生記粥麵

营业中

休息中

聽聞此間粥店是開業很久的，所以一試-由於行完一段路才到達餐廳，很熱不想吃粥，所以便叫了魚蛋撈麵，很快便有得吃，面和魚蛋分開上魚蛋有湯浸住，麵就有蠔油可以撈埋一齊食，份量很多，吃完的時候我的胃也爆了，魚片的厚度起碼有1cm，味道非常鮮味很好吃，而幼麵亦彈口，唯獨是面旁邊的生菜夾雜住一條頭髮-魚鮫粥的份量很多，上枱的時候快要滿瀉，但睇落很多吃完卻不飽，因為骨頭佔得比較多，實際上粥只佔得半碗，而且魚鱗比較多-及第粥要了袖珍，但係袖珍的碗也很大，根本是正常的size

找錢時唔小心將銀跌到收銀機後面 攞唔到 問前臺阿姨點算好? 阿姨唔睇我又唔講嘢 我以為渠聽唔到 過左陣我又問 咁點算咧? 阿姨開始大力摔訂書機 話"咪俾翻個你咯 你又攞唔穩 你等陣啦" 然後大力掉左個銀 心淋你發咩孬? 簡直難以相信咁既服務態度可以繼續喺餐飲工作 好好講聲等陣 我就知道你聽到 咩都唔講我點知你咩意思咧阿姨? 咁都可以發脾氣在客人身上 工作素質非常差 經歷非常非常糟糕 唔會再去

今日唔係幾有胃口, 天氣又轉冷, 所以去食碗粥見到佢餐牌嘅粥有”袖珍類”, 問侍應袖珍同埋正常size差幾多, 睇到袖珍其實都好大碗所以就叫咗碗袖珍版嘅皮蛋瘦肉粥首先我知道大多數粥舖嘅衛生都普通, 但係侍應一嚟就用隻拇指插喺碗同埋匙羹中間個窿入邊😓雖然係掂唔到啲粥嘅(理論上)但係睇落去都已經唔係幾開胃等我仲消化緊呢度嘅衛生情況嘅時候, 突如其來一隻🦟飛咗落去我碗粥度🥲我真係覺得有啲唔係幾想食(本身已經唔係幾開胃), 咁我就同侍應講有隻蟲飛咗落嚟 其實本身都諗過唔講, 因為覺得佢都係就咁撥走佢就算, 點知佢真係喺我面前到咗個碗粥, 之後再換過一碗新嘅俾我😳👍🏻等我講返碗粥嘅味道先之前我食過呢度嘅魚腩粥覺得幾好味嘅但係今次食就覺得粥底真係普通, 冇咩味, 瘦肉又唔多, 真係冇咩特別整體來講, 除咗因為天氣凍同埋冇乜胃口想食碗粥之外, 如果冇咩其他原因我都唔會再嚟食💩

Sheung kee is one of the tastiest congee shops in hk. The congee is made fresh daily with rice and dried scallops daily. This time having the Kup dai -supreme mix of meats congee. When ordering I ordered and added an off menu item of fresh fish maw. The congee came bubbling nice and hot and filled to the brim with congee and pork goodies as well as the fish maw. Everything was cooked to perfection and dipping with the accompany soy ginger and spring onion was the perfect accompaniment. There was

全港生滾粥最好食，心目中係上環/鰂魚涌生記、佐敦新興棧、土瓜灣七喜，排名已分先後。魚腩豬膶粥 ($58) (8.5/10)新鮮豬膶，厚切。火侯控制好，八成熟，餘下兩成用滾粥餘熱煮熟，保持了厚豬膶嘅彈性爽口。太熟會粉，太生會見血，唔新鮮會腥羶，可見店家做豬膶功力上乘。新鮮魚腩，九分熟，保持了鮮嫩的連皮鯇魚腩肉質，有魚鮮味。同一道理，最緊要唔好會煮到太「鞋」。粥，夠綿，薈萃了粥料精華，啖啖鮮甜。薑蔥豉油，用來點魚腩，但點豬膶亦可。

生記係上環出晒名，估唔到係鰂魚涌都有分店！腸粉醬汁勁多一啲都唔孤寒，每一條腸粉都會沾到甜醬麻醬辣油豉油！自家製魚餅係用凌魚肉做，煎熬得勁香口！蔥花味好香 食幾塊已經飽晒

生記都是我較常光顧既粥麵店因為份量夠大而且吃後很滿足, *不過感覺味精倒是重了點,吃後都會較為口喝 所以對味精敏感的人未必適合光顧,但因為抵食,而且味道不差,所以我都照推薦給大家試試是日點了滑牛肉丸粥, 滑牛數量不少,肉太數量更是有7-8粒之多,所以為何我說抵食這個魚餅其實都是一些很傳統小吃, 味道不錯(雖然油多了點)但當沾了辣醬後還是可以.這個米粉通常在極度飢餓時叫, 其實真的沒有特別,就像媽媽炒米粉既味道一樣

