甜魔魔 (已結業)

小公主如果係大埔墟食完飯多數都會去甜魔魔食糖水因為佢地個公主凍椰實在太好味公主凍椰 $40椰王入面其實有3層第一層(最底):椰子水做成既Jelly第二層(中間):椰汁第三層(最高):椰奶做成既布甸清甜既椰子水變成又滑又彈既啫喱配埋充滿椰香既布甸同椰汁一個甜品入面比你食哂3種唔同既椰子唔岩，應該係4種先岩因為到最後仲可以括埋D椰子肉出黎食真係超級滿足*注意: 店家都有寫椰皇既大細可能會有唔同所以每個人去食個SIZE都會唔一樣架!

朋友聚會踩完一日單車, 食埋晚飯去到甜魔魔直落糖水吹埋水甜魔魔環境幾好, 位置舒服, 不過其實糖水唔算便, around 30-50不等普通芒果紫米露都三十幾, 要更便一定有, 而且糖水唔算好有特色, 街坊口味啦, 但價錢唔太街坊一坐底用點餐紙落單, 落單前掛住同朋友吹水都唔記得寫, 大概坐左十五分鐘先叫野食但都無人催, 服務還可以!然後就叫野食, 小妹見佢賣點係"公主凍椰"同一系列的椰子產品, 除左花膠同海底椰等比較貴食材外, 其他都差唔多價, 同埋款算多, 小妹就想試下佢公主凍椰! 朋友已經係第二次黎, 佢地都推介左芒果小丸子!因為小丸子都係朋友至愛,  等左五分鐘左右就黎了!芒果小丸子睇落幾好, 做底的芒果沙冰溝得幾均勻, 唔淡又唔太甜, 當然芒果揀左熟的, 無落糖水上面扮甜,不過小妹不喜雪糕用左其他味道, 同芒果味唔夾, 而且無得俾食客揀食咩雪糕, 限死左一種小妹覺得俾人揀會好D ! 成份芒果小丸子份量唔算大, 特別小丸子唔多, 一兩啖就食哂, 小妹覺得多D小丸子, 口感一定豐富D, 其實小妹係小丸子fans, 甜魔魔的小丸子算好食, 最好的小丸子係咬落去有糯米香味, 唔應該太

晚飯往往只是前奏，甜品才是我的主菜朱古力雪花冰 ($39): 往往雪花冰味道都較淡，甚至淡如水。但這次試的朱古力雪花冰，朱古力味特濃，冰的頂部再淋上朱古力醬，令濃度更盛。是天氣太熱吧？雪花冰溶化的速度頗快的󾍔 配料則為棉花糖和蜜糖星星，賣相可愛，但若能提供選擇讓客人搭配，如爆珠、雜果等就更好。三球窩夫 ($48): 可說是一見鍾情󾌴 像個蜜糖星星寶盒，兩片窩夫再夾著三球不同口味的雪糕 ，同樣地客人不能選擇雪糕的味道。窩夫暖脆配著冰冷的雪糕，最愛把雪糕塗滿在窩夫上，成半溶狀態下吃，很滿足啊！< 甜魔魔 > 的甜品款式挺多的，其中椰皇及燒芝麻糊也頗受歡迎，下次再來試一試 推介分數 :

今日難得與家人們相約到大埔聚餐，晚餐雖然吃得很飽，但女人總是有第三個胃去容納美味的甜品 ：）我選擇了公主凍椰，炎炎夏日還是比較喜歡冰凍的甜品 上面是椰子布甸，椰味很濃，但略嫌不夠幼滑下面的是以椰皇汁製成的啫喱，味道清甜，富有爽滑的口感。中層的椰汁少一點，可能礙於椰子的大小吧。

經過見到個menu d甜品幾特別就試下10點黎到 等咗10分鐘到就有位都幾多選擇 選擇困難症又發作本身好想試佢個海底椰熱椰 不過今日真係太熱啦最尾揀咗小丸子凍椰 ($42)黎到有少少失望 無想像中咁大個椰皇 (影出嚟就大) 好彩味道ok!!!椰皇上面鋪滿小丸子 煙煙靱靱好好味最面個層就係薄薄一層椰汁沙冰咁 好重椰奶味好快就到jelly部分 透明嘅 應該就係椰皇水整左做jelly 都幾香幾彈牙椰皇入面d椰子肉好易刮到出來 唔會黐住D衣 食完個椰皇好乾淨! XD冬天再有機會經過呢度會試埋佢d熱椰！

