甜記餃子

营业中

休息中

双拼汤饺十只（$48）汤底拣咗蕃茄薯仔汤，味道不错，酸酸甜甜，碗正中间有一pat蕃茄薯仔蓉。椰菜冬菇云耳猪肉饺，饺子正常size，饺子皮厚薄适中，滑溜，有咬口。饺子馅饱满，猪肉馅唔算多，反而椰菜冬菇云耳占多啲，所以口感较清爽。香芹芫荽猪肉饺，西芹味浓，芫荽味亦足，口感同样清爽。双拼煎饺十只（$52）本来要咗白菜猪肉饺+韭菜猪肉饺，点知我𠮶份比错咗隔离枱，而隔离枱𠮶份十只都系韭菜饺，但因为已经等咗半个钟以上，所以唔等了，要咗呢十只韭菜猪肉煎饺。饺子皮香口，但折叠位就硬咗少少，饺子馅同样饱满，大量韭菜，味浓。食食吓，员工送上五只煎饺作补偿，话系白菜猪肉饺。但咬开，其实系椰菜冬菇云耳猪肉饺，well，多咗五只食，唔可以要求咁多。个人觉得，汤饺好食过煎饺。