當下 (翠怡花園) (已結業)

自從媽媽與我不住在一起之後，要同桌共餐的機會寥寥可數，想念媽了，這晚訂了離她家很近，而且和我心情很吻合的餐廳，位於青衣的當下。與媽媽的聯繫不能只靠電話或是Whatsapp，是真的需要當下當刻的互動和溝通。下班之後從灣仔坐車到青衣，與媽媽相約在青衣地鐵站，從地鐵站沿著海傍步行大概15分鐘，沿途吹著海風，天色從鹹蛋黃色的晚霞慢慢變幻至紫藍色的黑夜面罩，當下的風景如此美好，究竟已經有多久沒有和媽這麼悠閒地行街了？到達餐廳，點了份豬手，明太子意粉和花茶。豬手相當大份，下面有炸得頗脆的薯條，醬汁有很多款，可隨自己口味喜好配豬手食。明太子意粉味道剛好。花茶香味頗濃郁。享受當下的食物，當下的氣氛，當下和媽媽的相處。

繼續介紹良心小店, 疫情下困係香港, 發掘多咗以前少去嘅地方, 搵食搵到去傳說中「美食沙漠」嘅青衣, 朋友介紹呢間Present 小店, 餐廳地方不大, 但座位都幾闊落舒適👍🏻🇯🇵"和風明太子意粉"真心冇得輸, 唔只意粉份量大碟😍, 連明太子都幾足料🤤, 意粉煮得軟硬度適中, 重點係忌廉味醬汁好濃郁😋入口仲伴隨住明太子嘅咸香, 相當有驚喜, 食到停唔到口XD🤣🤣🧀另外點左"芝士汁香煎雞扒撈一丁", 想邪惡一下XD 🙊🙊雞扒煎得幾香, 肉質都鮮嫰, 出前一丁煮得岩岩好, 唔會過腍, 🤔不過重點嘅芝士汁同一丁味道竟然唔太夾, 芝士汁比較淡同稀, 如果想食濃郁同杰身嘅芝士汁就可能會比較失望喇😐❗️更多美食分享, 可以比個like我地, 大家的支持好重要😚➡️

各地的足球⚽️聯賽重開，咁我就嗱嗱臨Book 間酒吧餐廳🍻同為食積撐枱腳，然後睇返場波......實在太寫意了！🦦我哋Book 咗青衣嘅 Present 當下，一嚟可以在海濱長廊走走，🌊散散心！二嚟呢度的出品有水準，Happy Hour 仲有啤酒🍻Buy One Get One Free!我哋order 了 $368 2人餐，超級抵食！ 💰🎃南瓜忌廉湯~絲絲的南瓜蓉配著滑滑嘅時候忌廉湯Good!忌廉青口意大利飯🇮🇹～鍾意食意大利飯粒嘅口感，而青口+忌廉又滑又鮮，好味道！澳洲肉眼排🥩～叫咗五成熟，牛味夠濃，外焦內嫩🔥火喉拿捏好出色！最後以我最鍾意❤️嘅綠茶雪糕🍨作完美句號！

當下是我家樓下的一間餐廳，開業都有一段時間了，但是從來沒試過他們的早餐，加上最近玩了新的工作，在公司附近的餐廳早餐十分沒有新意，因此也要試試當下的早餐。沒記錯他們的餐牌有五至六款早餐的種類去提供選擇，但是我通常也會吃雞扒公仔麵，除了主要麵食之外，其他配菜也十分重要，例如多士，炒蛋，腸仔，午餐肉等等配搭都十分重要。湯麵十分濃味，雞扒煎得不會太油膩和乾身，多士是現烤的，加上牛油很香口，滿足了肚子，就可以開始一天新的工作了!

Present（當下）💛青衣黃店💛-難得嘅青衣黃店💛🥰 仲係個約會好地方-🔍Dinner set：黑松露野菌闊條麵 $108夠晒creamy😋 黑松露味好足，不過食到最尾嘅時候，就會覺得開始好飽有啲漏🤣-🔍脆皮德國豬手 $98（當日優惠價）個外皮夠晒脆😍 脆卜卜熱辣辣，仲爭啲熱親個口添🤭 極度推介仲要係超抵價呢-🔍蜜糖雞翼 $48蜜糖入味，香脆嘅外皮👍🏻-食物質素：8/10環境氣氛：8/10回頭指數：7/10-🔆 逢星期一至五，每日會有指定菜式優惠價-📍 當下 (青衣)青衣長環街4號翠怡花園一座地舖

去青衣多數都會係青衣城食飯，但其實沿住海旁行到尾，去到翠怡花園都有一間唔錯既餐廳。呢間餐廳裝修幾靚，坐得好舒服，岩哂同朋友仔黎傾下計。今次嗌左雞蛋焗大啡菇、黑松露野菌手打闊條麵、脆皮德國豬手同埋鮮果特飲。首先講下個大啡菇，好有驚喜。初初以為佢真係成粒焓蛋/太陽蛋咁放係大啡菇上面，但原來係流心既，仲有芝士係面到，咬落好有層次，舊菇仲好juicy。闊條麵方面，個麵食落好香黑松露味，亦都好滿意闊條麵既闊度。由於佢係手打既，食落都好彈牙。啲汁既份量岩岩好，食到最尾都有黑松露味。今晚豬手做特價，只需$98，一於嗌黎試下。豬手份量都唔細，仲配左薯角，岩哂大食既朋友。豬手個皮焗得好香好脆，有機會可以試下。杯野飲落酸酸甜甜，又係梳打，感覺好fresh。呢間餐廳值得再黎過。

