番茄18

营业中

休息中

平時食都係食下午茶多，因有即磨熱啡飯面常餐有時食完都好口渴有時仲唔熱見大部分人都叫米線所以今日叫左個麻辣牛肉薯粉 $44加$10熱飲估你唔到原來麻辣薯粉好食咁多勁多辣肉醬，牛肉唔韌略嫌份量偏少同埋要加錢先有飲品

夜晚諗唔到食咩好，就黎呢到，因為咩都有得食，一定岩唔同朋友! 呢到裝修好有舊式香港既感覺! 好靚呀叫左特色蕃茄濃湯米線配牛乳炒蛋，個湯底係好濃郁既蕃茄味，有少少似蕃茄牛尾湯! 強烈建議大家要叫牛乳炒蛋，個蛋好滑，而且好配呢個湯頭，食完覺得吸引曬應有既營養! 呢款米線我簡左配大汗雞扒，雞扒大大塊，好厚肉，中間切開好juicy! 呢款就唔係用炸既形式而係雞扒面上有好多粉，帶少少辣，刺激又惹味! 又冇炸咁油膩，呢款大汗雞扒好唔錯! 另外都加左叉燒，半肥瘦架! 厚切豬扒秘製香蔥豉油汁飯，豬扒同樣大大扒，叫左多蔥油既我，覺得好滿足，撈曬D蔥油落飯到，好好食! 豉油唔會死咸，帶少少甜! 仲加瑞士雞翼，本身以為係雞中翼，原來係雞全翼黎，好多肉! 黎到呢D茶餐廳，一定要叫佢既紅豆冰試試，紅豆份量好多!而且係我鐘意既奶味!奶醬多切開4份，有誠意既粒係佢有粒粒花生! 食左咁多野都係百幾蚊，抵食又滿足~

21:22 入鋪叫嘢食21:30 到野食21:34 食咗兩啖 就叫你埋單 話要埋數 21:35 就行埋嚟同你講話幫你攞個電話去埋單 cls....如果真係咁趕收工 一係就唔好俾我入去

琴日喺荃灣行街就見到呢一間蕃茄18，入邊都坐滿好多人，於是就決定入去試吓！入到去環境都寬敞而裝修都好有特色，有好多唔同嘅懷舊佈置同埋裝飾，幾有心思！因為天氣凍咗唔少，於是就叫咗個藥膳雞湯米線，再加一杯阿華田脆脆。而朋友就嗌咗叉燒滑蛋飯再加紅豆奶茶，同埋亦都加咗$12加咗一份牛乳炒蛋。個藥膳雞湯米線就轉左上海麵，係少有嘅米線舖會有上海麵呢個選擇。份量好大同埋個雞湯亦都有藥材味，幾暖身～食落幾滿足。想讚吓啲雞件有雞味得來亦都夠滑唔會話好嚡身。而阿華田脆脆就非常濃味，一啲都唔淡，亦都有啲脆脆喺上邊，好好飲。至於紅豆奶茶茶味幾出，好唔錯而紅豆亦都夠甜唔會太硬，幾推薦大家嚟飲。至於叉燒滑蛋飯個蛋炒得滑而叉燒亦都好厚，仲要係半肥瘦，帶少少燶，勁好食！加埋炒蛋同豉油，非常配搭。而加咗錢嗰一份牛乳炒蛋，亦都好香同滑份量亦大好抵食。總括嚟講呢間嘅價錢絕對係平民，但質素絕對帶到俾你驚喜～

話說喺沙田食嘢已經食到厭，於是揸車去荃灣大壩街，原來發現真係有好多嘢食。路經有川菜、茶餐廳、泰菜、同埋日本拉麵，最後我揀咗番茄18因為經過門口睇咗一陣Menu已經揀到自己心水….本身好鍾意蕃茄湯配米線，除咗蕃茄湯底另外仲有兩款口味就係麻辣蕃茄同埋豬骨湯佢嘅蕃茄麻辣真係做得好出色必食！一碗入面有唔少新鮮蕃茄，清新蕃茄酸再配上易入口又開胃嘅麻辣，令到我飲咗半碗湯先至再食米線！發覺真係好飽，最後係食唔晒啲米線….另外我揀咗鮮牛肉配炒滑蛋，牛肉新鮮唔會食到梳打粉味。。另外個炒滑蛋份量都好多朋友叫咗個蕃茄18焗豬扒飯，焗飯嘅豬扒厚切同埋Juice嘅唔係乾爭爭嗰啲。。。最抵讚就係焗飯多汁真係好開胃見到佢嘅招牌菜係瑞士汁雞翼，於是我哋再嗌多三隻雞翼，果然係真店之寶必食名物！雞翼入晒味！好香濃，同埋係比雞全翼！今餐真係好豐富又飯又米線又雞翼又菜又野飲，埋單只係$211性價比超高！

