番茄18

营业中

休息中

晚市入去叫了一個招牌胡椒豬肚雞米線+凍檸茶小甜多冰，凍o茶先到多冰但好甜，算！但個米線嚟到啲雞唔係切雞係一堆雪藏雞扒碎上加雞翼，買相唔討好，算！可能食味好呢，但食落口好明顯都係醃製過既雪味雞扒散件，我內人忍唔住問侍應點解可以變咗哩堆咁既野，佢竟然答圖片只供參考，哩啲雞要喺湯到煮熟，但係哩堆雪藏雞扒同貴餐廳既圖片既切雞係兩樣野，佢都仍然堅持無問題，其實如果用唔同煮法同材料既圖片嚟誤導人，不如俾心機做好啲出品，咁樣掛羊頭買狗肉都話無問題，做生意唔係咁架！

荃灣主打蕃茄茶餐廳特色蕃茄濃湯米線 $64超經典不能不試的蕃茄湯，用料十足夠晒濃厚，超足秤啖啖蕃茄肉令到整個湯昇級，特色之處湯面上係放上牛乳炒蛋，佢慢慢吸收晒蕃茄湯嘅味道，一次過入口口感味道都一絕，然後再追加牛肉，本來蕃茄牛通就變成蕃茄牛米線，米線質感都不錯，加上夠味牛肉，整體配搭滿分！仲有另外上嘅配吉列豬扒，超級大件又夠多汁，金黃香脆但係用得唔多炸粉，肉感夠咬口再撈埋蕃茄湯都係不錯嘅選擇！華田脆脆 $14番茄18 (荃灣)荃灣大壩街39號地下

1️⃣Tea set：瑞士雞翼🐔配薯角🥔🔸瑞士雞翼🐔：瑞士汁帶甜，非常入味💯，肉質嫩滑🔸薯角🥔：外脆內軟，鹹鹹地，但唔會太鹹。🔸餐飲～紅豆咖啡🧋🫘：有成半杯係紅豆，紅豆軟腍同有起沙👍🏻2️⃣蔥油雞🐓（例）🔸雞翼同雞胸嘅肉質十分嫩滑💯🔸蔥油🍀唔會太鹹，亦都唔會太多油👏🏻3️⃣招牌木碎花生多士🍞🥜🔸多士🍞外脆內軟🉐🔸花生🥜有粗粒同埋碎粉形態，提升口感👍🏻🔸花生醬同埋煉奶🥛份量夠多，係夠點曬份多士💯職員服務效率高、勤快。

荃灣廣場睇戲前搵食，一出大壩街太多餐廳選擇，反正有點時間，邊間餐廳多人就揀邊間見到番茄18 7pm已經坐滿人，本身都鍾意蕃茄湯底夠開胃，就等一陣試下啦。裝修好有特色，懷舊小香港，睇得出店主好有心思。既然係用蕃茄做招牌，老公就點個蕃茄湯底+上海麵，另加肥牛+素菜+白菜豬肉餃。個湯底好濃，但唔會係加好重茄膏，食得出係新鮮蕃茄蓉整成既湯底，濃到起沙，非常開胃，個湯係飲哂我無理由點同一個湯底，係花腸雞湯同胡椒豬肚雞揀左一輪，決定試下胡椒豬肚雞，佢用電話點菜，非常貼心有得揀多湯，岩哂我呢d 湯都飲哂既人。估唔到湯底咁濃郁，胡椒味夠辣但唔會搶唒d 雞味，好大碗，我食唔哂d 米線但飲哂d 湯。另外再叫隻瑞士汁雞脾，好入味，個汁應該煲左好耐，肉質都夠滑。仲要讚係佢個菠蘿冰係用新鮮菠蘿，唔係罐頭，非常有誠意。呢間係高質茶記，埋單先$173, 飽到飛起去睇戲

