生記飯店 (已搬遷) 新店位置

標題：失望的飯店體驗：菜式平庸，價格不合理評論：對於「生記飯店」的菜式，我只能用一個詞來形容：平庸。無論是菜的味道還是創意，都讓我感到失望。菜單上的選擇很有限，菜色之間缺乏多樣性和新意。我試了幾道菜，但都沒有給我留下深刻的印象。口味平淡，缺乏獨特的風味，讓我覺得這個餐廳的廚師沒有投入足夠的心思和創造力。除了菜式平庸，這家餐廳的價格也讓我感到不滿。他們收取的價錢完全不能與所提供的品質相匹配。菜式的價格偏高，卻無法提供令人滿意的用餐體驗。這讓我感到非常失望和不合理。我曾經期望這家餐廳能夠提供高品質的菜式，但事實證明，這價格並不值得。

食家朋友介紹過幾次呢度，一直等待時機嚟品嚐。襯住有親友又係中意飲飲食食，一於約嚟呢度試下。未嚟前有睇過 openrice 食評，食傳統嘢咁啦。因為太忙忘記咗訂位，等了半個鐘至有枱。點了食家朋友推薦嘅雞油蒸原條馬友，真係好，賣相好，魚夠鮮。餐牌上有好幾款功夫菜，考廚師手藝，例如魚腸，不過我唔識欣賞，所以叫了另一款「藕餅」，咸味ok，食完唔洗猛飲茶/水。嗰晚有幸，餐館送甜品「白糖糕」，又係考功夫，好食嘅係冇酸味，呢度做到。

最近去了一家老牌粵式菜館，這裡的菜式非常精緻美味。他們的精美小炒包括了中式牛柳、咕嚕肉和蝦子柚皮，每一道菜都是一絕。首先，中式牛柳的牛柳肉嫩滑多汁，配上特色的醬料，帶來一種濃郁的風味。每一口都讓人感受到肉質的嫩滑和口感的豐富，絕對是肉食愛好者的最愛。其次，咕嚕肉是一道充滿香氣的經典菜式。這道菜的肉質酥脆，外酥內嫩，搭配紅糖醬的獨特風味，讓人回味無窮。咕嚕肉表面的糖稀經過炒製，形成了一層甜蜜的焦糖，讓整道菜增添了一份香脆的口感。最後，蝦子柚皮是這家菜館的一絕，口感豐富，搭配著特製蝦子醬料，更加突顯了柚皮的獨特風味。這家粵式菜館的菜式不僅味道美味，而且每道菜的製作都非常用心。可惜服務有待進步，全場得三名夥計，看見他們也覺得辛苦。

－種親切的家鄉菜，先來一碟家鄉手磨煎蓮藕餅，肉味香濃加上小許馬蹄和蔥👍🏻椒鹽鮮魷脆皮薄😝鹽焗雞保持水準，還有牛肋骨，梅菜菜心，野菌紅燒豆腐。等等☝🏻服務員熱情有禮，加分。

又係星期一周圍搵lunch 既日子, 今次去左呢間因為同事話好想食同埋佢話之前食過好好食本身諗住食lunch 特價小菜但睇個lunch menu 好似一般姐姐見我地4 個人就sell 我地食四人餐我地對個四人餐內容一般 最後就散叫小菜叫左半隻鹽焗雞，咕嚕肉，蓮藕餅，牛肉煲同瑤柱蛋白炒飯見佢有好多年既米芝連推介但食落就一般啦 普通中菜瑤柱蛋白炒飯稍油 咕嚕肉得十多舊 普遍份量都幾細份 但埋單差唔多二百蚊一個頭 食完係唔夠飽的 落樓下買肥仔水飲就算

