生記粥品專家

营业中

休息中

店子小小，美食多多，粥粉麵有齊，樣樣好味。其中以豬潤粥為必食品。豬潤粥:豬潤夠滑、夠新鮮、不會煮得老。最重要是配以薑蔥豉油。粥底綿綿的，豬潤片多得來和粥的比例剛剛好。讚!清湯蘿蔔:其實不是清湯，是清湯腩的湯，很甜，配甜甜的蘿蔔，絕配。注意營業時間，晚了，有些食品賣晒就不能吃到了。

6-3-2010 搬左之後好多無食過粥啦, 好懷念以前既雞粥E到做D雞粥好滑, D雞都係, 粥又唔會好希讚

我愛去生記，不過不是因為粥，而是愛吃粥內的餸。粉腸、豬潤、魚腩、雞‥每次去其實都想要所有的粥，自制個"大雜會"，什麼都要‥每次都很怕會給人責罵，因為我只是吃餸而不是粥底。所以我沒有資格批評她的粥，不過，那些餸真的非常出色。粉腸絕對不會有怪味，而且內裡又清潔乾淨。豬潤就份量很多，而且非常美味。魚腩呢就特別多人叫，亦聽過好多人叫魚骨，不過魚類很快會售罄..一入夜就沒有魚雞就好入味，是很重的酒味。食餸時配附上之soy sauce簡直一流，記得要加多些蔥，更加好味如果舊店沒有位，其實可以坐新店，新店還可以叫牛腩食，份量雖小不過i like it。如果到好都有人在排隊等位(即大部份時間)，其實外賣還好，因為較便宜呢~

細魚腩粥+油炸鬼粥底我就覺得唔得啦...非常稀又唔綿,但魚腩就好新鮮,滑而唔腥油炸鬼唔新鮮,好差~仲要得果幾粒收唔知5蚊定6蚊,超唔抵

四點多辦完事在中環搵食, 想食粥, 立即搵到生記, 由於不熟路, 都走了幾轉才找到, 在正街上看到有幾家叫生記的粥粉麵店, 心想不知那一間才對, 再看看圖中門口的相片才知道在橫街入面的才是叫生記粥品專家. 大家不要去錯店內面積較小, 只有兩張枱及靠墻的一排單邊位, 幸好是非繁忙時間, 店內人小, 可以坐得寛闊點. 看到多數人都是點魚腩, 我就叫了魚腩牛肉粥, 35元一碗, 心覺不便宜. 師傅收到柯打後就下手煮, 聞到香味實是吸引. 阿姐給了我一碟豉油, 心想了一下就知這是給點魚腩用的. 不久後, 粥上枱, 原來也頗大碗, 表面沒有葱花薑等點綴, 好像媽媽煮的一樣, 不加修飾, 用匙攪了幾下, 裏面料很多, 先試魚腩, 點了豉油, 魚肉不散, 不鯹, 鮮味, 好! 再試粥底, 味道不錯, 粥底不是一粒粒的大米花, 應該是米碎煲的. 最後試牛肉, 頗滑, 不會有很多粉在表面, 沒有味精的味道. 食完一大碗粥, 身體也暖了起來, 飽了, 由於是下午茶時間可以減3元.

老實說,我只覺得是一間普通得很的粥麵店差,絕不可用上,但真的要如大眾般...等到打蛇餅還再等!!!要了,碗清漡腩麵,老實說.麵質就與羅富記的差太遠了...牛腩是有所分別,一個是清湯一個是柱侯,跟本很難相比還是羅富記的較合個人口味...只知當今傳煤之利害...一年300幾日都要等...

自問唔係一個太鍾意依粥既人, 不過生記既粥確係值得回味第二次去, 魚腩係鐵膽, 上次食魚腩肉丸, 今次就食魚腩豬膶薑絲鼓油, 食前一定會壓D薑汁先至正粥料一貫既足料, 呢個價錢絕對值得魚腩兩次食都係咁正, 依舊咁新鮮, 夠哂滑, 點埋薑汁鼓油, 一絕豬膶都唔錯, 滾得剛剛好粥料, 粥底, 一流既配搭而且份量夠, 正^^我諗好快會再食第三次

8點鐘o係上環未食飯~既然行到過黎生記..就決定一試~皆因o係O.R.太出名喇…要左個魚腩豬潤粥-$32, 牛丸麵-$19, 牛筋麵-$19食物好快上枱…牛丸麵望落去已經覺得唔錯~先試啖湯底~一飲就飲得出係以牛骨煲出黎…清甜…牛丸一共有6大粒, 好新鮮~食落有牛味~又彈牙…味道剛好~有少少黑椒味……不過麵就真係差d喇~..唔彈牙冇蛋香…似o係車仔麵店o個d貨色…牛筋麵相比差得更遠~麵如同上面之形容~而牛筋既顏色唔係鹵水既啡色..而係透明…唔通漂得太厲害~牛筋又韌又冇味~..估唔到呢度出名牛腩但牛筋卻如此質素…魚腩豬潤粥..原來下晝14:30後食粥會平左$3…另配有一小碗加左薑絲及蔥絲既豉油，當然係用黎蘸魚腩食啦~先試粥底..味道較淡..好棉~~煲到d米都爆開..幸好粥偏稀…唔駛咁飽~大大碗粥有大概四件魚腩…唔覺腥..雖然魚腩有滑亦有嚡…但下次會比多次機會再食魚腩,而豬潤則幾有驚喜, 切得薄薄的…熟既程度剛好~~軟身唔韌…好多片~食得多都唔膩…^^黎緊冬天..又多個食粥好選擇lu…

