白熊喫茶店 (已結業)

今晚約左老公放工去拍拖，係九龍灣德福廣場會合，未有心水食乜好，唯有邊行邊揾食。見到間白熊喫茶店，比佢的門面裝潢吸引著，簡潔清新。望望餐牌，感覺以健康為主，一於入去一試，員工服務態度有禮貌。日本溫泉蛋花蝦銀魚絲沙律—銀魚絲咸咸地，小小脆身，幾香，配上沙律，幾特別，幾夾。北海道牛乳蜆—用牛乳黎炒蜆真係第一次食，出奇地好味不太濃，感覺健康，清新，唔錯唔錯  和牛芝士咖哩漢堡飯—日式咖哩甜甜地不辣，漢堡肉質鮮嫩多汁，口感豐富。健康綠茶－有一種綠茶特有的甘香味，當中混著香香滑滑嘅鮮牛乳味，配脆脆一齊食，味道捧極了。mocha －老公話稍為甜了一點點，但有濃濃的朱古力及咖啡味，不錯

復活節假黎到德福廣場行街，行過見到相當吸引的雪糕bar, 而且仲寫明係用北海道3.7 牛乳造既, 即刻入去試!左揀右揀，最後揀左隻白熊戰船!佢之所以係無敵，相信除左因為佢係"戰船"之外，可能係因為佢係menu內唯一有齊兩隻雪糕味既組合掛....3.7 牛乳原味軟雪糕:入口奶味極濃郁，雪糕無比滑溜，冇得輸。3.7 牛乳綠茶軟雪糕:綠茶味清新香濃，奶味仍然純滑濃郁，確係令人心醉。紅豆:平時好怕出街食紅豆，因為出親街食多數都係超硬唔起沙....但好驚喜呢度既紅豆竟然熟透而且起起沙!糖度適中真係好好味!水果配料: 士多啤梨、藍莓、香蕉都新鮮，非常唔錯的一個香蕉船呀!食完雪糕飲番杯玫瑰花茶, 大大壺都係三十幾蚊。 見到隔離枱個個都食流心蛋飯，個樣好似都幾靠得住，下次一定要黎試過先得!

清明節，看《美國隊長2》前先吃下午茶。原來德福廣場開了白熊喫茶館，最喜歡試新餐廳的我馬上入內光顧。時間是四時多，顧客不多，裝修簇新，感覺舒適。看看餐牌，大部分選擇都有咖喱，令我想起之前在上環光顧的白熊咖哩，根本同出一轍，何必要把餐廳改名為「喫茶館」呢？餐牌第一頁有介紹「喫茶館」一詞的由來，大家有興趣可自行找答案。食物價錢都在$60以上，價錢不算經濟實惠，於是我向一個年輕的男侍應查詢，便出現以下一段對話～我：下午茶有冇Set呢？侍：咩野係Set呢？我：(呆了兩秒)即係套餐，有野食之外仲有野飲。侍：我唔知道，我係新丁黎......我幫你去問下。以上內容是真人真事，絕無增減。我不能說該侍應沒有禮貌，他雖則漫不經心，但語氣不算差，我只是對回應感到詫異，我以為在餐廳「叫Set」是很易理解的嘛！後來我發現自己的湯匙有明顯污垢，找來同一侍應要求換一隻乾淨的，他卻一去不回，或者「新丁」尚要時間學習吧！同場的另一名侍應亦疲態畢露，公然誇張地張大嘴巴打呵欠。我不禁想知道他們是何時開始營業的，找來一個經理級的男職員來問問，原來餐廳昨天才開張，難怪大部分人都未進入狀態，服務有待改善。我吃了人氣白熊豚肉球咖喱奄