甜記餃子

营业中

休息中

#pb食在荃灣 #pb中式系列 連荃灣都有呢間人氣餃子店啦🥟提起餃子相信好多人都會諗起甜記 最近去開荃灣先發現原來綠楊坊都開左甜記（佢最近仲開埋機場禁區）😋 佢位於綠楊坊2樓 壽司郎附近🤪 相比起其他分店 荃灣綠楊坊分店環境大好多👍🏻 店內外裝修以水泥、木系風為主 環境幾舒服😍 平日午市時間去到都好多人食 相信好受附近打工仔歡迎🥰.佢有13款餃子口味選擇 有湯餃 / 煎餃 每次可以選擇1至2款餃子口味😋 湯餃價錢$44（8隻）、$48（10隻） 煎餃價錢$48（8隻）、$52（10隻） 幾抵食😍 除左餃子 佢仲有幾款湯麵 價錢$46-$50不等👍🏻🔹湯餃（蕃茄薯仔湯）🍲佢有雞湯 / 蕃茄薯仔湯底選擇🤪 今次揀左蕃茄薯仔湯 湯底清澈 唔會好油、好肥👍🏻 甜度好甜 一d都唔酸😍 加埋少少自家製菜脯 甜甜辣辣 幾惹味😋🔹香芹芫茜豬肉餃🥟餃子漲卜卜 好足料👍🏻 食落香芹味好重 唔太食到芫茜味 芫茜控表示幾失望🥲 🔹韭菜豬肉餃🥟同樣落足料 好大隻🤪 味道正常發揮 韭菜味濃😋.整體✨ 原來荃灣綠楊坊都有甜記餃子😋 荃灣店環境大好多 裝修同其他分店差唔多🤪 今次試左兩款餃子 隻隻都落足料、漲卜卜👍🏻

今晚（1-11-2024 Fri）又同女友人WK喺屋企食外賣，今次我俾咗兩間台灣菜同呢間佢揀，佢就揀咗呢間，咁我哋研究完，就決定要：1. $50.00嘅醉雞打開盒睇，俾咗髀位，WK話份量少，食落，都係有正常花雕酒嘅甘苦味，肉質滑嘅。4分2. $48.00嘅8隻煎餃子要洋蔥薯仔牛肉同南瓜忌廉雞肉兩隻之前都食過，兩樣都同上次一樣。5同4分3. $44.00嘅8隻湯餃子香芹芫荽豬肉同粟米芝士雞肉前者芹味好重好濃，後者都係同之前食嘅一樣。3同4.5分4. 番茄薯仔湯好彩WK揀番茄湯，因為呢個夠味，不過薯仔就好少。4.5分其他：外賣會俾埋菜脯，WK夾嚟食話辣同唔好味，我唔食嘢喇。抵食：外賣每樣加$1.00外賣盒。2.7分服務： 當我落單落到尾聲時，收銀問要番茄湯定雞湯？我一時答唔到，我話一陣間再答你。佢話落咗番茄湯先，如果要改嘅就再通知我哋改。跟住我就問WK，佢就話番茄湯，咁我就唔使改喇。會問客人要唔要餐具。上次食評係2024年5月12日刊登嘅呢篇：https://www.openrice.com/zh/hongkong/review/yeah-%E5%8B%A2%E4%B8%8D%E7%BD%

雙拼湯餃十隻（$48）湯底揀咗蕃茄薯仔湯，味道不錯，酸酸甜甜，碗正中間有一pat蕃茄薯仔蓉。椰菜冬菇雲耳豬肉餃，餃子正常size，餃子皮厚薄適中，滑溜，有咬口。餃子餡飽滿，豬肉餡唔算多，反而椰菜冬菇雲耳佔多啲，所以口感較清爽。香芹芫荽豬肉餃，西芹味濃，芫荽味亦足，口感同樣清爽。雙拼煎餃十隻（$52）本來要咗白菜豬肉餃+韭菜豬肉餃，點知我嗰份比錯咗隔離枱，而隔離枱嗰份十隻都係韭菜餃，但因為已經等咗半個鐘以上，所以唔等了，要咗呢十隻韭菜豬肉煎餃。餃子皮香口，但摺疊位就硬咗少少，餃子餡同樣飽滿，大量韭菜，味濃。食食吓，員工送上五隻煎餃作補償，話係白菜豬肉餃。但咬開，其實係椰菜冬菇雲耳豬肉餃，well，多咗五隻食，唔可以要求咁多。個人覺得，湯餃好食過煎餃。

