甜牙牙

营业中

休息中

食完晚餐，大概10:00左右。座位大概八成滿，我哋兩個人去坐咗張六人枱，有個戴眼鏡曲髮微胖女士態度非常惡劣同我哋講「兩個人打對面坐喎，坐埋一邊啦」。其實站在商業角度，我係老闆我都會叫人咁做，但係點樣講呢番說話嘅技巧就真係要有，我覺得好似俾人趕咁，不過唔緊要，食個糖水好快走嫁啦，諗住由佢啦。食嘢正正常常，冇特別好食，冇特別難食。坐得迫，就間間糖水舖都係咁迫，嘈就一定間間糖水舖都係咁嘈，但係到去廁所問佢攞鎖匙嗰陣好似欠咗佢錢咁，手指指，面黑黑。去到埋單嗰陣，個位女士完全冇用語言交流，伸直隻手遞張單出嚟俾我自己睇價錢，就咁隊部機埋嚟叫我俾錢，唔知仲以為爭佢錢。冇下次。

最近嚟開旺角開飯，朋友話想食一間有齊主食同甜品嘅餐廳，就一於嚟甜牙牙煮意試試🤝，佢哋嘅甜品選擇多元化，有窩夫，鬆餅，心太軟等，有選擇困難症嘅朋友仔一定花多眼亂🤭～🍕海鮮酥餅批薩佢有啲似鹹版嘅拿破侖，食落好酥脆，每食一啖都會跌啲脆脆落嚟🤣，pizza上面嘅海鮮都焗得好入味，呢個pizza真係好特別，同其他地方食到嘅口感好唔同！🦐🍝蝦汁大蝦扁意粉橙紅色嘅大蝦入口鮮甜彈牙，扁意粉軟硬適中，蝦汁係先用蝦頭炒香再煮出來，每條扁意粉都掛滿大蝦醬汁，食落好惹味🤤！🥭芒果拿破侖小店使用嘅芒果好甜，食落酸酸甜甜好開胃，另外拿破侖食落都好酥脆，配埋芒果味雪糕🍦，絕對係為整餐畫上完美句號🩵！

大概夜晚七點幾，當時甜牙牙大概剩係得兩台兩位同埋一個外國人坐咗喺度，成個場都係靜嘅，個大陸口音阿姐仲要喺門口要拉客。咁我哋入咗嚟其實都仲有好多二人位，但係佢就安排我哋夾咗喺兩台中間，之後我哋都好有禮貌表示想坐比較多空位置嘅枱唔想咁迫，（當然如果佢突然間有大枱我哋都會讓返出嚟都明白佢哋要做生意），然後佢竟然答返話：可以，不過其實等陣都會有其他兩人坐過嚟啫～我哋都跟返佢哋規矩係打對坐，純粹係因為拎得比較多嘢書包擺咗喺隔籬位，如果有客入嚟我哋其實會拎返開啲物品的，而且而家佢個場好空冇人排隊所以我哋先借住隔籬位擺嘢。但係唔知道個阿姐係咪唔順氣我哋唔跟佢安排定係點😑佢話唔好意思淨係可以坐一邊一張枱，暗示唔可以擺嘢過隔籬位。但我又望一望另外嗰兩台兩位，同埋新入嚟嗰一台，佢哋都係擺啲袋同書包喺隔籬位置，但係個大陸阿姐完全冇對佢哋有類似嘅表示，跟住我哋即時感覺好似被針對咁🤔之後即時冇意欲消費，即走🫡之前光顧過一次，其實覺得食物質素唔差都幾好味，係特登回頭返去食⋯但經過今次之後完全不了🫡

