懷。。卡位木櫈呀🪑黎到咁特色既茶記梗係要叫返個常餐先啦😆 「常餐A+凍檸茶少冰少甜呀~ 唔該😝」1️⃣ 瑞士常餐A(火腿奄列+牛油多士+瑞士雞翼+公仔麵)呢度既常餐有兩樣野幾推介 牛油多士: 麵包烘底脆卜卜, 牛油滲左入麵包幾香口; 瑞士雞翼: 兩隻瑞士雞翼都大大隻, 仲要係雞全翼黎添架🐔 瑞士汁甜甜地之餘仲幾入味添~ 稍稍覺得肉質唔夠滑嫩😛 茶記味黎架嘛😆

雖然瑞士咖啡室出名瑞士雞翼同瑞士雞髀 我地今日係食佢既午餐🥘香煎雞扒煎蛋大碗飯配照燒汁 🍳兩隻煎蛋係荷包蛋 最正係燶邊 仲有流心蛋黃 撈白飯一流 雞扒都算大塊 煎得幾香 但係略嫌醃得吾係好夠味 仲有少少殘餘雪味 叫得大碗飯果然好多飯 下次一定要少飯食唔晒好浪費🍚薯仔牛柳粒飯 都幾多牛柳粒🥩但肉質麻麻 薯仔炸過香口 但黑椒汁太杰 少少敗筆 杯奶茶就100分♥️茶底夠濃 奶滑 熱辣辣 仲用左懷舊黑白淡奶杯 夠保溫又有風味長沙灣呢間個裝修夠得來都幾有懷舊感覺 坐近水吧 睇到啲員工做嘢嘅效率！

同老公食早餐嗌左個瑞士雞髀早餐, 加一個肥牛米線。首先隻雞髀有怪味，唔係變壞嘅味，係一隻說左唔知幾耐嘅雪酥味。餐廳換咗兩隻雞翼俾佢了事。跟住到我食食吓,老公發覺我隻碟上面有隻好細隻死咗嘅曱甴（隻碟係墊住個米線嘅碗.佢係對住佢嗰邊嘅碟邊見到），同職員講，職員攞起隻碟,就唔知回應咗啲乜嘢後，就用食指挑起隻曱甴行左去，好似冇事發生過咁 諗住都由佢；再食食下，發覺我碗肥牛金菇米缐，剩係得一小撮乾乾地嘅金菇，見到都唔想再食呢間野真係下次冇幫襯

待應姐姐服務態度都幾親切～叫完常餐好快手有得食～雞髀非常入味 甜甜地 又唔會過咸🥰通粉都煮得啱啱好 份量好足係附近翻工 咁啱經過陣時黎食一餐真係唔錯四十幾蚊 又飽肚上菜速度都好快會再試

第一次食瑞士咖啡室🙈🙈🙈三點三時間，食個下午茶就開心不過🥰🥰其實佢地本餐牌好厚好多選擇，睇到我眼花繚亂丫😅既然第一次食，當然要食最人氣既瑞士雞翼啦，咁就揀左常餐A喇😆幾分鐘後咩都到齊🤣影左一張寫真後急不及待開動啦🤤🤤原來係雞全翼架😳好少見，而且係出晒煙熱辣辣既！！😭食物溫度真係好重要！！！最怕會好甜，好彩廚師拿捏得幾好，甜度都接受到，唔算真係好甜喎😋要讚讚跟餐果個火腿奄列👍🏻蛋炒到半熟，仲有啲蛋汁係最好味既！！火腿絲唔係敷衍比幾條就算🤣夾埋方包食又係另一個好選擇😋有機會再試其他tea先😌😌😌

呢日去荔枝角買嘢 就去瑞士咖啡室食個飯瑞士咖啡室嘅招牌一定係瑞士雞翼 我就叫個常餐食一碗麵有四隻雞翼 煮得好入味 公仔麵我轉咗出前一丁 加$4包粉會幫你落咗先 包油你就自己落 其實一個麵我自己食唔曬 轉出前一丁都有啲浪費個常餐仲有火腿俺列 多士即上要熱食 火腿俺列半生熟 剛剛好 多士裡面嘅牛油溶咗係麵包入面 好味之前係中環店飲過茶走 無茶無奶味 好淡 今日飲呢杯就好味 好濃嘅茶味 練奶落嘅量啱啱好 唔會太甜整體黎講 呢間餐廳嘅環境算幾乾淨 設計有特色 食物質素同以前（2-3年前）一樣好