是一次很差的體驗。沒有一樣可取。食物質素本身都唔係高，每碟食物都好鹹，咁就叫米芝蓮？非常非常失望，係糟蹋食材，只得一個鹹字。再說服務質素，差勁，食快餐店好過，簡直貼錢買難受，員工一副不憂做，愛理不理的樣子，漏單也懶得跟進，三催四請先叫得郁去跟跟張單。一定一定不會再光顧。不單只負評，而係劣評。一心想吃懷舊菜，最後只係吃到一肚氣。不能接受這樣的所謂老字號，員工無禮貌，食物無質素，浪費了我一個晚上。差勁。

只此一次下不為例未試過一間沒水準的懷舊飯店服務態度劣，狗眼看人低既眼神上菜慢，質素差落單半個鐘先通知無晒。但隔離枱遲黎就有，仲要遲黎先上岸經濟唔好，仲可能保持呢種服務態度真係要比10個讚

第一次亦都是最後一次諗住為長輩慶生，食下懷舊既野點知完全令人失望。等左一個鐘先上菜點親既野都話無但遲黎既就有我地叫既餸好過份追左4次都敷衍了事服務真係比想像中差

約左朋友喺灣仔附近食飯，獲推介去食生記飯店。一共兩層，傳統中菜/茶樓咁上下嘅格局。由於朋友前後腳到場，於是叫左個醉香鵝掌翼食住等，酒香味濃，帶有少少藥材味。之後叫左菠蘿生炒骨、家鄉煎釀鯪魚、鹹魚茸煎肉餅、椒鹽鮮魷及懷舊白糖糕。生炒骨香脆有肉汁，不會太厚粉，甜酸度亦適中（對我黎講）坊間好多時都係偏酸。煎釀鯪魚以為要預訂先有，點知原來walk in都有得食，咁就梗係唔可以錯過，傳統巧手功夫菜式，食落啖啖肉又香口。本身諗住叫比較多人推介嘅煎藕餅，但係我哋覺得食唔到10件咁多，所以叫左鹹魚茸煎肉餅（8件）。拿，唔係一個pizza切10件食唔曬，切8件就食得曬嘅意思，係同樣體積嘅餅，10件同8件嘅分別。煎肉餅咸香有嚼勁，質感相當有層次。事後覺得10件煎藕餅應該都食得曬。唔好意思，大家太快開動嘅緣故，椒鹽鮮魷及白糖糕就無影相。兩樣都好食嘅，白糖糕切到可以一啖一件無酸味。

哩間「生記」同區內另一間「星記」都係有點名氣，米芝蓮推介不在話下，餐廳重保留左好多傳統廣東菜。今日諗住lunch食中餐，可惜「星記」疫情後捱唔到執左，所以就同朋友黎生記食餐好既！午餐選擇唔算話好多，但總有一樣合乎你口味。我地四個人叫左二人餐，再加幾樣小菜。餐前附上例老火湯，暖一暖個胃先！二人餐重附有小食咖哩豬皮魚蛋、蜜汁叉燒同埋一份油菜。咖哩豬皮魚蛋—好入味，而且小食黎講份量幾多，唔好唔記得佢原先係二人餐。蜜汁叉燒—係好考功夫的一道菜，叉燒外皮有微焦香，蜜汁完美包住叉燒，非常出色。要挑剔係叉燒切得較薄身，口感差點。黑椒茄子豬頸肉—黑椒搭豬頸肉一定係香口架啦，茄子煮得較腍身，冇走油，所以顏色都會差點點。蔥油白切雞—雞有雞味，滑！南乳甜竹炆齋—哩樣比預期差，以為係好多出面的南乳齋，但佢四條菜心就霸左半碟，亦冇用南乳處理過。香煎蓮藕餅—煎到金黃色，好香口，而家啖啖混著蓮藕粒，有層次感，是日最佳！ 最尾重有個懷舊白糖糕，甜度適中，畫上完滿句號。餐廳：生記飯店 Sang Kee Restaurant地址：灣仔軒尼詩道107-115號協生大廈1至2樓 Address：1-2/F, Hip Sang