今日去荃灣廣場睇完戲，係隔離大壩街經過見到間懷舊冰室蕃茄18，見下午茶時間有D餓就入去醫醫肚 芝士煎蛋豬扒包好大個非常足料，豬扒大過我手掌，而且煎得香口又juicy👍 大滿足 招牌煎蛋公仔麵同樣大大件豬扒，公仔麵麵質爽囗👍 熱奶茶茶香，奶幼滑， 茶和奶比例剛好✨ 凍檸茶不過不失，正常 蕃茄18下午茶超值又好味，才三十多元真係好抵食，以後又多一個下午茶選擇👍

「蕃茄18」位於荃灣大壩街（荃灣廣場斜對面），揸車嘅就推薦泊享和街街錶或荃灣廣場停車場，如果有The Point apps仲可以用積分兌換泊車優惠 。呢間茶記啲嘢食算係多款式，今次下午茶嗌咗 👇木碎花生多士『 夠香夠味，推介👍』餐蛋麵『 不過不失！』咖哩豬扒撈麵 『夠味夠掛汁，推介👍』揸車出入：👍👍👍帶小朋友：👍👍食物質素：👍👍👍環境舒適：👍👍CP值...😋：👍👍👍👍👍彩蛋：荃灣區茶記有好多， 不過每日都有下午茶就唔多 🫰 值得一試

去到每區都一定會試下以蕃茄為特色嘅餐廳呢間蕃茄18係將軍澳/荃灣/觀塘都有分店趁週末下午茶(抵食啲)第一次幫襯想吃蕃茄米線但只有蕃茄麻辣米線🍜所以另外再正價叫了個蕃茄米線༝༚ 下午茶/ 蕃茄麻辣牛坑腩湯米線 ( ᴴᴷᴰ 56 ) 同我想像中嘅有少少出入🤭 辣油多到出汁湯底以辣為主反而無咩蕃茄味牛坑腩本身煮到稍老，但幾入味༝༚ 蕃茄湯米線、香煎雞扒配牛乳炒蛋 ( ᴴᴷᴰ 56 ) 原味蕃茄濃底不錯✨ 蕃茄湯濃郁帶微微鮮甜湯底我覺得唔輸其他蕃茄湯餐廳雞扒係另上，鍾意分開食又得浸湯食又得

今日好開心同屋企人去咗荃灣西附近嘅一間餐廳食飯，估唔到去到一間人細美食小店，如果你有荃灣嘅朋友，一定要試吓呢一間餐廳呀，一間餐廳嘅裝修好靚，好有特色，用咗好多霓虹燈嘅招牌，去吸引顧客，而且好友香港嘅風味，入到去嘅時候，已經坐滿晒人，就知道呢一間餐廳好受歡迎，又排晒隊，所以我覺得呢一間餐廳已經好有保證，而且裏面嘅食物種類繁多，價錢幾隻實惠，裝修同埋整潔度都好好，衛生程度高，已經好加分，而且侍應嘅服務好殷勤， 笑容好有親切感，有賓至如歸的感覺，而且呢度嘅食物質素都好高，全部都係好有鑊氣，即叫即整，我哋叫咗好多嘢食，包括雲吞麵，全部啲雲吞都係好大件，而且佢哋嘅叉燒蛋飯，真係好好食，全部嘅蛋同埋豉油汁撈飯真係冇得頂，如果嚟到食嘅朋友，一定要叫呀，呢度物超所值

今日同朋友喺荃灣廣場睇完戲，順道去搵食，見到對面馬路呢間蕃茄18，裝條充滿香港舊式情懷，有舊式戲院、飛髮舖、當舖等等，玩味十足😍首先我哋叫咗碗花膠雞湯米線，上菜大大碗。入面充滿大大塊花膠，嫩滑又滋補。仲有超大隻超鮮嫩嘅雞髀，配埋軟綿入味嘅米線，同鮮美嘅雞湯一齊食，每一口都帶來滿滿嘅滿足感🍜接著係上湯白菜豬肉餃子，餃子包住豐富嘅豬肉，鮮嫩多汁。上湯嘅湯汁清爽鮮美，配埋清清地嘅白菜，令餃子更加美味。每一粒餃子都皮薄餡多，一咬就爆汁🥟其次係焗蕃茄豬扒飯加牛乳炒蛋。豬扒嘅口感鮮嫩，蕃茄嘅酸甜同焗烤嘅香味完美結合。加埋金黃分明嘅炒飯同嫩滑嘅牛奶炒蛋一齊食，認真唔錯🍅🥩🍳飲品我叫咗華田脆脆，第一次飲凍華田加埋脆脆片喺上高，認真特別。朋友叫咗杯紅豆奶茶，超多紅豆。兩杯飲品都大大杯，直頭好似飲緊甜品咁🧋

