瓊芳冰廳

营业中

休息中

行完M+就過去圓方搵食，行經瓊芳冰廳門口，比個黯然銷魂飯餐牌吸引住，又好耐無食叉燒，就入去食啦！一大碗飯有4大舊叉燒，半肥半瘦夠厚身唔會過硬，有濃濃焦香味好入味，加埋半生熟雞蛋一齊撈飯，而且採用金鳳米，同普通燒臘店差好遠，所以貴d都值得另外好貼心咁將豉油分開上，鍾意落幾多就幾多，適隨尊便炸雞翼米粉，雞翼炸得好香脆，但又唔會過乾，米粉湯底好好味，唔會好似普通茶餐廳咁用清湯底係圓方可以用咁既價錢食到餐飯，而且仲好好味，已經好滿足

母親節去完名店掃貨，想搵返一間餐廳食飯休息，但無奈周圍都坐滿晒人，幾經轉折先去到瓊芳，岩岩好有最後一個位，即刻入去食飯🤧🤧作為星爺嘅fans，我第一時間就點左暗然銷魂飯！佢個秘製豉油係成個飯嘅精髓啊！甜甜地香香地咁幾好味幾開胃😜😜😜啲粟米粒撈埋食都幾好味㗎！叉燒數量唔多，但係都係啖啖肉！同埋好大嚿不過就略嫌個煎蛋唔夠香，整體來講都算唔錯！至於價錢，以呢個商場來講，有人serve 而且座位都算舒服，埋單每人不用$100 蚊都算係親民嘅！

聖誕節臨近, 去咗西九龍文化區睇燈飾睇完燈飾, 入咗圓方諗住搵嘢食, 唔知食咩好, 就入咗瓊芳冰室諗住食少少野。坐低諗住環境唔差, 食物服務應該都會唔差, 但完全是兩回事坐低望望個餐牌啲價錢都幾高檔, 一啲都唔平, 我叫咗個沙爹牛肉配炒蛋及歐式軟多士配埋凍飲, $61朋友就叫咗個蔥油豬扒煎蛋飯, $72朋友食唔曬, 諗住問佢攞個盒裝起啲, 等咗四五個字都未攞到個盒過嚟, 其實服務真係差咗少少, 人手又唔夠! 以圓方嚟講, 咁貴租咁嘅價錢都係正常嘅

去完西九諗住嚟圓方食個晚飯～圓方一向都係高等消費～想食個平民晚餐就揀咗呢間冰室～食飯時間都冇咩人仲大把位瓊芳黯然銷魂飯圖片睇落幾吸引～4塊厚切叉燒應該係豬頸肉位～有肥有瘦唔會硬～配一小碗粟米粒～如果唔夠鹹仲有老抽俾你撈落飯～不過依個價錢略貴超級雜扒飯有：豬扒、雞扒、午餐肉、腸仔～唔知係咪怕唔夠味仲有姜蓉～豬扒同雞扒都醃咗好耐好淋～厚切午餐肉煎得唔夠乾身如果唔係仲香～腸仔略甜係台灣腸唔係食開嘅雞肉腸～整體份量夠但係冇乜特別～呢個價錢又係略貴超級雜扒餐配熱飲品$75～如果喺圓方嚟講咁貴租算係正常嘅

其實要營運一間茶餐廳應該唔係難、偏偏呢間嘢連一杯奶茶都搞唔好，食物一般，服務態度很差，仲有杯碟清潔唔乾淨，究竟佢哋想點。未試過食完一間餐廳會咁大反應想出post來講下，真係影衰圓方呢個地方。

因為在附近工作，所以以往一星期食幾次，雖然每次幫襯都係1-2個餐，唔係好大張單，都算熟客。近期唔知係咪人手不足，員工長期黑面，都算，坐收銀櫃d經理（我估係高級d啦）態度及語氣異常惡劣，原本對茶餐廳水平並沒高要求，至在快靚正，但幫襯都要無端端受氣真係接受唔到！再加上食物水平一般，佢聲稱係招牌菜嘅叉燒極甜味道過濃，又唔嫩，雞翼又乾又硬，其他食物都普通，選擇也不多，只係蛋撻比較好味。但咁嘅服務態度繼續做落去真係趕客！

人手不足、態度惡劣！一個叉燒煎蛋飯賣成舊水絕對唔係平，唔望五星級服務態度，但都唔係基本禮貌都冇啩！攞位時，門口個面型瘦削嘅女人已經對我哋呼呼喝喝，坐底叫嘢食又扮睇你唔到，鍾意先至走埋嚟催人落單，但又叫乜都冇，仲要手指指嫌你煩咁！我鬼知你邊啲有邊啲冇咩！一係你直接話俾我哋知仲有咩食算啦！又唔講，望多兩秒menu個女人已經黑面粒聲唔出走咗去！我嚟食嘢，又冇得罪你，咩態度呀？最後嬲得濟起身走！呢間嘢都痴線㗎！

