瓊芳冰廳

营业中

休息中

想食鐵板餐又想環境好,圓方既瓊芳冰廳就岩晒我。佢既裝修好HIGH CLASS咁,叫左個鐵板牛排餐,全熟,薯角好香脆可口,仲有好多配菜,醬汁相當入味,肉好嫩又大份。抵食!我仲加錢跟左個GARLIC意粉添,都重GARLIC味。多士係厚身既,加牛油超好味。餐湯係粟米湯,都唔錯,淡淡地而不失栗米味,好少可有得飲栗米湯,大滿足呀!飲品就叫左個檸樂同埋紅豆冰。紅豆軟綿綿好好味,椰汁味濃。咁樣200蚊都唔洗,好抵。

地點位置優越喺正過關巴士站同埋九龍站上蓋 我們旅客仲有好豐餘嘅空間畀你放行李箱火腿通粉煎雙蛋麵包多士飲品全部44蚊 喺其他地方可能有啲貴但係喺正啲咁靚環境嘅地方就一啲都唔貴但係有個問題係太多旅客等時間等上車 所以唔係容易有位坐有一個好處就係佢朝頭早七點十五分已經開門營業喺呢個商場離港幾乎只有佢開門另外一間就係大字頭快餐店同埋咖啡店佢個位置仲要比較近過關巴士但係都有一個唔係幾好嘅地方可能唔係餐廳嘅問題係全香港嘅問題冇 !人 ! 做! 嘢!員工嚴重不足 出菜位有幾級樓梯見到員工三十分鐘內有兩次倒瀉嘢 設計極不理想

之前黎圓方係溜冰場附近見過有間裝潢幾雅緻既冰室，下午茶時間唔想太飽就諗起可以食下，宜家好興QR code 落單，睇完一大輪之後就揀左瓊芳黯然銷魂飯套餐話曬係招牌菜，叉燒有成吋厚，係用西班牙伊比利亞黑毛豬燒製，食落肉質好有彈性、咬口，肥瘦均勻，配飯既太陽蛋，蛋黃顏色好金黃加上秘製頭抽，送飯一流！我自己覺得個飯係日本米既話仲正，我麻麻地用金鳳米，女仔食既話分量都幾多，不過多幾塊肉既話仲正，食食下加埋D粟米粒又無咁悶～另外叫左夠薑豬膶牛肉湯米粉（轉公仔麵）配炒蛋火腿多士，湯底好夠薑味，豬潤厚身唔鞋亦冇腥味，鮮牛肉夠嫩滑，炒蛋嫩滑同香牛油味多士烘底夠脆口加埋炒蛋食幾正下～整體黎講係唔錯既體驗💁🏻‍♀️

今日同朋友約咗去西九文化大劇院睇舞台劇，諗住放工時間快食一個晚餐，點知俾我哋搵到喺圓方有比較親民嘅茶餐廳，所以去試吓。睇佢哋個餐牌都幾大眾化，而且款式都算好多，我哋兩個叫咗黯然銷魂飯($98)同埋星洲咖喱雜菜牛肋骨配意粉($98)。黯然銷魂飯($98): 上菜用個盤上，配有一細碟粟米同埋秘製醬油。叉燒有成吋幾厚，一共有四舊，烤得有少少燶邊，而且蜜汁亦都好夠，仲配上兩隻流心蛋，同朋友一人一隻嚟撈飯，加上秘製醬油，真係幸福嘅感覺！叉燒係半肥瘦嘅，食落口好鬆化。同埋加咗啲粟米落去飯入邊，感覺又幾新奇，以為會唔夾，點知出嚟效果又可以接受。餐飲叫咗港式奶茶，茶味都幾濃。仲要一提嘅係個飯底好多，因為個碗好大碗，我哋兩個女仔食咗兩碗飯都仲有淨。星洲咖喱雜菜牛肋骨配意粉($98): 純粹因為已經叫咗一個飯，所以叫咗意粉。個人覺得原來意粉都幾夾，但係朋友話配飯先係最正宗。上菜嘅時候淨係見到雜菜喺咖喱上面，以為冇乜料到，點知底下全部都係牛肋骨，起碼有七至八嚿。自己覺得叫牛腩比較貼切，因為真係一啲骨都冇，都整得幾鬆化，而且一咬就甩，好淰，而且都好入味。雜菜份量唔算太多，始終主角都係牛肋骨。凍檸茶($3)正正

