生昌潮州海鮮酒家

营业中

休息中

🥳適逢爸爸生日，帶佢去大圍老字號打冷慶祝！我哋揸車去生昌隔離就有爛地停車場，仲有埋食飯泊車優惠好方便。🥰去到門口，姐姐就好親切帶我哋入房坐，環境舒適無咁嘈。我哋太耐冇食出街食打冷，🤩一拎到Menu就起勢咁嗌，姐姐仲叫我哋唔好嗌咁多夠食㗎啦🤣🤣一開始煎炸野好快上枱，🤪熱辣辣好香口。花枝蝦棗好彈牙，點埋酸甜醬好開胃。我最中意食蠔，蠔餅蠔仔粥一定係打冷必點！👏🏼呢度既蠔餅係我中意食既style，厚實多料，啲蠔鋪滿哂，唔會薄到得啲脆炸粉底，包保分件一定唔會無蠔，調味亦唔會過鹹。🙈但我地食得太慢，好快比冷氣凍左😭😭解議大家蠔餅一到就要快快食😲椒鹽九肚魚勁大份，😍食極都仲有唔怪得知姐姐叫我哋唔好再嗌🤣平時出面街食例牌得幾條，呢度真係好抵食。最有驚喜係鹽焗烏頭，魚肉鮮嫩多汁。🤤作為潮洲人媽媽都非常大讚無泥味，☺️肉質結實，非常喜歡，睇返原來條尾有個牌仔認證。😲魚肉流出黃油+魚汁，入口好香濃😋蠔仔粥好多蠔仔，好足料👍🏼👍🏼👍🏼一鍋可以分到十幾碗🤤終於嚟到打冷重頭戲：滷水拼盤，入面有滷水鵝肉、大腸、豬頭肉、豬耳、墨魚、生腸、鵝腸、紅腸、滷水蛋.......另外，仲叫左春菜同豉椒炒蜆，不過冇影相📸️最後甜品食

父親節將近，由於想避過多人既正日，於是提前一個星期帶埋爸爸，屋企人去食正宗既潮州野！當日去到7點鐘，見到好旺場，有好多枱食客已經開緊餐。始終餐廳係開係d村屋既地下，所以環境方面分別有室內同室外。室內就設有冷氣，而室外就是一般大排檔既感覺。夏天既話，晚上也不會很熱既感覺，因為都好通風。我地一家被安排坐進了室內既枱。只有係一張前後頁都寫滿不同餸菜既餐牌，但都令人眼花撩亂，唔知點樣嗌起好。食潮州野，當然要試下d滷味點啦！4個人，嗌左半隻滷水鵝試下。滷水鵝半隻，已經好大碟。底下仲有d花生，豆腐墊底。其實隻鵝好大隻，好多肉。d皮下脂肪亦都唔會話好多好肥，食落都唔錯。不過未係我最岩食既口味，略嫌未夠入味。如果味道再濃d就更好！再黎叫左個白灼螄蚶黎食，通常螄蚶都只有食潮州打冷先會見到！d螄蚶比較細粒，但食落既肉都係好鮮味。呀爸話細既螄蚶先係好野。佢都食左好多粒！以上係炸蝦棗，好好食。炸到上碟仲係熱辣辣，食既時候要小心d呀。蝦肉好新鮮，食落成粒蝦棗好彈牙。之後要介紹既係我好鍾意既潮式糖醋面（又叫雙面黃)。我一向喜歡食d又咸又甜既野食，呢個面炸得好乾爽，無油膩感。面頭撒上甜甜既砂糖，仲有d花生碎。旁邊其

