生昌潮州海鮮酒家

营业中

休息中

事隔幾年後，再次食生昌，食物嘅質素無變！仍然都係咁好食！文末附上餐牌供參考～必點嘅烏頭，肉嫩鮮甜好夠味，配豆豉汁真係好正！最搞笑係條魚有身份牌😂保正食嘅魚唔係來歷不明！另外必點嘅梗係鵝片同埋炸蠔餅！鵝片雖然肥咗少少，但係鹵得好入味！炸蠔餅本身佢應該係加埋魚露整，所以就咁食已經有魚露嗰陣鮮味！加埋辣椒醬👍🏻👍🏻！芥蘭炒牛片整體唔錯，但係啲芥蘭稍為老咗少少～豉椒炒蜆夠惹味🔥最緊要係粒粒都冇沙！筒仔肉好鮮嫩，配埋個醬汁不得了😋最後係反沙芋頭，砂糖皮整得好脆！入邊仲有啲定芫荽？！半咸道半甜咁幾得意！不過室內地板嘅衛生就稍為差少少，唔知咩原因會比較油，行路要特別小心，唔係好易會跣親🫣⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7.5/10服務： 6/10環境： 5/10打卡： N/ACP值： 7/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯Instagram: w__ayan日常🤍食評🤍好去處🤍Staycation⋯⋯⋯⋯⋯⋯⋯⋯⋯⋯⋯⋯⋯⋯⋯⋯

第二次到訪，今次慶祝父親節。之前食過一次覺得好抵，好大碟，野食又唔錯，所以帶屋企人嚟食。揀咗好耐最後都決定叫個4人餐，唔洗煩，啲野又啱食。環境就唔好預勁乾淨好整潔架喇，都叫接受到！有室外室內揀，提提大家，佢話唔食套餐冇得book位，我6點到，都開始陸續有人潮樣樣都好大碟，份量十足，好食我自己好鍾意食呢度嘅鹹酸菜，味道啱啱好，唔會太重口味，酸酸地又好開胃，食到好飽夾一舊就啱哂，解膩蠔餅夠熱夠脆滷水鵝勁大碟，冇用豆腐墊高，好肥美，亦都好入味沙茶牛肉炒河其實幾好食，但其他野份量好多，真係食唔哂🤣🤣要讚下個蝦棗！新鮮炸起好正好彈牙，必嗌！雞煲翅真係有翅。。。屋企人覺得有啲清淡。。。出菜好快，最搞笑係間唔中有姐姐拎住啲新鮮餸入嚟問大家要唔要🤣overall嚟講，一大班人嚟食係勁抵，又食得多野！

一年容易又老豆節喇！今年照舊都係想避開正日既人潮，所以選擇左閒日去做節。星期四晚上大約七點左右，去到都重有得選擇室內。落雨絲濕，都係坐室內舒服d既，但室內冷氣好大，即使侍應調細左冷氣都仍然覺得凍。點左菜之後，好快就上齊喇。我地一行六人點左六個餸，本身諗住食左唔夠先再加，但最後差d食唔晒。無諗到每一碟都好大份！老豆都滿意！有下次！食物 4/51、椒鹽九肚魚（例） $138炸得脆，唔油膩，搶口，推薦👍🏼👍🏼👍🏼2、滷水三併 - 墨魚、生腸、豬耳朵 $130墨魚𠝹左花、又爽口；生腸爽脆；豬耳朵夠qq3、潮州煎蠔餅（中） $118色水就略嫌有d深色，亦都唔夠熱。食落味道一流，蚵仔都好多！👍🏼👍🏼4、沙茶韭菜豬紅（中） $78正常發揮，不過不失。5、腐乳炒通菜（例） $88正常發揮，略嫌少貴！6、潮州糖醋麵（例） $98圖文不符，但一樣好食！建議落些少紅醋！推薦喜歡甜食既朋友試下！👍🏼👍🏼前菜 - 花生 $10；咸菜 $10茶位 - 每位 $5環境 4/5地方大，想搵姐姐點餐戈時要行出去搵。問過姐姐，係可以帶狗狗黎食野既，坐室外咁解姐。個人覺得帶狗狗黎都係等天氣涼d先好d，因為室外位置唔見有風扇

