甘花地道美食

营业中

休息中

行去馬頭涌突然肚餓，就搵咗一間餐廳坐低，見到有咸豆漿，都幾特別，就試吓，豆漿里加咗蝦米蔥花和榨菜，味道偏淡，感覺沒有想像中好味，牛肉生煎包一個12元，味道不過不失

上海菜是中國傳統菜系之一，以其清淡、細膩、健康和美味而受到全球食客的喜愛。以下是我對上海菜中的餃子、豆漿、上海麵和炸豬扒的評論：首先，上海菜的餃子以其薄皮、肉汁多、入口即化而聞名。餃子的外皮非常薄，內裏包裹著豬肉、韭菜、蝦仁等餡料，食用時肉汁多，口感鮮美。配上一些醋和姜絲，更能帶出餃子的美味和清新。其次，豆漿是上海菜的另一種美食，以其清香、滑嫩、健康而受到許多人的喜愛。豆漿是以黃豆為原料，經過研磨、濾汁、煮沸等多個步驟製作而成。豆漿口感滑嫩，清香怡人，是一種非常健康和美味的飲品。另外，上海麵和炸豬扒也是上海菜中的經典美食之一。上海麵的口感光滑、爽口，配上紅燒肉、燉牛肉等口味更好。炸豬扒則是豬肉裹上麵粉和蛋液後炸至金黃色，口感酥脆，加上特製的甜酸醬汁，更能帶出豬肉的鮮美和醇香。總體而言，上海菜是一種非常健康、美味和高雅的食品。它們有著豐富的口感和獨特的風味，而且製作過程也非常精緻。如果你想要品嘗一種道地的中國菜品，那麼上海菜絕對是一個不錯的選擇。

臨上興趣班前仲有少少時間，試吓附近間鍋貼粢飯小店先🔸生煎鮮肉鍋貼餡料做得企理，調味適中鍋貼皮厚度啱啱好油膩感算低$3.5/隻 ， $16/5隻；抵食🔸即包粢飯大大個，熱辣辣雖然中間條油炸鬼淋咗，不過煙靭嘅口感都唔差肉鬆同菜脯夠惹味🔸酸辣湯呢碗酸辣湯有驚喜酸辣度掌握得恰到好處，亦唔會太鹹個湯都幾足料：筍絲、木耳絲、蛋花、肉絲，口感幾豐富🔸凍枝裝豆漿鑒於”酸辣湯”對我呢個BB食辣學員嚟講比較辣，所以叫咗豆漿解辣豆味都唔錯，唔會太甜20分鐘速食完就急急腳上堂去喇～一路食一路見到不停有客人叫外賣，睇嚟呢間小店好受街坊歡迎 👐🏼找錢嘅時候見到姐姐喺廚房煎緊生煎包，好吸引喎，下星期上堂又可以再嚟試過喇～

平日睇完醫生，之後又趕時間下午去有野搞，所以真係是但食行最近又想食餃子鍋貼，仲有秶飯豆漿！岩哂！！原來間鋪好大，姐姐叫我坐入啲唔駛咁熱，其實都好細心 無唸到佢地咁好，我一直都中意小店，因為有時人情味都令你食得好開心等左一陣 先睇左鍋貼先，個肉餡都有好多汁，不過肉味話係咪好濃又未到。明明$16/ 五隻，多左隻可能係一鍋起左，要整過另一鍋新，姐姐就俾埋我，多謝佢。秶飯就餡料都好食，有肉鬆，榨菜，油條。不過食到最後角位都好飽，淨番都係糯米飯，咁我就放棄左 但整體都好味！豆漿正常！

突然好想食鍋貼和上海麵， 就選擇了在附近的店舖， 今次點了 鹹豆漿 、腸粉、酸辣湯麵 、菜肉餛飩湯麵、 紅燒牛肉湯麵。 湯麵可以另加15元有鍋貼兩件和凍豆漿一杯。 整體來說，分量頗大，味道也可以。尤其 紅燒牛肉湯麵比較好食， 湯底很有牛肉味 。而鍋貼 也是新鮮熱辣的， 煎得很脆口，但可惜比較多油。 其他的食物就不過不失。 環境方面 ，座位寬敞， 但油煙味就比較重 ， 個人認為 ，若害怕油煙味重的，選擇外賣就比較合適。 總括來說 ，街坊生意， 可以試吓。

鍋貼大王都改左名當我想打食評的時候搵左好耐🤣🤣🤣鍋貼 $16/5隻叫左一客五隻鍋貼同埋痴飯真係好耐冇食過個鍋貼估唔到仲進步咗！個底仲要好脆 超好食入面依舊係啖啖肉好多肉汁！點解平時自己硬係煎唔到咁樣😭粢飯 $18最後就係黐飯啊 Menu上面寫就寫係即刻包但係結果出嚟嘅都係預先包定 不過都已經預咗但我覺得個痴飯唔切開會比較好拎啲因為半張保鮮紙實在好難抓住味道不過不失啦 佢最主要係比較多榨菜 可以肉鬆多啲會正啲

沒有最亂，只有更亂。。。我知佢啲人手啊呀。。。話說今日去食午餐，入去眼見只有兩台客，包括我自己，但聽到有接緊好多外賣，樓面眼見有四個姐姐，但係佢哋四個好鍾意對埋一齊，跟住就出現咗經典嘅"人多手腳亂"嘅畫面😂Anyways, 講番d 野食，叫咗燒賣，酸辣湯，生煎包，鍋貼，同埋兩隻炸雞翼。個燒賣真係唔得，雖然真係好平， $9有八粒，但係食咗第一粒已經唔想食，感覺就係1塊黃色嘅粉皮包住一埋白色嘅麵粉， 仲係會散ga!!!😵‍💫個酸辣湯個味OK，但因為姐姐幫我落咗麻油同胡椒粉，我仲以為自己食緊碗仔翅。 其他嗰啲生煎包呀鍋貼呀唔講啦，要食飽絕對冇問題，好唔好食就見仁見智。最值得讚嘅係個炸雞翼，炸粉唔算厚，同埋熱辣辣。食完去買單，姐姐話我哋張單被取消咗，總之要搞一輪先比到錢😂😂