甜牙牙

营业中

休息中

有日放假同朋友食完台式野，就約左另一班人去食糖水，約左尼間位於旺角比較冇甘多人既街，位置上唔算易搵，需要四圍望先見到，入去差唔多齊人就睇餐牌，餐牌有圖片算簡單易明，價錢唔貴而且款式多，於是就揀左自己比較鐘意食既朱古力雪糕窩夫，等左大約八至十分鐘就有喇，雪糕味道濃度適中，窩夫有淡淡既鹹甜味，整體合格，因為旺角區唔算好多西式甜品舖，所以經過尼區黎食就岩喇

過咗中秋都仲係咁熱，喺旺角食完晚飯行咗陣，決定食個甜品過冷河！呢間甜牙牙相信大家都唔陌生，好耐無食，環境一樣乾淨企理；款式有窩夫、心太軟、棉棉冰、烤雪梨糖水、水果茶等，同朋友一人叫咗一款：❄️益力多棉棉冰 ($88)棉棉冰做到一層層嘅效果，入口幼滑，益力多味酸酸甜甜幾突出～配料豐富，四色芋圓有芋頭、蕃薯、紫薯、抹茶，口感Ｑ彈煙韌，就連中間都係軟腍熟透👍🏻另外加上芒果爆珠、椰果條，夾埋棉棉冰食增添口感一流！🍐雪蓮子薏仁烤雪梨 ($56)轉季叫返個中式糖水補一補～用咗個圖案好得意嘅杯去燉，好夠熱而且好足料！大大個雪梨好清甜，仲有雪蓮子、薏仁、雪耳、杞子，夠唒滋潤，食完個喉嚨好舒服🥰🔸設每人最低消費$50總結：座位比一般糖水舖闊落，喺度嘆個甜品大滿足～

甜牙牙📍：旺角廣華街3號百利達廣場地下4號舖🚗：油麻地地鐵B2出口 步行5分鐘📞：+852 2662-6890💲：~HKD50-70/head for dessertFood quality✔️：抹茶心太軟、桂花雙雪燉桃膠、水晶紅豆芋圓杯👌🏼：提拉米蘇窩夫、益力多綿綿冰、椰子綿綿冰總結：😋廣華街有好多甜品🍮競爭 甜牙牙可以係咁多對手中生存落嚟代表佢都有啲料到😋抹茶心太軟出乎預料地好食 烤焗嘅時間很剛好 蛋糕香脆嘅外層切落去 入面嘅抹茶岩漿流瀉 伴以抹茶🍵雪糕一冷一熱 一脆一軟 好食😋主要做西式甜品 估唔到中式甜品都唔錯 叫咗嗰桂花雙雪燉桃膠都幾靚仔 完全係足料美顏養生之選😋水晶紅豆芋圓杯就水晶好吸引 都幾足料 有紅豆🫘小丸子 西米同3款芋圓🤔益力多綿綿冰同椰子綿綿冰🍧都好大份 唔錯🤔提拉米蘇窩夫🧇就正常 tiramisu幾好食🤔試咁多款都冇伏 都算係咁

朱古力窩夫將白色的cream加上窩夫上，能提升窩窩的口感，但cream不夠凍，只能背上朱古力雪糕加凍窩夫，右下角的朱古力餅都有很濃的朱古力味道。桂花麻糬西米露這款甜品有不同層次的口感，有不同種類的甜品混合在一起，意想不到那麼合襯，很適合情侶一起共享，但可能份量較少。環境方面很擠逼，實在沒有辦法，香港地少人多，只能夠增加客流量，坐逼一點，每台限時45分鐘，不過職員都會善意提醒客人夠鐘，不會沒有禮貌，但是這間甜品店不是與朋友共聚，閒談的首選甜品店

兩個女仔食完晏之後，見仲有啲時間，想食埋甜品先返屋企，但係兩個狂咳嘅朋友，有咩資格食糖水呢？喺旺角行嚟行去終於搵到啱我哋嘅選擇😻😻其實仲有好多其他選擇都好吸引，但係今日我哋嘅狀態只係適合呢一類😂😂😂😂川貝雪耳烤雪梨$68個杯好精緻，佢應該係連埋個杯一齊拎去燉，連個手握位都暖呼呼的🥰🥰🥰🥰個雪梨燉到個口感剛剛好，雪耳嘅口感連埋一粒粒嘅微甘川貝，食落去個喉嚨好舒服南北杏雪耳烤雪梨56呢個就好似媽媽牌嘅雪梨湯，南北杏爽脆嘅口感配埋啲雪耳又係食得好舒服，唔知個雪梨係乜嘢品種，好甜，清甜到好似食緊糖咁😄😄😄同埋好好嘅，就係我哋兩個食完之後第二日都冇嘢痰，證明佢係天然嘢👍👍👍讚讚讚下次冇咳，一定要試埋佢其他招牌甜品！

