甜牙牙 (已結業)

和朋友在尖沙咀吃完晚飯 最適合不過就是找個好地方邊食甜點 邊談天說地 甜牙牙都是一個不錯的選擇🤔😏店裡裝潢以簡約的白色為主調 牆邊擺滿小擺設 有可坐 14 人的 Private Corner 環境舒適 打造成三五知己談心的好地方 👨‍👩‍👧‍👦難怪咁多食客在附近食完晚飯之後都會黎甜牙牙「下場」啦😏和朋友選了4款甜品share食（食完飯再去食甜品 d人話女仔係有第二個胃去食甜品 真係無講錯！🙈😂）朱古力酒心心太軟（$78）由於是即叫即整的 所以一上桌便香氣撲鼻 😌裝飾也做得頗有心思😬用可可粉灑出精巧的圖案 配上鮮忌廉和Mövenpick雲呢拿味雪糕 是典型心太軟的配搭！心太軟焗得外脆內軟把它輕輕切開 暖和的酒心朱古力醬便傾瀉而出濃郁的百蘭地酒香 混合了香甜的法國著名的 Valrhona 朱古力 味道意外地夾 不會有苦澀的酒味🤗雲呢拿雪糕配上朱古力心太軟 簡直是絕配！😋提拉米蘇木糠布丁批（$50）甜牙牙的Oreo木糠布丁批就食得多 新口味提拉米蘇就第一次試👻賣相相當精緻😆由奶油 碎餅乾逐層逐層疊成的木糠布丁批上面放着提拉米蘇口味的雪糕球和塗了半邊朱古力和加上杏仁粒的手指餅乾 奶油軟滑 碎餅

雖然係甜品鋪，但食嫌左茶餐所以試下甜牙牙既all day breakfast如何，答案就係還好，腸仔好普通，而且沙律不是外國的菜，而是罐頭果粒加點沙律醬，焗豆同番茄，比較特別的是法式麵包加蛋。整體來說同傳統all day breakfast有分別，份量都唔夠一個女孩子（可能我大胃），下次都係食返甜品。

呢晚心血來潮, 想食甜品做晚餐, 就同媽咪嚟到甜牙牙食個甜品宴, 滿足一下甜牙齒。甜牙牙地方幾大, 仲有梳化位, 感覺好relax。草莓窩失($56)帶少少脆裏面軟綿綿, 蛋香同牛油香比較淡, 甜度亦低, 反而食到麵粉香, 感覺好健康, 配埋酸甜既草莓, 仲有一球軟滑既雪糕, 好清新!心太軟($60)採用varlhona朱古力, 帶濃濃既朱古力味, 濃度頗高帶少許甘苦, 一啲都唔過甜。雖然外層欠缺左脆口, 但蛋糕幾鬆軟, 朱古力漿亦夠濃稠, 整體唔錯!! 而movenpick既雲呢拿雪糕當然無得輸!!crepe($78)厚左少少, 蛋味同牛油味都唔重, 又系比較健康, 上面既栗子蓉好香滑, 中間仲有一球movenpick既朱古力雪糕, 整體有少許膩, 亦比較飽肚。腐竹糖水($28)裏面有少量薏米同白果, 腐竹已經融化左, 略甜, 如果渣多啲就更好。呢度既甜品水準唔錯, 份量又大, 食完好滿足, 下次一於同朋友再嚟!

今日天氣太熱☀️☀️行左一陣街，已經好熱仲有少少中暑feel，最後頂唔順熱過頭，搵左間甜品店坐下食下嘢解暑。見到入面都幾多人，應該味道都ok首先叫咗西瓜汁特飲，解解暑先飲落第一啖，好冰涼冰凍，似西瓜冰沙多啲，真係將我心入邊嘅熱氣完全recover到，味道好清甜，係西瓜既甜味，而我最欣賞嘅係入面仲有西瓜的果肉，又有飲又有得食伯爵茶木糠布丁首先佢個布丁個質感係比較硬身，唔同出邊有啲會一夾就會散。味道第一啖會好重伯爵茶味，有濃濃嘅茶香，之後就會夾雜着木糠嘅味道。不過可能天氣太熱，雪糕好快就溶，味道甜甜的。焦糖脆脆窩夫朱古力雪糕味好濃，我好鍾意。窩夫好脆加埋焦糖脆脆，味道帶點甜味，又有焦糖味。不過如果個窩夫熱啲會好味好啲！最後到我最愛嘅心太軟，一到已經聞到朱古力嘅香味。一切開，朱古力嘅熔岩就流出來，每次我都最期待呢一個時刻味道有濃濃的朱古力味，仲好似夾雜着一啲酒味，比較同我之前食到嘅心太軟有啲唔同，外面軟鬆加埋入面既流心，口感好豐富。