成班housewarming 又唔想麻煩人煮最好就係叫到會！ 朋友嗰頭都無幾間餐廳有人就話不如試下哩間到會！ 其實有幾個之前堂食過話好食 難得佢叫夠錢連運費都唔洗 更係要試下！🧐我地差唔多11個 叫人頭餸啦 一人揀d 但樣樣想食好似再嗌多左d 1) 必叫的烏頭 本身叫一條 但有個堅持要兩條 （佢話佢包底） 的確 大家都搶食條魚 因為出面真係食唔到佢整得咁好食 元朗烏頭係人都知無泥味 但大部分都整到乾 得佢整到魚肉鮮滑 有黃油！有黃油！有黃油！🤩2） 大滷水鵝片 好高質 滷水甘香又唔死咸 兼有鵝油香味 有個㗎己冷都話食過咁多間最好食！唔誇張 又係最快清既餸3）滷水拼盤 一班人費事諗食咩就最岩 咩都有 成座山咁高 佛心價 好睇好味 仲想點🤣4）咕嚕蝦球大大隻 似用新鮮菠蘿 都唔奇 因為佢鋪都有賣菠蘿 下次堂食問下 5）店員推介吊桶仔 話而家時令 但佢連膽食都好刺激 有朋友被噴😄 雖然好鮮甜但大家食要小心d!其他都好正 好推介比而家唔方便出街食野既群組 但因為我地即日落單 可能難安排車 都遲左少少到🤏🏿... 不過送到嚟都仲好熱 味道又好好 試到好多特式野 所以捱下餓都抵（店員都有keep

朋友聚會，今次揀左係大圍既生昌🤤因為上次同屋企人食過，大家都覺得性價比非常高，而且實在太好味啦！所以忍唔住要推介其他朋友過黎試下，好彩都不負眾望，大家食得非常開心☺️！眼闊肚窄既我地叫左好多樣餸菜，但真係無諗過咁大份！我地4個大人食得十分吃力！（唯有打包😝）我最中意食蠔仔粥，一個人食左4碗！ 好彩夠大份，食左4碗後其他朋友都仲有得分haha! 如果多人食既話，必定要叫尼個！超抵！今次試左d新菜式，就係醉蝦同魷魚！醉蝦非常入味，而且用料新鮮，搞到我一個人食左三隻😂至於魷魚，完全無粉感！係我中意既口味！壓軸出場就係每次黎得食打冷都必點滷水拼盤！🤤尼一間算係我去過咁多間潮州野入面做得最出色戈間，唔知係咪因為料既問題。因為我成日覺得滷水野其實間間都應該做得差唔多，但生昌做得出奇地好食，雖然唔知係咩原因，不過希望佢地可以一直keep住水準，等我地有啖好食啦！重點係，佢地自選拼盤可以任拼簡直就係加曬分， 因為我地唔係乜都食，最怕餐廳搭左d我地唔食既野比我地！！😢最後，舖頭d姐姐都好好招呼呀😊我地食得好開心！係一次好滿足既聚餐經驗😝

大圍之友對依間潮洲打冷應該都唔陌生，之前因為疫情停業左一段時間，最近重開就約埋朋友一齊去！好耐冇食，食物質素依然無變，都係咁好食，又大大碟 1. 嗌左佢好出名既黃油烏頭，平時唔鍾意食魚既我都覺得佢既烏頭好好味，肉質又香又滑（最怕食到鞋烚烚既魚肉） 2. 千島醬咕嚕蝦球啲蝦又大粒又彈牙，咕嚕夠酸 3. 鵝片入味又夠淋，每片都大大片，厚薄適中，唔肥 4. 蒜香通菜好爽口，咬落去索索聲，調味剛好，係望落油左少少🤏🏻 5. 潮洲蠔仔粥好大兜，蠔仔新鮮，入面有魚乾好香好咬口，好潮洲風味，like! 當晚係weekend，好爆場，好彩預早啲去攞位，坐低半個鐘就坐滿人，真係好受街坊歡迎。不過可能因為岩岩重開加上多客，上菜速度慢左啲，不過都可接受。 Menu上好多野都好想嗌，最衰限4人一枱，嗌唔到咁多野，遲啲放寬返人數再嗌多啲朋友一齊去，佢啲滷味、豬紅、蠔餅以前食過都好好味，仲有海鮮都好新鮮，一定會再幫襯！

同班朋友聚會，諗黎諗去最後都係簡返大圍呢間出名既潮洲菜餐廳。因為長期都好多人黎食，所以早早就去拎位。之前食過蝦球同烏頭，重有蠔仔粥同蠔餅，一直念念不忘，一坐低就叫左呢幾樣先。果然一如以往好食入味。鹽焗烏頭，連我唔係咁中意食魚既人都食，好岩送飯。出面好難買到d咁靚既烏頭，強烈推薦。重有蠔仔粥。勁足料，啖啖都好幾燈蠔仔，抵食！蝦球唔洗講啦，香脆又開胃，我既至愛！今次重叫埋鵝片同潮洲炒飯，蒜香炒通菜等等，有d唔記得影相。但我地都係覺得唔錯，一碟餸都冇食淨！下次再黎大圍食野都會首選生昌

