瓊芳冰廳

营业中

休息中

同媽咪去圓方行街，行到攰攰地梗係搵間餐廳坐低食下野🤣 雖然而家係下午茶時段，但我哋都有啲肚餓，所以叫咗兩個正餐😎媽咪揀咗芙蓉蛋飯😋 賣相都唔錯，芙蓉蛋好大份🤣 有大量嘅叉燒、芽菜同洋蔥。佢味道比較清淡，所以我哋叫侍應俾咗啲豉油，令味道更提升😛我就要咗個常餐：沙茶牛肉公仔麵，仲配埋炒滑蛋、腸仔同多士🤤🤤 整體正常發揮，幾欣賞佢嘅炒滑蛋，真係好滑。睇嚟呢度嘅蛋類食物都做得幾唔錯😆😆🥚我呢排比較養生，叫左杯老姜煲檸樂😎 原來熱嘅可樂味道係咁特別🤣 好暖胃🤣至於媽咪今次竟然叫凍飲😗 雜果賓治真係好正好cool～ 我地一冷一熱，形成強烈對比haha 本身想叫埋酥皮鮮奶蛋撻，但都飽飽地，下次有機會再嚟試🤪

Sun 7th Sept 2023 熱到hi hi 吓熱屎人，梗係行商場啦。仲要行有溜冰場嘅商場，仲要喺溜冰場隔離食嘢啊。真係涼浸浸。佢好易搵，向着溜冰場方向隔籬就係啦。佢側邊仲有個分開咗嘅角落頭位，好靜好適合傾密計、傾生意、傾分手….雖然係QR code落單，但係佢個Menu都做到非常之靚。好有觀賞價值。刀叉更碗筷黃白糖牙籤紙巾一應俱全。遊客就算唔知係乜，都仲有中文正體字說明。呢個餐食得睇得又打得。豬潤牛肉麵，豬潤爽滑火候啱啱好。滑蛋有水準，冇失望。厚多士最適合配砂糖咖喱魚飯。全部正常，咖喱BB輕微辣，釣到味。魚好厚肉，一定食到飽。炸得到好脆口。「馬來三叔公咖吔多士」，唔錯，幾貼近原味。鮮油份量少少哋適中，唔會搶咗咖吔嘅風頭，又唔會太肥漏。其他咖啡奶茶菜蜜好正常。

今日好開心同屋企人去咗尖沙咀圓方嘅一間冰室，呢一間冰室食過一次，估唔到質素好高，性價比又高，經濟實惠，所以如果你都圓方嘅話，一定要嚟啊，首先呢一間餐廳位置好方便，在溜冰場隔離，就搵到，非常方便！呢度冰室食物選擇好多，嚟到一定要叫牛扒，因為呢度嘅扒餐都係大大件，超好食，全部整，好新鮮，肉厚肥大，超鮮嫩，仲要價錢經濟實惠，出面食唔到，呢度嘅奶茶咖啡都好好飲，我哋仲有叫咗一個大大件嘅雞扒，配埋先茄汁，真係好好食呀，仲有叫咗個肉醬飯，都係好好食，撈飯一流，飯同埋肉汁都係好陪襯，而且呢度嘅裝修都好靚，好光猛，空間好大，侍應服務都好好，全部都好有親切，有賓至如歸的感覺，呢一間性價比高，食物一流，所以我一定會推薦俾朋友

你賣98蚊唔緊要，但起碼比啲質素，叉燒係咬唔開的，啲根位太厚太多，我都唔求鬆化，飯又唔夠熱，粟米似係普通地捫牌。你哋唔休做我明，呢度多大陸人有錢人，但唔該都俾番啲質素丫！

圓方食野一定唔平，次次放工睇戲唔係好多時間食飯又唔知食乜好，有一次發現溜冰場個邊地下個層有間瓊芳冰廳，睇戲之前食就快靚正!望落環境同menu都比一般冰室靚少少。見佢有個星洲咖喱系列，揀左雜菜牛肋條。咖哩味道幾香濃，牛肋氣都有足5-6舊，咬落唔會韌，幾好食的。另外常餐沙茶牛肉米拼炒蛋腸仔,歐式軟多士多士鬆軟☑️蛋就熟左少少蛋黃無流心，腸仔唔係hea廚師腸，牛肉份量ok，起碼大大塊唔會碎濕濕!紅荳冰加檸檬茶，簡單又一餐🫶🏻

今日黎到西九圓方行街，行到累累地想搵間餐廳坐低食下野，但又唔想進行高消費，可以黎瓊芳冰廳，價錢相對同商場其他餐廳可接受，而且食物都唔會馬虎！餐廳主要食茶餐同叉燒、蛋飯為主。一坐低首先點左叉燒湯米粉拼炒蛋腸仔，仲有軟多士添！叉燒好惹味，一啲都唔鞋口，湯米粉湯底濃郁，金黃色既炒蛋一睇都知好食！香腸唔係用廚師腸，特別好食。煎蛋免治牛肉意粉：非常之大碟，肉醬惹味，撈意粉食唔會覺得乾身。超級雜扒飯：有齊雞扒、豬扒、腸仔、餐肉，岩晒一眾食肉獸！雞扒同豬扒煎的火喉剛好，唔會煎到太乾或者唔夠熟，而且肉質唔鞋口。如果大家黎開圓方，又想食懷舊港式野食，非常之推介黎瓊芳冰廳。