朋友帶我嚟到荃灣，佢介紹近住荃灣廣場嘅蕃茄18食晚飯，最初以為只係一間普通嘅茶餐廳，入去之後發覺裝潢好特別，好懷舊面而且佢張香港大部分嘅古舊店舖門面作為裝飾，好有懷舊feel！坐樂亦都十分之舒服闊落，餐牌就如一本相簿，真係唔識字都可以點餐！見大部分人都係點同蕃茄有關嘅餐，應該都係好有口碑；我就特登點一啲完全冇蕃茄成分嘅餐試下，首先當然要試試佢嗰個木碎花生多士，再加多個丁丁蛋治，飲杯鮮菠蘿冰和咸檸七，再加多個花膠雞湯米線和上湯娃娃菜！丁丁蛋治嚟到真係不得了！啲餡料有成兩吋厚，食落真係回味無窮，蛋香加上五香肉丁嘅少少辣味，我食咗三分二，實在太好味！木碎花生多士其實係碎花生加奶醬多，但各樣嘅份量都恰到好處，食落都好有特色！花膠雞湯米線件花膠仲大過個手板，啲雞亦都煮得恰到好處，唔冧唔硬！米線亦都可圈可點，值得一試！而娃娃菜份量十分之大！鮮菠蘿冰用鮮菠蘿製造，好飲過罐頭菠蘿冰多多聲！咸檸七好有懷舊feel鴛鴦檸檬再加七喜！最後加多個拍青瓜，麻辣味勁強，鍾意食辣嘅朋友，一定要試試！而不得不提嘅就係服務員嘅專業服務態度，個個笑容滿面，服務周到！令到成晚嘅晚餐變得更加完美。

今日好開心同屋企人去咗荃灣附近嘅一間餐廳，你間港式餐廳真係好好食，相信好高，食物選擇種類又多，真係好抵食呀，而且性價比高，經濟實惠，如果你荃灣嘅朋友，一定要試呢一間食物呀，而且呢一間餐廳好方便，響荃灣西站行過嚟大概五至10分鐘就搵到，真係好方便， 岩哂一家大細嚟食飯啊，而且呢一度嘅裝修都好有特色，好有懷舊風味，真係好鍾意喺度食飯，而且呢一度嘅份量全部都好大碟，好抵聲，而且佢有麻辣米線，呢度最出名嘅就係米線，有唔同嘅材料配搭，一定會搵到啱心水的配菜，而且佢哋個華田脆脆都好好飲，紅豆冰一流，真係好抵食呀，然後呢度嘅服務質素都好高，侍應都係好有親切好友笑容，有賓至如歸的感覺而且呢度嘅空間大，坐得好舒服，所以我覺得呢一間都係人西餐廳，一定要介紹俾朋友食啊

大推// 瑞士汁雞髀🍗調味剛剛好，唔會太甜，雞髀大大隻，好入味之餘，肉質仲keep到好有彈性.二推//花膠雞湯泡飯平時好少食泡飯，難得見到有得轉飯，即刻試試佢，比食米線再可以食得出個湯頭，不過飲晒成碗湯應該都幾肥下🤣因為佢真係太足料，入面嘅雞接近有例牌嘅份量，仲有好多大大塊嘅花膠.三推//丁丁旦治（烘底）本身想叫個普通蛋治，見到佢推介就咁左呢個丁丁旦治，估唔到竟然出奇地好夾(ﾟoﾟ;;個蛋好滑，配埋香口嘅五香肉丁，真係好好味，麵包可以唔烘底，因為啲肉丁其實點都會整濕個包🙃.上湯灼蛙姓菜 $28大大碗，我諗3-4個人食都夠.炸雞翼 一定一定一定要試枱即刻食，放耐左竟無咁好味，新鮮炸起個下好脆，而且好juicy .凍檸蜜（少冰少甜二片檸檬）好搞笑有得揀幾多塊檸檬🍋.蔥油雞（倒牌）啲雞都唔洗多講，真係好滑而且好出色(*¯︶¯*).華田脆脆

星期一夜晚 行經荃灣廣場附近見到一間餐廳 內裡都算坐滿人睇睇門口餐牌 有圖有真樣俾佢隻瑞士雞髀吸引咗我入去坐低後 望望周圍發覺佢餐廳嘅裝修都非常特別好有舊香港情懷味道好有特色繼續睇睇餐牌 有好多野都想試吓例如大汗豬扒 炸雞翼另外花膠雞湯米線都想試吓話哂擺最頂 應該都唔差 一於試試佢最先黎到嘅 係我最最最期待嘅瑞士雞髀一擺到上枱 瑞士汁香氣撲鼻而來我同老婆都迫不及待即刻鋸開嚟試試雞髀size都算大隻 冇乜肥膏雞肉夠滑夠入味非常好食 完美大汗豬扒同雞翼份量都好大我倆未黎米線都怕食到飽飽但結果當然清哂 因為真係好食大汗豬扒有乾辣椒喺面好在唔係醃埋落豬扒到怕辣嘅朋友可以選擇點多定小雞翼開頭仲以為淨係雞中翼點知係三隻雞全翼 一啲都唔吝嗇咬開熱辣辣嘅雞翼內裡有醃製過 味道調校得非常好所有小食應該都係即炸即上樣樣都好出色黎到主角了我食嘅係花膠雞湯米線而我老婆食蕃茄薯仔魚腩湯米線兩碗米線份量非常之多性價比極高我果碗米線入面 仲有兩舊超大嘅花膠真係冇得輸雞皮好滑好好食 米線彈牙有口感湯底仲有娃娃菜配合起上來非常好食老婆食嘅番茄薯仔魚腩湯米線魚腩份量非常之多但有少少碎骨 食落要小心啲啲番茄湯同樣出眾蕃茄碎