因為新年年初二，成條街都無開甜品店，開的都係甜牙牙自己店，無奈唯有食佢獨市生意，行左入去坐底。首先我已經好耐無食佢，價錢進取左好多，仲要收加一服務費 🌚。真係吹漲，又唔係高級餐廳，限時45分鐘，賣單又要自己行出去，唯一嘅服務就係一個西面女人行過埋嚟同我講夠鐘啦！憑咩收人加一服務費 😅叫左雪糕楊枝金露，抹茶錦錦冰，提拉米蘇鬆餅，三樣野都十分普通。雪糕楊枝金露，只有雪糕係凍嘅，其他配料，芒果、西柚、椰汁都係室溫。每樣野個味道都好獨立。傳統楊枝金露仲好食D，佢成碟拼埋D配料，$60蚊仲要加一。抹茶綿綿冰，口感一D都唔錦錦，就係碎冰。而家抹茶唔夠濃，紅豆仲係罐頭貨，小丸子無味都算佢連脆珠都無預先處理，又係無味。提拉米蘇鬆餅，個鬆餅中間係濕潤的，似未煮熟，所以質感一D尬唔鬆軟。提拉米蘇無落酒、唔夠咖啡味。加埋一成90蚊咁濟，我去K11食幸福pancake ，都係100蚊仲好食好多。所以我平時都係去同一條街的其他甜品店。新年無得揀，下次最多唔食。

芒果龍珠脆脆酸奶 $54.00（老果肉，龙珠，脆米，酸奶）Dragon Ball Mango Yogurt（Dragon Ball 、Mango 、Yogurt、Crispy Crunch)輕食推介。請店員推介一個值得一試的試項，推介了芒果龍珠脆脆酸奶。中間是酸奶下面是爆爆丸和白玉丸子，上面是新鮮芒果和脆脆，口感十足。TIRAMISU 鬆餅 $78.00軟鬆餅，Tirarisu 蛋糕，忌廉，曲奇碎，曲奇雪糕Tiramisu Soft PancakeSoft Pancake, Cream, Tiramisu Cake, Cookie Crunch, Cookie Ice-cream超級份量大的TIRAMISU 鬆餅。價格性價比高，和朋友分著吃剛剛好。酒味和芝士比例剛剛好，手指餅濕潤得來夠挺身。鬆餅富有彈性拍照之後還是非常挺身不容易倒塌。但香味濃，不太甜。

朱古力窩夫味道普通，唔香濃朱古力鬆餅唔煙韌，唔鬆軟，好乾，唔熱呢個價錢，呢個味道，呢個份量，完全唔值!川貝蓮子梨食唔到有川貝味道，蓮子唔鬆軟，個心係硬嘅真心唔明白點解評價咁高，一面倒咁好？真係我同世人唔同😂絕對唔會再嚟食囉！無論係食物質素，環境，價錢，沒有的服務？冇一樣嘢會令到我再食！只能夠講佢唔難食

甜牙牙煮意(旺角)餐廳為於旺角煙廠街33B朗廷軒地下,餐廳裝修簡約,設有綠色梳化坐位,坐得舒適,設有大型電視,播放韓式音樂,餐廳主打甜品的西式餐廳,甜品選擇多元化,有窩夫,鬆餅,心太軟,燉蛋布丁,芋圓等等給客人選擇,服務員招呼到位。蝦汁大蝦扁意粉$112橙紅色嘅大蝦,新鮮,入口鮮甜彈牙,扁意粉軟硬適中,廚師用蝦頭炒香再煮出來嘅蝦汁,令每条肩意粉都掛滿大蝦醬汁,非常惹味。現烤蒜蓉包$48蒜蓉包上桌香芬撲鼻,食落鬆脆,啖啖都有香濃的蒜香味。西班牙火腿芒果卷$78火腿芒果卷有腰果和果仁作伴碟,鮮紅色嘅火腿包著芒果粒,食落口腔內有2種味蕾亂竄,一鹹一甜非常夾,每口都有鹹香清甜的味道。烤煎檸檬三文魚配油醋沙律$88三文魚經廚師巧手煎到魚皮脆口,魚肉鮮美冇腥味,車厘茄和沙律菜占滿油醋,入口清新爽甜。芒果窩夫$76芒果窩夫材料豐富,有忌廉,焦糖醬,芒果粒,芒果雪糕和曲奇碎,呢款甜品有多種口感,十分滿意。

