生龍清湯腩 (已結業)

生龍清湯腩果然有其獨到之處，牛腩的紋理清晰，又腍又有牛肉味，而且厚度剛剛好，不用咀嚼太久； 清湯是鹹了少許，可能是為了釣出牛腩的鮮味吧，加上傳統幼麵, 始終值得一試。這裡還有咖喱牛腩飯。老實說， 第一口的感覺有點似我兒時常吃的咖喱粉味道。這並沒貶意，相反，我近年還遍尋不獲呢! 這裡的巴基斯坦咖喱屬於水咖喱但又不太稀，濃濃的咖喱味久久也不散, 齒甲留香。 不過同是牛腩, 為何肥膏那麼多? 有點失望！ 相對於翠華的咖喱牛腩那種“大塊好嚼勁”，又是另一種味道。 但個人較喜歡翠華咖喱的味道。團購餐每人$58, 還包括麻辣魚蛋，炸雲吞和凍菜蜜，比原價平不了多少，walk in 更自由啊!

有時候食得太多，都要做返少少運動，今次約了班食友打籃球。開波前少不免要先打底，但太飽根本跑不起，食碗麵就啱啱好。生龍在荃灣試過，接受不了，如不是食友要求，亦不會再光顧，既然以清湯腩出名，就來一碗清湯爽腩麵。誰不知今次亦一樣出事，麵條淥得過火，軟到毫無彈性，而且開始發白，牛腩無疑有水準，炆得夠腍身，但食到尾聲，竟然發現有小昆蟲在浮沉，即時無晒胃口，兩次都有不好回憶，還會再來嗎？

假如在九龍區吃清湯腩的話，「新仙」是自己的首選，不過這一天，自己幫襯的卻是這間「生龍」。叫來「清湯牛坑腩河」，再加一大兜「湯浸西洋菜」做午餐。牛坑腩質素比普通牛腩好，肉質軟腍有肉味，肥脂部分也適中，吃來感覺不差，湯味雖然不算特別清甜，都可以。「湯浸西洋菜」的確是一大兜的，浸在湯中爽嫩青綠的西洋菜，跟餐只需另加 $12，很抵食。總括而言，這次幫襯的經驗是滿意的。

以前頗喜歡吃生龍的咖喱，今天在旺角分店用餐後，永遠也不會光顧這分店！咖喱牛坑腩飯（$55），咖喱是有水準的，奈何那「牛坑腩」只得一片正常，其餘是三舊肥膏+兩條牛筋！正常的坑腩應該肥瘦相間，因除去肋骨後會出現一條條坑，所以稱為坑腩。看到那三大舊肥膏真是火起，告訴店員那「坑腩」實在太肥，她竟說「坑腩係咁架，係有啲肥架」......這不能形容為「有啲肥」吧？可能她見我在拍照，所以便提議換過一碟給我們。雖然新的那碟都不是令人滿意的坑腩，但總好過吃肥膏吧。另一道麻辣黑栢葉（$36）又是失望之作。黑栢葉本身竟然完全冇味！而麻辣汁則辣到媽媽聲但一點都不麻！自問吃得辣都接受不到！同樣點了這道菜的鄰枱，都說太辣而向店員要求更換。我們則放棄了，快快吃完就免得再受氣吧。

因為這家店在我家附近，所以我同我男朋友本來都算常客，但那天態度多次超差，令人好激氣！ 那天我們又去那裡吃。 我男朋友點了一個招牌牛腩河，然後他覺得比平時要硬身好多，咬唔鬱。他就叫我同老闆娘講一下，就算冇得換都沒所謂。然後我同老闆娘講今日嘅牛腩咬唔鬱嘅時候，她說”我覺得正常“，同枱嘅另外一個女仔聽到佐都表示她吃到都系咁嘅情況， 我就講”別人也是這樣的感受呀“。我就補多句問老闆娘點解牛腩同平時唔同，因為我哋都時常來吃。我唸老闆娘最多都系回答”今日牛腩來貨就比較老“或者”今日煮嘅時間唔夠“，咁回答我完全可以體諒一兩次嘅失手。點知老闆娘眼望天同我講”我點知道啫“，超級串咯！！ 我心想，你身為老闆娘，你唔知邊個知！！這樣已經夠惱了！誰知道我們買單的時候，老闆娘找錢給我們的時候，佢竟然塊面超級臭嘅歪過頭，然後好惡咁將硬幣扔在我們面前，唔單只唔講多謝，總要覺得我哋好似之前講出來嘅意見其實系特登搗亂一樣，對我哋超級冇禮貌咯！！ 我當時呆佐一下，出來后同男朋友講”你有冇睇到佢態度超差“，我男朋友話系嘅，素質太差了尼家店。你自己間鋪，承認少少失誤有乜問題！我都冇叫你換咯，只是同你交流一下，你連客