之前有朋友推薦過位於青衣哩間當下，咁岩去青衣買野，順便去試下，我同男朋友係地鐵站行過去大概10-15分鐘左右，如果唔想行可以搭巴士過去，2個站係翠怡花園落ok，好易穩，我同男朋友大概7點左右去到，個時未有太多人，過佐7點半人已經開始多，所以最好打電話book佐位先，…………香港人，加油…………入到去裝修感覺好復古，而且好乾淨，我同男朋友叫佐個2人套餐炭烤智利黑毛豬排:以為好細🤣，原來份豬扒好大份，我地叫佐8成熟，豬既質感唔會太拫，好易入口！而且配既醬好夾，食落去又唔好流！配份薯角都好多，2個人食完全夠😌有卡邦尼意粉：一上臺就聞到好香，令到食慾大增😍而且唔會太蓅，口感都唔錯，如果個面再煮淋d就更正，（個人口味比較鐘意霖d既面）🤣瑞士雞翅:有蜜糖雞翅同瑞士雞翅選擇！蜜糖我怕太甜，所以選擇佐瑞士雞翅、雞翅好入味，好嫩滑，下次再試下蜜糖雞翅🤣田園沙津:黑醋汁沙津勁好大兜🤣唔知以為係主食🤣 食到食唔嗮. 好健康開胃最後會有甜品:抹茶雪糕同朱古力雪糕，如果多幾款雪糕可以選擇就完美拉😍

今日喺青衣一帶打波，打完波就去搵好嘢食啦！見到翠怡花園有一間叫做當下既黃店，於是就黎幫襯啦！超級推薦！呢間黃店裝修都唔會話有好多好明顯嘅文宣，但係佢嘅餐牌一放低你就會見到佢寫咗幫香港人打氣嘅字句！竟然仲會每日提供三十免費午餐比有需要既人真係好有心！今次必須要推薦佢嘅晚餐套餐！因為真係極度抵食！就係佢個1+2+3+4+5+6 套餐，只係369蚊，就包曬兩碗餐湯、兩個田園沙律、一碟四隻既雞翼、一碗任選意粉、一個任選主食同兩杯雪糕，包埋餐飲，全部都係勁大份又好味！呢個價錢真係難以置信！超級抵食😍首先兩碗餐湯係洋蔥蘑菇忌廉湯，勁足料，每一啖都有好多蘑菇碎，有好香嘅蘑菇，又因為加咗洋蔥，吊起左隻味，所以更加惹味。田園沙律真係好震驚，因為我冇諗過係咁大碟！平時好多餐廳跟餐嘅沙律只係一個細碗仔幾條菜，但係呢碟沙律真係超級有誠意！望落好似70幾蚊一件嗰啲咁多，佢用嘅甜醋油好好味，絕對唔會太酸，呢個份量跟餐餸一碟已經好抵玩，但係佢仲要係每人一碟！真係勁誇張！性價比極高，而且真係好好味～蜜糖燒雞翼，又係有好足料嘅蜜糖，你會見到隻碟有好多蜜糖汁，佢嘅雞翼都燒得幾好味，蜜糖甜甜地再加雞翼本身小小嘅鹹味，撞落美

有一日無意中睇到青衣有一間可以飲野chill吓嘅餐廳，二話不說就叫個都係島民嘅朋友Happy Hour (Asahi $78買一送一)飲飲吓開始肚餓 ，見佢Weekly special 星期二德國脆皮豬手$98咁吸引，梗係要叫一份試試。豬手都幾大隻，都有接近我兩個拳頭咁大，皮脆肉嫩 👍👍味道啱啱好，兩個女仔share都夠飽。side dish 係薯角同少許一兜仔紅色酸菜，但略嫌酸菜太少，如果佢係用德國式酸菜同多返d就perfect 了。老闆娘好nice ,都會吹吓水問吓我地feedback不錯的小店，一定會久唔久覆桌🥳

外面散叫咗一份大size凱撒沙律(沙律冇任何肉類配菜)，價格$88，去到餐廳拎餐先見到分量仲少過正常餐廳嘅side dish…真係O曬嘴…不過d野食味道就不過不失，希望以後可以改進，起碼提供對得住價格嘅分量啦