用餐日期：2023/12/31用餐時段：下午茶用餐費用(每人）：$63餐廳環境：環境整潔乾淨 冷氣足 室內不少座位 室內檯與檯之間較近 人多時可能要搭檯 服務：服務員服務態度好 點菜上菜都快味道：點了椰子綿綿冰+芒果綿綿冰1: 椰子綿綿冰$60- 椰奶冰+椰果+什果條+爆珠 綿綿冰份量足 綿冰椰香味足 刨得一片片綿密細緻 外觀似一片片薄片層層疊疊埋一齊 賣相好 椰果爽脆 什果條彈牙 爆珠多汁 綿綿冰入口即溶 味道好 食到最後一口都沒怎溶 推薦 2: 芒果綿綿冰$66-芒果冰+芒果肉+什果條+爆珠 綿冰芒果味足 刨得一片片綿密細緻 外觀似一片片薄片層層疊疊疊埋一齊 賣相好 芒果肉不夠甜有點酸 什果條彈牙 爆珠多汁 綿綿冰入口即溶 食到最後一口都沒怎溶 如芒果肉可正常甜會更好 總結：這家環境舒適 室內不少座位 服務員態度好點餐上餐速度快 綿綿冰做得綿密細緻 賣相好 份量足 味道好 椰子和芒果選擇較推薦椰子綿綿冰 是值得推薦的好綿綿冰店提示：店員告知這家開門時間係每日下午2時

食完飯搵吓甜品食見呢間Menu都多選擇 就揀呢間叫左3款甜品芒果窩夫派對，窩夫偏硬，芒果酸酸甜甜，加個芒果雪糕同埋忌廉，覺得有啲乾，多啲忌廉會更好食朱古力窩夫派對，雪糕加窩夫，朱古力嘅配料唔多，但配搭覺得幾好味榴槤西米露小丸子，榴槤雪糕好味，芋圓一般，唔係好彈牙，西米露正常發揮！

//甜牙牙//提拉米蘇鬆餅🥞外觀超豐富🤤鬆餅濕潤軟綿綿仲有好濃嘅蛋香味外觀超豐富🥚浸加埋過咖啡酒既手指餅配埋朱古力雪糕同忌廉食味道啱啱好估唔到原來咁樣食法可以咁夾好滿足呀🤤🤤朱古力心太軟🍫心太軟啱啱上枱夠曬熱辣辣🔥切開有流心效果 朱古力醬夠濃唔會太甜再配埋雪糕同cream 呢個完美嘅配搭我估應該冇人會唔鍾意

今日夜晚食完飯約咗朋友去油麻地交收🫶突然好想食甜野咁就係旺角油麻地附近度搵甜品鋪啦。 行到廣華一帶，諗起玩具鋪後面有好多餐廳。其中見到甜牙牙，諗起好多年前食過，門口望一望menu，見到有好多選擇咁就即刻坐底試下啦！ 厚厚的menu, 都幾多選擇我覺得以上呢兩款 心太軟/ 拿破崙脆餅塔 都非常之吸引！ 重點係餐廳主打使用movenpick 雪糕！即刻好期待了，好多都想試，但奈何我只有一個胃，今日就試住朱古力心太軟先！ 同店員落單時有提過要等大概15mins，OK 明白係要整時焗的。 承惠一客$68。等左十零分鍾之後，朱古力心太軟到啦！賣相超級正，好期待將佢切開流心！擺盤上面有埋雲呢拿雪糕，忌廉，藍莓，士多啤梨，杏仁及曲奇碎。 幾豐富唔錯切開咗之後，發現心太軟焗得剛剛好！流心朱古力再慢慢流出。 外脆內軟，朱古力味濃厚而不膩！ 配埋Movenpick 雪糕 真係十分正啊極速清碟了

