甘味喫茶店

营业中

休息中

今日行過長沙灣廣場，見到有間新開既餐廳，就決定試吓有幾伏！今次就叫咗個定食餐，柳村吉列豬扒定食 成為$86（已加一），有前菜、主食、甜品、嘢飲。唔想要甜品可以嗌麵豉湯，全部都係用QR Code 落單。前菜嚟講都算少，雞蛋拼吉列豬扒都幾好食，外脆內軟，唔算話太韌，白飯嚟講係用珍珠米，尚算可以。不過如果佢啲雞蛋可以多啲就好了，因為都幾好食，最好食嘅係佢嘅甜品，我叫左牛奶布丁！牛奶布丁：唔算話好甜，好重牛奶味。

🍽️食物方面：🐤豪華灸燒味噌雞扒配溏心蛋💲82個名好長😂總知就係好食嘅雞扒🦴秘製豬軟骨💲78有驚喜 酸酸地幾開胃 軟淋淋🍅蕃茄湯稻庭烏冬💲9 麵幼滑扁長形 有真蕃茄算濃味🥛特濃牛奶布丁 呢2個餐🆓質地偏實 怪味 要清晒咁細杯都難😵🐷吉列豬扒讚岐手打烏冬💲69豬扒正常 麵煙韌彈牙 跟豬湯清清地都👌🏻柚子蜂蜜🆓/纖解茶/豆乳💲3所有嘢食都好正常(除咗布丁)加埋一就少貴 但商場位又大間📷打卡方面：木盤上 碗碟都花咗啲心思襯🔈環境方面：幾大間 坐位闊落 但Lunch都要等位用QR Code落單 無咩service💬其他資訊：甘味喫茶店 📍荔枝角長沙灣道833號長沙灣廣場3樓303-306號舖💰收➕1️⃣

今日做野經過長沙灣廣場，見到下午茶時間，緊係要入去搵下野食。一上到去到長沙灣廣場3/F，就比甘味喫茶店吸引左，日系既裝修，再加上寬落既坐位，就直接入左去。之後我同朋友就分別揀左迷你壽司拼盤配讚岐手打烏冬及醬油漬角切魚生飯。迷你壽司拼盤配讚岐手打烏冬配麵豉湯$48雖然係下午茶，但壽司完全唔馬虎，有玉子,章魚,甜蝦同三文魚，每件壽司都好食過爭x。讚岐烏冬再配合鰹魚湯，真係令人食唔停口。醬油漬角切魚生飯配熱美式咖啡$55一開始覺得下午茶叫切角魚生飯都會好伏，但見到隔離檯個切角魚生飯賣相幾好就叫左黎試下。魚生相當足料，仲有好多玉子粒，撈均後食一啖飯都有魚生同玉子,食落非常滿足。服務費+10%📍 甘味喫茶店長沙灣長沙灣道833號長沙灣廣場3樓303-306號舖❤️價錢：7/10❤️味道：9/10❤️服務：8/10

見列新開餐廳 餐牌啲相又好靚 一上菜就知中伏 呢碟咩野垃圾黎 即刻上黎睇食評 先知原來個個都罵 諗住80蚊咁平就算啦 賣相唔好唔緊要 是但食完就走 點知食落口完全無味 完全就係一碟蒸乾左既水蛋痴幾舊豬扒 是但搵間日本野都好食過佢十倍 睇圖就知道個豬扒有幾差 咁都拎得出黎比人食 廚房都幾勁🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

叫咗個雜錦鍋烏冬，買相真係有極大「驚喜」，食落仲好震驚，所有材料都非常薄，連蟹柳都可以得半條，廚師嘅刀工真係出色，配埋啲唔湯唔水嘅湯水，真係食多兩碗都唔會口渴，如果仲敢叫多兩碗嘅話，決定用咗放低筷子唔食呢碗嘢嘅時間，寫咗上面呢段食後感，多謝呢間店提供話題呀！

附近返工搵餐晏仔食都真係唔易行過呢個場見開咗幾間新食肆諗住都坐得幾滿人，今日就嚟試吓Lunch menu都算多選擇而叫得做甘味估計係同以前專食烏冬嗰間同出一轍今日都喺烏冬同飯兩個選項周旋結果都係揀咗個蛋吉列豬扒諗住無死加上佢張相都幾靚，蛋嘅水份好似都幾足結果嚟到真係當堂嚇一跳個豬扒蛋乾到不得了而且吉列豬扒係food court級別…反而幾欣賞佢飯上面有飯素都扮到日式便當但就真係唔值$78加一呢個價錢都係嗰樣…又要加一，又要自己QR code落單呢樣野真係麻麻哋同行朋友叫咗個鰻魚飯…$98…又係food court級別老實真係未必有下一次…

去開荔枝角行街🚶‍♀️🛍️，食咗一間長沙灣廣場嘅甘味喫茶店🍵，味道唔錯，裝修幾靚，座位寬敞好坐。😍吉列豬扒讚岐手打烏冬($69)👎烏冬太淋，湯底偏淡，但豬扒煎得啱啱好👌🍖，好juicy，醬汁夠香濃。沙律菜太乾🥗👎，整體來講一般般。😐吉列豬扒蛋包飯配咖哩汁($78)👍咖哩汁香濃，配上好冧嘅洋蔥🧅同蘑菇🍄，好好味。炸雞5件，配上啲薯角🍟👍，正正常常唔脆唔淋，唔算太出色。總括而言，食物質素算係中上，價錢亦算合理，值得一試。😋