喺荃灣一諗唔到食咩我就會嚟咗呢間😹😹真係食咗超多次！入邊環境主打香港舊式風情，有霓虹燈招牌同埋舊式餐廳茶座，都幾得意～🌟招牌胡椒豬肚魚腩湯飯 $59平時都食開番茄米線，見佢招牌就試試佢～上枱勁大份，飲落胡椒味好出，好暖胃🤍冬天食到會覺得好幸福！另外配料勁多，一啲都唔孤寒！魚腩就有3-4嚿，全部都大大份，不過應該係用鯇魚，略嫌有啲多骨🫡🌟焗番茄18豬扒飯 $63呢個都係朋友每次都會食嘅嘢～唔好見佢$63好似有啲貴咁，但份量大到男仔都未必食得曬！飯用咗炒飯底，有蛋香有鑊氣，豬扒食得出有醃完再炸，雖然都有落鬆肉粉，但係唔會淋到一夾就散，再配上面頭嘅芝士，絕對係值得比Quota睇吓佢嘅邪惡！🌟大汗雞扒 $32之前晏就食過覺得好好食～而家再嗌份比frd試下～ 究竟咩係大汗雞排呢？絕對唔係因為辣到出晒汗，而係佢炸得香脆惹味，入口肉汁豐富！🌟紅豆冰 跟餐加$14紅豆唔係用罐頭好豆，粒粒都大粒飽滿，再配合香甜淡奶，絕對係茶記必叫之選～🌟阿華田脆脆 跟餐加$14出邊唔多見到～個底已經係華田，再加上華田脆脆，口感好豐富！

荃灣其實真係有好多美食，如果講到下午茶好多時星期日都會去呢間食，座位都算坐得舒服，我好鍾意食嘅就係厚切香煎餐肉煎蛋公仔麵餐🍜連熱飲都係$39，另外就係招牌豬扒煎蛋公仔麵餐連熱飲就要$43，豬扒係即刻煎所以食嘅時候都要小心辣口🤤，仲要強調埋個🍜係出前一丁😋都唔需要另外加錢，另外仲有好多款嘅下午茶可以選擇，佢嘅招牌蕃茄湯底都好濃郁，除左蕃茄湯底之外佢仲有好多其他特色米線，大家不妨可以試一試☺️

食餐飽先去睇戲，荃灣廣場出面成條街都係野食，見呢間餐廳入面特別多人所以就揀呢間啦。蕃茄湯滑蛋牛肉米線配雞脾，雞脾入味又大隻，蕃茄湯底都ok,米線再爽d就更加好。招牌胡椒豬肚雞米線碗米線好大碗，胡椒嘅味唔係好濃，唔會好辣而且雞同埋豬肚嘅份量都好足夠，成碗面都好大碗，仲有木耳，等等嘅配菜添。華田脆脆阿華田好足料 上面仲鋪滿咗脆脆 成杯嘢都好好飲好夠味！紅豆冰大大杯夠足料，仲見到有綠豆版嘅紅豆冰下次可以試下。有d口痕仲加左個薯角，28 蚊份量好多，夠脆又好食。兩個人百幾蚊飽到食唔晒，有機會都可以再黎。

早餐可以大家試試，蕃茄麵首選，味道確係好食，一啖麵一啖蕃茄超好味。全間舖都經常滿坐要搭位，可能太生意，個別員工真係覺唔憂做，全店唯一男員工攞餐時大家要小心，落餐千奇唔好追餐，否則男員工即時黑面，佢有特性每次心情唔好時上餐都好放到好邊，有相為証，尤其大家有小朋友嘅要小心，千其唔好要佢追餐，大家可以試下，就知結果，再上黎發表下係咪堅好食，味道真心講真係冇得輸，但我會揀女員工點餐，希望蕃茄18加強員工服務

餐廳掛左好多霓虹燈同招牌，裝潢好有舊香港特式，座位好多，環境舒服。花膠雞湯米線：花膠好厚身富咬口，滋補養顏，切雞脾新鮮嫩滑，雞湯香濃，熬成奶白色，人氣必點。麻辣牛坑腩湯米線：除左主打既番茄，麻辣都係招牌，湯底麻辣味十足，剌激味蕾，牛坑腩炆得軟腍。招牌瑞士雞脾：雞脾醃得夠入味，入口甜甜地，呢度既自家製瑞士汁，係用頭抽熬製而成，色香味俱全。口水雞：口水雞充滿花椒香味，口感微麻，加左花生同脆筒，I like it。招牌木碎花生多士：份量十足既厚多士，切到細細塊，鋪滿花生醬和煉奶，勁邪惡。華田脆脆：面層既阿華田粉，脆卜卜既華田脆脆，一次過品嚐多重阿華田既滋味。紅綠椰冰：椰汁配上軟綿綿既紅豆和綠豆蓉，令我回味無窮。總結，食物好味足料，出菜快，物超所值。