瓊芳冰廳下晝嚟到Elements，想簡單食個下午茶，就㨂左呢間茶餐廳。裝修幾雅致，坐得算舒服。夠薑豬膶牛肉湯米粉名乎其實，湯底好重薑味，但豬潤有些少鞋口，牛肉正常，不過不失有配炒蛋腸仔多士，份量唔錯，加埋夠飽肚。馬來三叔公咖吔多士咖吔醬質感濃密，內有極邪惡厚牛油，有烘底，烘得幾香脆，值得推介👍🏻港式鹹牛肉雞蛋三文治內餡唔算太多料，中規中矩，烘底香脆係大商場入面茶餐40蚊左右，算係經濟了，但出餐比較慢，鄰座有漏單情況。寫食評之際，見到好多食客指服務態度差，但幫襯當日店員係正常。

瓊芳冰廳 (尖沙咀)食物: 現場燒製叉燒湯意粉拼抄蛋火腿、歐式軟多士😋😋熱港式鴛鴦😋😋星洲咖哩牛肉配飯😋😋熱檸檬茶😋😋現場燒製叉燒湯意粉拼抄蛋火腿、歐式軟多士：意粉唔會太淋，爽身，湯普通，叉燒唔錯，有幾塊瘦，有兩塊肥瘦一半，整體唔錯👍🏻。多士走油，配上火腿雞蛋，幾好味😋，火腿整得岩岩好，唔會太淋唔會太硬。熱港式鴛鴦：一般，唔會太甜。星洲咖哩牛肉配飯：牛肉係一片片，唔係一舊舊，汁唔錯，唔會太辣，怕辣的人都可以試一試。熱檸檬茶：總結: 環境唔錯，食物幾好味，但上菜速度較慢，菜色選擇唔多，價錢亦唔算便宜分數 食物: 7/10環環: 7/10服務: 6.5/10推介: 6/10上菜速度: 6/10地址: 尖沙咀柯士甸道西1號ELEMENTS圓方火區地下G004號舖

約咗朋友嚟圓方睇戲，入場前先搵間餐廳食個 quick lunch。唔想幫襯快餐店，揀咗溜冰場附近嗰間「瓊芳冰廳」。據知餐廳嘅名字靈感及係來自「瓊花」，店內裝潢很雅致，用上古典拱門，素色建材、透光玻璃旁欄作裝飾，營造出簡潔舒服嘅風格，令人耳目一新。瓊芳黯然銷魂飯 ($98) 係餐廳嘅皇牌美食，一場嚟到，當然要試下。叉燒採用西班牙伊比利亞黑毛豬現場燒製，食落肉質好鬆化，肥瘦均勻，蜜味中帶焦香。伴吃嘅太陽蛋，水準亦不遑多讓，蛋黃超流心，而且仲要係打孖上、份量十足，入口蛋香味濃，再配上秘製頭抽，用嚟佐飯真係一流！另外仲點咗客星洲咖喱雜菜牛肋條意粉 ($98)，廚師出手好豪爽，牛肋條有 5 大件，肉質肥美，食落超級鬆軟兼入味，加上濃香得嚟更帶少許椰香嘅咖喱，真係令人食指大動！雜菜有西蘭花、椰菜花、甘筍和薯仔等，份量都唔少，滿足健康要求。意粉煮得啱啱好，外軟內煙韌，以微辣嘅咖喱汁伴吃，惹味非常。兩個套餐都配有熱飲、凍飲+$3、鮮奶+$6、特飲+$8。兩杯飲品嘅表現都唔錯，奶茶香濃滑順、而檸茶嘅茶底亦冲得恰如其份，好夠味！

今日去左圓方商場行街，行完有d肚餓就去左呢間茶餐廳吃晚餐。現場燒製叉燒湯意粉（$78）配炒滑蛋拼雙腸及歐式軟多士叉燒幾滑，燒得好香口，意粉個質感幾好，個湯又幾好飲。然後個滑蛋好滑溜，非常香滑。雙腸又煎得夠香，唔錯。然後多士有烘底，查埋牛油就更加香，幾好食。星州咖啡魚柳（$88）：咖哩好香滑，叫左多汁，佢就比左好多咖哩汁，送飯一流，魚柳煎得很香，不過都有少少乾身。脆皮雞中翼（$40）：炸得非常香脆，送上來時還是熱辣辣的，非常好吃。跟餐凍奶茶🧋，幾香滑。另外跟餐加左杯特飲—手拍有皮老薑煲檸樂好重薑味，真係好正，配埋甜甜地的可樂，檸檬的酸味，味道好有層次好好飲，好正。整體來說雖然價錢比普通茶餐廳貴一點，但環境坐得舒服，食物質素都好，所以都抵食。