本身俾生記出面啲相吸引左想食粥，但望完個menu, 諗起之前食既牛腩面唔好食，心有不甘傻左轉食牛腩米，個湯底真係太清了，話清湯腩者唔使清到無咩咸味掛。牛腩肉質比較粗身，可能部位唔太青靚，但我唔應該係粥店要求啲咩。辣椒醬有豆瓣醬底，加左會好食啲。我見其他人個個都叫粥，而且聞到皮蛋味真係好正咁，下次一定要試豬膶皮蛋粥😭ig : eatesterhk#quarrybay#congee#taje away#noodle

quarry bay呢邊係多野食，比較多就要行去太古城果邊。平時響quarry bay 平均食一個茶餐都起碼hkd50、60，生記算抵。之前響上環返工都有食生記，好多時都好多人。黎到呢邊，都有生記。生記專係整粥，熱辣辣，另外上一個薑蔥醬油，配返個粥。我有時會黎呢度食豬潤粥補血，多料，雖然聲係叫個細粥，已經好夠飽。有時就會揀雞粥，好多件雞，大件夾抵食，都係大概30幾蚊一個粥。turnaround好快，食物黎得快，好快又做到下一輪生意。姐姐都好爽手jup檯。係平令正選擇。

生記一向係我至愛嘅粥舖. 我自細就鍾意食粥. 可惜地方有點吊腳, 唔方便成日幫襯.今日叫咗個細肉丸粥加腸粉. 埋單約50蚊. 肉丸粥好足料👍👍. 有八粒肉丸. 真係好想買啲肉丸返屋企, 可惜佢哋冇外賣. 腸粉不錯. 吃完飽飽, 晚餐可以簡單一點

原來生記有如此多分店, 我還以為她只是駐守上環呢! 不太想在午飯吃白粥, 就點了麵食, 配上鯪魚球, 牛腩和豬膶, 也夠多夠豐富的. 作為大當家的鯪魚球, 魚香味濃, 咬下去不太彈牙, 而是很軟糯的口感, 是充滿魚肉而不是以麵粉濫竽充數的證明. 牛腩爽滑不痴牙, 不是最肥美的部份, 但是也做到皮脂肉三層分離的效果. 豬潤質感比較乾, 也很明顯有收水跡象, 一看就知道不是她擅長的, 哈哈!

剛回港住在北角一所酒店。早上吃過早餐之後，四圍看一看。想不到很快便餓起來，可能香港的早餐份量實在太少。外國回來的人像我的，可能不太集慣。途中看見生記粥店，一試無防。沒有失望，推廌及第粥。材料新鮮，又足夠。家人也很滿意，推薦！

＄47鮮鯇魚腩粥：共有4至5嚿魚腩，粥底好綿且重米香味，相信㷛得夠時間才有這個質地。魚腩鮮甜好味，魚肉入口嫩滑，不會「鞋」。而且食完這個粥一點也不口乾。＄17香煎魚肉餅：一碟有兩件，即叫即煎，非常香口，且有鯪魚肉鮮味，不錯！另外，跟粥附有一碗豉油，有勁多薑蔥！這個薑蔥豉油汁令魚肉的鮮味再往上提升很多！讚！要注意的是服務欠佳！座位已經好密好迫，店員還經常在客人左右不停收空碟、抹枱，令許多進食中的客人不自在之外，又擔心這樣頻密的收碟弄污食物和客人的衣服⋯真的要好好改善！

Korean people like congee because there are very similar food in Korea.  Seng Kee has really good congee and noodles. The taste is not heavy and healthy the topping is very delicious. The soy sauce with  ginger made the congee much better. The shop is not fancy but very fancy. It's not famous restaurant between Korean traveler but if you live or work in Sheung Wan you must try this local food.

一直都係生記粉絲，無論邊間分店我都會黎試一試，前排試左油麻地，今次就試埋鰂魚涌分店～～今次探親戚，佢屋企附近又有生記，所以我都不忘黎呢間生粥試下佢既牛腩牛筋米～看似簡單既一碗牛腩牛筋米，其實內有乾坤，牛腩煲得好軟稔，好易咬開，而牛筋都好正，好有咬口，加埋少少潮式辣醬，辣得過癮，更加不得了！！親戚叫左牛筋蘿蔔米，佢話蘿蔔好清甜，中和牛既肥膩感，係唔錯既配搭～～另外，我地加多一碟烚生菜，份量都好足！！