荃灣廣場附近不嬲都好多野食，今晚搵左間主打蕃茄，瑞士汁既餐廳食。今晚早左食，6點幾到，未到晚市但見到都差唔多滿座咁滯。鋪頭入面主打香港懷舊風格，好有特色！而因為早左食晚餐，唔太肚餓，只係叫左一個餐同下午茶餐。試左招牌菜瑞士汁雞髀+炸薯角，蕃茄太陽蛋通粉+吉列豬扒。特飲由28-32 不等，但下午茶跟餐所有特飲只係加$12，非常抵飲，所以叫左一杯原價$32既紅綠椰汁冰同脆脆阿華田！瑞士汁雞髀滷到勁入味，超香超濃既瑞士汁，每一啖雞髀肉都必定要點一點瑞士汁來食先和味👍🏻入味得來唔咸唔太甜，做到岩岩好！一流👍🏻而蕃茄通粉都必需要一讚！入面有一粒粒原粒蕃茄，湯底係濃濃既蕃茄香味，湯都可以飲埋呀👍🏻😋而吉列豬扒成隻碟咁大隻，厚得來唔硬唔鞋，肉質鬆化👍🏻最後個紅綠椰汁冰對於中意食紅綠豆既人來講一定會好滿足，因為淨係豆都半杯咁多啦，大滿足！紅加綠豆亦十分新鮮！👍🏻👍🏻滿意！

同老婆去完一田, 唔想係商場食嘢, 睇下附近有咩食, 見到店內都好多人食, 就試下.我地好肚餓的關係, 每人都叫左一個主餐, 小食同飲品.吉烈魚番茄米線先講蛋好滑, 永遠都係番茄的最佳配搭, 湯底好濃番茄味, 佢真係用鮮番茄做湯底, 酸甜適中, 好味.吉烈魚冇得輪, 係即炸, 大大件, 外脆內軟, 唔會炸到好乾身, 好好味.瑞士汁雞翼, 係必叫. 好耐未食過咁好味的瑞士汁雞翼, 有舊有的情懷, 好入味, 色也上得好靚, 有3全隻, 大大隻, 必食.吉豬茄汁飯 又係即叫即炸, 好鐘意佢的炸物, 炸得啱啱好, 比起某些大餐廳, 炸得還要好味. 吉豬配上番茄汁又令人想食一件再食一件, 唔會太油膩.上湯娃娃菜本身冇諗過叫, 因為成日覺得出街食菜好唔抵, 點知聽到枱枱都叫, 連外賣都另叫2碟娃娃菜行街, 我地諗有咩咁特別, 就叫埋, 點知, 好彩有叫... 真係好抵食, 好多菜, 烚得啱啱好. 抵食好味.可樂係罐裝再用冰底上枱. 柑桔, 係用傳統做法, 有柑桔係裏面, 飲完喉嚨好舒服總括: 評價好高, 抵食大件, 好食之選.

今日見到呢間餐廳裝修好特別 勁有舊香港嘅感覺 吸引左我入去試下首先 食左餐廳推介嘅咖喱牛腩飯 牛腩份量好多每嚿都好冧 唔會痴牙 特別欣賞咖喱汁口感有少少creamy 唔會好水嘅感覺 而且好香 用個汁黎撈飯就一流！🤗之後 再試左胡椒豬肚雞湯米線 呢個有驚喜！個湯係煲到有少許膠質嘅 所以應該好足料 可以邊食邊飯湯都唔會覺得有罪惡感或者肥膩 😜😜小食揀左餐廳另一招牌 木碎花生多士 脆卜卜嘅多士上面淋左花生醬同煉奶 上面再灑上一樣咁脆卜卜但又磨得好細滑嘅花生碎 成個組合令口感勁有層次 個樣又好吸引最後要表示佢地嘅菠蘿冰好正 係我飲過入面有最多新鮮菠蘿嘅冰🤣🤣 由於唔係罐頭糖水菠蘿 所以杯野味道唔會太甜 好自然 唔會人工化 加上餐廳價格幾合理 不錯💜