成日經過見到甜牙牙，但都未試過，今次同朋友聚餐想去尖沙咀搵甜品店就揀左佢！坐低發現原來而家甜品店唔單止有糖水甜品，仲有薄餅，all day breakfast 😂 而甜品舖黎講佢有沙發位算係十分唔錯👍🏻👍🏻本人不嬲我都十分鍾意食窩夫！今次係呢度見到餐牌上邊有好多窩夫嘅甜品，個有咸味窩夫，我地揀左兩個甜味嘅窩夫同一個鹹味嘅窩夫👅沙津窩夫三文治: 見到有咸窩夫即管試吓，我初時都會喺度諗會唔會好奇怪或者味道都唔夾🤔但係食落原來窩夫仲夾過麵包，外脆內軟配埋沙律蛋，煎香左既煙肉，減膩之餘，口感仲好豐富🤓士多啤梨窩夫: 同其他甜品店嘅窩夫差唔多，唔算十分特別！窩夫皮脆，配上酸酸地嘅士多啤梨特別開胃Oreo 朱古力窩夫:一你都見到個賣相已經瘋狂影相，呢個窩夫係心形搭成，裏面夾住Oreo餅乾，每一啖再配上朱古力雪糕加Oreo 餅， 味道十分夾！旁邊嘅蜘蛛網係雲呢拿汁，味道都唔算太甜👍🏻

食完晚餐之後 係尖咀行黎行去 最後黎到呢間甜品店。行去好多人 爆差啲爆哂。，好彩唔洗一分鐘有位 :> order jor 餐廳出名既心太軟 。 賣相一流 ，好有feel lol 心太軟有啲苦，同我想像有啲唔同。怕苦嘅要同雪糕一齊食沖淡苦味。overall Dou Gei Ho mei

今日黎開TST食完晚飯就過左黎食甜品, 甜牙牙開店都幾多間, 不過TST呢間算食得最多. 女朋友好中意食呢度既『心太軟』, (差唔多每次必叫)因為佢覺得有少少苦之餘又唔太甜, 食完可能冇咁大罪惡感呢我自己就麻麻地就正正因為佢果陣苦味

地球暖化，三十幾度高溫己是平常事，熱得連晚餐真的沒胃口，唯有甜品搭夠。躲進甜品店，嘆下冷氣人都精神點，胃囗也回來了。心太軟己不是新玩兒，周圍可食到，但要好吃的話沒太多間。尖沙嘴新開的甜牙牙算是其中之一另我滿意。朱古力味香濃出眾，流心效果勁，甜度適中，越吃越美味。伯爵紅茶味梳乎厘就遜色了，雖然有陣陣清香的紅茶味，但偏甜的口感有點膩。友人點的茘枝龍眼號就讚不絕口，沙冰包裹著雲尼拿雪糕散發出桂花清香氣味，特別醒神。粒粒清甜的茘枝肉和龍眼肉配角得嚟有光芒。整體甜品水準頗高，下次要試下all day breakfast或waffle之類！

甜牙牙成日都黎食嫁喇，黎到必食既係呢度既心太軟😍👍🏻Classic 心太軟 $60 🍫我好中意食佢既心太軟，因為佢帶點苦味食落去唔甜又唔膩，而且朱古力味好濃郁，好好食！😋👏🏻👏🏻👏🏻栗子可麗餅 $78 🌰栗子蓉好香好細滑，薄薄既可麗餅夾埋d cream 同nuts一齊食幾夾， 整體都幾好食。👍🏻👍🏻👍🏻😻