「生記」無人不曉，連續十年獲米芝蓮推薦傳統招牌粵菜，最鍾意佢地嘅懷舊手工菜。朋友一齊傾計飲埋🍶 仁井田 自然酒 純米原酒同埋食懷舊美食，真係賞心樂事。口感豐富嘅懷舊蝦多士配搭仁井田 自然酒 純米原酒。多士脆卜卜，蝦膠好新鮮又爽口，帶有滿滿芝麻香氣。仁井田使用傳統嘅生酛及四段仕込技法，酒質醇厚韻潤的酒質，酒甘厚嘅味道將蝦膠嘅鮮味昇華，清酒味道濃郁同蝦多士豐富層次襯托，真喺一試難忘！生記飯店餐廳地址：灣仔軒尼詩道107-115號協生大廈1至2樓

美食配🍶X3Blanc純米原酒🐠金沙魚皮魚皮表沾滿金黃色鹹蛋，呈流沙，口感酥脆，味道鹹香，食極都唔覺得膩！配🍶X3Blanc純米原酒，白麴釀造，帶有柑橘系嘅口感，與金黃鹹香嘅配搭好perfect。🦑椒鹽鮮魷 加入少許椒鹽同薄粉漿包裹鮮魷去炸至香脆，魷魚好鮮香美味。配🍶 #X3Blanc純米原酒，帶有柑橘系嘅口感，配搭椒鹽鮮魷，增加爽脆嘅風味。🍞懷舊蝦多士 (4件) 多士香脆，蝦膠口感彈牙又爽脆，鋪上滿帶有芝麻嘅香氣，喺人氣小食。配🍶 #X3Blanc純米原酒，帶有柑橘系嘅口感，提升蝦膠嘅鮮香味，濃郁清酒使蝦多士嘅口感層次更豐富。

呢度嘅椒鹽鮮魷，🔥有別於平時方間常見嘅重椒鹽做法，👨🏻‍🍳生記嘅鮮魷，淨係用椒鹽輕輕咁調味，🥢然後以脆薄嘅粉漿，包裹著新鮮嘅魷魚去油炸，從而，🙌🏻更加可以凸顯魷魚天然嘅鮮味。當清酒同粵菜合作，🫱🏻‍🫲🏼今次更有日本清酒同廣東海鮮菜式搭配嘅餐單，X3 Blanc 純米原酒最為適合。🍶佢使用白麴去釀造，更加可以帶出柑橘系嘅爽快感。同椒鹽鮮魷一齊搭配，🤩仲可以增加咗香脆嘅口感風味！

金輝魚皮🐟帶有濃郁嘅鹹蛋黃甘香，食落脆而不利，一直都係生記嘅招牌菜式。🔥餐廳今次同「SEAFOOD LOVES SAKE」❤活動合作，食物配清酒。🍶用作搭配大倉 源流 水酛 純米生原酒，😋原哩款酒原用古代嘅水酛方法去發酵，因為發酵嘅過程會產生大量嘅乳酸菌，🤓所以會有香蕉同埋蜂蜜嘅香氣，👍入口味道濃郁。同埋金黃鹹香嘅魚皮搭配，😍簡直係天衣無縫。魚皮香脆嘅口感🥢，再搭配埋一杯帶有多重香味嘅清酒，特別滋味。

幾年後再訪生記，懷舊餸菜水準依舊，仍然要訂位先有得食。今日兩個人叫咗三味餸菜：1）生炒骨（$148）～依舊冇得輸，上枱一段時間仍然係舊舊香脆，的確係必食推介2）梅菜蒸菜心 （$108）～係呢度有得食，今日就一般，因為菜心蒸得未夠淋，所以菜心未能掛到梅菜味3）蒸蟶子2隻 （$146）～ ok大隻夠新鮮，味道中規中矩4）白糖糕（免費）～來生記梗係唔少得食佢嘅白糖糕，又係冇得輸系列之一今晚餐飯加10%加埋茶錢$500有找