甜品叔叔

营业中

休息中

呢度啲甜品無得輸呀！中式西式日式都好好味！我地一眾友人分別點了軟雪、紅豆、芝麻糊及芒果、款款都用料充足！加上呢度優美既環境配樂、家燕媽媽甜美既歌聲～ 完全係絕配！非要再黎不可！

經過黎間甜品店冧住叫杯野飲，開始入到去，入邊成浸味，超難頂，跟住就諗算啦點杯嘢飲，跟住就點咗杯西瓜汁，喺門口等咗成廿幾差唔多成30分鐘。居然都未等到。個店員就一直話喺度做緊喇。一杯西瓜汁都可以做咁耐我仲以為入邊加咗幾重料，點知其實就祇不過係一杯溝咗水嘅西瓜汁嗻，真係覺得咁樣嘅服務實在效率太低喇。

食飯無乜水飲 ，唯有去食個甜品補返數。 見呢間嘢新新地，見佢個menu都多選擇，所以即管入去試下。佢，好似好多冰類添。朋友叫左豆花芝麻糊，店員話，佢地嘅豆花係用果凍做嘅，同一般豆腐花唔同。果然唔同，似啫喱同布丁混合體，不過無豆花嘅香，算滑嘅，芝麻糊好一般。至於呢個木瓜雪耳，唯一好處唔太甜 但雪耳唔夠爽，木瓜唔夠甜，整體糖水唔夠夾，唔知煮昝唔夠耐定係料唔夠靚，而加$8先有2粒嘅湯圓，個皮唔夠薄，芝麻唔夠香，仲之就係。。。。失敗。連最基本嘅糖水都咁嘅水準，除非附近糖水鋪執晒，唔係我應該唔會再幫襯

晚餐後當然要來個甜品啦, 跟細細打算在附近找了一間甜品鋪吃點甜品及多吹一陣水。經過時店員走出來招客，看過櫥窗上的介紹還可以就進去了。可能時間尚早，全鋪只有我們2個客人，名副其實的包場，還真是第一次甜品叔叔熱烈推介的蜜紅豆涼粉~   用糖水煮過的原粒紅豆，賣相挺不錯，看上去粒粒也很飽滿，配上涼粉加奶，不會太甜。楊枝金撈~ 跟平常試的差不多~

吃過晚飯意猶未盡，走到晚上十時半仍然旺市的小街，太子的食店實在林林總總，價錢也很貼地。我們隨便走進一家甜品店，店員姨姨很友善招待我們進去，我們也被menu吸引了。menu上甜品種類超多，綿綿冰、水果撈、傳統熱糖水、豆腐花、雪糕西米露等等的糖水都有，只差在沒有熱焗的甜品。心大心細下終於點了：金撈可任意配搭豆腐花/西米/涼粉等等。我的豆腐花是比較硬身似奶凍的texture，不夠豆香，但作為金撈底也很配合。芒果塊香甜夠多，加芒果汁和椰汁很消暑。最正是有椰果，中和了西柚肉的澀，混豆腐花吃的話椰果比西柚肉合宜得多。朋友們也分別點了：凍芝麻糊雲呢拿雪糕 - 雪糕令芝麻糊更香滑，想不到是個很不錯的配搭芒果熱椰汁紫米露 - 紫米露足料不過甜，但附帶的芒果汁加上熱的紫米露則有點奇怪椰子雪香 - 其實類似是綿綿冰的東西，但比綿綿冰更細滑更似雪糕。很大碗，伴著的水果也很多很足料。

第二次幫襯甜品叔叔，兩次來都係食中式甜品，好欣賞佢做少糖口味。我今次食喳咋，豆多唔甜又抵食，人又唔多可以坐耐d。朋友食左芋頭西米露，佢都好鍾意，因為都好多芋頭同埋好香。呢條街附近都好多野食，可以來發掘發掘!