驚喜的環境同食物一早又周圍搵早餐食，去到隔離紅C又爆，又吾想去上次吾好食的富W,所以來左哩間結果好多次，系外面睇又吾起眼的茶餐廳。估吾到有驚喜的環境和食物啊。優點（同同價錢的紅C比較）- 價錢同紅C差不多，但份量味道比佢好好多- 裝修系帶以前味道，有影相位- 連D 餐杯碟都幾靚- 服務員都幾有禮貌，收野都問清楚客人仲要吾要。豬扒煎蛋上海麵（$40）5分- 第一個驚喜系估吾到佢無寫都比埋雪菜，仲有雪菜系幾好食添- 豬扒系超大塊，帶小肥，因為估計吾系全炸，睇到表面系煎過，系一D都吾”鞋”吾乾，- 蛋系太陽蛋，居然有蛋味喔。- 上海麵系滑，但比較”淋”沙嗲牛肉腸仔米粉（$37）4分- 沙嗲牛肉系帶小辣，但吾夠香，份量系早餐來醬算多。- 腸仔正正常常- 米粉同福來村寶X一樣，彈口，正。咖啡夠香但比較苦,輸比寶X（3分）檸檬水都好多檸檬，怕酸吾好篤咁多。（4分）

今日係附近交文件 就同屋企人去搵地方食早餐，行經呢間番茄18見入面裝修好有香港懷舊氣息，早餐價錢又唔貴就幫襯下，要左3份早餐同3杯特飲：番茄叉燒通粉配多士同炒蛋：番茄湯底真材實料，真番茄味道，濃濃番茄味，配叉燒更好味，而家好多餐廳早餐都無叉燒揀。 配埋嫩滑炒蛋同鬆厚多士，營養十足。吉烈魚柳配炒蛋同多士：魚柳大大塊，外皮炸到夠脆，入面熱辣辣又夠嫩，肉質唔會霉，好食！同樣有配多士同炒蛋，都好夠飽。雪菜豬扒上海麵：估唔到佢豬扒咁大塊又唔韌，輕輕小煎過更惹味，雪菜味道適中，唔太咸。我地都揀左特飲：菠蘿冰（粒粒菠蘿夠晒冰凍香甜），紅豆冰（滿滿紅豆又夠蓉），紅豆奶茶（兩者配搭好夾，有奶茶香又有紅豆香甜）。呢幾杯飲品真係令人好滿足！

今日要推介呢間荃灣友都大讚既番茄18，提供多款特色茶餐廳食物，推介大家試下佢地既湯米線，個人覺得好食過連鎖店既米線藥膳雞湯米線 $58朋友平時比較養生，揀左個藥膳雞湯米線，用左多款中藥藥材熬製而成既湯底，配埋嫩滑既雞件，養生之選招牌番茄湯米線配牛乳炒蛋+招牌瑞士雞翼 $55我就揀左佢地既招牌番茄湯米線套餐，套餐包括牛乳炒蛋同一款特色小食，小食推介大家試下瑞士雞翼，瑞士汁香甜，雞翼煮到好入味，超正招牌木碎花生多士 $30另外叫左個木碎花生多士，上面鋪左滿滿既花生碎，多士炸到金黃色，非常香脆可口

今日去左荃灣呢間主打食番茄米線既新店。成間餐廳佈置好懷舊，有老香港特色，勁多打卡位，座位夠寬敞。餐牌選擇除左招牌番茄湯之外，仲有麻辣同水煮系列，價錢亦好親民。花膠雞湯米線：用上矜貴既花膠，讓客人可以平民價錢，品嚐到高質食材。大大塊花膠加上成隻切雞脾，鋪喺米線上面，淨係賣相已經非常吸引眼球，花膠無腥味，炆得夠腍，有咬口；切雞脾嫩滑可口。番茄湯底牛乳炒蛋：番茄湯超級香濃，有好多番茄蓉，配上炒蛋簡直係絕配，蛋煎到金黃色，蛋香十足又滑溜，撈埋番茄湯一齊食，好食到成碗米線連湯飲晒。招牌瑞士雞脾：雞脾好大隻，醃得好入味，連D雞肉都係深啡色，個瑞士汁唔會太甜，帶少許肉桂味。香煎豬扒：煎到全熟但又保持到肉質嫩滑，火喉控制得剛剛好。華田脆脆：上枱仲暖暖地，口感香脆可口，充滿阿華田風味 。