生記滷味

营业中

休息中

這家發源在「西邊」的店，並沒有被包括在「食好西之旅」中，怎料她如今往東擴展了，結果在此商場遇上。26年前，她在皇后大道西誕生；早年最為人津津樂道的，就是免費接待某位當時落難的知名藝人。某一天，「車胎人」來訪了，她也就打響了名堂。此間，她選在 (還是被邀請？) 這美食廣場的一角，開展第一間分店 (這能稱為「店」嗎？)。開幕了，沒有見到擺滿周圍、這天美麗卻終會凋謝的慶賀花籃，只在櫃枱一角，放置了兩盤具名贈送的蘭花：是蝴蝶蘭，一看就知所費不菲，更重要是可以長期栽種，彷彿象徵她踏實的繁茂。兩盤而已？會不會低調了一點？大家來看看：試問這城有哪家公司行號，曾經有如此的人物祝賀開業？而且這裡，「不過」是Food Court的其中一檔。這樣，您也會想來試試看嗎？位處Food Court，不用「開鑊」，運作相對簡單，除了收銀的小妹，就是開放式廚房的兩位師傅。見正在斬鵝的「有兩句」，便半打趣地囑他「斬啲靚啲嘅喎！」「最靚㗎喇！」他隔著口罩、咪眼微笑著，自然地回答，一份今天社會較少見的親切⋯請教師傅，餐牌上價錢相差幾倍的「粉肝」和「法式大鵝肝」，分別在哪？師傅一邊說，一邊比了個手勢：後者比拳頭還大，前者則實

簡直係將貨就價，買成$70，全碟飯得五嚿，兩嚿骨，三嚿肥油連皮同半隻蛋，根本就冇可能食得到，返檔口同佢講話好肥，佢仲問我，你覺得肥嗎？直頭唔覺得啲飯完全有問題，咁我話你食嚿試一下，之後佢就唔出聲，亦冇其他表示或更換，真係搵笨一次過，想再次幫襯都難。

路過見到開間潮州鹵水店，睇廚窗望落又唔太差，就叫鵝肉鵝翼拼鵝肝，但無鵝翼(但廚窗係有！)，可能碟頭飯費事斬掛，就改鵝肉2份拼鵝肝啦，滿心歡喜唸住試新嘢，點知一睇賣相就胃口減半，再睇肥肉，全部鵝肉都是少少肉，肥膏同骨頭就最大。鵝肉滷得唔入味，又無咩香味，而且發現皮下面有一大粒纖維瘤，拆曬全部皮無食。豆腐又係無入味，麻麻哋。係鵝肝好少少呢個質素真係好唔掂，斬D咁嘅位都算，但有咁大粒瘤都係第一次，真係難怪D人北覓食。咁一份三拼$88,平又唔係，貴又唔係，但都唔應該咁差質素。無下次。

終於不用去西營盤買他們的滷味了。他們家的滷味簡直是一絕！鹵汁的味道醇厚濃郁，香氣四溢。點了2人套餐$288 性價比高 ， 滷水鵝 鹵得十分入味，每一口都能感受到鹵汁的香味在嘴裡散開。還有豬手，外皮軟糯，裡面的筋肉則很有嚼勁，滿滿的膠原蛋白。 用餐區相當寬敞。 下次試吓斬料返屋企

{生記雜燴飯 - $88}以前本麻甩坐紅磡，生記滷味都係果區嘅老字號，加餸精選！點知今日去到太古做嘢，估唔到Foodcourt 入面開咗一間分店！Foodcourt 入面食到滷味真心有驚喜！♦️生記雜燴飯無記錯呢個喺紅磡唔覺有嘅，超正，入面有唔少美食，餐牌寫有鵝腎、粉肝、豬頸肉、大腸！不過可能因為唔夠大腸，轉咗唔少豬耳，都係本麻甩大愛！上碟份量好大，成個滷水拼盤咁，加埋白飯喺底，吸晒啲滷水味！真係實在太正！美中不足嘅係佢地無提供辣椒油，如果有個超辣又香嘅辣椒油就真係fit 晒！美味程度：😋😋😋😋環境指數：🎇🎇🎇番食機會：🦍🦍🦍🦍📍 #生記滷味 (太古)太古太古城道18號太古城中心2樓255號舖

買咗兩盒鵝片飯，一盒大部份都係皮，另外一盒大部份都係肉。因為外賣所以之前已經提咗佢記得比醬汁。 攞嗰陣淨係見到外賣餐具，完全唔記得比醬汁，買咗兩盒飯淨係想俾一份，要再同佢講先至俾。醬汁方面，豉油太鹹，個醋太酸。買緊嗰陣時見到有一位女士走埋去打開個盒問店舖同事，為什麼鵝片咁多骨裏面斬嘢嗰個？ （唔知係咪老闆）就話係正常嘅，佢講皮骨會分離（嗰位女士完全唔明白佢講乜）最後成功耍走咗佢。之後返嚟攞外賣的時候，又有另外一個女士走埋去告訴他們大閘會沒有鵝腸，入邊斬嘢嗰個又出聲話冇晒鵝片可唔可以轉第二樣個女人答特登想食鵝片，佢話頭先仲見到。斬嘢嗰個就答唔好意思冇晒轉多份牛片俾你可以嗎？個女士唯有應承。所以大家真係想買的時候，睇清楚有乜唔對路就馬上對質。