生龍清湯腩 (已結業)

五點半左右，有少少餓，一街多選擇，最終决定清湯腩黑白胡椒牛尾 - 淋得嚟有咬口，又入味清湯牛腩河 - 肥牛腩，不油膩，入口溶化，湯底牛味濃牛利麵 - 大部份牛脷給仔女消化，我只吃了兩片，味道可想而知但麵有鹼水味、又不彈牙，麵....真失敗雲吞蝦籽撈麵 - 雲吞分開上，一讚。雲吞也要讚...size不大，全蝦兼爽脆蝦籽撈麵...同樣有鹼水味，超乾身，味淡話梅七，柚蜜共136元臨走時...九個同胞...九碗清湯牛腩麵...可想而知有幾出名

初呢報到，第一篇出返自己最愛的咖哩先!今次幫襯呢間唔係咖哩專門店，食佢咖哩都係偶然，因為太肚餓，係旺角求其搵間店填肚，見到佢有咖哩，就走入去試下。店名生龍清湯腩，主打當然係清湯腩啦，但食過其實唔係話太好食，睇時間啦，繁忙時間就差d，最慘就係湯底咸!不過講返咖哩本身，我自己都幾滿意。下午茶，三十五蚊，連熱飲，唔係平但係唔過份，你可以叫小辣中辣大辣，我唔知頭唔知路，廢事叫到最勁，就叫咖哩豬扒，中辣。可能咖哩多數煮好左，所以好快到，一入口，嘩!咖哩汁勁熱! 但汁相當濃，同街邊食咖哩魚旦d 外加的辣汁好似，但相當好食，但因為太熱，真係俾佢"辣"親，好彩我食得辣，都仲頂到，但如果係大辣就唔掂啦!豬扒方面無咩好講，都係一塊唔知好有味的豬扒，因為咩都俾咁濃的咖哩搶哂味，之但係佢薯仔係超級抵贊，係難得的好味! 本身己經勁咖哩味，入面又軟又香，真係一種享受!奶茶普通，都未至於難飲，但有d苦。咖哩係好食，但汁真係太"杰"啦，辣味我鐘意!

下班後, 有點餓, 路過這店, 二話不說便進去坐下. 但只想輕食, 那就點小食吧.上湯蘿蔔看來不錯, 那就要這個.送來時, 嚇了一跳, 以為只有三四小塊一碟, 那知竟有五至六件, 也挺大塊頭的. 先喝口湯, 好清甜, 正如牆上的提示, 沒有味精, 不會吃後口渴; 來一口蘿蔔, 唔! 很入味, 很軟, 清甜, 無渣. 這才是蘿蔔的最高境界. 繼續吃吃吃. 不消五分鐘便清碟, 真满足.看看單, 只要HKD12! 正!

正在愁去邊度平衡味覺與胃口…味覺要食鮮牛，胃口表示壓力很大。結果轉到旺角，希望可以找到一份味道不打折，份量細少少的牛xx。經過生龍，菜牌上找到鮮牛粉絲…即入。下午茶時間，二十三蚊有埋嘢飲。湯底標榜無味精雞粉等，果然濃郁，鮮牛數量不多，未用蘇打粉過籠…所以肉感十足…對得起鮮牛個名。

如果晚上來到, 通常都要等位 !老公把口好勁....清湯腩 一過落佢口, 就知好唔好食....佢勁讚 ... 不過下次唔會再叫半肥瘦.... 叫全瘦 ! 不過我試食一舊係就係好入味. 不過我偏向正斗雲吞多點 ... 而且我仲會飲少少湯呢 !而且 SIZE 細 ...兩人叫了3碗 ! 哈哈 ...唯一不好是飲品價錢好貴..... 豆漿都 $12 ..... 還有食同樣的東西, 早餐來平很多很多呢 !