1.服務超差：基本上所有職員態度唔好，尤其一個男嘅職員棋收銀位，唔知係咪因為好多嘢要顧對所有人超惡，包括職員同埋啲客。一係就帶位嘅時候俾晒面色人睇好唔耐煩，如果唔係就有啲客落單嘅時候狂催人快啲。我喺隔離聽真係問晒好號？？ ？另一個職員問佢攞返杯嘢飲，佢話等等，之後杯嘢飲冇出現過🫠2. 食物質素：叫咗杯茶走，但係煉奶另外上都唔緊要啦，佢俾咗杯咖啡我。想問返佢要杯奶茶等咗勁耐先問到。而且冇送到嚟過。個沙嗲牛麵，因為為咗等第二個嚟到一齊食所以食嘅時候琳琳地以為正常結果第二個面都係淋既。3.上菜速度：我哋兩個人一齊落order係同一部電話，但係個沙嗲牛麵出餐之間差咗成15分鐘。總之呢間嘢就係唔好食+服務態度差

今日去左高鐵站送大陸親戚車，送完都6-7點，所以就話係附近食少少野先，咁圓方平民價位既餐廳唔多，快餐又好似太頹，見到呢間靚靚冰室咁多人就唔洗諗，食左先講間餐廳裝修好新，座位都好坐，以呢個商場水平黎講，個價錢係幾貼地主打道地香港茶記美食夠薑豬膶牛肉湯米粉配炒蛋香腸多士湯底好夠薑味，豬潤厚身又唔鞋亦冇豬臊味，鮮牛肉夠嫩滑又有牛肉味，米粉爽口彈牙炒蛋嫩滑又有蛋香，腸仔係脆皮腸多士烘底夠脆口蔥油豬扒煎雙蛋飯豬扒厚身，兩邊有煎香，肉質幾好👍🏻 煎蛋係流心蛋，吉穿蛋黃連埋薑蓉白飯一齊食，唔覺唔覺就食晒碟飯奶醬多，咖吔多士兩款多士都有烘底，仲要烘得幾香脆奶醬多嘅花生醬有唔少花生碎粒，增加口感，加埋煉奶嘅香甜，唔洗一陣成碟就食晒咖吔多就比較邪惡，中間有半融嘅牛油，連埋咖吔醬，又係秒速清碟熱薑檸樂，熱杏霜杯薑檸樂好重薑味，酸酸辣辣甜甜咁，幾特別，而杯熱杏霜就幾重杏仁味，亦唔會過甜，幾好味

同朋友去西九戲曲中心睇舞台劇，去ELEMENTS搵食，見到呢間「瓊芳冰廳」，之前未試過，我哋又有少少趕時間，見好似幾好坐咁，同朋友2個人就決定食呢間～雖然喺ELEMENTS商場裏面，價錢又唔貴喎，都幾合理，見到有鐵板餐，好似幾吸引，之後叫咗一份鐵板西冷扒，另外一個香煎芙蓉蛋飯。鐵板餐係要上菜嘅時候淋醬汁，咋咋聲咁先正😆😆件西冷扒勁大件，厚切，有肉汁，好好食，配菜都好多呀😋！我哋要咗黑椒汁，西冷牛扒要配黑椒汁先好食～芙蓉蛋飯上面嘅蛋都真係煎得好香口，多洋蔥。成片蛋完全蓋住啲飯，都係分量十足！原來鐵板餐仲有餐湯同多士，真係好豐富，三個人都夠食😂嚟開呢個商場睇戲，又多一個晚餐選擇，性價比高👍🏻下次要試吓佢個黯然銷魂飯先~