晚上時段四個女生一行四人，特地去食個甜品做一個晚上既點綴，然後一直聽聞甜牙牙質量都唔錯，所以坐低都刁立即點餐。我點的是朱古力香蕉船（另有別名但已記不記）友人的是Oreo 船和宇治金時船，還有蛋白焦糖燉蛋。朱古力香蕉船：香蕉微烤，配一球雲尼拿跟朱古力雪糕，有些早餐朱古力脆脆穀粒，底下的是啫厘，朱古力雪糕無朱古力味，啫喱不配，整體普通。而友人的Oreo 船和宇治金時船先致是最不濟，以西米露做底配料，口感非常差兼難食，宇治金時的抺茶雪糕，沒有抺茶味，是半點都沒有，已經不知自己在吃什麼。

原來身邊有位朋友從未食過甜牙牙，我幾年前已經食過，所以聽到朋友話未黎過感到好意外！於是食飽飯就過黎食飯後甜品！伯爵茶木糠布丁，質感比想像中硬，好似放左入雪櫃長時間雪住咁，味道方面，有淡淡既伯爵茶香，幾清新唔會太甜！棉花糖朱古力窩夫，一共有4塊心型窩夫，中間夾上燒過既棉花糖！窩夫外脆內軟，朱古力味香！

時間尚早, 先吃甜品, 再吃晚飯, 甜牙牙位於尖沙咀加拿分道46號地下。裝修別緻舒服, 還有 sofa 位可選擇, 坐得更舒服。坐我側邊的小可愛原來還有 BRUNCH, 可以一站式, 食晚甜品一齊來。嘩! 啲甜品洗唔洗靚成咁呢? 又選擇困難症抹茶二丁目 ($188/2位用)甜品用木板盤上, 很精緻華麗, 內有抹茶雪糕、綠茶木槺布甸、抹茶心太軟、綠茶焦糖燉蛋、綠茶可頌及綠茶一壺。抹茶雪糕雪糕抹茶香濃, 雪糕軟滑, 唔算甜綠茶木槺布甸木槺粉磨得幼細, 食落較滑口, 薄薄一層相隔綠茶忌廉, 綠茶茶味淡淡然的, 跟滑溜忌廉相當匹配, 甜度亦適中。抹茶心太軟切開皮, 濃厚的抹茶漿緩緩流出, 抹茶味非常濃郁, 帶抹茶微甘苦, 略嫌心太軟皮厚了些, 不夠皮薄餡靚。 綠茶焦糖燉蛋賣飛佛, 焦糖甜脆, 綠茶優香, 忌廉滑口, 好味 綠茶食完甜品, 來一壺香濃綠茶清清喉嚨, 暢快地埋單。

食兩樣野等左四十分鐘 差啲等到走催單又唔俾回應 黑住面喺到呆等 唔係特別繁忙既時間但四十分鐘已經唔係可以體諒既時間。心太軟又太苦 入唔到口 係太苦 唔係一般既苦由好期待變到好失望

每次係尖沙咀想食甜品都一定會去甜牙牙，喜歡佢地既甜品選擇多坐得又舒服。 雪地芒果船，賣相唔錯，有兩球雪糕、脆餅好脆有少少甜、椰果和滿滿既芒果果肉又香又甜，底層仲有芒果味道既啫喱。 冰火焦糖燉蛋，上面是燒過既蛋白，而下面係焦糖燉蛋。蛋白味較淡，但口感幼滑。忌廉食咗一啖疑惑咗好耐，到底佢係咪忌廉，食多幾啖，發覺有少少甜甜地，可能連埋焦糖一齊食。暖暖既蛋白再配凍既燉蛋，面頭既焦糖仍然係脆既而燉蛋又滑，有啲似食緊布甸。

由於吃了一頓不夠飽的晚餐，所以飯後便與同事到了甜甜牙試圖用窩夫來充飢。 先前跟男朋友試過一人點了一份窩夫，但最後真的飽到上心口，所以汲取經驗後的我決定只點份量較細的心形窩夫，而且不用加錢已配了Movenpick雪糕，經濟抵食!士多啤梨伴窩夫加雪糕 $54一小塊的心形窩夫蛋香味十足，外層鬆脆而內裡依然像蛋糕質地般軟滑，將一小勺雪糕塗上窩夫面，再加點餅乾碎，口味精緻又不會過甜過飽，適合愛吃甜又怕肥的女生。而且Movenpick雪糕味道與別不同，奶味濃郁之餘亦嚐到啖啖士多啤梨肉，矜貴之處就在此。