生記粥品專家

营业中

休息中

這家粥店的粥真是名不虛傳，也是這個原因佢地每次午飯都會迫到不得了，所以我每次例必外賣。其實我並不是很好粥的人，只是偶而想食清淡一點，才會吃。所以如果粥底煮得不好味，我就不想食下去，但我對生記的粥並沒有產生這種感覺，反而很想把整碗幹掉，而且也沒有味精感覺(因為我沒有口渴)，不過佢地細碗對我來說也是很大，所以往往還是不能完成！這次我食的是鯇魚片加皮蛋粥、鯇魚很滑，每一片魚都是完整，並沒有因過熟而碎了，口感很好！

知道上環有一粥店蠻出名﹐但一直以來都沒有來試﹐所以這次便冒名而來試試其質素是龍或是蟲。大熱天時來吃粥真得是不太適合﹐但如果這裡的粥品真的是好味﹐起碼以後天氣較涼時都有多個選擇﹐也算值得的。粥品款式眾多﹐也要花些時間才能決定試那一款。 最後點了鯪魚球雞粥 - $32 - 粥底不算很杰﹐但味道不知是否被醃製過的雞肉所影響而變得有點兒鹹。 這鯪魚球雞粥的雞不是滑雞﹐而是雞柳﹐所以粥底沒有什麼雞味。鯪魚球如以下食評所說一樣﹐ 質素不錯﹐肉質吃得出魚肉份量多﹐粉少,不會像之前在其他店鋪吃過的察子膠貨式。粥品質素不錯﹐配埋跟粥的薑蔥另味道更好。但炎炎下日﹐肚內熱粥那股小宇宙再加上炎熱的氣溫﹐真的熱到差點溶掉。但畢竟這裡的粥都做得不錯。

晚飯去的。鯪魚球粥：份量很足，一碗全是魚球的樣子，魚球很彈牙，但是魚的味道比較淡。魚片粥：份量很足，一碗全是魚片的樣子，很鮮。清湯蘿卜牛腩：蘿卜比較好吃，牛腩不夠爛，麻麻地。就分量是足的，就味道，一般吧。

見生記喺我公司附近今朝走去買嚟做早餐買咗細鯪魚球粥外賣自取$18碗粥好多鯪魚球好大碗食咗我成半個鐘先食得完好飽都抵食但味道普通啦明顯有味精一食完我即刻想飲水個粥底稀又唔棉我以為係上環粥王點知~普通jar喎

我一直想試下生記既粥, 中午時候好多人, 我見客人多數是吃魚腩粥, 於是叫了一碗來吃. 鯪魚球十分之彈牙又爽滑，夠新鮮，加埋胡椒粉仲正！但是粥底有d稀...

今天同事帶我去食lunch~, 又話請我食飯, 佢竟然帶我食粥當時生記門口好多人, 我話不如去另一間食啦, 我同事係都唔走...........等都等左十幾分鐘先有位一坐底我就只叫左個魚腩粥, 真係想快D食完快D走人, 碗粥一到我就立即放落口...........點知??????............原來真係好好味啊魚腩很鮮甜，不錯，配合薑葱豉油來吃也很滋味！等我星期一Lunch再去食過先, 呵呵~

星期一到生記食brunch，叫了一客常餐及一客牛肉魚腩粥。常餐餐包較hea；火腿奄烈味道一般，較油；肉丁麵麵質一般；凍檸茶茶底唔錯，幾好味；整體不過不失吧！牛肉魚腩粥嘅牛肉好腍，不過牛肉味欠奉；魚腩幾鮮甜，不錯，配合薑葱豉油來吃也很滋味！

通常做完gym都會嚟生記買粥食，唔多人又快手，我食來食去都係皮蛋瘦肉粥，鍾意食皮蛋，瘦肉又多，所以夠晒飽肚。除此之外，佢哋真係真材實料，食過人哋其他粥，食完感覺成口味精，生記粥真係原味，肉味膿，一食就知。我就未試過出名嘅牛腩，下次去可能會去試試。生記最正係粥類有唔同size，貪靚愛瘦身嘅可以食袖珍，二十一蚊堂食，十八蚊攞番公司慢慢品嘗。大碗都只係加多七蚊，但真係大碗多料，食得好飽。

今天走過上環~~ 試下生記既粥先~!夜晚六時，不是多人~ 人客入去大多數是吃魚腩粥~ 但我不愛吃魚腩，所以試鯪魚球粥~可以選擇大碗或細碗，我叫左細碗，但我發覺別人的大碗和我的細碗，size 分別不大~價錢都幾貴，最平都要$21, 非繁忙時間式外賣就再平三蚊，即$18.不過，一分錢一分貨，大大碗，而且唔係粥多，係料多，八成係料，兩成是粥~ 鯪魚球好正~! 滑~！非常鮮味和彈牙~~!配薑葱豉油，特別又好味~! 唔係好醎，能帶出魚鮮味~ 不過鯪魚球本身就唔腥，試唔到除腥的能力~我加胡椒粉食鯪魚球更好吃，勁正！而且有好多料，有七至八粒(大粒)，好似食極都重有得食咁。好飽，滿足！粥味道好，因為係瑤柱煲粥~但係質感方面，粥水來的，一D 都唔綿~~佢個名係粥品專家喎....點解粥竟然係粥水?!幸好，佢有自知之名，沒有賣白粥，明顯地，它的名物是粥料 -- 魚和牛肉，所以料多多，令人將注意力放在粥料。大家愛食魚的話，要黎試試魚鮮味！大家愛食粥的話，千萬不要來飲粥水！除非你想飲粥水。

