生記山西刀削麵

营业中

休息中

差評。叫左個「蝴蝶腩炒刀削面」凍奶茶少冰。一開始上錯杯熱檸茶，轉返杯凍奶茶比我果陣係半杯冰。圖中係我了走左d冰一淡都未飲既情況....... 然後所謂既蝴蝶腩，其中就係又乾又柴既牛腩碎。都已經自助掃code落單嫁喇，都錯成咁，唔怪得成間鋪得兩台客，已經包左我。真係無下次，快d執罷喇

其實我幾鍾意食刀削麵，唔係現成要自己淥個啲！係即叫即整個種🥹呢間開咗一段時間，今日終於去試下佢🫣🥢▸ 滷水豬大腸炒刀削麵 $𝟔𝟓炒麵麵質只有粗幼度可揀軟硬度適中有咬口又唔糊啤啤大腸有不少入味唔臭無可避免有點油但勝在蔬菜多小辣無乜感覺下次試中辣🫣▸ 香茅豬扒刀削麵 (湯) $𝟓𝟓湯麵麵質可揀厚薄軟硬度揀咗厚D食落更有口感茄香湯底茄味同味精味不太重可能湯麵所以BB辣食落似小辣香茅豬扒都幾大塊幾厚😋香茅味剛好肉質軟無點乸過🍹凍熱飲都無需加錢▸ 凍鴛鴦(少甜少冰)本人覺得還可以，係幾滑嘅但啡味偏重唔太覺有奶茶味

黎到元朗覓食～～～中午時間 本身諗住食小鍋米線 但實在太多人排隊轉角位見到呢間刀削麵好似都幾吸引 價錢唔貴 試試❤️叫左午市套餐，豬大腸刀削麵配飲品麵軟硬度適中 食落彈牙豬大腸滷得入味 唔算太肥 不錯 份量都多 配料有香菜，脆花生，醃蘿蔔 湯底叫左小辣 但比想像中辣加左唔少醋落去中和返辣味🙈但湯底味道相當不錯飲品凍奶茶 茶底夠濃👍🏻👍🏻呢間分店應該唔係開咗太耐，所以環境都幾乾淨企理 設有一人座位 有社恐既朋友唔洗怕要同人搭枱QR Code落單 手機Menu有埋圖片可以參考地理位置方便👌🏼

今晚到元朗搵食，兜咗幾個圈，見到有刀削麵就即刻入嚟試吓，應該係新開張無耐，環境乾淨企理，坐低我就手機落單點咗個羊肉刀削麵大辣，個麵黎到味道唔錯，羊肉一啲都唔羶，朋友叫左個炒刀削麵，我試左少少都炒得唔錯，不過我都係鍾意食湯嘅多啲，至少呢個羊肉刀削麵，辣度夠，比起我早兩日食嗰間羊肉粉好上百倍，最主要係份量足夠真係一碗就夠晒數，環境舒適，店員亦有禮主動，兩個人最後連飲品埋單都係$140，呢啲舖一定有下次。

元朗共有三間分店「生記山西刀削麵」今晚就去教育路新店試吓。入到去已經感覺煥然一新，同之前嗰兩間截然不同，裝潢簡潔、新淨四人卡位都不太逼夾，睇吓餐牌，嘩～估唔到佢連全日早餐都有供應，不過我哋當然係衝着刀削麵而來。客人用QR code 落單，方便又簡單。三色皮蛋$40大廚好有心機咁長皮蛋拆件再組裝，有心思之餘，味道亦相信討好，味道融和，入口冰冰涼涼，推薦小食。五香牛腱刀削麵 $58先喝口湯底，清甜不覺有味精；點了走辣，麵底味道略嫌淡口；刀削麵入口煙靭有口感；牛展炆至軟稔入味，相信加點辣會令味道更有層次。滷水金錢肚炒麵$53炒鹵水牛肚刀削麵，微辣估唔到炒到有點鑊氣，刀削麵靱性夠，不容易炒到碎濕濕；所以口感仍然保留，亦唔會好油膩，金錢肚入口唔靭，若然薄咗啲，配菜有紅蘿蔔絲、青椒𢇁、椰菜絲等，令口感更爽口；惹味好吃。水果茶$18 套餐價無論打卡，味道都係讚，完全冇諗過喺呢度飲到一杯咁啲好飲嘅水果茶，水壩師傅好有心機，將火龍果橙菠蘿蛋切到細細粒， 淡淡茶香，甜度剛好。Coke Zero $10套餐價