生昌潮州海鮮酒家❤️‍🔥生昌打冷位於距離顯徑地鐵站有小段距離，大概行10分鐘。去到去係自己搵位，見位就坐。可以搭檯，有舊式大排檔feel。🌟金不換炒蜆 $98一上碟就聞到好香金不換味🌿份量一般，如果多人可以叫兩碟。蜆肉🐚吐沙幾乾淨，食唔到沙。味道鮮甜，尚算新鮮。🌟蠔餅🦪 大$168份量夠8個人食。炸粉算薄，蠔🦪仔都好大粒。但炸得唔夠脆。🌟腐乳炒通菜🥬大$118份量一般，有鑊氣，腐乳味濃郁。🌟蠔仔粥 $138蠔🦪仔好大粒，個粥係熟米飯🍚加水煲出來，所以一d 都唔綿，係超有潮州風味的蠔仔粥🥣。🌟椒鹽九肚魚 🐟大$178同蠔餅一樣，炸粉好薄，但唔夠脆，魚肉鬆散。味道可接受。🌟豉油皇肥鵝腸 🦢$138份量比較少，個底鋪滿好多芽菜。豉油皇汁鹹到適中，撈飯都好好味。鵝腸唔會太肥又爽脆，所以食極都唔會膩，推薦的一道小菜。🌟滷水鵝片 大$200🌟滷水自選百搭 雙拼細$110鵝片大小切得剛剛好，肉質鮮嫩，絕對唔柴。豬耳豬腎雙拼滷得好入味，爽脆彈牙。🪐總括而言，價錢偏少許貴，份量只是一般都唔多。但味道質素不錯，不妨來一試。豉油王肥鵝腸好有驚喜👍🏽下次來會試埋烏頭🐟。但位置就有d偏僻，距離地鐵站有一段距離。店

大圍多嘢食就係人都知。今次我哋山長水遠咁入到去，更係食最出名嘅大圍打冷名物，生昌！鵝片 ($150)：打冷必食😌 啖啖肉而且肉質完全唔會嚡 ，滷得好入味🤤 另外鋪底嘅鹵豆腐大大片份量都唔少，中和返鵝油帶嚟嘅膩感🤫蠔餅 ($118)：份量好大，絕對夠四人食，炸得夠乾身唔會有種油淋淋嘅感覺，口感鬆脆得嚟，蠔仔又夠多夠飽滿😌 加少少魚露或者點少少豆辦醬都好鬼正🤣豉椒炒瘦鵝腸 ($118)：唔知點解menu寫明係瘦鵝腸😂 雖然驚唔夠肥美🥲 不過太想食最後都係叫咗，雖然鵝腸係瘦啲不過我哋照殺😤 上到枱，炒得夠鍋氣之餘而且口感爽脆，完美咁抵消咗對瘦鵝腸嘅失落，唔錯🥹

2023年3月26日晚上7時入坐，一行5大人1 BABY,預訂了4人餐後加了3個菜。入坐後如大排檔一樣自行清洗碗碟，大圓枱設，圓及方形鐵椅設計。揸車人士注意：埋單時需向店員說在旁邊泊車，會有回贈。食物價錢中上（此區算偏高）環境如大排檔十分嘈吵，餐廳是於村屋內地下，十分擠迫及焗熱，當天下下外面下雨及微風，但全家人熱至汗流浹背，飯桌大但座位十分擠迫，進食時感到十分不適。服務十分一般，年長女，男店員服務正常，但注意：年輕男店員非常之沒有禮貌（請自行體會）食物份量大，味道正常，滷水鵝及菠蘿不錯，但是衛生程度令人作嘔，餵仔仔食個炒米線時發現有曱甴，（最恐怖的是吃到一半才發現，最怕小朋友吃壞肚子）之後跟店員表示，店員說補回一份，大家已經沒有胃口及反胃並拒絕，不會再光顧🤢