三月十六日 (星期一)今個下午,沒有計劃吃什麼,老公突然決定到已知很久的生記一試生記老字號,遠近馳名,老闆親力親為,凌晨二時起床開始煮粥,為的是街坊能吃到真材實料的瑤柱粥品既然老公仔提議來,當然要試粥品,點了鮮魚腩肉丸粥,而我就怕吃魚,又聽說這裡的牛丸是新鮮打造的,所以選了牛丸牛腩米鮮魚腩肉丸粥因魚實在太新鮮,怕有些食客受不了腥,所以每碗粥都特地放了數片薑料是十足的,單是大大片的魚腩都已有四片,每片都是肥美而新鮮嫩滑的鯇魚肉肉丸亦是新鮮打造,很鬆軟而帶點鮮甜加上隨粥附設的豉油加蔥,用來點魚片和肉丸吃的,很香口至於精髓在於粥本身,粥身較棉雖看不到任何瑤柱的痕跡,但每口都是瑤柱的芬香,是吃得出的苦功連不太喜愛食粥的老公仔都讚不絕口牛丸牛腩米聽說牛丸都多只會隔一夜,保證新鮮口感比平常吃到的較鬆軟而有口感,形狀較為不規則牛腩很稔,此店不是牛腩專門店,以此為準則,算過得去罷米粉也不錯,只可惜是少了點,所以要加一碟煎魚餅煎魚餅有點失色,魚肉欠奉,沒什魚肉的質感,可就此略過好評是給予粥品和老闆的辛勞的!

男友同我都覺得唔舒服，冇乜胃口，只可以食粥，於是係星期六下午黎呢度試下。蔡生之前係電視度介紹呢間鋪頭D粥係一早就煲，粥底好綿，係咪咁勁先？一入到去，D侍應當我冇到，一D招呼都冇，各有各傾偈。算!想叫魚腩粥，點知賣完喎!! ok，叫左鯪魚球雞粥。碗粥好甜，鯪魚都唔錯，彈牙，都幾大粒，亦有鯪魚香味，唔腥，D雞好正，有用酒醃，好香，D雞唔似雪藏貨，幾實正！加上點少少豉油，冇胃口都開胃!! 牛肉粥好多料，啖啖都有牛肉！牛肉好滑，但牛味唔太濃。粥底吸哂牛肉鮮味，好正好甜！但我就覺得粥底比較稀，唔多米，如果杰少少就仲正！p.s.: 食到一半又有番魚腩，如果想食魚腩粥，可以等一等，或者問下會唔會再出。

生記經常排長龍, 有一次有個好好的同事去左排隊先, 終於有機會食到啦!!同事叫左最出名的魚腩肉丸粥, 肉丸真是好好味.自己叫左魚片粥同油炸鬼. 油炸鬼一定唔是新鮮啦, 而碗魚片粥冇咩特別囉, 如果無期望地入去食, 都唔錯嘅. 因為雖然味道淡d, 但勝在無味精丫麻.

2009-01-23$19，牛筋粗走蔥湯真的好清，不是腩汁也不是雲吞麵o個隻湯。麵不鹼水，略彈牙而已o的牛筋我唔識分係咪新鮮，但感覺係而且好嫩滑，食落係好軟當然唔夠飽但就當偶爾一餐

2009-01-20是日又係凍凍o地，又無咩特別想食，唯有翻兜o黎食粥$21 細o既肉丸粥，另加$4 要碟油條粥同上次無咩分別，但肉丸數落真係有大概八粒咁多。雖然細粒過出面少少，但以量真係取番勝。可惜係味道同質感只屬中等級數油條，沒有老油味或者面頭o既粉味，但又弊在，係凍o架囉。因為佢o地係就咁擺晒出o黎無烘住如果我無叫油條，都應該會俾笑

聽人講話呢間粥好出名, 仲專登避開lunch勁多人排隊既時間去(大約12:00), 我同朋友分別叫左魚腩粥及豬潤粥, 煎魚餅及炸麵(即油炸鬼), 雖然叫細碗, 但份量都很多, 料很足, 但係d~ 粥底稀到好似1比99, 食多兩啖直頭變水(我保證沒有攪佢), 成碗野好似米水溝魚腩, 其實當時朋友仔已經提醒我, 佢係上環返工, 所有同事都試過一次後唔會有第二次, 除非你諗住食碗淨餸講返魚腩, 雖然料係好多, 但一樣係好腥, 反而朋友仔既豬潤好食好多.煎魚餅, 味道ok, 但落左好多好多麵粉去整, 似街邊既煎釀三寶既炸魚肉.油炸鬼, 好食好脆, 梗係大佬呀~~ $7 !!!