今日食飯食到我一吐氣!令我要上網寫第一次食評 仲要係劣評!長話短說,話說今日去呢間生龍清湯腩食飯, 想試下佢最出名既咖哩。一入去,坐左陣,叫左飯,都未有水到咁就叫佢比杯水啦!佢話 "尼緊啦! 攞緊比你啦!" 但其實講完呢句先去攞,我心諗 人多 佢地忙到踢曬腳先唔記得拎,跟住就尼料佢(女收銀）比左三杯水 仲爭兩杯,咁就叫佢多兩杯尼,點知佢開始比臉色我地睇 ,好唔願意拎咁之後,叫佢（男侍應）比碗 ,又係比三個,同樣地,我地叫佢比多兩個佢就開始正式爆嘞!佢大大聲話:我比住三個 睇下你地夠唔夠先姐 唔夠我會拎多兩個尼架啦!聽到呢句,我同屋企人開始心諗: 叫佢拎個碗尼姐 洗唔洗咁大反應呀 我地緊係覺得唔夠先叫你拎多兩個尼好嘞 再之後我地叫左個麻辣雲吞尼, 以為係湯雲吞啦,點知只不過張成大堆 麻辣(漲）把成上面同加入去辣到非起,我兩個屋企人食吾到咁辣 叫佢加水 ,個男待應啲眼神 不屑到 好似話 唔係呀 又要我拎水尼! 在倒水期間 態度差到! 另一個冬菇頭女待應 仲要行過話 唔食得辣 就米學人叫麻辣啦!啲咀臉差到 仲要斜啤我地咁 好似我地得罪佢咁!就係咁 我地成餐飯都

今日諗住喺旺角求其食d野就去接男友放工，行過之前樂園鋪頭隔離，見到呢間生龍清湯腩，冇得食花膠牛丸，試下新野都好。叫左個清湯牛腩米，一咬落去un到不得了，又冇味！仲要收我$36！呢個質數收十幾蚊都要考慮下！佢唔係好鞋口，但係就un過屋企煲完湯d豬肉！！！！臨尾諗住快快手手食完下次唔黎，食到最後一啖，食到d好似魚骨嘅野，一吐出黎原來係好似釘書釘咁大嘅鐵絲！！！本身有諗過同佢講，但係我都食完喇，費事搞咁多野，俾完錢就走，不過一定一定冇下次

上完堂他來接我去了這鋪的旺角分店吃東西(時間尷尬 過了晚餐但未算宵夜)第一次光臨 這裡的客人也頗多的 但幸而還是沒有搭枱我們點了"清湯牛腩河" "番茄雲吞米" "墨魚煎餅"他覺得"清湯牛腩河"沒有平時吃的那樣有強烈的牛味反而在想用"靚牛"煮的 可是原汁原味點 份量也剛好 我覺得"番茄雲吞米" 有點可惜 因為本來看到餐牌寫上"每碗足半斤番茄"還真以為"充滿番茄"並有著深紅色濃濃的番茄湯底誰知也是一樣 "清" 沒關係 味道也不錯的 尤其是雲吞裡的料也蠻新鮮的 另配有蝦子 口感提升此外 墨魚煎餅 個人認為若油不要那麼"重手"會更佳 頗彈口的 不錯

平時中午去見甘多人去排隊食佢地既咖哩。昨晚特登去試下，大約九點多，好彩不多人，又不用排隊，不過很多內地自由行旅客入到去當然對佢地既清湯腩同咖哩有少少期望Order 左不用二分鍾，很快就有了，食落很失望，牛腩唔"淋" 呢個套餐價錢$64 , 有一杯青檸七喜提提大家，如果單叫$52 , 凍飲加$9 抵過套餐裏面貼很多套餐價，不防看看餐單，有時單叫平過套餐既其實我們埋單前看過大約的總數付款也不為意收多錢，之後回頭再問問check 單，發覚收多$10 是耶汁糕，我們看看，店內所有人也沒有點耶汁糕的，為何會落錯單？雖然不知道是存心收多或是真的入錯單，已不再重要，希望大家埋單記得check 單！

都有一段時間冇o黎生龍喇,今日一行2人就叫o左以下幾樣野食,不過唔知道係轉o左師傅定還是係轉o左手呢?因為個咖喱汁有d唔同o左,首先個汁唔夠濃、稀o左d、又冇咁香、洋蔥碎又少o左,個整體o黎講......有點失望1)咖喱牛俐飯>>個咖喱汁在上文已經講過,不再重複, 牛俐d份量比之前食過的少o左d,同薄o左, 牛俐個質地都叫做保持到,唔騷....普普通通啦!2)咖喱豬扒飯>>我叫了大大辣,落單果呀姐仲話咁即係狂辣啦, 我笑笑口咁答話全中,黎到果真夠料,真的令我有番辣的感覺 個豬扒唔錯,有肉味,唔似冰鮮貨應該係新鮮豬扒,3)醉雞>>做得好差,一d雞味都冇又鞋又實,一咬落口仲非常冰凍添 一d酒味都冇又冇酒香而且帶苦澀味(可能係用o左d平價花雕o既關系) 份量又少,仲要成$36蚊呀....錯晒