買外賣，蔥油雙蛋豬扒飯，想蔥油另一上，付了錢，等等很久還沒有，原來廚房員工下午五點左右會小休，全部廚房員工行行企企, 食緊野，飲緊野，又或在吹水、無人煮外賣。足足等了差不多20分鐘，才見員工開始再煮嘢。𨳒，早講，我等夠五時正，在傍的大快活買外賣晚餐，比在瓊芳（太興的集團公司）買，還要快和平。問處理的待應，竟然愛理不理，祇説廚房在煮，要時間。明明那些廚房人在停手交談，到真正可以有時，蔥油豉油都一併放咗入飯，問待應，態度差劣，以後不再買這間的外賣，無可能這樣對客。

親友介紹去試試，佢地向來嘴刁，所以抱有很大期望，點知希望越大失望越大！我地去食晚飯，好多餐都已經無晒。叫沙牛餐，賣曬！叫蛋撻又無晒！差不多想叫嗰樣無嗰樣。叫免治牛肉意粉又落錯單變左免治牛肉飯。已經好客氣無同佢地追究，但係仔仔好想食意粉所以加單單點免治牛肉意粉。叫左杯柯華田，啲粉完全未融，成層係杯底。港式奶茶淡而無味。人手不足，服務態度極差，食物毫無水準可言。我地係圓方嘅常客，今次絕對中伏，從來未試過係圓方有咁差嘅晚飯經歷。極度失望，一定唔會再幫親！

疫情甘耐，再到圓方睇戲，睇完哥斯拉大戰金剛，搵左間茶餐廳試下，裝修幾好，想試下個黯然銷魂叉燒飯，但無叉燒食，就轉食肉醬意粉，但又無意粉，甘就食肉醬飯，但野食一到枱面，一咬，飯係凍，肉醬麻麻，另外再食個雜扒飯，扒就比較細塊，而且條腸😱都係凍架，奶茶都熱既，以為試新野，原來係太興呢既，以茶餐廳標準都略然太低質量，只勝在裝修還好。若果不是黎睇戲都未必黎，不過價錢邊方面都算中等，因為圓方要搵一間價錢合理都只有大快活，這間算無選擇中的一個較不貴既選擇。餐具要自己自己拎。

入咗去，被安排坐外面商場路口位，明明有另一位置送餐，個個waiter係都要繞我們後面過兼次次都撞到我們張櫈，有waiter都試過隻碟撞到我朋友，稍一不慎實在會弄翻食物在客人身上，加上疫情期間，食嘢時十分不安心。另外，叫左常餐-五香肉丁米併火腿太陽蛋多士及黯然銷魂飯，落單時waiter態度已經勁差，上菜時火腿又變腸仔，五香肉丁份量半安士都冇，蛋都冇同集團敏華的香，叉燒又太鹹，而且全部食物只係微溫，但卻收得貴過敏華，十分不值！總結，服務、食物質素同性價比都不合格，不會再光顧！🤬🤬

今日小朋友喺冰場度學溜冰，我就去咗隔離嘅瓊芳冰廳度食飯。我見到個餐牌又有豬膶麵，作為豬潤愛好者梗係即刻想試。我見佢寫住係”夠薑”就心諗會唔會好辣，當個湯米粉嚟到嘅時候，已經聞到好香嘅薑味，再睇真啲就見到有幾舊細細的薑，再試吓個湯....嘩真係好夠薑味喎。但係試完覺豬潤就覺得佢唔係好夠淋，可能煮得耐咗少少，感覺比較硬。而個米粉嘅份量都比較少，不過一個$44嘅豬潤麵響圓方裏面嘅餐廳嚟講，都叫做唔太貴。我另外叫多咗個奶茶，而呢個奶茶就比較滑，都做出水準👍🏻

今次再惠顧吃沙茶牛肉麵、太陽雞蛋、多士、熱奶茶等食物.牛肉有鮮味又濃郁！煎蛋不論太陽蛋或炒蛋或反蛋都OK!多士如即時吃,鬆脆鬆軟,否則大打折扣.現場惠顧始終最好的味道.

今日早上（27/9/2020）來到這商場，提供早餐的食店只有幾間，見這間有人等位，應該是好野嚟。等了十分鐘就有位，當時是十點，我和朋友一行四人，一坐下，大家不約而同選了同一款早餐~沙茶牛肉麵，平時在茶餐廳多是沙爹牛肉，未食過沙茶牛肉做早餐。除沙茶牛肉麵外，早餐還有炒蛋/雙腸/火腿拼歐式軟多士。麵一上枱，已聞到香味，有少許辣，十分惹味，牛肉好滑，歐式軟多士熱及脆口。埋單，每人$58，比起茶餐廳貴些，但可口已抵番啦。離開這餐廳時，外已有十餘人等位。

因為Elements 有泊車優惠，所以去商場內較平的冰室買了個常餐，這個餐很肥膩又有公仔麵又有五香肉丁又有兩個腸仔，不過好食最重要。而它的出前一丁是用日本版，零舍滋味，五香玉丁份量有多，煎蛋又煎到流心，不用$60抵的。