出開旺角行街好耐冇食甜品喇🥰 間唔中食啲甜嘢個人會開心啲💖  甜品舖一般都係坐得又逼又喼，呢間甜牙牙裝修同傳統甜品舖好唔同， 有韓式嘅感覺， 店內播住韓式歌， 裝修走黑色型格路線✨ 抹茶西米露河粉抹茶河粉煙韌彈牙， 加左好多西米同埋脆嘅粒粒， 口感層次豐富， 椰汁底又香又濃✅ 而且不會太甜👍 椰子綿綿冰椰子綿綿冰好棉滑， 咬落淡淡椰子香味👍👍  配上椰果和爆珠，好適合夏天消暑😍 見到餐牌有意粉小食，可惜已經食飽至去， 下次要試埋佢啲意粉🤗 總括來說甜牙牙嘅甜品質素高👍 價錢相宜 ， 幾十蚊一個甜品又食埋環境， 真係物超所值🥰🥰

今日同班friends係旺角食完晚飯，有人提議食甜品，即刻上網search，見到呢間甜牙牙都幾多好評，就決定去試下。  可能太多好評關係，都幾多人幫襯，我地一四人都等左30分鐘先有位。  朱古力窩夫派對-兩人份 ($128) 呢個窩夫係朱古力味，面頭有忌廉，幾球雲呢拿同朱古力雪糕，再配上曲奇碎同烤過嘅杏仁片。食落窩夫幾好食，好脆。不過雪糕只係普通貨色。呢個價錢有啲貴。 抹茶味心太軟 ($68) 呢個抹茶味心太軟配料有煮到起沙嘅紅豆，士多啤梨同藍莓，仲有烤杏仁片同忌廉。 呢個心太軟入面係流心嘅抹茶醬，再配上抹茶雪糕，真係每一啖都有好濃嘅抹茶味，抹茶控食到應該會好開心。 Tiramisu鬆餅 ($76) 最後就係Tiramisu鬆餅，鬆餅係普通嘅鬆餅，佢身邊嘅Tiramisu蛋糕就有淡淡香嘅Tiramisu 味。佢仲配上一球雲呢拿雪糕。 呢餐甜品，不過不失，唔駛等位就更好。 

🍊 餐廳名稱：甜牙牙 🐝 味道：4/10環境：7/10整體分數：5.5/10💰人均：$60~120———————————————————呢間甜品舖可以話係由我中學個時開到而家，就係嗰陣時食過一次覺得麻麻之後我就無再食過。咁事隔都咁多年，我秉承住呢間嘢屹立不倒一定有佢嘅原因，加上之前睇到個台灣youtuber推薦，所以就再俾多次機會佢，點知…小丸子麻糬芋圓杯 💰賣相睇落都唔差，點知食第一啖，啲小丸仔係未煮熟入面係硬的。味道上過份地甜，而已個碗係淺到匙羹既1/5已經盡左。伏！失望！芒果窩夫派對 💰最正常係呢個，所以野都不過不失，份野足既！草莓鬆餅 💰個鬆餅口感偏向似係蛋糕多啲，而呢個蛋糕都係比較偏甜，再加埋其他配料一齊食就甜上加甜，你話係咪伏呢又未稱得上，但絕對唔會係好食！

食完飯就梗係要去食甜品啦！呢間甜品舖係朋友推薦嘅，咁我就嚟試吓佢哋嘅甜品啦～💛朱古力窩夫派對 窩夫嘅上面有五球雪糕🍨，仲有啲cream同餅乾🍪碎。個窩夫嘅口感比較實在，朱古力🍫味濃郁，亦唔會過甜，而且勝在份量大，絕對足夠兩個人食～💛水晶紅豆芋圓杯 最特別嘅係中間嘅透明啫喱，呢個啫喱比較爽口、有口感少少（最鍾意啲有咬口嘅嘢🤗），隔離仲有紅豆🫘、芋圓、小丸子🍡同西米，個base係椰奶🥥。整體嚟講，呢個甜品不過不失～