喺我心目中，冰廳同茶餐廳係差不多嘅，不過有朋友話我知冰廳係高一級嘅，係高級過茶餐廳，但點都好，喺Elements有間冰廳絕對係一件好事，我有朋友喺附近返工咁就多咗一個唔錯的選擇。“五香肉丁公仔麵” 拼“炒蛋腸仔” 同埋歐式軟多士通常係茶餐廳嘅選擇，感覺各樣都幾好，公仔麵唔會過淋好好吖，因為早兩日喺東涌某間連鎖店食啲麵嘅質地真係超級差，因此好感恩今日食到嘅公仔麵，炒蛋揀咗太陽蛋，煎得好靚有些少流心之感覺👍👍“檸樂”係要加錢嘅，由於唔係間間餐廳都有得飲呀，所以加少少錢係非常之ok。“馬來三叔公咖吔多士 "不嬲係我鍾意嘅馬拉小食，整得好好味又靚靚地。“瓊芳黯然銷魂飯” 就唔係間間茶計都有得食，見有就係一份試下啦，啲叉燒肥瘦相間好合格💗💗

今次我們去了一間名為「瓊芳冰廳」的餐廳。這家餐廳提供手機點餐服務，只需掃描桌上的 QR code，就可以輕鬆享用各種美食。餐廳的環境非常寬敞和舒適。我們品嘗了瓊芳黯然銷魂飯，這道菜採用現場燒製香脆的叉燒肉，搭配泰國金鳳香米、香煎流心蛋和秘製頭抽，味道十分出色。叉燒肉質柔軟，米飯香糯，蛋黃鮮嫩，每一口都讓人驚豔不已。除了這道招牌菜，我們還品嘗了潮式沙茶牛肉公仔面配炒蛋、雙腸或火腿及多士，這道菜的牛肉口感鮮嫩多汁，蛋炒得恰到好處，多士煎得香脆，每一道菜都讓我們大呼過癮。瓊芳冰廳的服務員都十分友善，經常問候客人，讓人感到賓至如歸。餐廳提供手機點餐系統，方便快捷，不必等待服務員的時間，讓人的用餐體驗更加愉快。總括而言，瓊芳冰廳是一家值得一試的餐廳，提供美味的食物、舒適的環境和周到的服務，讓人感到非常滿意。如果您正在尋找一家舒適、輕鬆的用餐場所，瓊芳冰廳會是一個不錯的選擇。

睇完食神，周星馳整既黯然銷魂飯一直記在腦海裡。今日我在圓方裡遇到瓊芳冰廳，而餐廳牌裡有黯然銷魂飯確實吸引著我的目光。餐廳上記載左好多推薦菜式，例如黯然銷魂飯，咖哋多士，紅荳冰，酥皮蛋撻等等「瓊芳黯然銷魂飯」$98🐖用西班牙黑毛豬燒製採用梅頭位置，做到半肥瘦的效果每塊散發著蜜糖焦香味我轉左太陽蛋好香好濃的蛋黃汁附上秘製頭抽同粟米粒🌽餐飲加$8飲雜果賓治🥤食到滿滿既雜果十分冰涼脆炸雞翼 $40🐣有四大隻，由自製醃料醃製每一隻都好入味而且唔會好油酥皮蛋撻$9酥皮鮮奶蛋撻$12採用玻璃樽裝鮮奶及新鮮蛋白製成🥛🥚奶香甜味

在圓方看完電影後，就隨便逛逛看有什麼好吃😋剛好經過「瓊芳」餐廳外有一條小人龍，小編都跟著一起排隊🤣下午茶時段已經坐滿人。馬來三叔公咖吧多士 38甜甜的非常好吃😋麵包烘得脆口，裡面夾著一塊厚厚的牛油，搭配着椰醬，甜而不膩，非常好吃。香煎芙蓉蛋飯 $65抄至金黃香滑的雞蛋，配有洋蔥和火腿，倒上甜豉油一起吃，味道不錯。瓊芳黯然銷魂飯 $88採用現場燒製焦香叉燒，配上泰國金鳳香米，香煎流心蛋及秘製頭抽。香滑的茶走，以煉奶加入甜味。餐牌如下。

總有一間冰室喺附近😂，冰室姐係靚版茶餐廳，喺得圓方開都唔差得去邊～環境乾淨企理，食物有品質，醫肚之選👍🏻我自己本身都幾鐘意食茶餐廳嘅野，方便快捷好味😬瓊芳至愛餐($62)有午餐肉米粉、松露炒滑蛋、軟多士、熱飲，都幾抵食～松露滑蛋好香，快靚正之選豬潤牛肉湯米粉配炒蛋腸仔軟多士餐($70)豬潤非常厚身，冇臭味，咬落去彈牙軟身，湯底薑味重，飲完唔會口乾👏🏻馬來三叔公咖吔多士($28)超好味！推薦～ 咖吔醬甜而不膩，即使連埋牛油一齊食都唔膩，麵包烘得香脆，講完而家又好想再食🤤🤤脆皮雞中翼($40)份量唔多，味道正常，就係平時煎雞翼嘅味道～