其實想試這所馳名的粥店一段日子了，也找了一個早上來吃一碗粥，來到其店子，看到其實也分上了幾家，有的賣粉麵牛腩，而屈在街內較殘舊的一角，其實才是其「粥品專家」的原址，也是粥廚房的位置，所謂近廚得食，所以也坐了在較不整潔的「粥品專家」內。本來想吃一碗粥及一件油器的，但見到鄰座食客那碗粥咁巨形，也不敢點那件油器，生怕會過飽，所以最後也只是點了一碗魚腩肉丸粥。在邊等吃的時候，也一直見其他食客在點吃的，有的似乎是熟客來吧，專點魚骹魚標，真識食！但店員回應那顧客魚骹已經賣光了，真的聽得我目瞪口呆，晨早留留已經賣光了魚骹？有點誇張，但也可見得出其罕有。等了一會，也有得吃了，連一大大碗粥奉上一碟豉油，是加了大量薑絲及蔥絲的豉油，用來點魚腩是超棒！豉油本身濃香，加上生的薑絲及蔥絲，辟腥一流，由於生怕攪稀了粥底，也只先以慢速舀了粥身兩下，也見到有四件大大件的魚腩，就算沒有蘸豉油及與薑蔥同吃，魚肉也是滑而不腥，粥底夠綿，米花爆開，更難得的是有米香，稀嫌是稀了丁點，而肉丸總共有六粒，店家真的慷慨，肉丸有點咬口，但不彈牙，肉質是鬆散了一點點，肉香也不足，下次來也不用再加肉丸了。一碗大大碗的粥，材料豐富，吃得飽飽

9-9-2009朋友上次試過呢度的清湯腩後大讚好食, 又據聞呢度的魚粥好掂, 趁呢日「下場」喺上環 dinner 嚟試試.魚腩 / 魚片/ 魚咀 etc 乜魚都賣晒, 唯有食及第粥 (細碗 $18)... 粥底算綿, 食落味道就較清, 米香一般, 麻麻哋鍾意; 勁多的配料就以豬心最好食, 好爽, 好甜, 正 豬膶都好好食, 剛熟, 爽口又甘香; 豬粉腸我一向麻麻, 不過呢度的處理得好好, 夠「粉」夠乾淨, 完全無「腥」味, 蘸點 on the side 的 (鹹多過甜) 薑蔥豉油, 收貨了; 肉丸就唔夠彈牙, 可幸唔會一舊粉, 都 ok 吧. 整體係滿意的, 不過「細」碗一 d 都唔細, 大家 order 的話要留意.朋友食蘿白牛腩伊 ($30)... 試了蘿白, 十分腍, 無渣, 味道清甜; 湯底味道較淡, 我比較喜歡華姐 (http://www.openrice.com/restaurant/commentdetail.htm?commentid=160136) 的; 又試了伊麵, 淥得剛好, 唔錯 坐了「粥品專家」嗰邊, 環境地 mou, 衛生麻麻, 意料之內.每人放低 $

係生記叫咗外賣，細牛肉粥、細皮蛋瘦肉粥、炒米粉同埋煎香魚餅。啲粥底今次比以前嘅較「傑」；啲炒米粉真係幾好，好過茶餐廳；個香煎魚餅比較油，不過都好香。食完都有口渴，始終都係出街食，點會無味精吖。今次無叫到淨牛丸，佢啲淨牛丸$25有12粒，大大粒，又好味，又抵食。

愛人話帶我去上環食野 話食乜乜同物物上環？我真係冇乜幾何會去... 剩係知道有條街賣海味好出名囉起身飲左杯回魂咖啡就起程向上環進發第一個目標就係去禧利街畢街『生記』食粥一條街有四間店舖的『生記』真係犀利我地一人叫左碗粥、油炸鬼同煎鯪魚餅食碗粥已經夠大碗 入面仲有成十二粒鯪魚球... 認真足料

上個星期六，朋友仔約去上環整d嘢，之前搵定有咩好食，決定嚟哩間出名粥鋪試吓。總鋪得幾個位，好在佢前面開多咗間大鋪，唔係唔洗食。本來想叫艇仔粥，但估唔到佢係冇的...最後惟有要咗豬肉丸粥，朋友們要鯪魚球粥、牛根河 & 牛腩麵。食牛腩麵個朋友話唔好食，湯低冇味；食牛根麵朋友話一般，d牛根勁"un"；我就覺得粥底一般，唔算係好綿，鯪魚球ok，豬肉丸有個朋友話完全唔掂冇味，不過本人就覺得可以接受，都唔需要點佢俾0既豉油。味道一般，但要$21一碗好似貴咗d，都唔知點解會咁出名...

星期五放假,到生記食lunch!魚腩粥: 只簡單叫了碗魚腩粥,魚腩好鮮甜啊,粥底好綿,足料! 又平又正,無花巧!不過,就好多人,要排隊,環境就真的麻麻,食完要快走,無計啦,以食為先!

有陣時dinner唔想食到禁heavy,生記的確係一個唔錯ge選擇.其實要一碗$18(外賣價) ge袖珍粥都夠曬, 因為佢所謂ge袖珍粥一d都唔袖珍,食完已經夠飽。皮蛋瘦肉粥粥底夠棉,唔會太稀or太杰,重食到有少少瑤柱味肉味都幾濃,同埋佢真係落左好多料,唔錯唔錯鮮牛肉粥粥底同上一樣禁好,牛肉味都幾濃,但我prefer皮蛋瘦肉粥多d lor價錢低不特止,最緊要係佢冇落味精,食完成碗都唔會口乾