田籽茶事 (快富街) (已結業)

經過旺角車站，不經意發掘的新店舖。店舖在先達廣場附近的內街，不留意的話很容易就會錯過。店舖面積不大，但外牆有大幅美美的櫻花打卡牆。餐牌有差不多三十款飲品，主要分為奶茶、特調茶、冷泡茶等五大類；特調茶的名字「閨蜜比較美蜂蜜青檸」、「前男友酸溜溜益力多綠茶」、「田籽油切不怕胖茶」、「香港好難混蜜檸檬烏龍」生動有趣。田籽波霸厚鮮奶，黑糖紋路不算很明顯；採用澳洲鮮奶，有奶香口感厚滑，珍珠偏軟腍，口感尚算不錯。

本身諗住去食芋圓，後尾都係揀左飲杯甜野，夜晚行過旺角，見到openrice呢間好似幾特別就諗住試下！不過係街尾要行去差唔多最入先搵到...叫左杯真紫薯厚鮮奶少冰$32拎到手外表都幾吸睛攪拌後馬上啜一啜，唔係用紫薯粉開出黎的，香甜的紫薯粒一粒粒好好味，係真紫薯啊！果然名副其實配埋濃厚既奶香，又真係好夾喎！平時只見呢啲店有芋頭粒，又無見有紫薯野飲賣，所以感覺好新鮮！呢間都有唔少特別野飲，可以再有一下次試下啲茶！

諗左好耐 到底紫薯定芋泥鮮奶好結果見到人地杯紫薯好靚 就跟機啦.真紫薯厚鮮奶🍼好好飲🙀原來紫薯蓉仲綿密過芋泥仲要唔太甜 賣相一流啊 有驚喜點解冇乜人飲呢間🤔被遺忘的田籽茶事

今次又係公司活動 我提議呢間飲品 我飲返同之次一樣 岩鹽芝士奶蓋鐵觀音 好好味個奶蓋 味濃得黎唔膩 岩岩好 鐵觀音我無要糖 反而飲得出濃濃茶香味 我覺得呢間比起出名的"天xxx"好味得多

之前food panxa 做優惠 係公司同成班同事叫飲品黎飲 第一次飲呢間 但因為幾好飲 決定寫篇文支持下 雖然飲左好多都仲有一大半 好飽 但個岩鹽奶蓋確實幾唔錯 一路做野一路飲 好減壓

終於遇到一間沒有令人失望的茶飲店今次嚐了全港暫時只有兩間的田籽茶事選了珍珠厚奶茶（茶底：茉莉綠茶＋珍珠：黑糖波霸及桂花）取飲品時店員叮囑我們先不要攪拌要先喝茶再吃珍珠喝下第一口明白為何他們再三叮囑一喝下去先喝到表面的厚鮮奶厚鮮奶奶味十分香濃然後緊接著下層的綠茶這樣的品嚐方法給人層次分明的感覺讓人分別品嚐到奶和茶的原味奶和茶的比例平均即便冰塊融化後仍能喝到與一開始一樣的味道這一點足以成為回訪的原因－珍珠的部份是讓飲品昇華的關鍵兩種珍珠不像有些店舖的沒有味道黑糖的部份不會太甜淡淡的桂花味給人清新的感覺稍微去除了喝台飲的負擔感總括而言性價比高唯一弱點就是分店較偏僻但若有時候又想試新品推薦大家一試

今日經過旺角見到一間野飲鋪，見佢唔係連鎖店就試下佢啦🙊餐牌林林總總好多選擇，最後我買咗呢杯珍珠奶茶（炭培烏龍茶底加黑糖珍珠and白玉蔗糖）!特別在珍珠都有5款揀，而且可以揀2樣😍因為唔鐘意飲太甜同咁凍，我order左微甜小冰！店員好貼心咁同我講要打開杯上面既小瓶口，飲一飲最上層既厚奶，然後先開始食珍珠。整體來講呢杯野奶味適中，茶味又唔會太重同太濃。兩樣加埋十分好飲。珍珠煮得岩岩好，有咬口。仲要有個靚外牆可以比人打卡好貼心。👍🏽

之前有朋友一直推薦要試的一間鋪頭今日終於試到啦！炎熱嘅夏天，飲返杯凍飲，簡直大快人心。太多選擇，花多眼亂，唔知揀乜好。一心想試佢地嘅自家制珍珠所以問咗店員今日嘅係邊隻味珍珠店員話今日係芝麻珠本身我個人唔特別中意食芝麻味不過一場黎到，無理由唔試而且店員好有耐性推薦配普洱茶底咁就一於試試佢。今次叫嘅係少甜少冰第一啖飲 嘩。。。幾好飲喎！茶底唔會有澀味 之後再試埋珍珠，好味！好有芝麻香，又幾有咬口！行經個邊嘅，係可以試下！