數學題，傳說女人都有兩個胃，咁2個女人總共有幾多個胃？答案係，可以食到3個甜品🍧🍧🍧由於我哋叫嘅甜品都係即叫即整，大約等了15分鐘就有得食🍴🍨Tiramisu 窩夫+曲奇雪糕$72其實係原味窩夫配Tiramisu 蛋糕，窩夫食落非常鬆脆，唔算厚實，搭配Tiramisu 蛋糕同曲奇雪糕一齊食，口感顯得非常豐富。🍨士多啤梨鬆餅+ 士多啤梨雪糕 $88鬆餅一上枱就聞到濃濃嘅蛋香味，口感軟綿，配忌廉一齊食，口感更加軟滑。🍨朱古力心太軟＋曲奇雪糕$70心太軟上枱時熱辣辣，外層鬆脆，切開後見到滿滿嘅朱古力醬，朱古力醬非常香濃，伴有杏仁，曲奇碎和曲奇雪糕一齊食，味道非常之夾。除咗以上甜品之外，仲有其他中式糖水、水果茶等可以選擇。

👧🏻😋👅🍽✨必食心太軟❣️-🦷 有多款甜品, 價格比一般糖水鋪貴少少, 設有每人最低消費$50, 但甜品賣相精緻比較decent; 地方闊落就算坐到七八成滿, 座位都比一般糖水鋪舒適同靜-🥥 椰子心太軟 $70💯即叫即做製作需時, 預設配曲奇雪糕冇得揀, 但真係最好配搭, 連同椰子流心蛋糕同杏仁片夠香又唔會太甜; 比起朱古力心太軟有過之而無不及-🥭 芒果窩夫 $76✨窩夫外脆內軟, 鮮忌廉上有焦糖醬, 同芒果雪糕都好甜但兩者唔撞, 鮮芒果粒堆左個小山好甜好juicy

今日係旺角同frd食完飯就嚟食個甜品再返屋企平日嘅夜晚都幾多人見到依個雪山 即刻就吸引咗我燃點溶岩火焰雪山 $118(朱古力心太軟 | 曲奇雪糕 | 蛋白霜 | 橙皮酒)熄晒全店嘅燈嚟點火 少少嚇親 原本以為邊個生日 點知捧嚟我哋枱😂食個甜品都儀式感滿滿講返個甜品 朱古力心太軟 曲奇雪糕 蛋白霜 全都是我喜歡的東西三款分開食 定係夾埋一齊食 都好味但浸得太多橙皮酒嗰部份就有少少苦朱古力心太軟流心效果唔錯唷外層暖粒粒 脆脆的 入面嘅朱古力漿 就好香濃燒過嘅蛋白霜 真係my all time fav曲奇雪糕最後我哋仲嗌咗杯西柚梳打 酸酸甜甜

在旺角吃完晚餐後 便來到煙廠街很有名的甜品舖一試我們9時便到達 所以無需排隊不過入面亦已坐滿顧客餐廳雖然不大 不過尚算舒適亦很適合一大班人吃飯後甜品甜品款式比想像多西式的不限於心太軟/Waffle/鬆餅/火焰雪山中式的亦有烤雪梨/桃膠/芋圓而消暑的亦有水果茶及梳打等飲品 我們最後叫了兩個甜品, 加一個飲品由於是即叫即整, 大約等了15分鐘Tiramisu鬆餅 + 蛋糕 + 曲奇雪糕 ($78)雖然鬆餅沒有想像中的軟綿綿不過蛋香味卻非常豐富加上Tiramisu忌廉異常的吸引蛋糕及曲奇雪糕一冷一熱,一軟一硬亦令口感顯得非常豐富朱古力心太軟+ 曲奇雪糕 ($70)心太軟雖然沒有想像的流心但外層卻非常的鬆脆內裡的朱古力醬也是非常香濃配上曲奇雪糕也是非常匹配水晶茶青檸梳打 ($36)飲品的賣相很漂亮, 打卡之選加上底部的啖啖啫喱絕對是夏天的解渴佳品

最近去旺角食咗一個幾好味嘅甜品「西重窩夫PARTY」以原味窩夫為基礎,突出窩夫自身的香甜口感。配料1. 朱古力 - 提供了巧克力的濃郁滋味。2. 忌廉 - 為窩夫增添了滑順的質地。3. 朱古力球 - 添加了更多巧克力元素。4. 曲奇碎 - 提供了酥脆的口感層次。包括窩夫本身的經典風味,以及朱古力、忌廉等各色配料,既保留了窩夫的傳統特色,又融入了創新口味,為顧客呈現出層次豐富、口感多變的甜品體驗。榴槤西米露口感: - 軟糯綿密的西米露,與鮮甜多汁的榴槤完美融合,層次豐富。 - 結合了熟悉的西米露質地,又增添了榴槤獨特的香氣和風味。