類似大排檔嘅打冷店室內得兩三張枱主要坐室外今次黎係因為又想打冷 又想帶狗仔在場都有兩三枱有帶狗狗老闆都講笑話自己係狗奴才一份子講返嘢食叫左一碗細嘅蠔仔粥一碟滷水鵝肉 一碟滷水三拼 鵝腸墨魚鵝肝一碟小炒王堂食唔算好旺場可能假日特別多外賣單見到出左好多單外賣都未輪到我地等左差唔多二十分鐘先有嘢食等到啤酒都唔凍滷水鵝正常水平 個汁唔會太鹹 都ok滷水三拼通常墨魚鵝腸唔會比好多但呢度份量超多蠔仔粥佢係方魚肉碎蠔仔仲有啲芹菜蠔仔粒粒都又圓又飽滿 建議落胡椒粉更加好味其他都正正常常 但最令我驚訝嘅係呢度嘅小炒王 除左辨識到韭菜花之外其他完全超出左我對小炒王認知範圍之外莫非潮州小炒王係有別於廣東菜小炒王？點都估唔到會係紅腸黃椒雪藏蝦同鹹豬肉呢個冇炸蒜菜脯魷魚銀魚仔嘅小炒王係要$118 真心有點O嘴

上一次嚟生昌, 差唔多成3年前.對生昌最深刻印象, 係佢個茶壺上寫明用嘅係靚茶葉!我對茶無咩研究, 而中意飲茶嘅朋友話生昌嘅茶係唔錯嘅.放假約妹妹打馬弔, 打完四圈就約埋佢雙親去生昌食飯.點咗炸蠔餅, 蠔仔粥, 沙茶牛肉炒介蘭, 滷水鵝片, 炒蜆, 潮州炒咸麵線, 滷水鵝翼併豬頭肉.menu 下方見到白灼活獅蚶, 馬上點一客.優點:1) 有露天地方, 方便食煙, 但我怕熱唔敢坐露天位.2) 蠔仔粥同炸蠔餅蠔仔嫩滑.3) 滷水鵝片同沙茶牛肉嘅牛肉入味肉嫩.4) 潮州炒咸麵線似係內地食河源炒米粉, 米粉係我中意嘅幼身米粉.5) 獅蚶雖然經過白灼但口感仍好似生獅蚶, 肉嫩鮮甜, 係我最中意嘅菜式.缺點:1) 打幾次電話落去舖頭, 想問一下是否健在，但無人接聽 (疫情下好多餐廳食巿無聲消失, 所以想話問問囉....)2) 停車場好快爆滿!3) 炒蜆頗細隻, 但最大問題係有沙.4) 炸蠔餅嘅外層唔夠脆.5) 炒麵線雖然用上我中意嘅幼麵, 但略嫌炒得乾身, 唔知係咪潮州炒麵線就係咁, 但總之.... 唔夠juicy.6) 最大問題! 冷氣不足!今次打馬弔，又輸錢！窮困.....~~>_&#

政府限聚令到好多專開晚市既停業其中一間就係淨做晚市既生昌 等左好耐終於開 第一日就去幫襯一如既往 好食 keep到水準 特式潮洲野烏頭必食 有黃油bonus滷水三拼 滷水底香濃 唔會死咸 潮洲咸面綫 有小蝦苗 好足料又香口 真. 㗎己冷先識欣賞太熱就無食清心丸 叫左冰鎮菠蘿 都幾甜 細路爭住食 當西瓜咁啃都幾過癮 芋泥晨早就賣哂 失望另外鵝片催左成個鐘 最後原來賣哂🥺😢 見枱枱都鬧到媽媽聲 不過見佢第一日開返多甩漏都原諒佢 香港老店真係買少見少 珍惜！