今日天氣炎熱最適合飲番杯芒果沙冰喇，約左朋友係甜品叔叔等，莪每次嚟都會點芒果沙冰飲。芒果沙冰，芒果與沙冰結合冰凉爽口，飲一啖口感酸酸甜甜，芒果味特別香濃，果肉料足夠多，非常滿足！！

與友人仍感聊不夠, 所以隨便選了間甜品店. 可能只是約9點, 時間尚早, 店內只有4,5人. 不過晚點時, 都差不多滿坐, 可能因為附近甜品店不多?另外, 不論是器皿, 還是甜品種類, 名字, 價錢都像滿記, 不知道是否有甚麼關係. 哈哈.我在眾多選擇中, 選了楊枝金撈豆腐花. 楊枝甘露尚算足料, 有柚肉, 芒果, 椰果等, 味道甜甜的, 配上豆腐花食很夾. 除了有啖啖芒果肉外, 亦加了芒果汁, 香甜味十足. 再配上帶點微酸味的柚子肉, 清新好味. 甜品份量不少, 味道不錯, 下次再來太子食飯時, 也可以再來這裡食甜品呢!

星期日同朋友行過太子，攰攰地見到間糖水店就入左黎裝修普通，但地方乾淨，坐得舒服叫左個日式軟雪四款口味有芒果，朱古力，椰子，士多啤梨，入口即溶，口感軟滑，好似從天而降的飘雪，芒果好甜，吾錯朋友叫左個 楊枝甘撈內有西米，鲜芒果肉，椰果，甘柚粒，伴鮮芒果汁及佢地獨家調配嘅椰漿，口感豐富，以別不同。（老細好nice好好傾，原來全部都係老闆親自整的）第一次黎，好味有驚喜，值得推介！

同老公食完飯想買甜品返屋企食，經過呢間甜品舖諗住試下，價錢唔算平，綠豆沙$20，榴槤金撈$36同榴槤撈河$341，榴槤金撈：份量算多但只係西米露多(成本唔高比多的都無所謂)同因為pat榴槤ok,所以不過不失2，榴槤撈河：椰粉河粉無椰汁味，亦溝得過左份而連少少煙un都無，榴槤汁又係開到稀晒，係pat榴槤救左碗野，勉強都可以食完，反正份量唔多3，綠豆沙：最慘不忍睹，我已經算係勁鍾意食甜品，只要未去到難食到嘔我都盡量會食完，但係呢個綠豆沙“水料料”既程度係完全無綠豆品，得個甜字，我食左4份1之後頂唔住同老公講“開盒日清美味寶應該仲好食過呢盒野”。。。然後就掉左。。。以咁既價錢去食的咁既甜品，不如買日清美味寶開出黎賣無咁虐待的客個胃

芒果椰汁西米露 (配雲呢拿/芒果雪糕):普通到不能再普通, 芒果不單止唔甜仲要酸, 加錢的雪糕球又唔滑, 椰汁又唔夠香滑, 難怪飯後時間竟然唔洗等位可以即入呀!! 應該冇下次的 

今日朋友問我今晚果餐想食什麼，我就選擇了太子享用晚餐，但我醉翁之意不在於此。 因為上一次同朋友無意間想食甜品，剛好呢間新開就入去試下。水最初果兩位仔妹服務真係唔得，簡直係唔憂做，真係想鬧佢。不過最後都叫咗個招牌mango軟雪食。一食我就鍾意咗。完全唔似雪糕咗。入口即溶。 好rich... 所以今日好想再食。今次食咗strawberry味，酸酸地不過幾好味。 朋友之前試過豆腐花都好滑。 至於服務就好好多了。因為兩位都無做了。 換來自己人做好好多。 值得再去試其他甜品。

喺太子食完飯，見到有間新開嘅甜品店。就入去一試。見呢度有中式又有西式甜品。叫左個芝麻糊加湯丸，佢地話自己磨芝麻。但食落一般。無乜之麻味，唔夠滑，不太甜，又唔夠熱，湯丸似雪藏貨，層皮散散地，個心未溶，難怪冇乜人幫襯。