今日嚟到青衣海旁附近搵食，發現到呢間西餐價錢唔貴又多款就去試吓啦，見到佢哋嘅晚市二人套餐好抵食，但我哋又驚食唔晒所以就叫咗兩個set😋😋首先上咗一個餐湯同沙律，俾個份量嚇親，沙律同平時啲跟餐沙律冇得比，呢度份量好大，一啲都唔馬虎，其他餐廳分分鐘當一個標準size黎賣🤣🤣沙律菜好新鮮，配埋酸酸地嘅黑醋醬汁好開胃，分量大到兩個人share都覺得多😛😛餐湯係南瓜濃湯，亦都係大大碗，仲食到南瓜蓉添👍🏻👍🏻主菜方面我哋叫咗一個黑松露野菌手打闊條麵($108) 同埋一個香烤汁燒豬肋排($138)闊條麵好多汁，黑松露味都幾濃郁，同忌廉汁個奶香味好夾，而佢個手打闊條麵都係我鍾意食嘅質地，比較硬，有咬口😍😍另外個Ribs 一上枱就比佢個份量嚇親，使唔使咁大碟呀🤣🤣切開都有七八條骨，味道都唔求其，醬汁好重口味，肉都燒得啱啱好入口即刻咬開，同埋伴碟嘅薯角超多啊！好啱一大班朋友嚟share食😋😋呢間餐廳名叫Present 當下，覺得十分有感覺，同埋其實佢都係一間酒吧黎，平時食完野都可以過嚟飲兩杯呢🥂

青衣市中心外可支持的的餐廳又到了青衣，今次到翠枱花園找餐廳醫肚，從外一看，感覺環境舒適，餐牌價錢也相宜，一於就試試。平日的夜晚，雖非市中心的位置，但餐聽都幾乎滿座，餐廳是典型的本地化西餐廳格局，半開放式的門面，有酒吧的感覺；燈光配合，整體氣氛柔和；餐枱還是有一間距離，有適當的空間感。前菜套餐有餐湯，湯味適中，有紅蘿白碎粒，較一般的更討好。忌廉汁青口意大利飯 ($148) Risotto with Creamy Mussels (HKD148) Risotto大份量，奶滑香口，煙韌，香滑又有層次感😋 正！日式汁燒原條鰻魚飯 ($138) Japanese Grilled Eel Over Rice (HKD138) 一大塊鰻魚就在上，還有一些燒汁，份量算大份，沒有太大驚喜；鰻魚滑，和燒汁非常配合，不過燒汁不算太夠。以上兩款食物質素不俗，而且是可支持的商家，加上環境舒適，適合傾計，值得再黎！

青衣一向比人美食沙漠的感覺，由其喺西餐方面都無咩好味又抵食嘅選擇。朋友今次就帶左我去試下一間開業不久的西餐廳，試試水準。晚市set dinner款式都幾多，有意粉又有排餐，跟餐也有沙津或餐湯和餐飲，價錢合理。餐湯口感creamy，沙律酸酸地好開胃。📌和風明太子意粉意粉面頭放了不少明太子粒非常足料，醬汁帶有濃郁的忌廉味，伴隨住明太子的咸香，令人想再多吃幾口。意粉份量都幾大碟，麵質有咬口唔會過腍。📌炭烤智利黑毛豬排黑毛豬排比想像中大份，旁邊的炸薯角也好香脆。豬排肉質嫩滑而且無咩筋，脂肪比例不算高，可以說是啖啖肉啊。

除了牛扒一般好食，但其他都超正，會再去幫襯：1)服務好細心，有禮物2)啲位坐得好舒服3)推介明太子意粉，好鮮美，又creamy, but at the same time it doesn't taste too oily or greasy or strong the flavour. Definitely should try it out!!!! The price is rather reasonable in my opinion. A good place to hang out with friends and grasp a bite.

今日同食肉獸男友嚟到青衣呢間當下到撐下枱腳😋男朋友平時返工會成日經過呢度，佢話每次經過呢間餐廳都俾佢門口吸引住，一直都想帶我嚟試吓，今日一收工就過咗嚟試啦😍可能今日星期一餐廳唔算好full，餐廳播住啲好輕鬆嘅歌，加上燈光關係，令人有一種好舒服嘅感覺🥰介紹吓我哋今日嘅晚餐先🍽和風明太子意粉🍝呢個我覺得味道會比較濃，個汁冇得輸，真係會食唔停，（我食咗兩啖就已經比男朋友食哂了）😭卡邦尼意粉❤️我嘅最愛🤪曾經我以為卡邦尼好難整得難食，但我真係試過出去食，係整得好難食😂後尾問人先知原來個汁好緊要，呢度整嘅卡邦尼好好食，個汁嘅味道調得啱啱好，食落唔會覺得好漏👍🏻意粉軟硬度適中，口感非常好，我會比90分🎊一口和牛粒👏🏻呢個大家真係一定要試吓，我同男朋友都讚口不絕👍🏻分量唔算好多，但真係好食👏🏻咬落一啲都唔會覺得硬，同個汁好夾，非常滿意利個👍🏻另外想讚下嘅係，佢跟餐嘅餐湯一啲都唔馬虎，忌廉蘑菇湯咁普通嘅餐湯竟然可以做得咁好，絕對同我哋喺出邊飲到嘅忌廉蘑菇湯唔同，睇得出佢呢間餐廳真係非常用心製作👍🏻