呢間甜魔魔係大埔墟一條小巷裏面，係有次係佢隔離食客家嘢發現0既，但通當甜品店weekend夜晚時間都要等位，所以好幾次都無幫襯。終於今晚星期五，約完小學同學係新達食飯，就專登行去大埔墟試下佢去到約9:00pm，唔使等位，店裏坐左8成人，一家大細有,三五知己都有，睇睇餐牌先。而加去到甜品店我只會選擇食熱嘢，今次就選左紫米熱椰，而朋友就選左綠茶雪花冰。講下朋友嗰個先，綠茶冰有棉花糖同紅豆蓉伴住。朋友話綠茶味唔夠濃，加上天氣其實都仲凍凍哋，但d冰已經超快融曬，所以整體嘛嘛。而我嗰個，有驚起wor，雖然size超細，但味道適中，唔會好稀好結，真材實料，食食下中間原來仲有舊燉蛋白，好養顏呀食完糖水仲可以刮埋d椰肉嚟食，食到最後仲熱熱的

係附近熟食中心食完晚飯，打算食埋糖水先散，見甜魔魔開張以來都未試過，所以一行六人，十點半先去等位，當時入面都好Full，以為佢會開檯比我地坐外面，但結果都係等左十五分鐘，坐鋪入面。等位期間，店員都好主動比餐牌我地睇住先，臨入去前五分鐘到仲想幫我地落單先，但個陣我地未諗好食咩，所以無叫到。到有位個陣，我地都考慮左陣，又問東問西，落單個位小姐都好耐心解答，最後我地叫左五款甜品share。第一款係燒芝麻糊，齋睇賣相好吸引，但其實我地都唔係好食得出面頭燒得有少少焦嘅野係乜黎，而且味道一般普通，唔算特別好食，但都算「傑」身，唔會太稀。第二款係金芒豆腐花，芒果都幾新鮮，而且甜道岩岩好，又唔酸，份量多，但豆腐花就差D，太凍，而且無乜豆香味，滑的程度尚可，特別在佢唔係平日一片片好薄個種，係一塼塼咁，質感感覺會無平日個D咁幼細。第三、四款有我最中意嘅小丸子，分別係小丸子金露同小丸子雪糕，小丸子略嫌太黐牙，質地似煮太爛嘅無餡湯圓；楊枝金露味道唔錯，唔會太酸；雪糕方面揀左雲呢嗱曲奇，都好大一球，配新鮮芒果、蜜糖星星，加埋打得幾「傑」身芒果醬，好有口感，好好味，。最後就係最無驚喜嘅朱古力雪花冰，雪花冰其實係同

與友人一行6人第一次來這裡吃甜品~~我點了海底椰熱椰~~椰肉與海底椰都很清甜~~再配上椰汁~~好味!!海底椰份量都多,,肉質不會太硬~~很容易咬!!就連椰皇內的椰肉都很容易舀出來吃!!兩位友人一樣點了芒果類甜品,,芒果一甜一酸友人說自己點的金色芒果挺好吃~~內有椰青水造的果凍,,好清甜~~還有一位友人點了燒芝麻糊原來燒的中式糖水,,就是面層有一層黃色的漿友人說有點像布丁的味道~~混在一起吃,,很有趣很好吃點窩夫吃的朋友則沒什麼意見整體來說都沒什麼負面評價而且甜品挺有特色呢~~~

知道呢到有椰皇的甜品而且款式又多，所以特意走去試食。本想試紅黑布甸那款，可惜今日無供應。就試了公主椰皇，係椰子布甸係上面，下面係椰皇水做的啫喱。入口好有椰奶的味道，非常好食。而下面的啫喱不會太水，好清爽。食完曬仲可以括埋裡面啲椰肉食，啲肉多到食到一半已覺好漏。另外，服務員態度好好，好有禮貌，贊！

去大埔行年宵, 之後去skyland, 臨走時去左食甜魔魔. 兩個人叫左成枱野. 為食小肥貓就黎變大肥貓 . 叫左個泡芙+紫米熱椰+沙巴翁(?)+公主凍椰. 泡芙好味! 公主凍椰個椰皇好正!紫米熱椰係我概至愛! 我食到連啲椰肉都食埋! (見圖)(題外話:周兆祥fb 有寫"多吃椰子的9大理由", 嘻嘻, 我以後有大把藉口去食椰皇! )去左甜魔魔幾次, d甜品都幾得, 起碼真係成隻椰皇, 呂宋芒咁上(唔係d酸到死既芒菓. 有一次問肥老闆佢講既.)個地方ok 好坐, 會再去幫襯!差唔多新年時去, 入到去先睇到新年有加一. 不過新年加一都ok la. 叫人新年返工都要俾double la. 加三我都見過, 加一好少事. 希望多d小店, 唔洗成日食連鎖店! 肥老闆加油