上星期五去左旺角旺角出名人多, 行左一陣肚餓就見到有個牌話d咖哩好出名咁...所以就走入去叫左兩個咖哩飯食, 地方非常淺窄, 細細張枱都要同人搭枱, 哈! 都幾迫~跟住叫左一個咖哩羊腩飯中辣, 一個咖哩牛利飯小辣,點知咖哩羊腩有晒, 就改埋做牛腩飯, 好快就上台了, 咖哩同飯係分開上的, 真係張枱好唔夠用呀~不過佢分開上就可以唔怕太多咖哩汁了~食落都幾好味, 香料好足, 食飯返到屋企都仲不停有陣香料味... 材料都好足, 一碟牛利飯我諗入面都起碼有十幾舊牛利...略遜一籌既係白飯較硬, 可能方便你撈咖哩唔會太爛掛...緦括黎講唔錯! 我會再食的~ 想試佢的清湯腩

今天下午忽然咖喱癮起，很想吃些刺激味蕾之物事，於是走到"生龍"食一碗咖喱清湯腩河....這兒的牛腩部份選擇一向不少。崩沙一直是自己的心頭好，自然就揀它來吃。不過很不幸的，今天店方給的大多是腩碎，完整的腩件的只要兩三塊，實在有點兒揾笨，而且肉吃起來頗見韌而且黏牙；筋膜位也欠咬頭，令人感到水準退步了極多.....不過咖喱汁仍算香濃。下了極大量洋葱粒的巴基斯坦咖喱依舊盡得吾之歡心，被煲至溶爛的洋葱，其甜味全滲進咖喱內，是十二分的好吃；薯仔塊仍然很"粉"也淰糯....河粉切得很粗身但不失滑溜。但不知何解那湯卻是甚多浮油出現且有一股"溢"味...寫着這兒的咖喱，忽地想起久沒吃"阿龍"的出品，有點掛念。是時候找天去吃吃了....

行行吓旺角見到"亞龍"咖喱咪走入去囉,因為以前好鐘意食佐敦嗰間點知坐低先知係叫生龍唔係亞龍,費事掉頭走咪叫咖喱牛腩飯試吓唔使好耐咖喱牛腩飯就到,聞到咖喱幾香同碟飯都大碟,啲牛腩略為稔咗少少冇趙頭,但啲咖喱食落幾香同真係食到其它香草味,所以今次真係錯有錯着,真係唔試都唔知

響紅館睇完演唱會之後 見餓餓地 決定過番旺角食野同女友入左「生龍」叫左以下東西牛腩河 ($28)咖哩雞扒飯 ($39)咖哩角 ($7/件)汽水 ($7)野食好快黎到牛腩今次叫左淋d 正湯底依舊清甜河粉好滑 唔會痴埋一舊我覺得同港島果邊既「華姐清湯腩」不相伯仲 個飯就幾足料 薯仔都有4~5舊雞扒都幾大塊幾厚不過覺得個汁麻麻地雖然叫左小辣 但系都覺得怪怪地可能自己食唔慣巴基斯坦咖哩角都幾好食即叫即炸 差極有限 不過炸得燶左少少睇落去好似好大舊不過餡料唔夠多埋單都系$80左右

上星期五同好友食家"乜都放入窿"試唔到重慶回味香, 於是諗住第二日, 亦即係禮拜六再去過, 計啱晒數諗住實食冇痴牙啦, 點知師傅就係計漏左一樣野, 估唔到當晚靚仔正哥會吹雞, 而師傅又諗唔一個理由唔去; 於是同好友食家"乜都放入窿"轉場, 好友食家"乜都放入窿"問師傅想食咩, 師傅就話咖哩, 於是好友食家"乜都放入窿"就介紹左呢間食店! 去到食店都幾多人, 可幸的是兩個人就好易有位, 如果四個或以上就可能要等耐少少! 由於師傅從未黎過呢間食店, 所以唔知水準係點, 當見到咁多人後都有少少意外, 不過既然係好友食家"乜都放入窿"推介, 絕對信得過! 於是一坐底就睇下有咩好食, 師傅話到明要食咖喱,所以就專攻咖哩, 睇見餐牌上寫住巴基斯坦咖哩, 師傅已經興奮到不得了, 最後師傅揀左咖哩薯仔牛脷飯, 個伙計仲問師傅要大辣, 中辣定小辣, 保守起見師傅揀左中辣, 飲品就要凍檸茶; 至於好友食家"乜都放入窿"柯打左碗豬潤牛筋米粉, 再加多個菜, 要左湯浸西洋菜! 上菜速度都好快, 所以話咁快就有得食, 先講下師傅嘅咖哩薯仔牛脷飯, 賣相真的不錯, 白飯中間有著一粒鮮紅的車厘茄, 好鬼醒晨, 而咖