等待了四十五分鐘的餃子整間餐廳的人都有東西吃唯獨我的餃子等了四十五分鐘都未有中途追了兩次職員話煎錯左但係從沒端上煎錯的東西等了良久，仍冇野食再追一次你竟然笑住講唔錯意思煎錯左同漏單係兩樣野來播！煎錯左都有煎錯的餃子比我食丫！😭最後等左四十七分鐘先有浪費人生時間上來的碟子苦，燶，焦，over cook連鑊屎都附上似返煎食唔落口勁熱氣我只能挖d餃子餡出來食食多陣都覺得熱氣等左47分鐘食咁既野你搞乜😩

食咗芝士粟米雞肉煎餃同南瓜忌廉雞肉煎餃芝士粟米煎餃 芝士味唔太出一般南瓜忌廉唔知係咪因為煎嘅關係好似唔太有忌廉味可能食湯會好啲。另外試咗檸檬葉杏鮑菇雞肉煎餃檸檬葉第一啖食落去嘅時候檸檬葉嘅味好勁，但係食落去又覺得習慣咗冇乜問題即是煎餃都感覺上係比較濕潤同埋新鮮感嘅同埋試咗椰菜冬菇雲耳豬肉湯餃 正常味道但整體而言我覺得係一般嘅餃子我覺得還好嗌咗10隻煎餃，但係食到六隻嘅時候已經覺得好膩食唔落 唔使排隊，下次會試湯餃，但係煎餃可能未必

✨其他分店食過好幾次了，見到綠楊坊都有分店，今日經過綠楊坊冇理由唔食。✨餃子可以揀8隻或者10隻，通常午飯時間我會揀8隻，晚餐我就會揀10隻；湯可以揀薯仔蕃茄湯底或者雞湯湯底。有湯餃同煎餃兩款。🥟✨我每次嚟都係食湯餃子，西洋菜豬肉餃係我必食嘅，西洋菜煮得好鮮嫩，唔會熟過龍。今次仲叫咗另一款南瓜忌廉雞餃，真係成件日本南瓜向入面🎃，好好味。✨另外仲叫咗兩款煎餃子，有椰菜冬菇雲耳豬肉餃同洋蔥牛肉餃子。煎餃既外皮煎得好香同幾脆，入面一樣好Juicy，值得一讚嘅洋蔥牛肉煎餃子，牛味十足，加洋蔥食落好爆汁。我鍾意呢度嘅餃子係因為佢皮薄餡多，餃子亦都好大隻，下午食8隻都足夠飽。另外叫咗兩杯豆漿🥛，好滿足😋下次又可以試吓其他款。

我從小開始很喜歡吃餃子所以經常找不同的特色餃子店今天剛好經過荃灣突然想吃餃子聽朋友說這家店味道不錯而我剛好有時間就進去試試這家店進去後發現超多味道的餃子🥟這次先試試豆角豬肉餃及香茜餃子