疫情後呢間重開既第一晚黎食晚飯好滿場 好彩留咗位環境開陽嘅露天茶座別有風味可以帶埋狗狗嚟食飯 寵物友善食物質素高 有鑊氣 足料蠔仔粥有好多大大粒蠔仔肉碎好入味千島醬蝦球外脆內彈牙大大隻蝦仁 滷水拼盤既豬耳入味 魷魚都好新鮮份量算幾大碟 (我地全部叫例牌)3個女仔叫四樣野食飽到捧住個肚走性價高 推介！見到好多枱都有嗌好多餸 好吸引！但係可惜我哋得幾個女仔嗌唔到好多嘢食如果有得俾我揀我會帶埋煎蠔餅、烏頭（見到好多枱都有嗌！）、滷水鵝、椒鹽九肚魚！店主同老闆娘都好友善 好好人下次要再嚟

在大围胡乱的逛找地方吃晚饭，最近走到云叠花园附近，在消防局对面找到这家潮州食店。晚上颇为旺场，有超过九成入坐率。刚有人埋单，很幸运地拿到桌子。店内有宣传说是得到食神比赛的奖项，估计不少人慕名而来的。餐牌上的东西也不少，价钱不算便宜。跟传统的打冷店一样，店前放了不少潮州美食，先走过去看看再下单。较为瞩目的是盐焗烏头，鱼身铺着粗盐，每条都不小，听说这菜式是得过奖的。其余的还有鹅肾、鹅翼、乳鸽、鸡脚等等，都是典型的潮式食品。选了一条148元的乌头，大大条的，不用沾潮州豆酱已够咸。而且肉质鲜美，很适合下饭。韮菜猪红就一般般，只有很少韮菜，猪红也不怎么样。乌头实在好味，最后全部吃完，反而猪红还剩下一点。看到不少人点卤水鹅，估计味道不错，留待下次再吃。

今天陪小雞回去大圍剪頭髮，那就在附近找個地方吃，這家店是一家潮州打冷，很多人，大排檔很受歡迎，三個菜兩個人根本吃不完，點了山楂骨，吃多了有點膩，沙拉蝦球也是，甜的過了一點和椒鹽魷魚鬚，還不錯以及鹹檸七

生昌潮州海鮮酒家 潮味十足蝦棗 - 蝦棗和蟹棗，就是最有名的潮州四拼盤之「雙棗」。今次只叫了蝦棗，外脆美味可口。進食時配以潮州甜醬和桔油等醬汁，就更能品嚐到蝦棗的風味。鵝腸併墨魚，補充膽固醇。鵝腸肥美爽口，墨魚鮮甜軟熟。厚身雙麵黃 - 有別傳統扁平的雙麵黃，口感雖然非常脆口，但份量十足。蠔仔粥 - 肥大蠔仔鮮味，再配上惹味大地魚及清新芹菜。感覺用料十足，製作認真。魚飯- 帶戒指嘅元朗烏頭，充滿黃油，沒有泥味，值得一試。

父親節快到，今次選定依間喺顯徑附近嘅潮洲菜慶祝。我預早兩日致電訂位，原來只有食套餐先可以訂位，散叫只可walk in。咁我見天氣熱又星期六，我都唔夠膽太晏到，怕要坐出邊太熱，所以6點左右已經到，果然室內真係得返一張枱..！講返食物，今次叫咗凍蟹、蠔餅（食到一半先記得影相）、金華火腿雞湯翅、鵝片、滷水拼盤、蝦棗，同埋叫咗個甜品拔絲。首先凍蟹真係好細隻、冇肉..成為$200/隻；蠔餅好油...所以有啲淋；鵝片不過不失；滷味拼盤冇味；同埋個拔絲比以前切得大舊，蒸嘅時間又唔夠耐，所以好硬！反而值得一讚係個金華火腿雞湯翅同埋蝦棗，仲保持到水準，個湯係濃郁同足料，有四両翅；蝦棗仲做到彈牙，入邊有粒粒蝦肉！實話實說，佢哋生意真係滔滔不絕，我落咗碗粥同一個飯，到走都未上到枱，最後要取消。但係質素真係比以前差咗好多，真係失望.！

連續兩星期都好想食潮州嘢，特登揸車嚟到大圍生昌，結果因疫情關係仍然未開門，今日突然有想食潮州嘢，於是搏一搏，真係開咗門啊雖然我哋三人行，叫唔到好多選擇，其中金不換炒蜆非常有驚喜，味道清新，因為一般都只會做豉椒炒蜆，所以決定試一試新口味，果然色香味俱全至於方魚肉碎粥用料十足！其實我哋三個人都食唔晒所有嘢唯有打包！非常滿足今晚可以食到三昌潮州菜！