星期六2pm點幾去長沙灣廣場揾食見呢間舖頭係食日本嘢，裝修尚算寬敞，又有大量位就入去試下，全程用手機點餐牛肉壽喜燒+溫泉蛋+飯定食呢個餐都幾豐富，牛肉質素好好，油脂分布均勻 帶有雪花紋理， 讚岐烏冬夠彈牙，壽喜燒湯底偏淡味，蔬菜尚算新鮮份量亦好足，但火爐火勢太猛烈，滾燙時不斷彈出湯汁， 食得好狼狽，成枱都係汁😅，勁驚彈到塊面，叫侍應轉爐，佢地好似唔記得左咁，成班侍應都西西面，算啦，小心啲繼續食 朋友另外叫左個👉雜錦鍋燒烏冬，賣相ok，正正常常一個烏冬餐，但特飲加每杯$38，就真係有d唔值。完全無服務，仲要加一收費，每位平均$150，試過一次就夠啦。兩杯特飲，每杯加$38

我地兩個人叫左一個魚生飯同一碗牛肉烏冬。魚生飯等左好耐先上到台，但係就唔太新鮮，特別係三文魚，食到好重既雪藏味，至於飯有D淋，完全食唔到粒粒既口感，都幾令人失望。佢一個set 仲有份小食同甜品，小食係瓜，都係好淋，個涼拌汁還可以，甜品就係奶凍，只有甜味既奶凍，可能叫熟食既餐會好D。蕃茄牛肉烏冬相對好味D，蕃茄都係酸甜甜的，幾開胃，牛肉都唔會太老太靭，烏冬就係彈牙，份量唔算多。不過，整體黎講，唔會特別想再食。

呢間餐廳嘅裝修簡潔光猛，俾人感覺好welcoming，見menu都多選擇，忍唔住行入去試吓。叫咗豪華炙燒味噌雞扒配溏心蛋定食 配 白飯 + 味噌湯 。雞扒份量都幾大，肉厚冧身，成塊扒偏juicy，大件雞肉咬落去幾滿足不過，有啲部份應該燒得耐咗，會較硬或者”鞋”身，不免會扣少少分溏心蛋俾足一隻，蛋黃生熟度完美雖然唔係成隻都浸得均勻，但食落去有微微醬汁味，個人嚟講幾欣賞佢嘅調味湯偏咸，不過不失。侍應態度一般般啦

是日忙裡忙外，購票購物，再預備舊戰友相聚，看到尚有少少時間，便小休一下到了甘味去喝茶。人流不少，也是午後時間，閑心就明顯出現。服務員尚有禮，部份員工午休中，尚餘人手都有禮奉上熱水，幫手處理order...蟹籽沙律:蟹籽滿滿，蟹柳加上creamy 的沙律醬，令人食指大動；開心地感受清新的青瓜絲，全消悶滯的感覺。無咖啡因洋甘菊花草茶:洋甘菊的香氣，令人舒坦暖心，在暖暖的地方滿有睡意。午後小休，充足電後，夠力量同孩子們玩過夠。

午後小休忙裡忙外，由早預備資料，到前後買票買物，有位冇位，心情上上落落，事就這樣完成。當然要好好休息一下，預備下一場與孩子開心遊戲，與舊友開心聚餐。在此店內，感覺舒服，位置尚算寬闊。服務員也不錯要熱水，要紙巾也細心奉上，點餐疑問也樂意解答。午後就要喫茶，點選了洋甘菊花草茶：清新，香氣令人舒懷，忙亂的時光，得以休息一下。蟹籽沙律：連日的高卡食物，午後小點，當然要清新食品，脆口的青瓜，蟹籽超滿，蟹柳與creamy 的沙律醬相溶，嘩嘩嘩。休息足，就與孩子玩耍了。

話說香港既餐廳周街都係，好食但差service，唔好食既好service都試過哂，唯獨好耐冇試過一間又難食又唔好service既，點都要負評警世下！入到去見梳乎厘咁正，都見佢寫話要整25分鐘，咁我都仲有時間等，就叫左個綠茶梳乎厘同壽司拼盤連烏冬。壽司拼盤連烏冬 （$88）老實講價錢唔算便，啲壽司又細粒，啲料又唔好食，蟹柳腐皮整到咁唔好食都幾勁，爭x都贏佢好多。明明叫左讚歧烏冬，點解最尾食到打邊爐烏冬咋…梳乎厘話25分鐘上，咁咪大概半個鐘問下幾時會上，個男職員行個黎：「岩岩整緊」，我當你生意繁忙，最後45分鐘先上到。好彩個賣相都不錯，但食落係咸味的梳乎厘，鋪層綠茶粉就話係綠茶梳乎厘！45分鐘食件咁既野，真係火到黎！最尾最好食既野係佢杯飲品～總結係，班員工好黑口黑面，態度很差，野食又麻麻。

落單的人應該是經理態度很差落咗個$88 單點的pancake等了20分鐘催促時態度惡劣表達要等半小時，我問為何落單時不説請楚但他轉身離開，當日下午大約三點十五分人客不多但服務態度不可接受，而食物的性價比不高仲要加10%服務費真係食到一肚氣🥹🥹🤬😡

昨晚到荔枝角長沙灣廣場揾食，走上三樓每間店看看環境及餐牌，見到甘味喫茶店最多人，估計應該吾錯，點了一份“秘製豬軟骨”套餐，見到份餐豬軟骨好多，仲擔心食不完，點知舊舊都“鞋”，吞吾落 ！ 吾明點解咁多人黎食，我點錯餸 ？？！！