甜記應該係我暫時食過嘅餃子店之中會不停想encore嘅店，有時夜晚唔太肚餓但又要食啲嘢，就會諗起餃子，然後就諗起甜記！身為餃控嘅我，食過幾次都仲係覺得好食，佢個湯底係蕃茄薯仔湯，飲落唔覺重味精。因為食過2-3次，所以都影低左啲相。湯餃食過：椰菜冬菇雲耳豬肉餃白菜豬肉餃韭黃雞肉餃湯餃來講因為我鐘意食有爽口感，咬口感嘅餡料，所以會揀雲耳呢類嘅餃，餃子皮算薄，餡料多。白菜豬肉餃就無咩特別。韭黃雞肉餃幾有驚喜，個餡有幾多韭黃，而且幾香韮黃味，同雞肉又幾夾，食過一次之後都有再叫多次食。煎餃食過：洋蔥薯仔牛肉餃粟米芝士雞肉餃牛肉餃只有煎無湯，第一次食嘅時候噴汁，不過真係幾好食，好香牛肉味！粟米芝士雞肉餃就感覺比較少芝士，不過我鐘意食粟米嘅關係所以都鐘意食。

甜記餃子終於開分店開到入黎荃灣，又近左一大段距離，之前要特登出長沙灣店食，有少少麻煩，依家真系可以成日食了。長沙灣分店愈搬愈大，非常好，唔洗成日排好耐隊👍🏻今次叫外賣甜記系屋企食，—雙拼湯餃-粟米芝士雞肉餃+菜芯豬肉餃配蕃茄薯仔魚湯 $67 （堂食$48）甜記既粟米芝士雞肉餃+菜芯豬肉餃+韭黃雞肉餃+南瓜忌廉雞肉餃係我最愛既餃子。除左款色多樣，有訪間比較少見既味道，有較多選用雞肉整成既餃子，比其他店舖既餃子比較健康無咁肥膩，唔會好多油滴出黎亦都唔會溝左好多肥豬肉，對於長期減肥人士，滿吹左熱愛餃子既心，但無咁邪惡，算係一種恩物🫡-蕃茄薯仔魚湯，飲完唔會覺好口渴，好飲，不過外賣就得細細兜湯，多啲會更好。—京蔥羊肉 煎餃 $78 （堂食$52）京蔥羊肉 好juicy 亦都好惹味，就算外賣食，表皮都唔乾，食個下都仲脆脆地，煎得冇穿冇爛，唔會漏汁，不過堂食就一定更好食，更香口。—醉雞 $65 （堂食$50）醉雞既質素唔穩定，有時會好入味好好食同好滑，有時就味道上差啲，唔夠入味。食過幾次都係比雞髀位肉質比較嫩滑，今次比雞翼同雞胸肉，份量自然多左，不過肉質上就真系一般，而且味道較淡，可能真系睇彩數🤣

當我午餐無乜idea時，餃子就是backup！甜記餃子永遠唔會令我失望，最特別湯底可選番茄薯仔湯，清新而且無味精！畫龍點睛之處就係辣菜甫，喜歡既佢仲有一樽樽可買！買回家撈飯食都一流🤣🤣🤣

之前喺其他分店食過一次覺得唔好食，叫咗個椰菜豬肉餃，個皮好厚，個番茄湯好似罐頭湯餡就好普通。之後樓下開咗間分店諗住俾多次機會試下，嗰次食係好食咗好多，皮夠薄，湯都係嗌番茄湯，冇咁罐頭湯feel。諗住之後都可以去樓下食下。到今次再食嗌咗個芝士粟米雞肉煎餃，好難食，個皮唔脆餡有啲乾，已經係佢出完即刻拎番屋企食，食嗰陣個餃子仲係好熱，但係真係唔脆嘅，好似人哋啲煎餃擺到第二日叮番熱再食個種。忍唔住要寫食評🙏🏻🙏🏻，見佢有進步所以先再食，煎餃好失望。

韮菜餃子最好食， 韭菜新鮮味香濃菠菜餃 菠菜味濃好食南瓜忌廉餃幾特別 白菜豬肉餃 白菜爽脆好食餃子配備咗泡菜非常之好味試咗雞湯& 蕃茄薯仔湯， 飲完有啲口渴凍豆漿普普通通最唔好就係喺雞湯餃子發現有牙籤外包裝殘餘物