送朋友去車站前食嘢成個elements咁多嘢食，佢揀咗瓊芳冰室點解？可能自己喺呢度生活唔覺但對外國人嚟講，茶記係好大吸引力或者茶餐廳先係真係 #說好香港故事你問我嘅話我覺得瓊芳同一盤茶記差唔多Locate喺大商場環境的確係比較grand食物種類，份量，服務都十分茶記價錢就當然係elements價位啦午餐肉米粉黑松露炒滑蛋配厚多士午餐肉都幾厚切，夠飽嘅有趣嘅係有一片紫菜同埋啲粟米喺入面可能餐廳覺得個餐一啲纖維都冇唔係幾好？我欣賞佢哋有考慮過營養上嘅balance嘅黑松露唔算香但滑蛋夠滑配厚多士幾正，成件事真係好港式蔥油豬扒煎雙蛋飯 蔥油都係茶餐廳名物但可能考慮到有外國人食唔慣咁油所以個蔥油係放喺一邊比食客自己點嚟食而唔係直接淋喺豬扒上面個人覺得咁樣做個蔥油冇咁香其餘食物正常發揮凍奶茶，凍檸樂朋友話佢最掛念嘅係凍奶茶第二度飲唔返我都覺得係！ #港式奶茶世一老實講我覺得呢度嘅食物 #唔完美可接受要改善但事實係朋友食得好開心我希望佢甚至係世界各地嘅人都會記得香港嘅美食香港精神曾經係平靚快正「平」而家就應該唔再搵到㗎喇至少keep到個「正」字囉淨係得快冇用㗎嘛

今日同朋友行完西九，因為天氣太熱，所以去咗圓方行吓商場，食返個午餐。咁啱經過呢間瓊芳冰廳，價錢相宜，就入咗去試吓！我哋叫咗一份瓊芳黯然銷魂飯、超級雜扒飯、一杯檸檬茶同埋紅豆冰，最後仲有兩個新鮮蛋撻。瓊芳黯然銷魂飯有4舊厚厚嘅半肥瘦叉燒，一啖咬落充滿焦糖香味，肉質鮮嫩，兩隻香煎流心太陽蛋蛋味濃郁，撈埋白飯、粟米同埋秘製頭抽一齊食，滋味無窮！超級雜扒飯呢份超級雜扒飯份量超大份，裏面有雞扒、豬扒、餐肉同埋腸仔，鍾意食肉嘅你，千祈唔好錯過。紅豆冰呢款紅豆冰十分經典，甜度剛剛好，嚟到冰廳一定要試嘅飲品之一！新鮮蛋撻蛋味濃郁，新鮮熱辣，下午茶必點！

今日出差路經element, 肚仔餓要醫下肚，去左呢一間雅緻港式茶餐廳。餐廳光猛, 裝修經典有氣派。餐廳生意好好，座無虛席。餐牌有圖配合5, 60年代背景，表逹經典懷舊食物，港式美味，歷久常新。餐廳可以QR code落單，方面快捷瓊芳黯然銷魂飯 ($98) 係餐廳嘅皇牌推介叉燒係半肥瘦厚切共四件，熱辣辣充滿蜜汁香味，肥肉入口即融，而且邊邊焦香。香煎流心蛋，生熟度剛好，蛋黃係橙黃色，蛋黃汁加上秘製豉油撈飯，絶配! 配粟米，取代平時外邊吃的兩條菜芯，感覺健康。加8元有檸檬薑可樂，略覺薑味不足。馬來三叔公咖吔多士($28)我既甜品，椰汁味香，牛油份量適中，多士脆，不太膩，味道不錯!

平日放工大約六點半黎到，已經7成坐滿餐廳環境光猛，裝備簡約坐低後，店員會主動比水客人餐牌有古裝氣派可以QR code落單，方面快捷叫左2款餐牌推介招牌瓊芳黯然銷魂飯馬來三叔公咖吔多士🍞咖吔多士多士脆口，咖吔醬唔會過甜牛油唔係佈滿全件多士，唔會太邪惡隔離枱既食客見我地食得咁開心，自己又叫左份😂🍚瓊芳黯然銷魂飯同餐牌相一樣有4舊厚切叉燒 肥瘦適中太陽蛋煎得岩岩好蛋黃係橙黃色 但略嫌唔夠重蛋味可以係點餐時候 揀炒蛋跟飯會有埋粟米 食完濃味野 可以清一清口腔飯量超多 2個人都食唔晒另外叫左蔥油豬扒煎雙蛋飯🍚 正常水準☕️熱阿華田同港式鴛鴦 唔會過甜/太淡原本想試埋2款蛋撻不過店員話焗爐壞左同埋晚餐時段通常都賣完下次有機會再試