平時行開元朗都見到有生記山西刀削麵，早前終於去咗食佢哋嘅刀削麵😎👍🏻生記山西刀削麵 (元朗)元朗教育路45號兆明樓地下C號舖蘭州牛肉麵 $55加料 紅燒豬大腸＄15呢個價錢嚟講有咁大碗，真係好抵食，本來有大量嘅芫荽同埋蔥，仲有花生同埋醃蘿蔔，醃蘿蔔葉得非常爽脆惹味蝴蝶腩炒麵 $65 （小辣）呢個蝴蝶腩位置大概係橫隔膜附近，會有層薄軟嘅膠質，結實軟嫩嘅牛腩中間亦都會有煙煙韌韌嘅口感，炒麵我揀咗刀削麵底，刀削麵口感結實小小煙韌，表面積較大亦會比較掛汁入味，所以小編都好中意刀削麵底。炒落表面乾身，牛腩亦夠入味。小小辣亦惹味！非常推薦！三色皮蛋＄40呢個味道口感都好豐富，表面雞蛋口感較軟熟，蛋黃亦突出到蛋味濃郁，下面就鹹蛋白包覆皮蛋，鹹蛋白相對味道冇咁鹹，唔會搶曬整體味道，質地亦較爽滑，而皮蛋口味較軟糯。入口感受到3者味道同層面，帶微微辣嘅涼菜，係非常不錯嘅開胃小吃！！！超推薦！招牌水果茶 跟餐 $18 正價$35呢個超大杯，好似人地食川菜烤魚嘅餐廳咁，用德國啤酒杯裝野飲，超滿足。

又係試新店系列，元朗「生記山西刀削麵」，店舖光潔企理，座位亦都舒服寛躺。食物方面有各款湯麵套餐、炒麵套餐、飯餸套餐及特色小食。套餐可加$3加熱飲、$5加凍飲；或可半價點選特色飲品，價錢頗大衆化。餐牌更標榜刀削麵即叫即削，咁就一於試下刀削麵。《五香牛𦟌刀削麵》（$58）頗大碗抵食，可辣或走辣，如果想勁辣可加$2。五香牛𦟌有5-6塊，個人口味覺得刀削麵入口略為偏淋，如果爽一點就更啱心水了。另外，再配上有一㸃肉碎、花生、酸蘿蔔片、芫茜及蔥花，尤其肉碎及芫茜葱，令整碗麵味道提升更多。《白切羊肉》（$58）同樣份量頗多，有十多片白切羊肉，配有醬油沾來吃。加埋杯奶茶，埋單百零蚊，可以算是經濟抵食之選。

夜晚同屋企人嚟食晚餐，呢度環境光猛企理，中西菜式都有。蘭州牛肉麵 $55可以揀刀削麵或者手拉麵，我要咗刀削麵，厚切有咬口，好彈牙💯 牛肉香口嫩滑，加埋豐富嘅配料，大大碗夠飽肚😋紅燒豬大腸麵 $55屋企人叫嘅，要咗小辣，佢食得好爽，見到啲豬大腸都係啖啖肉👍🏻紅糖糍粑 $50擺盤見心思🫶🏻 六大件份量十足，外酥內嫩，濃稠軟糯，適合多人分享🤝🏻三色皮蛋 $40賣相一流🙌🏻 由蛋白、蛋黃同皮蛋組成，凍凍地幾Q彈，清新輕盈🥰呢間會encore，因為想試埋英式早餐！