由細個屋企人帶我嚟食到而家約朋友出嚟打冷都會揀生昌。係自己食過數一數二嘅打冷店，因為餸菜都算大碟抵食，味道亦都保持水準。店舖設有室外或室內座位韭菜豬紅潮州嘢每次必叫，一大碗豬紅7/3比例唔會食幾舊就冇晒，今次豬紅鹹味減少更加好味滷水拼盤三拼組合，包括墨魚、鵝腸、豬大腸，底下仲鋪滿芽菜，三款滷水非常入味，墨魚，鵝腸彈牙，而豬大腸重滷水味，味道適中金銀蛋油麥菜原來可以要求加粉絲，上湯配鹹蛋皮蛋，好好味又清清地，唔錯！蠔餅例牌嘅份量已經好大，好抵食。炸得夠乾身唔會成口油，蠔仔大細適中完整。鍾意食蠔餅但又怕油膩嘅啱哂！

讚1 氣氛似以前大排檔 坐係露天位幾好氣氛2 份量大 豬紅滑溜 烏頭魚份夠油份 係好傅統既打冷3 有筍蝦 宜家教少見 都爽脆入味彈1大部份菜式味道平平無奇 魚飯雖然有黃油 但本身味道單一 炒飯都唔香 蠔仔粥本身都無味

聽講大圍特色美食小店比較多，而今日想食下佬味野🙈google下就搵左呢頭比較岀名的打冷鋪試試。位置距離大圍市中心有段距離，由火車站行大約20分鐘左右就到。餐廳有室外室內位置選擇，好有傳統大排檔味道，怕熱既我一定揀室內啦。兩個人尼食，比左張四人枱我，而冷氣都幾夠👍🏻⭐️我recommend 。鹽焗烏頭 ($178)魚肉唔會太老，咸味好夠，但唔會太咸。旁邊的sauce少少咸，感覺似淡口溝咗水嘅腐乳味😂但同魚配合，成另一個風味。千島燒豬仔骨(例 $108)⭐️有大約15條豬仔骨，份量勁多，而且肉好鬆軟😍唔會怕肉黐住牙十分掛汁，千島醬味道好夠👍🏻值得試一試。胡椒鹹菜豬肚湯(例 $118)材料充足，好多鹹菜，可能胡椒太多，所以唔會太辣。 藍妹 ($30)回頭指數: ⭐️⭐️⭐️食物質素: 🌮🌮🌮服務質素: ☺️☺️☺️消費指數: 💰💰(人均消費$255)環境質素: ☘️☘️同類餐廳 #cocofood_潮州菜 #cocofood_港味道同區餐廳 #cocofood大圍

生打冷出晒名好食😋😋😋連好多區外人都會特登入嚟食打冷！😋😋😋不過我就一次都未試過🤓今次朋友提議聚會就走去試吓呢間！😎😎😎😎我哋一行四人叫咗韭菜豬紅、椒鹽鮮魷、清酒煮螄蚶、小炒王同滷水拼盤（生腸、墨魚、鵝肝）😋😋😋😋小炒王超好食！入面有腰果韭菜啦紅黃椒仲有我最鍾意食嘅紅腸！椒鹽鮮魷魚都非常之新鮮熱辣辣脆卜卜～～～～～另外個滷水拼盤入面嘅生腸非常有驚喜超爽口！總括嚟講呢幾味餸都勁容易送飯！搞到我一個女仔食咗兩碗飯添啊😂😂買單平均每個人都唔使$200都好抵食！下次食飯聚會有多一個選擇啦！

朋友介紹出名正宗潮洲菜有少少期望過大 不過不失🙈🙈滷味拼盤 叫左鮮魷,鵝肝,腩肉 冇滷水嘅香味😿 鵝肝有啲曳 如果潮州舖嚟講呢一碟唔合格😿街邊炒粉絲夠哂鑊氣 而且配料有雞蛋,豬肉,蝦米,所以好香口幾好食👍蠔餅 蛋漿偏厚 所以食落去覺得唔夠鬆脆 有啲失望,不過佢蠔仔份量都多既椒鹽鮮魷 就好好食😂 又香又鬆脆 食得出鮮魷好新鮮！潮州蝦棗 其實係炸蝦丸 點埋個汁食 好開胃而且夠大粒又彈牙👍唔錯蠔仔粥 好香芹菜芫茜味而且蠔肉都算多🤤而且份量好足夠!適合多人分享！ 有少少失望嘅係韭菜豬紅味道比較淡口 冇乜沙嗲味 韭菜亦算少🥺 鹽焗烏頭係最失望嘅 覺得焗得過龍 魚肉已經過熟,有啲鞋 唔夠滑😭😭😭本身都 有好大期望 但食完覺得不過不失一半好一半失手不過價錢上算合理唔算好貴

