登打士茶餐廳

营业中

休息中

同男朋友購物經過油麻地，一直同男朋友都鍾意食中餐,尤其是鍾意廚師煮出嚟嗰種鑊氣真係好美味。這間餐廳特別之處就是早餐午餐特別豐富。用料特別講究。早晨雞蛋是用美國雞蛋新鮮而且營養豐富,適合喜歡運動嘅男朋友。適合喜歡運動嘅男朋友。加上距地無敵凍奶茶簡直就冇得彈。餐廳位置鄰近地鐵站基本上走兩分鐘就到。真係非常方便。男朋友叫左個芥蘭炒牛肉。這個午餐特別之處是牛肉非常新鮮。可以同日本嘅和牛有得比。我自己女仔比較鍾意凍檸茶，有檸檬味而且紅茶v gd..無論裝修服務我自己覺得唔錯。😊

餐廳：登打士茶餐廳 (油麻地)地址：油麻地砵蘭街105號地舖貓cafe就見得多，貓茶餐廳你又見過未🐈？油麻地砵蘭街有一間登打士街茶餐廳，餐廳主人養咗幾隻貓，吸引到我專程過去朝聖一下貓貓們🐱，中午時間嚟到都坐滿晒人😎叫快餐都係$48，仲要每日有唔同嘅選擇，就連每日嘅例湯都唔同，今日飲嘅喺冬瓜薏米豬骨湯🍲，超足料好入味，飲落亦唔覺加咗味精叫咗個乾炒牛河($48)同臘味生炒糯米飯($48)，呢到嘅嘢食都幾有鑊氣🔥，乾炒牛河唔會好多油，每條河粉都好分明，唔會痴埋一舊舊；而糯米飯香得嚟仲加咗花生喺入面🥜，食起上嚟仲增加咗口感，我同朋友都覺得好掂🤤值得留意嘅喺餐廳唔同角落都有好多貓貓嘅元素，無論牆上、餐牌等都有，非常特別；不過有啲人喺餐廳外食煙🚬，食嘢果陣時不時會聞到陣陣煙味

早前經開旺角附近又有d肚餓，就走咗入登打士茶餐廳醫肚，今次點咗椒鹽豬扒、魚香班腩煲同埋 川味辣子雞。椒鹽豬扒超厚身而且椒鹽煮得好惹味，絕對係送飯之選。魚香班腩煲份量超多，茄子超大塊及新鮮，斑腩亦都好有魚嘅鮮味。川味辣子雞就比較辣，食得辣嘅朋友一定鍾意，因為指天椒嘅辣味出曬嚟，雞件亦都好嫩滑，亦都係送飯之選。值得一提既係呢度有兩隻可愛貓咪，可以畀大家打卡影相，兩隻貓咪都超可愛而且好靚，鍾意貓嘅朋友可以嚟呢度探一探佢哋㗎！

一早就去食番份醒神早餐先，肚子餓就會無力工作💪🏻但我又想食早餐，又想食午餐，咁不如叫常餐啦🤭 常餐 $45我叫咗份 雞翼公仔麵餐🍜，有4隻炸到金黃色嘅雞翼🐣，外層香脆，內裡肉質嫩滑；公仔麵麵質適中，唔會太淋 套餐配埋 火腿奄列 + 多士滑蛋包住暖粒粒嘅火腿絲，烘得好香脆嘅多士🍞 柑桔檸檬 🍋 (特飲)冬天啦❄要飲番杯熱辣辣嘅柑桔檸檬，酸酸甜甜夠哂好飲，仲可以滋潤喉嚨又暖胃 登打士茶餐廳 (油麻地)油麻地砵蘭街105號地舖

無論餐牌、宣傳海報等，都有貓貓的蹤影，這兩隻定是鎮店之寶吧。可能晚餐時分，兩只可愛小主角暫不在店，無緣見牠們一面呢。芫茜滑蛋治身為芫茜愛好者要一試，吐司塗上一層牛油，烤得脆脆，夾著飽滿的餡料。厚厚的蛋帶濃郁芫茜香。雞蛋滑溜，芫茜切得碎碎的，令其味道更為突出。雖然餐牌有很多小炒、粉麵飯的選擇，但還是簡單點一份常餐已經夠了。叉燒米線滾熱的湯，即點即製作。叉燒偏瘦，是我喜歡的肉質。另外還有多士配雙蛋，份量剛好。

今日上完堂有少少肚餓，啱好見到間茶餐廳就入去叫左個下午茶餐醫肚。雞脾沙律配杯我風雨不改的凍檸檬茶。雞脾外脆內嫩，一口咬落去，仲好juice，生果沙律酸甜可口，仲加左我鐘意食的薯仔。凍檸茶清爽唔嚡口，甜度適中。可能係太開胃了，我又叫左個西多士，個西多好厚身，上面的牛油仲係新鮮牛油，岀邊煎到金黄色好靚，入邊好軟，咬落去，有唔同的層次感。餐牌好得意，有貓貓圖片，不過更開心原來真有貓貓見到。白色隻貓貓好八卦，係咁睇住我食嘢，黄色貓好可愛，仲攞頭來磨我的脚。好開心的一個下午茶，下次過來一定带零食俾你食。