生記山西刀削麵 (元朗)元朗教育路45號兆明樓地下C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：酸菜魚刀削麵($65)、加菜-惹味蝴蝶腩(+$15)、多青(+$2)及勁辣(+$2)、加凍央(+$5)等候時間：0分鐘今天星期日，瞓到黃朝百晏，於是來到生記食碗刀削麵當Brunch。今次選了酸菜魚及蝴蝶腩兩樣餸菜，享用過後覺得食物質素不錯，特來推介！生記山西刀削麵分店眾多，單在元朗便有三間，今次光顧的是較新的一間，位於教育路，乘搭輕鐵可在康樂路站下車，向嘉城廣場方向行三分鐘便到，交通方便得很！酸菜魚魚肉片片厚薄均勻，難得的是塊塊都帶有一點魚皮，賣相精緻之餘亦增添了口感，煮得剛剛好，魚肉依然彈性十足，贊！😋😋😋蝴蝶腩蝴蝶腩用的是豬肉，切成一啖一口份量的大小，減少了對牙齒的負擔，難得的是件件有肥瘦適中比例，咬落亦有爽脆的感覺，正！👍👍👍刀削麵麵可選刀削麵或拉麵，今次我選了較有特色的刀削麵。生記的麵條削得長短厚薄一致，不會碎開及一夾便散。這間生記的湯底亦較其餘兩間清甜，所以我食麵之餘亦差點把湯喝清！😍😍😍客人亦可根據個人口味要求多青及勁辣，夠週到！👏

生記山西刀削麵 (元朗)地址 : 元朗教育路45號兆明樓地下C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：美味豬面肉刀削麵 蘭州牛肉拉麵 紅糖糍粑 招牌水果茶椰香咖啡等候時間：0分鐘位於輕鐵站附近，位置非常方便，價錢極之合理，味道亦十分好吃，食到我舐舐脷！😋😋😋餐廳舒適寬敞，生氣活力，清潔衛生，空調充足。蘭州牛肉拉麵+美味豬肉面肉+招牌水果茶(走配套、走辣)($55+$10+$16)美味豬面肉刀削麵+椰香咖啡($55+$14)美味豬面肉刀削麵😋😋😋刀削麵軟硬適中，刀削麵比較爽口彈牙，非常有口感。另外刀削麵可以揀軟硬、厚薄，大中小走辣，適合不同人的口味，非常體貼顧客的需要。大碗飽肚、肉汁鮮美，湯底用長時間熬製而成，湯底清淡鮮味，美味豬面肉香淋軟稔，容易入口。蘭州牛肉拉麵😍😍😍拉麵和刀削麵一樣好吃，質素可以媲美日本拉麵，小朋友會比較喜歡。蘭州牛肉香味極濃，牛肉肥瘦均勻，口感非常。蘭州牛肉麵點了走伴菜，雖然沒有伴菜，亦不遜色，反而更加帶出湯底的鮮甜。紅糖糍粑$50❤️❤️❤️炸到金黃香脆、內脆內暖，煙韌彈牙，喜出望外椰香咖啡$28🤩🤩🤩椰香味極濃，另有

晏晝喺元朗千色站shopping 🛒就去惠康對面 新開麵店開餐🥢室內簡約整潔 卡位闊落好坐👍主打刀削麵 也有飯食 炒麵同小食 西式早餐等....🥢惹味拆骨肉刀削麵 💰55 叫咗中辣🌶 肉質軟腍👌 刀削麵量多 入口彈牙有咬口😋 🥢惹味蝴蝶腩飯 💰63 意外地大份😯腩肉同配菜份量唔少👍 炒得香口惹味 餸飯一流😋🥚三色皮蛋 💰40 好清新既涼拌菜 唔鍾意重口味嘅朋友 不妨一試👌 🥤跟餐飲品招牌水果茶💰18 / 椰香咖啡💰18夠大杯 好抵飲😚