Telling my friend that I want to try curry food, she recommended me to this restaurant which I have never recognized it. Many choices are offered from the bog menu, I have no difficulties in making up my mind as my target is curry and I order the most famous dish of the restaurant 巴基斯坦咖哩牛腩飯. The dish was served very quickly as I guessed the sauce was prepared already, all the staff need to do is to place the sauce and the meat in the plate. Sauce and rice was served separated, with a tiny fresh

第二次食呢間嘢.四點幾去到，人吾多.叫咗咖哩坑腩飯小辣，清湯爽腩米線同豬紅.咖哩坑腩飯小辣-咖哩水準好高，料好多，唔係咖哩粉開出泥嘅，坑腩煮得好林~正!清湯爽腩米線-每日限量供應，個湯冇味精，牛肉味重，爽腩肥瘦比例均勻~正!豬紅-新鮮豬紅制作，好食過街邊果啲~總結：清湯腩專家，價錢公道，絕對會再去!

今日又到旺角生龍清湯腩食晚飯。已有一個月沒有到此用餐，原因是1）食品味道差了不少，可能個廚走左2）出古惑招，把食品的容器縮水，以減少成本3）態度差，連要一張紙巾也支支吾吾，更建議買他們幾蚊包的temple!!!今次再去，想比多次機會大家，但再次中伏！！九月廿五晚八時到達，落單要咖喱三寶飯，同埋凍檸茶。杯茶幾好飲，但係啲咖喱真係唔得！1）咖喱味道比以前更淡2）咖喱濃度像被稀釋似的流質3）咖喱中配菜失踪了4）中辣都無辣味？以前用幾包紙巾先出到門口...5）容器中咖喱汁只有以往的一半！其它先不說，我只要求加回應有份量的咖喱汁！因為半碟飯都唔夠撈！侍應問廚房，廚房話要加「十蚊」先可加汁！！！unbelievable !!!! 碟飯連野飲六十幾蚊，要返合理份量的咖喱汁都搞到要加錢？？生意手法有問題，但各施各法，我無野好講，諗住同收銀老闆娘講一下咖喱汁少左問題。我好有禮貌咁同佢講返我的食品問題，她的回應是：「係？」之後不理我，低頭扮忙，望都唔望我。我唯一得著：「可以決定唔去＂旺角生龍清湯腩！」謝謝看我的經歷，請引以為鑑。

媽媽上個星期己經同我講話旺角中心附近開左間清湯腩 , 但係上星期去左大角咀探表嫂所以無去到 , 順延到今日食 , 我黎到旺中 ... 只係見到一間清湯腩 , 返黎上 openrice 一睇 ...都唔係新開o既 ... =.=" 但媽媽話係呢間喎 , 咁係佢攪錯左 ...真係有一間新開o既但唔係呢個舖位 ? 定係佢以為呢一間係新 ?? 黎到見到店肉擠滿客人 ..... 等左一陣先有位 , 帶位o個位哥仔 ...大大聲o係間細小o既店入面嗌 : 幾多位呀 ? 兩位呢邊丫 ...甚至係連落單都嗌 : 要o既咩o家 ? 仲有無其他呀 ?? 皆因店內o既枱係相當擠迫 , 跟本店員都無辨法走埋去落單 , 連拎野食上枱都要不停大叫 " 睇住後面. .. 滾水 .... " 嘈到不得了 媽媽黎到第一個反應就問 .... 迫成咁o既 =.="此時我都己經坐好左 , 叫我出返黎同佢入黎坐一樣咁艱難 , 進退兩難之下, 照食啦 , 不過論環境 , 都可以肯定我地唔會再黎食我事先己經睇左 menu 揀好食乜o家喇 , 等埋媽媽先一齊叫 :1. 招牌清湯腩河~ 佢 d 牛腩有幾個部位可以揀o既 , 分為爽腩

試問大家，如果你食飯時俾d呀姐問候，再美味既食物，係咪都會變到淡而無味？呢間生龍真係令我好失望！的確，我係慕名而來，為傳說既崩沙腩而來！今次專情黎到，order左碗崩沙腩！但黎左就碗普通腩。 收我崩沙腩既價值，黎玩普通腩:@ 如果諸位係我，會點做？以下對話內容並未經任何剪删:我男友: 唔好意思，我係叫崩沙腩呀姐: o靚仔，你憑咩話呢碗唔係崩沙腩？小妹從未拜會過如此"有理"既呀姐！縱橫食場多年，一碗崩沙腩同普通腩真係唔識分嗎？各位朋友，小妹經過今次，真係明白到，係牛肉都可以叫崩沙腩！ 只要呀姐聲大兼串嘴，普通腩都變崩沙腩！奇妙之處，令人咋舌