其實會黎到呢間舖都好機緣巧合因為呢間舖頭都離旺角嘅中心地帶有一少少距離大約要行多五分鐘左右但對於唔鍾意飲太甜嘅人而言呢間都幾推薦下因為單純經過又少少口渴所以就襯無咩人入左去問店員有咩推介由於我對於甜唔太鍾意所以幾經辛苦終於決定左買呢一杯店舖推介嘅桂花蜜綠茶雖然對我而言都係甜左少少但總體而言成個味道唔會飲完好膩桂花味都幾出而茶底又唔會搶味好適合夏天好熱嘅時間飲下大家有興趣都可以去呢間舖睇下好似都有唔少特調可以試

今日因為開會，所以有同事叫咗幾杯珍珠奶茶，希望為個沉悶嘅會議加一點樂趣。而今次就買咗「田籽茶事」。因為唔想煩，所以清一色全部都叫珍珠厚奶茶。珍珠奶厚奶茶茶味都算濃，不過無果種「蝕入牙肉」、「攝入牙齦」嘅茶葉感，咁只係得返茶葉嘅香味。由於無叫到小甜，所以飲唔出果種嚟自茶葉嘅回甘，只係飲到有一陣甜味。珍珠就咬落好煙韌，每一啖珍珠都好甜，證明無偷工減料，真係有浸足糖水。最重要嘅係，真係每到個會戲無咁沉悶，😆😆所以對於今日嚟講，值得係工作時飲返杯，減減壓。

買兩杯田籽波霸厚鮮奶，一杯熱、一杯常温，店員話無常温，常温都有52度，真0咀😮，飲了好多間珍珠奶茶常温即係室温咁，通常用冰冲調完，走咗冰就係常温，呢間田籽茶事menu明明有室溫，但店員話無。唯有叫一杯熱、一杯凍少冰，最後店員都落錯order，做了一杯常温、一杯凍少冰，好彩佢落錯常温，常温都好熱，好'辣'手， 取飲品時問店員取膠袋，店員話膠袋要比$1😤，我同佢講凍飲應該不用比$，都可有膠袋，因為七仔、ok都係咁，佢支吾以對調身背向我唔埋會我😤😤😤。跟住我打開飲，啲珍珠好硬，好似未煮好咁，真係飲到我一肚氣，呢間嘢無下次，又唔好飲、服務又差。

因為宜家實在太多台式飲品店 於是上網見到有推介呢間就去試下啦不過我去到既時候已經差不多夜晚8點 最想飲既烏龍茶冇晒了 就試左奶蓋紅茶 不過佢奶蓋麻麻地 唔夠滑同冇乜味我就冇去佢打卡位影相 不過大家有興趣都可以去

在Klook 以半價買了$40 現金劵，才來了這間台式飲品店。價日下午，這間飲品店都只有零星顧客光顧，這歸咎於遍地開花的飲品店，競爭太大。點了店家No. 1的珍珠厚奶茶，味道實在跟 「好喝」有一段距離。鮮奶不夠，只有糖的味道，而奶味超淡，作為一杯 「厚奶茶」，絕不是理想的出品。這樣的質素，即使是半價，亦覺得買貴了。

今日係情人節，我同朋友都無情人陪，所以放工一齊去食飯，食完飯10點左右，係街見到咁多成雙成對既情侶，突然想飲返杯台式飲品，慰藉下單身人士既心靈，甜返下。點知搵左幾間鋪頭，已經關左門，好彩最後比我地搵到田籽茶事仲營業緊。我就揀左芒果蒟厚鮮奶，朋友揀左黑糖厚奶茶，大概10分鐘左右就拎到手，店員仲好有心提提我地點樣飲先係最合適。 芒果蒟厚鮮奶店員教落要攪均先飲，一飲落去雖然有濃厚的鮮奶味，我望到鋪頭係用明治奶，唔怪之得奶味咁重，但亦都有陣香精的芒果味，珍珠就變左芒果味的蒟蒻珠，芒果味都係好假，應該都唔係天然芒果做的，芒果味有點敗筆。 黑糖厚奶茶(+仙草)我試飲一啖，奶味好重，掩蓋左茶味，我諗鐘意茶味濃的朋友應該唔太岩了，黑糖味都好重，仙草都好好食，整體依杯都好飲又順喉，真唔錯。 提提大家店外有幅打卡牆，最岩就係拎住杯野飲，打下卡，呃下LIKE。下次都係試返佢既招牌田籽波霸厚鮮奶先~

This time, I got the winter melon tea since I wanted to try something new. I ordered 0% sugar and 0% ice, but the barista said I can't change the sugar level (probably cuz they use syrup for the drink). He also said I couldn't do 0% ice, (which I thought was weird) and so I did less ice. The first few sips were pretty good, but after that, the drink became too sweet for me, so I diluted it with water haha...