自己一人行街買衫,行行下,肚仔餓了,係時候要食野la~~~hehe見到有清湯腩食,就試下啦.叫了碗清湯腩河粉,牛腩軟身,湯底淡,河粉滑但有D味(好似億億地)一般般啦唔會再來)之後再去買其他小食食

尋日去完睇牙, 落樓轉彎見到有間清湯腩, 都算有D人, 咪入去試下, 地方細人多所以都幾逼, 不過D客都快黎快走, 唔駛等位算唔錯(細佬我最怕等位), 伙計都算有效率, 即叫即到, 叫左一碗"濃味崩沙腩河", 一碗"正斗鮮蝦雲吞米", 等左幾分鐘就有得食, 先講講碗腩, 都算幾肥, 重無咩肉食, 趙都唔駛趙, 至於碗雲吞就一般水準, 無咩驚喜, 湯方面係就係弱D, 不過飲完都唔會覺得一口味精先, 總括黎講又係果句, 不過不失, 一試無妨

去完海洋公園既哈囉喂之後答尾班地鐵出旺角食野揀左依間標榜冇味精既「生龍」由於河粉賣晒所以叫左3樣野清湯腩粉絲($28)豬頸肉粉絲($26)汽水($7)落單果時 牛腩揀左半肥瘦點知黎既似系肥多過瘦-_-不過都有成5~6舊 唔錯豬頸肉都幾入味(5片左右)粉絲又唔會太淋 湯底都幾好姑勿論佢有冇落味精(其實我食唔出-_-)不過湯底個味系幾好 有d老火湯既感覺-_-埋單總共$61總括而言 響香港地開得分店既私人食店其實差極都應該有限不過可能各人口味唔同所以先出現劣評多過好評-_-今次幫佢做個「大平反」支持用心的食店!!!!!!

在旺角辦好點事後，也是時候醫肚了，都很久沒有吃過清湯腩了，見此品牌除深水埗那邊之外，旺角都有分店，就來試試看又如何。周一的晚上人客也真不少，店內頗為擁擠，要搭枱也是見慣不怪之事，坐好之後就想吃什麼了，店家既然自稱是清湯腩及咖哩的專家，當然想試勻它們，雖然是日一個人來只得一個胃，但兩碗麵都仍然是我能力範圍﹝嘩！真大吃！﹞。先來吃淡味一點的東西，先點一個清湯腩河，等了大概六七分鐘就有得吃，慣性的先喝口湯，湯溫度很夠熱，但湯喝起來牛味是極薄，但鹹度就十足，莫非又是如南記粉麵的鹽水湯底，這個湯實在太差，叫我十分懷念九記那充滿牛骨香及一點藥材味的湯底，另外河粉是較為粗身的款式，入口不算太細滑，但又不至於是嚡，河粉的米味不香，絕對是用來填肚而不是享受的貨色。牛腩也預了不會超好吃，因為在點菜之時所要求的爽腩已經賣光了，所以最後只要求了要半肥瘦的，期望差極有不會很韌，怎知道那些牛腩全都很瘦，入口又粗又韌又嚡，如嚼肉渣，極度懷疑店家讓我「享受」罕有用來讓人吃的腩底，不如用來煲湯吧！吃了此碗粉後，其實意志也頗為消沉，但事實是胃納尚有不少的空間，又嗅到鄰座的咖哩香，終於也點了碗咖哩腩伊，吸取了上點半肥瘦變瘦

每次出旺角都好頭痕,唔知食咩好,因為選擇實在太多啦!所以咁次不想太多了,看見生龍清湯腩,就食佢.這裡主打除了清湯腩之外,還有巴基斯坦咖哩.所以叫了一碗清湯腩和咖哩牛脷飯,一次試齊佢兩款食品.清湯腩米粉→湯底夠清,清得來夠香,香得來亦夠味.但牛腩不夠腍,好似有味精.整體份量較少.($27)咖哩牛脷飯→與亞龍咖哩相似,以大量洋蔥為主,牛脷夠腍,唔錉.我要中辣,但我覺得唔夠辣,亦唔夠野味,悉合唔係好食得辣人士.($40)p.s:巴基斯坦咖哩不是本人喜好的咖哩.店內濟迫,但好在客人不多.地方清潔,服務沒什麼不好.