發記甜品 (已結業)

初初都唔明點解呢個位置既甜品店會咁少人幫襯, 一去到未坐落已經俾個黑口黑面既亞嬸點左我地近出面既枱坐. d櫈又三尖八角, 坐得好辛苦.坐低之後, 我地打算叫野時, 舉左好耐手都無人理. 你估做得waiter凈係企係度發"out dull"就得咩. 果個黑面亞嬸同個收銀又掛住吹水, 真係火都黎. 成間野得果4成滿, 你仲要唔識珍惜d客. 卒之個收銀見到我地舉手, 示意俾個亞嬸聽, 佢亞嬸不單止無即時走黎serve我地, 仲繼續扮見唔到. 向我地方向望一望, 然後繼續吹水. 之後係另一個女仔走過黎問我地要咩/亞嬸, 你以為自己間野有"sheh"真係自然香呀. 講真, 呢度既d甜品質素同滿記可能差不多, 但d服務就差天共地. 人地個個後生仔女又醒目做野又快手. 就算坐滿人, 都唔會舉手無人理.你咁既態度, 我誠意祝你地間舖早日摺埋, 費事你再影響市容.

一條人行過哩間發記見未食過咪入去試試, 店舖d姐姐唔係傾電話就係勁吹水，似乎得一個人見我入左去坐。點了榴槤飄香一個，唔知係味淨係叫得一味，個姐姐唔多高興，瞄左我一眼唔出聲走左。一個人唔通叫十幾樣野?! 點食牙?! 跟住，唔洗三十秒就拎左碗榴槤飄香比我，好明顯向雪櫃度羅黎，完全唔係即叫即整，同豉油街個間無得比。仲有個榴槤汁勁稀，沙日柚係苦。食完仲要個口無榴槤味，可雖然之佢落料有幾重!未試過食甜品食到咁唔高興!!! =( 下次有得揀都唔會食哩間!! 豉油街服務同食品質量較佳!

深井發記甜品發記甜品旺角雅蘭中心開設分店，喜愛甜品的為食貓又多一個選擇。中午時份，顧客唔算多，但係因為公司隔離，所以我地都係選擇拎走慢慢嘆。聽講依度選用既係超甜芒…所以我立即選了一個芒果班戟($25-/3件)、凍涼粉配花奶($12-)、熱紅豆沙($16-)、凍紅白($21-)。整體黎講…份量唔算多，唔知係咪外賣碗偏細既關係。班戟果然名不虛傳，皮簿涵多，Cream又滑又香；涼粉大大粉，配上奶味充足的花奶…簡直係我的心水選擇；豆腐花(紅白)就略為稀了點，不過豆味尚算濃。個人認為發記比起滿記好食，整體質素較好，而且店員親切有禮…值得推介。

有一天好想食糯米糍, 於是來到發記試吓:1. 芒果糯米糍($32): 招牌甜品, 果然好味啊, 捨不得一口吃完, 芒果好甜, 糯米皮ok, 但唔夠'un' 2. 芒果班戟($23): cream 與芒果的份量剛好, 賣相標致,圓圓的漲卜卜, 好似枕頭仔3. 芒果沙冰($25): 應該是用新鮮芒果打的, 好清新~樣樣都好味, 如果平番d 就好啦~

食完晚飯..唔係好夠bor..見有人係街派贈券..送芒果布甸一客..又唔想成日去許留山，就試一試..可能比較早..9:30pm..有位..叫左水晶什果、楊技甘露、仲有芒果布甸(送的)。芒果布甸唔錯wo~~都幾有味..細件左少少，佢有兩層的..下層cream 底...okay ah~~下一樣楊技甘露，水比較多..稀左少少，麻麻地好咁la...登登登登!!!最後水晶什果，隻碟好大隻，除左佢有雜誌介紹外，側面台又食緊.其實係新鮮什果0者0里，加埋芒果汁，諗住好食...點知..0的0者0里可以一點味都無..就好似食膠咁..硬個隻，嘩..佢0的芒果汁加入去..無乜大分別??有咩好食呢??0者0里係水加魚膠粉，好似七彩蠟燭咁...如果你要食發記..唔建議你食呢樣!!!補充，樓面唔夠伙記!!食左一半..入唔到肚...頂唔順..埋單$55

與龍兩個人分一個餐\，當然會有下文。第一次食發記覺得很美味，惜那時太飽，有數款甜品試不到；週二旺角之夜，我們特的留了肚，來再訪發記甜品。　今次光顧的是雅蘭分店，環境真是一間比一間靚，這間還有水晶燈!時間尚早關係，我們彷彿包場，感覺寫意。上次錯過了焗酥皮卷，今次當然要償願，即點一個焗榴槤酥皮卷($36)；此外又點了一個芒果布甸($16)及蜜瓜汁($20)解渴。　焗類甜品製作需時，芒果布甸及蜜瓜汁後叫，卻先上。發記芒果特甜，因此芒果布甸也特別香甜好味，而且布甸本身也非常幼滑；然而，我覺得在楊枝甘露中大大啖食芒果更過癮。蜜瓜汁普通之極，不值$20，不推介。　終於，期待已久的焗榴槤酥皮卷上場：聞一聞，又香又臭的，還是試味吧!之前期望較高，試了大家都失望：我們都覺得榴槤與焗酥皮卷不太夾，而且榴槤這生果都是凍食美味得多。$23的榴槤班戟，絕對是好食又抵食得多!　憧憬結束。原來最好的，在我們未曾察覺的那刻已降臨，之後離開。我們都也離開，繼續去玩!　P.S.《冧歌有情人》都不錯的~~

我地叫左一個楊之金露,一個芝麻糊豆花加芒果糯米池..等左好耐d甜品都未黎...差唔多成10分鐘呀,成間鋪得2個人落單...坐隔離枱遲黎過我地黎...但唔知點解人地有得食先囉..原來落漏單囉....落漏單唔緊要...仲要落錯單....仲有跟本做唔切..我見到有d甜品放左係度超過5~6分鐘都唔拎比d客...幾好味都係假...要咁等法呀