元朗人都會食過千色匯個間分店，因為開左10 年,水準都一直保持，客人都一直幫襯。去買完餸見到新分店開張。以原木色的色調裝修，感覺好舒適，幾位門面服務員都有禮貌。1 點入座都有位，兩人分別點 蝴蝶腩 手拉麵 $55 小小辣有酸薑花生芫茜蔥肉碎做配菜好惹味。手拉麵滑滑，湯底冇味精好濃嘅骨湯。蘭州牛肉麵，刀削麵 $55 刀削麵有咬口，蝴蝶腩好入味。另外心思思好想食紅糖糍粑 $50 做甜品新鮮炸起，加上黃豆粉紅糖，煙韌好好食 。見到每枱都有人叫水果茶，令到真係大大杯，今餐飲好抵。切咗好多新鮮水果， 解渴又比較健康。

教育路開左新的山西刀削麵店，店內裝修光猛濶落，感覺唔錯便入去試試啦。隨意揀左張卡位坐，睇睇餐牌，除左刀削麵，仲有炒麵、客飯等，小食、特飲都唔少，揀下食咩先。🥢白切羊肉刀削麵先點了份羊肉麵，要小辣，上枱時賣相還不錯😋羊肉香口，刀削麵有咬口，用qr code落單仲可以揀刀削麵嘅厚薄添㗎，仲有一款啱口味😆🥢惹味蝴蝶腩飯套餐另外點了牛腩飯，呢個要勁辣，哈哈，但上到枱都唔係好紅咋喎。意外地大份嘅，腩肉同配菜都好多，炒得香口😋辣都算辣，但又未至於勁辣程度，至少入口無難度，嚐辣朋友覺得可以再辣多啲🤣🥒青瓜牛展仲加左份小食，今次要中辣。呢個賣相堅掂喎，無估到一間刀削麵店都會放朵花😍青瓜爽口，牛展炆得軟腍但仍有咬口，不肥不膩好好味。🥤凍咖啡&水果茶要了杯多奶嘅凍啡，冰冰涼涼正呀😆朋友本身點油柑汁，但點知無貨就轉左水果茶，外觀一流，但味道同台式水果茶都仲係差少少，茶底唔夠香呢，但收貨啦。qr code落單好方面，介面易用又多選擇，小店無加一👍

新店舒適，而且都坐滿了，🤓中午特意來試一下他們的招牌刀削麵。蘭州牛肉刀削麵，🐮除了有香濃的牛肉之外，他們的麵條也非常有嚼勁，🍜吃起來彈牙。而且比較寬的麵條，🥢順滑有口感，我特別喜歡。酸菜魚，🐟還配上了米飯一個套餐，性價比高，很豐富，魚肉也多，因為去了骨頭，所以每一件都吃的很方便，🌶加上了酸菜酸辣的口味，在夏天也能特別開胃。酥炸雞翼，新鮮現炸，🐤所以上桌的時候還是熱辣辣的，飽滿多汁，而且有醃制過也很入味。

生記山西刀削麵 (元朗)元朗教育路45號兆明樓地下C號舖酸菜魚麵$65以酸辣的湯汁和鮮美的魚肉結合，加上彈牙的麵條，非常好吃，性格比高便能滿足滋味😌惹味蝴蝶腩飯套餐＄63香港特色美食，以豬腩肉燉製而成，加上醬汁和米飯，非常下飯。椰香咖啡$28椰子和咖啡的結合非常特別，這杯咖啡口感香甜。牛油果甘露$45牛油果、牛奶和冰沙混合而成的飲品，口感濃郁、滑順，非常適合夏天飲用。涼拌海蜇頭＄68海蜇頭製作而成，口感爽脆、清淡，刀工一流，青瓜吃得賞心悅目。非常適合作為涼菜或開胃菜食用。