生記粥品專家

营业中

休息中

年廿七，去先施，永安買嘢，順便行多兩步到生記食粥。八時，人很多，魚腩已售罄，只好吃魚骨粥。鮮甜，足料，好！埋單卅皮。抵！

這裏其實頗近上環熟食中心的，枉我與友人兜兜轉轉最終都是搭的士來。點了個細及第粥。其實也不少份量，見頗多男男女女都是點細的來吃。（可能ｄ人都覺得$35食碗粥有點食水太深。）ｄ粥好甜，食頭果幾啖，都好綿，但食食下，有ｄ稀稀地（我冇將碗粥搞黎搞去）。ｄ料亦很豐富，粉腸最正，豬潤都爽，但不夠厚，也非黃沙豬潤。而細牛肉粥，牛肉雖要有「拿」過，但都未至於「拿」到無晒味，份量亦不少。

幾年無來了，因上次來食完好口喝，好似好多味精咁，所以一直無沖動來。做完gym兩點幾來，唔洗排長龍。點了魚腩粥，我不愛食wan魚的，但概然來了便要這裡的皇牌。腩肉很多，很鮮、爽、滑，加Ｄ佢提供的時油真的very good。粥底很綿，美味。肯定是one of the best in hk。二人share 個炒米粉，ok 。食完全無味精感覺，無陰影了。

一向唔太鐘意食粥,因為覺得淡moumou不過友人推介呢度d粥好好味所以就試下叫左及第粥(細),都幾大碗好足料,d粥好綿最緊要係唔會好淡仲有一碗豉油,碗豉油有d蔥好香口甜甜地,放落d粥食一流另外,openrice張地圖睇到我地行錯哂路最後要搭的士,比張地圖的士司機睇佢話d街道名錯左.下次真係要自己帶自己既地圖去

2008-12-15終於等到有一日係夠凍o黎食粥屬意是魚腩或是豬心粥的，好彩選了後者，因為見人o的魚腩是有骨的，很怕應該是第一次食豬心，質感有點像軟了的雞腎，幾好食的。一碗細的$21，但其實一點也不細，足料。粥不是大家所說的綿，但真係中上加了$10 的炒米粉以防唔夠飽。唔油亦無焦味，有驚喜的是有o的肉絲在其中蠻滿足的

三位同事又係見到這裡多人推介！專程來試牛筋河 - 我應為就細碗左D，牛筋夠"林"但冇乜味！只可說一般。牛腩米 - 同事話牛腩好"林"，清湯好清牛肉粥 - 試了一口，好味！淨清湯蘿蔔 - 個賣相好，但不太好味！比起天后的大利清湯腩很遠~ 煎魚餅 - 無特別及好油菜

魚腩粥好大塊新鮮 好食, 有蔥油tim, 但食品比一般貴了一點

食完之後只有強烈感覺其名過於實, 叫左個魚腩粥, 魚腩係多, 不過食落真係有d腥, 食左幾舊已經頂唔順冇再食, 個粥底更加係平平無奇, 都唔知點解網上大家吹噓到咁好味, 泊埋同羅富記比真係連人地5成都冇, 仲要收到28蚊咁貴, 真係比佢搵左苯.男友叫左個牛腩牛筋河, 牛腩都有九記六成功力, 但個牛筋真係完全淡而無味, 湯底太清太淡喇, 真係唔值得為左一碗咁質數的粉要去排隊食.咁嘅質數, 如果冇人吹到咁好味仲要排隊等位成間隱世名店咁都仲可能下次行過幫襯下, 而家比人講到咁天上有地下無我真係唔會再幫襯, 費事d 老闆以為自己真係好勁, 不思進取, 攪到食物同服務質數不升反降, 助長如蘭芳園呢類鋪頭一間又一間咁出現, 食壞廣大為食朋友們把口

Last friday, I went to this shop to taste the cognee. Even though it was around 12:45pm, it was already really full. Many people queued outside the shop. In the shop, we you can order noodles or cognee. Both of them are really good. This time, i tried the fish cognee. The fish bone cognee is fresh and tasty. Under the recent weather, it is worth to have a lunch with cognee.

12點半到, 已經有20幾人排隊, 因為只係1位所以等左3分鐘即可入座迫都預左, 都未可以細心睇個menu 就要落order由於唔食內臟同生生地的魚, 所以order 生牛肉粥 (細)好快有得食, 粥底果然係好野! 牛肉就Ok, 可惜食完有dd味精feel, 可能係d牛肉

11月14日, 一行四人, 中上環美食之旅第一站 : 生記粥品專家下午 1 時10分, 門外一條長長的人龍 (正值午飯時間), 等候大約十分鐘, 有位了.我們要了 :清湯腩 (好! 湯底好味)清湯蘿蔔 (好! 湯底好味)鯪魚球粥 (幾好, 很多鯪魚球)魚腩粥 (粥很熱, 好味 , 魚腩很多, 個人覺得比鯪魚球粥好)煎魚餅 (幾好)共 $ 106

仲記得第一次黎食魚腩粥，我覺得啲粥都幾淡口，麻麻地囉。點知有日探完嫲嫲，又比媽咪拉左黎食野，因為不嬲都唔太鍾意食麵丫食牛丫咁，所以又係食粥，不過今次見到隔離叫左好大碗豬心，應該好味掛，咁就叫左豬心魚腩粥。食落，又真係幾好味。啲豬心真係得得地，加左落去碗粥個味即刻好味哂。所以食粥一定要加豬心！YUMMY 價錢好似比價錢牌平左啲，聽講非繁忙時間好似平啲？

兩點去到, 要魚腩魚骨粥 $35, 想加炒米粉, 話賣晒(佢既炒米粉唔錯, 又平). 加杯涷零茶$10. 佢d粥好希, 驚唔夠飽, 再加個蘿白爽腩淨食 (HK$28)魚腩魚骨粥, 已經兩點去到, 過左佢最繁忙既時間, 不過魚骨唔熟, 仲有小小血, 淡水魚好多寄生虫, 應該煮熟d先比人食, 好唔好味係其次, 最緊要安全至上.蘿白爽腩淨食, 真係得啖笑. 超多蘿白(因為cheap野, 街巿$3有三大條). 爽腩要花精力先撈到碎濕濕既食, 好似五毫子上下大細既爽腩碎約六七塊, 藏在蘿白與蘿白既啦位. 同天后華姐真係無得比. 總括, 味道一般全餐$73都麻麻地飽. 食水太深, 淨蘿白爽腩真係少得可憐, 雖然在商只言商, 但過得人地要過得自己.

今日lunch時叫左雙拼粥... 豬潤豬心粥, 以為因為雙拼, 豬潤跟豬心的分量會各自減少吧~ 但事實非也!!! 當我叫的雙拼粥上檯時, 同事們無不嘩然! 因為豬潤及豬心真的滿到瀉~~ 粥, 仍是滾熱的~ 將豬潤豬心放入口, 仍是新鮮... 仍是爽滑~ 呢個亦係我堅持每次到生記都要叫豬潤的原因!!唯一要批評的是... 地方真的比較窄, 當食客或伙計通過時, 好容易便會撞到背部... 加上手上的熱粥... 地方的狹窄會造成一定的危險~

A bowl of nicely cooked congee takes time for its ingredient to have its aroma came out and offered the originally tasteless congee its flavour, instead of needing MSG to help bring it out.Disappointed and got to get over the thirst left 3 hours after, the fish belly was undeniably fresh and with a generous portion, but this couldn't gain back the credits deducted from the loads of MSG added