冰廳位置在九龍站圓方，面對住溜冰場。我哋點左幾款瓊芳推介：現場燒製叉燒湯意粉拼炒蛋腸仔、歐式軟多士：叉燒色澤紅潤，肉汁豐富，入口鬆化，真係名乎其實既黯然銷魂叉燒；意粉煮得軟硬適中；湯底係濃香既忌廉雞湯；炒蛋好滑溜；多士夠厚又鬆軟。超級雜扒飯 (雞扒、豬扒、腸仔、餐肉)：份量十足，火喉精準。豬扒及餐肉都係厚切；雞扒格外嫩滑；雜扒既腸仔，係成本較高的德國香腸；配埋蔥油醬汁，撈飯一流。馬來三叔公咖吔多士：咖吔醬質感濃稠，風味正宗，多士烘得金黃香脆，內有半溶牛油，邪惡又好味。紅豆冰：紅豆軟綿起沙，甘甜滋味。凍港式原味鴛鴦：無加冰粒，茶味香醇，茶啡比例恰到好處。總結，裝修雅緻，坐得舒服，定價親民，員工服務態度好，出餐快，推薦👍

有國內朋友坐高鐵來港旅遊，約咗我去尖沙咀圓方食飯聚舊，我知道那裏有間裝潢雅緻嘅瓊芳冰廳，茶餐廳糅合中西創意，提供高質的道地美食，一於請朋友試吓！超級雜扒飯，份量十足，有雞扒、豬扒、餐肉、腸仔，配香葱油及秘制頭抽，所有食物都煎到香噴噴，豬扒好大塊，雞肉肉質都好嫩。鐵板套餐奉送粟米忌廉湯，濃郁甜美。歐式軟多士，香脆可口。鐵板珍寶雞扒配金蒜汁，鐵板熱辣辣盛載雞扒上枱，倒入金蒜汁立即發出吱吱聲，香氣四溢，雞扒厚肉又嫩滑。金蒜汁蒜味香濃，十分惹味！有餐飲紅豆冰，紅豆林甜，奶味香甜。凍鴛鴦，夠香濃，甜度適中。

平時無咩事都唔黎elements, 點知今次黎一黎又開左眼界，瓊芳收埋係elements 既G/F個層，雖然係冰室食物，不過襯返超高樓底同埋開揚設計，即使枱與枱之間好密，但亦唔會有侷促感。門口有一格係賣蛋撻架！今時今日仲有邊間會咁樣放係門口？富有懷舊設計感menu, 睇得開心。好 欣賞打開櫃桶後見到每格食具都會有標記寫返係咩分類，莫非佢地係行「五常法」？🤪🤪🤪點左兩個餐加多士，首先黎冰室一定有既紅豆🫘冰，啖啖紅豆加蓉，甜甜口感加幼滑奶，好正呀🤤🤤🤤啲紅豆唔係一粒一粒好硬身個啲，而係一啖啖淋淋地既紅豆蓉呀🤤🤤奶茶夠哂絲滑，唔錯！點左兩個常餐，一個潮式沙茶牛肉米+太陽🌞多雙腸多士，一個現場燒製叉燒湯意粉+炒蛋火腿多士。叉燒唔知係咪堅即場燒製，不過厚度適中，口感易咬，咬開亦有湯汁溝肉汁咁流出。沙茶牛肉夠哂味，但不致於重口味，絕對係茶記必有既味道。湯底夠哂味，搭米粉食健康少少。 最後點左個馬來三叔公咖吔多士，厚切鮮牛油真係唔講得少，反而咖吔味唔夠，不過勝在多士焗得外脆內軟，熱熱多士夾住冰凍牛油已經補救返。

今日好開心同屋企人去咗尖沙咀圓方商場嘅一間餐廳，呢一間餐廳食物質素好高，食物種類又多，而且呢度嘅經濟價錢實惠，真係好啱朋友同埋屋企人嚟㗎，而且呢度好似一間開特色嘅冰室，真係好舒服，所以一定要嚟啊，頭先一間餐廳搵資料尖沙咀圓方，響溜冰場隔離，真係好容易搵㗎，而且呢度嘅裝修都好靚，好高級高尚，坐得好書房，呢度嘅餐牌食物種類都好多，我哋嗌咗個鐵扒餐，有雞扒牛扒豬扒，而且最緊要係食物好新鮮好好食，全部都係熱呼呼的，呢度仲有常餐大餐選擇，我哋叫咗個肉醬滑蛋飯，呢度最出名係黯然銷魂飯，真係要泥試吓，全部你嘅飯啦大大碗，怕女友大塊，真係好大隻，所以呢真係好吸引呀，而且呢度嘅奶茶都好好飲，杜可以用一個經濟實惠嘅錢就可以食多個安格斯牛扒真係好好食呀，你請咗個侍應服務都好好全部都好高質素，主動斟茶遞水，有笑容有招呼，所以我覺得呢一度真係一定要泥試