今日和老婆,外父和外母往大圍生昌潮洲海鮮酒家食晚餐,我們點了蠔仔粥,椒鹽鮮魷,蒜蓉芥蘭,蝦棗和鹵水拼盤,蠔仔粥蠔仔鮮甜,粥食落軟綿,口感十足,椒鹽鮮魷炸得金黃,魷魚食落彈牙,佐酒一流,蒜蓉芥蘭蒜蓉味濃,芥蘭新鮮一爽口,蝦棗炸得金黄,食落彈牙,食落惹味,最後鹵水拼盤份量十足,有鵝肉,紅腸,豆腐,魷魚等,鵝肉食落肉質鮮嫩,紅腸爽口,豆腐吸收鹵水汁食落味美,魷魚食落彈牙,整份拼盤材料豐富,口感十足,餐廳座位舒適,食物美味,我們食了一頓美味潮洲菜

好耐冇打冷 同朋友特登走咗入大圍就即刻諗起呢一間打冷分量無變一樣係咁大份我哋叫咗個5個餸烏頭 小炒皇 蠔餅 滷水鵝片 滷水拼盤（3拼）不過味道就爭啲 烏頭算係最好食 啱啱整好開出嚟嘅時候啲肉都幾鮮甜小炒皇太鹹 食唔到落去蠔餅真係好大份不過好乾同埋炸粉真係太厚食唔到啲蠔仔鵝片比較好少少之後仲叫咗個三拼 （生腸鵝腸豬耳）呢個都比較正常佢啲嘢真係好大份如果多啲人食可能會好啲不過我唔知佢係咁啱失手定係啲嘢食已經變差左個小炒王咸到我驚咗

來之前都睇好其他食評，拼盤和鹽焗烏頭都是必點的！亦都做了點功課：1）這種無訂座（如訂座是必須叫SET餐的，看餐單是不化算的，散叫會開心點）2）無限時今日是父親節前一天，5:45PM到達都人流滿滿！因天氣都悶熱隨時有微雨，一心想坐室內冷氣位，成功！真係差幾步就無位^^中拼盤$328  相片影不出實物之大呀  大大碟很有氣派！但這拼盤等了很久，吹都吹了3，4次！職員解釋因外賣多，做不切～大腸好吃，生腸很爽，鵝肉偏韌味道都不錯，豆腐硬身⋯⋯整體都OK鹽焗烏頭$148好好食，真係必叫，黃油都出晒黎，時間做得剛剛好！推介推介！！！蠔仔粥（細）$6X原來有細 餐牌無寫！餐牌寫$138一窩，太大了細幾好，可試試味！蠔餅一般，厚粉 沙茶豬油渣黃金麵兩位男士睇到餐牌都有興趣，來到覺得同幻想中有出入！本人就聽過名都覺得麻麻，反而覺得無想像中咁油膩！最後想講坐室內真係好嘈，嘈到有點受罪待天氣涼點坐室外比較好，氣氛都好點！

第一次慕名而來到餐廳，餐廳環境係地道嘅打冷舖頭，員工熱情得來又有少少冷漠。因為我帶咗寵物，所以都係自行搵個室外嘅座位坐低。雖然餐廳地址比較偏門，但係都座無虛席。叫咗最出名嘅鹽焗烏頭，潮州凍蟹同埋白灼螄蚶。對烏頭有少少失望，可能一開頭對佢期望太高，所以覺得冇咩特。但係凍蟹同埋螄蚶就不得了啦！凍蟹好鮮甜，食得出係新鮮嘅，但係數量有限，想食要早啲落order。而螄蚶係我第一次食，既然味道潮州打冷，唔係唔試下掛，都幾新鮮，主要靠醬汁調味，整體都唔錯。