食完晚飯緊係要食甜品，飯後甜品是餐後完美嘅總結，令人滿足！甜品店地方都幾寬敞，仲有舒適嘅梳化座，環境光猛。餐簿整得好靚，有齊晒相片，睇落好吸引！有心太軟、窩夫、拿破侖、鬆餅、中式糖水、燉蛋、棉棉冰、河粉、水果茶等等。男朋友係榴槤痴，揀咗份榴槤鬆餅 ($82)。即點即製，熱辣辣，榴槤香四溢！用料有鬆餅、榴槤肉、忌廉、焦糖醬、曲奇碎和曲奇雪糕。軟鬆餅雖比梳乎里班戟的質感實在一些，但食落都係鬆軟，又好有蛋香，配上冰凍甜美的曲奇雪糕更正。榴槤肉非常香滑，優質！男朋友極滿意。我就要滋潤一下，川貝蓮子雪耳烤梨 ($60) 用一個很有特色的杯子作為燉盅，有趣！熱度十足，用料亦足，內有川貝、原粒蓮子、雪耳和原個雪梨，燉至腍嫩，味道甘甜，滋潤順喉。

去咗旺角行街，又到下午茶時間梗係食返個甜品，下午茶時間仲有75折😙😙抵食好多🤎抹茶心太軟 心太軟即叫即焗仲有配搭紅豆同雪糕🍵抹茶餡料流心效果做得好好，好滿足抹茶雪糕都好濃抹茶味🍦🤎芒果龍珠脆脆酸奶配搭酸奶口味幾啱我心水，又有芒果又有龍珠同脆脆增加口感，開胃又健康🤤🦥甜牙牙 (旺角)旺角廣華街3號百利達廣場地下4號舖 🌲🌲🌲🌲🌲🌲🌲🌲🌼懶好食指數：4.5/5🌼懶住去指數：4.5/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

旺角食完晚飯想食d 糖水滋潤下，我就會介紹廣華街既甜牙牙🦷🍮🍬🥣出名糖水店甜牙牙，西式糖水同中式糖水都有，甜品同梳芙尼更是頂呱呱。最近天氣乾燥，又想滋潤下，我就點左碗熱既桂花雙雪❄️燉桃膠，ㄧ來熱飲暖下胃，又可以補充下骨膠原。呢碗糖水有賣相又夠足料，桂花香，雪梨🍐又夠甜夠清潤，岩曬平時講野講得多既我，最重要係我最鐘意既桃膠好Q好彈牙，而且份量種好多🤭飲完碗糖水即刻覺得自己靚左滋潤曬啊🤭

旺角好味甜品店芒果鬆餅 - 這道甜品以軟綿的鬆餅為基底,配上新鮮多汁的芒果、香濃的忌廉,最後淋上可口的焦糖醬,並撒上酥脆可口的曲奇碎,口感豐富層次感強。雪糕 - 這是店內的招牌作品之一,以古老傳統製作法炮製而成的雪糕,採用優質牛奶和當季新鮮水果製作,口感細緻柔滑,清新自然的果香縈繞在口腔中,令人垂涎欲滴。整體而言,這家甜品店以新鮮時令水果為主打,糕點和雪糕都製作精緻,融合了傳統和創新的元素,為顧客帶來極富特色的甜品體驗。店舖環境優雅舒適,適合與摯友或家人一同品嘗美味佳餚,度過愉快的時光。

位於旺角的這家甜品店,主打的就是性價比。芒果窩夫,這道甜品將香甜多汁的芒果肉完美地融入了酥脆可口的窩夫之中。窩夫的外皮呈現出焦黃色澤,內裡蓬鬆軟綿,而芒果的芳香與甜蜜剛好補充了窩夫本身的底味,交織成一道絕妙的滋味。每一口都令人陶醉於芒果的迷人香氣之中,是一道難能可貴的甜品。芒果西米露河粉,這道甜品將Q彈柔軟的西米露與鮮甜多汁的芒果肉完美結合。湯汁清透可人,帶有淡淡的芒果香氣,與柔滑順口的河粉相呼應,彷彿一場芒果雨中的細語。這道甜品清新爽口,令人回味無窮,是夏日午後的絕佳選擇。這家甜品店用心鑽研每一道菜品的口味搭配,將芒果這一水果的原汁原味完美地展現出來。