本人第一次寫食評亦為左這間不知所謂呃人錢的糖水在openrice開account寫，希望其他食客問清楚才去食，年廿九晚本人經過呢間糖水店諗住試下，又見到店員出黎介紹，咁就外賣了一碗燒生磨熱芝麻糊$35和小丸子金露$38 total應該$73但佢地收左我$81,我都奇怪2碗糖水點解咁貴，再睇清楚收據佢地收多$1外賣盒錢再收加一服務费，我即刻問個店員係咪收多左,外賣都要收加一服務费 ,跟住個店員答加一服務費電腦set左冇得改，我即刻覺得入左一間呃人錢糖水店正如佢舖頭名甜魔魔~~~魔鬼個魔 ，我唔信電腦冇得改囉，真係當人儍咩，而且佢地外賣纸只寫外賣盒加收$1,我覺得正常，但什麼加一服務費真係食人唔lur骨，我外賣你地何來有服務過我，而且再睇其他食評有個人堂食張收據都冇加一服務费啦，如果佢係因為接近新年而咁樣胡亂收加一服務费,簡直不知所謂,再講佢地只係開係大埔一條細街要依靠口碑,再講糖水冇特別,不直一試!!!!!再係咁做生意,真係祝佢地"早日結業"!!!!!

是咁的，那夜凌晨我坐上了旺角開往大埔的紅van, 來到近排hit 爆全城的大埔夜市，拿，誰說香港得food court, 同我搵人拉佢出去斬！ 十多年吉店，好運店斜對面，大家都好熟路啦。格局四正，乾淨，但好似mk 有間糖水鋪 大佬，滿記真係hea 住做自由行生意，無呢度咁足料。熟食中心新街市三小姐hidden menu 的焗燉奶椰王，這個甜魔魔做到接近30款變奏，(熱的menu 都好吸引！)外食椰王甜品什麼許留山滿記發記動軛60有元，這裡化算得多。 呢度食物的名字過份太老實，我忍唔住改啲花名！！！！！紅黑紅紅黑窩夫($39)，食暈香港九龍新界，兔兔貓自問無嘢未食過，但呢個「紅黑紅紅黑，就係咁簡單」真係好好好好出位，底面兩層黑巧克力奶凍，中間夾著raspberry奶凍，raspberry的核，一粒粒一粒粒，食過一定再食，好特別！熱椰王燉3.6北海道牛奶mix紫米露配忌廉 ($40)好正，下層係椰王水燉3.6北海道牛奶！是啫喱一樣，上層的紫米露，紫米多過露，多料到喊出嚟。 好奶好creamy!試過1年前入西貢食滿記，所謂的燉奶是「稀過水的熱牛奶❞ ,我記到宜家，blacklist 無下次

平時成日食lunch經過呢度 好想入去食不過佢開兩點至一點所以放lunch系無機會食到星期六 我特登出去食dinner然後食甜品 聽聞呢個最出名最好食上面系椰汁布甸下面果d系椰汁啫喱十分推介呀！鍾意椰汁既人必定大愛另外 叫左個窩夫窩夫冇咩特別 系鬆硊既 不錯果個黑紅布甸幾正 上面朱古力下面士多啤梨味～其實呢間野仲有好多好吸引既甜品下次一定會再黎！

結婚周年，第一次一家四口慶祝。先到大埔綜合大樓＂打冷＂，未夠喉。於是再四圍逛搵到呢間新開甜品舖！裝修好醒目，全店用黃色做主題，好sharp，睇睇個menu，d椰青做嘅甜品好吸引，於是入去試試！阿女叫＂芒果窩夫＂、阿仔食＂金色芒果＂、老公食＂榴槤豆腐花，我試了＂公主凍椰＂！阿女話d窩夫雖然等得耐d，但即叫即做，暖暖地、脆脆地配埋至愛的Cookies & Cream雪糕，好好味！＂公主椰凍＂好特別，椰子布甸配上透明的果凍，問問老闆娘才知道是用原個椰青水做果凍，滑嘟嘟，又唔會太甜！唔錯wow!

和老公在大埔食過晚飯後, 又想食番一些甜品, 正好飯店旁有一間新甜品店, 一於入內試吓. 這店裝修好簡潔, 地方又乾淨, 感覺好舒服. 店員遞上精美的餐牌, 不得了, 有過百款甜品可供選擇, 樣樣都好吸引, 樣樣都好想食, 該如何抉擇呢? 最後我們㸃了它們的皇牌推介 - 椰冰涼粉和紫米凍椰, 椰冰涼粉上桌了, 色香味都好得. 金黄色的芒果, 好新鮮, 好清甜, 涼粉細細粒, 超爽, 加上我最喜愛的雪米糍及冰凍清涼的椰汁冰, 只可講超正. 而紫米凍椰, 新鮮的椰皇内裝滿冰凍的紫米糖水, 紫米煙韌, 椰肉清甜有咬口, 嫌不夠的話尚可再刮出椰肉. 整體甜度又適中, 不會過份甜膩.   很開心我兩個都是好選擇. 高水準食品加上價格相宜, 我地下次一定會再嚟試埋其它多款甜品.