在旺角登打士街及砵蘭街交界，這間登打士街茶餐廳牌匾亮麗，招牌金黃色有七彩燈光閃耀着，再向街上的路人揮手。餐廳內全是卡位，很闊落坐得很舒服。兩個人叫了兩個小炒套餐及一個白灼菜心，份量好多吃不完。⭐️小炒皇 $73 - 炒得夠香，又能夠保持適當的濕潤，伴著XO醬、蝦乾等材料鹹鹹香香，鑊氣十足好好食。材料有必備的都是韮菜、蝦乾及魷魚，韮菜好新鮮，爽脆又帶有幾分蔬菜的甜鮮，不錯。⭐️黑椒薯仔牛柳粒 $82 - 份量有誠意，牛肉好多，而且肉質稔身好易咬開。薯仔吸收了黑椒及牛肉的精華，零舍入味。⭐️白灼菜心 $30 - 煮到軟硬適中，不會太硬或太老。每一個小菜套餐都包例湯、白飯及熱飲（凍另加$5），感覺好豐富踏實。

今晚想食下家常小菜，行過油麻地見到哩間餐廳貼左好多貓貓相，原來真係養左兩隻好可愛既貓貓😜佢地叫金金同白白，鐘意貓既朋友一定好喜歡☺️呢度既野食質素都好好啵☺️🔸蘿蔔豬骨湯無味精而且好足料，蘿蔔同粟米有好多呀，味道夠哂甜，加埋大大舊豬骨煲出黎既湯又點會唔好飲呀，真材實料正呀！🔸蝦仁炒蛋大大碟呀，蝦仁整得好爽口，蛋亦都好香滑，最最最重要既係師傅唔會用好重油去炒，所以食落口唔會有油腍腍既感覺，好健康呀☺️🔸霸王雞勁吸引人呀，鋪喺面嘅薑蔥好大量，賣相一流呀。雞肉好滑呀，加上雞味好濃，配搭十分足料嘅薑蔥，味道互相補足，好有驚喜呀😍🔸白灼菜心好新鮮，火侯都掌握得好好，菜唔會好老，食落去都好爽，好好味😋

油麻地砵蘭街，好多茶餐廳，今次行過呢間門面四正的茶餐廳，就入去食下地道港式嘅平民晚飯煲仔菜晚餐。價錢煲仔菜$70左右，包一個小菜及麗湯以及白飯，飲品只需加$3 ，加$10就有得飲。海鮮粉絲什菜煲份量好大埔，而且有魷魚、蝦、知足、以及不同種類嘅蔬菜，湯底味道唔會太鹹，真係有好多新鮮蔬菜，好健康嘅一個煲仔菜。另外都有好多蝦乾，所以好有海鮮味，仲有粉絲，非常之滿足。魚香茄子煲非常地道嘅港式魚香茄子煲，撈飯食最好，非常惹味，好香嘅鹹魚味及肉碎，送飯真係一流，正！

今晚在油麻地搵了間茶餐廳，叫了幾個小菜同朋友一齊食晚飯。晚市除了有多款小菜外，還有常餐及客飯等。小菜跟了餐湯及飯，冬瓜薏米豬骨湯味道清甜去濕。豉汁蒸倉魚有兩條，豆豉味滲入魚肉內，魚肉結實雪白，而且嫩滑。朋友想食酸野，所以叫了西檸雞，雞扒炸漿薄，而且即叫即做，所以上枱時依然香脆，份量很多，帶點檸檬的酸甜，十分開胃。西蘭花炒鮮魷的魷魚爽口彈牙，西蘭花爽脆。加了$10要紅豆冰，紅豆很腍有椰漿香，不過略甜。

今日要出嚟上堂，八點幾在咸美頓街下車，看看最近的地方有甚麼茶餐廳有早餐食，看到這間登打士茶餐廳，貪方便，就試吓吧！叫了個早餐B，火腿蛋(正常唔差的)配沙嗲牛肉麵(個麵未淋得曬，要浸一陣才食得，沙嗲汁ok的，牛肉有點嚡)。在等待食物期間，見到店中有兩隻貓，一隻很悠閒的行出門口，一隻跳上近門口的紙箱八卦中😂，我對貓狗都不抗拒，只要牠們不要把身上的毛跌落我的食物上便可以了，再看餐廳內在環境，近收銀檯位置有幾張與店中兩隻貓有關的圖片，相信店主應該十分愛錫牠們，因近收銀檯不便拍照，就由愛貓人士自己過來看吧～想不到一間平凡的茶記，竟然有這不平凡很有愛的畫面。

今晚在油麻地有事做，隨處走走去醫肚，便走進這食堂。隨意點了1.號和2.。豆腐斑腩飯熱騰騰送到，豆腐分量比斑腩多，女士可以，但男士就可能不夠飽。豆腐囗感可以，斑腩是炸魚件，正常茶餐廳味道，獻汁正常。葱油雞肶飯，分量適中，白切雞肶質素中規中矩，囗感可以，配上葱油，確是一絶，非常有香港特色。並配上烚椰菜，醫肚子確不錯。凍好立克味道正常，不會太甜。熱檸水，正常分量。總體來説，這港式茶餐顧廳，是我們普通市民趕着醫肚子的好地方。

扬州炒饭有锅气！琴晚打包豬扒雞扒飯好味，出品唔錯，會繼續幫襯了！住在這裡，吃過多家川味好味，但食過口渴的至，其他都有一兩次失望，唯獨最樸實的茶餐廳，給的是穩定的出品，不容易！

是夜開工開到好晏，行極都好多鋪頭都話已收工。行行下行到油麻地，事旦入去食。都仲有幾多人，環境衛生一般。係乜都諗唔到嘅情況下，常餐係最好嘅選擇(￣O￣;)好耐無食奄列，都幾油下，味道還可以，係少咗d。沙嗲牛肉米粉，邪惡得黎健康小小（都係唔健康）(￣◇￣;)依家常餐都唔平，都要45元。過下口癮，希望唔洗再做到咁夜喇。