📍甜記餃子甜記餃子一直都好受歡迎，之前已經有幾間分店，但d地址都唔近我，所以未有機會試到🥺而最近甜記餃子終於喺荃灣綠楊坊開咗間新分店‼️💕梗係要即刻去試試la～✨試之前特登上網睇吓邊款口味比較受歡迎，其中粟米芝士雞肉餃同洋蔥薯仔豬肉餃係人氣之選🌟至於西洋菜餃就係個人至愛🥰🥟煎餃($48/8pcs): 餃皮炸得金黃，口感香脆，唔算太油，不過唔知點解食落有d似炸餃🤔—🧀粟米芝士雞肉餃：食落芝士味唔重，冇乜鹹香味，但勝在夠足料，粟米非常清甜😌—🥔洋蔥薯仔豬肉餃：呢款好有驚喜🤩第一啖入口散發濃濃嘅洋蔥香味，肉餡亦好大粒，不過都唔係好食到有薯仔😅但整體食落好夾，呢個組合唔錯🫶🏻🥟湯餃($44/8pcs): 個人覺得湯餃比較出色，食落冇咁膩😋而且個🍅蕃茄薯仔湯底唔錯，不過美中不足嘅係鹹咗少少🤏🏻—🥬西洋菜餃、白菜餃：餡料非常足，每隻餃子都脹卜卜咁😍而且入面菜嘅比例比豬肉多，啱晒我心意🫰🏻西洋菜餃必試～—🍄🟫椰菜冬菇雲耳豬肉餃：呢款正常發揮，口感豐富，冬菇味較為突出😙✨整體嚟講，每隻餃子都好飽滿，非常足料🥰而且價錢又實惠，口味款式尚多💓個人認湯餃比煎餃出色，同埋一定要揀蕃茄薯仔湯底🙂↕️評分(最高5粒⭐️

食過甜記嘅旺角同埋長沙灣分店之後，一直念念不忘🥹🥹仲成日拉埋同事用外賣 Apps老遠叫返公司食😝加埋運費成六七十蚊一份🥲🥲🥲點知甜記居然喺荃灣開咗新分店😱簡直係荃灣區居民嘅福音😂😂唔知係咪熱潮已過，居然冇乜人，唔洗排隊😍今次叫咗一款雙拼湯餃，同埋一款雙拼煎餃交換試吓🥰🥬香芹芫荽豬肉餃+🧀粟米芝士雞肉餃10隻湯餃 ($48)湯餃當然要配我最愛嘅番茄薯仔湯😌好鍾意佢夠住家湯feel😚而餃子皮又薄又滑👍🏻粟米芝士餃一定係每次必點🌽🧀香芹芫荽係本住探新嘅精神一試，勁重芹菜味但反而冇乜芫荽味😅我就覺得唔錯幾清新，但係老公話好臭🤭🌽粟米芝士雞肉餃+🥔洋蔥薯仔牛肉餃 10隻煎餃 ($52)煎餃雖然餐牌寫住需時20分鐘，但係最後只係10分鐘就到咗😛粟米芝士煎餃依然係冇得輸😍洋蔥薯仔牛肉餃就冇乜特別，煎餃size比較細，要食晒10隻先夠飽😆😆

聽講呢間嘢好出名，所以特登嚟試吓我哋嚟嘅時候係夜晚嚟嘅，等咗一陣就可以坐低我哋叫咗10隻煎餃同10隻湯餃，等咗半個鐘頭先有嘢食嚟，眼見好多客人都等咗好耐先有嘢食廚房都幾多人，但唔係個個做緊嘢，喺度傾偈吹水等咗半個鐘先嚟到心感不妙，黎到見到10隻湯餃有五隻爆開晒，其實見到咁應該都唔敢拎出嚟啦，對於一間轉做餃子嘅舖頭來講真係唔可以接受我哋有侍應反映，點知佢淨係講咗句係咩？跟住就行開咗完全冇想同我換既意思，真係嬲咗餃子味道正常，煎餃子俾湯餃子好，起碼冇爆開晒咁嘅服務態度同要等咁耐先有嘢食，真係唔會再嚟