百份百餐廳 (+WOO嘉湖一期)

营业中

休息中

原本一路都有幫襯開，但今日既服務真係令我唔會再打算幫襯。一心想食雞煲，今日特登早啲黎攞位，又一早問定職員重有冇，佢答我重有好多，疊埋心水等枱食啦，等等吓唔對路，係咁叫2人坐4人枱，第一張我都好有禮貌問點解，好啦佢都照俾個阿姐坐咗落去佢兩個人嘅啫，跟住第二張個阿叔啱啱入嚟連飛都冇攞嘅又俾佢坐咗張四人枱，我今次真係忍無可忍，直頭走入去話啲職員點安排，好啦，搞完一大輪已經搞到㷫烚烚，跟住叫佢同我落雞煲，跟住同我講話賣晒，真係火都嚟，以後都唔使黎！講真香港而家經濟已經咁差㗎啦，真係俾你哋呢啲咁嘅職員搞衰哂！

在假日的上午，我們光顧了意樂餐廳。雖然客人不少，但幸運地立刻有位。餐廳的裝修風格頗具新港式茶餐廳的韻味，讓人倍感舒適。我們點了雞扒和豬扒早餐，兩者都經過精心烹調，肉質鮮嫩多汁，外皮香脆，令人垂涎欲滴。搭配的多士酥脆可口，抹上黃油後更添風味，煎蛋的蛋黃剛好流心，與粟米的甜味相得益彰。再來一杯冰檸茶，清新的酸甜感讓人神清氣爽，而冰奶茶則濃郁香滑，完美平衡了餐點的味道。整體來說，食物的美味讓人印象深刻，而價格也相當合理，物超所值。此外，員工服務態度非常有禮，讓用餐體驗更加愉快。非常推薦給喜愛港式早餐的朋友！

今晚又唔知想食咩🤔? 咁就周圍去行下，係我唔知食咩嘅時候，我除咗會去食"牛腩河"之外，我就會去食"叉燒炒蛋飯"🙏📝一講到依碟飯🍚...就不能不講依間，平、靚、正! 我今日再加多少少錢💰，升級咗個凍🧊檸茶。唔好講笑，唔好以為燒臘店嘅叉燒炒蛋飯一定好食，佢嘅叉燒炒蛋飯唔會輸俾其他店舖✌️佢個餐包用咗"牛角包夾芝士火腿"，好邪惡😈!! (備註：唔好成日食個餐包，因牛角包🥐有反式脂肪，再加埋芝士)。而佢個沙嗲牛麵🍜好食，個沙嗲汁調校得好好，d 牛肉不厚不大。這間間嘅沙嗲牛都好食，最後杯凍奶茶正常不苦。

本人在12點零幾分午飯時間排隊攞飛進入餐廳食飯，坐低冇耐就叫左個炒飯，期間樓面落單多人要等我體諒嘅，果間餐廳手機上網差收唔係好到訊號，我唯有叫人手落單，由於返工得1個鐘時間食飯，我有少少心急，等左5分鐘左邊終於有侍應得閒幫我地落單，叫左個麻辣炒飯一開始以為可以好快食完即刻就走，點知一個餐都冇黎，而等緊用餐期間都已經見到對面枱出左3個麻辣炒飯 ok～唔緊要可能人地早落單過我，點知一等就等左10分鐘，我再去問一問侍應個餐整好未，佢諗都唔洗諗 就好悠閒咁答我就黎搞掂，我就耐心咁等…..又過左10分鐘都已經成12點半，我再大聲小小搵侍應問問：佢個炒飯等左成20分鐘其實究竟搞掂未？如果未煮到就唔要個餐 同埋埋單，陣係埋野飲單。點知個侍應答我：廚房出多咗 （係佢自己出多餘左個外賣 麻辣炒飯），你要唔要啊？唔要就叫我再等等當時已經係12點40咁左右，我1點鐘要返去開工，咁我唯有好無奈地同個侍應講照要，佢重要就咁原風不動出個外賣紙碟嘅炒飯俾我，換個碗嘅時候都幫我慳返，我真係第一次俾錢食個飯 食到好似要求人 要飯咁，好委屈！如果係有心做生意，食物品質固然重要，但睇黎就差少少對員工嘅培訓！

由呢度開業到而家嚟10次有九次都係食蠔仔肉碎泡飯，以前嘅蠔仔肉碎泡飯裏面加咗方魚脆脆，又加咗一啲好似菇質感嘅配料，我唔知嗰啲係乜，但係好好食，整體加起嚟提鮮提香，後來冇咗方魚脆脆，就已經冇咁好食，跟住冇埋配料，就係度度都食到平凡的蠔仔肉碎泡飯囉！另外今次點了新產品香滑紫薯牛奶，平時我食嗰啲紫薯冇乜番薯味，反而黃色嘅有番薯味，杯飲品又有黃色嘅番薯味，但係係紫色，我都唔知要點樣形容😅！雞翼好抵食，12蚊有3隻，香香脆脆，但係冇乜五味，即係我唔知佢想隻雞翼原先係想整甜酸苦辣定鹹，不過prefer鹹味會好食啲🤣🤣！由呢度開業到而家嚟10次有九次都係食蠔仔肉碎泡飯，以前嘅蠔仔肉碎泡飯裏面加咗方魚脆脆，又加咗一啲好似菇質感嘅配料，我唔知嗰啲係乜，但係好好食，整體加起嚟提鮮提香，後來冇咗方魚脆脆，就已經冇咁好食，跟住冇埋配料，就係度度都食到平凡的蠔仔肉碎泡飯囉！

人多等25分鐘外賣, 平時都接受. 但今次等超過40分鐘, 太離譜. 星期四11：30 叫2個午餐外賣, 要追多次先處理, 明白知道有幾張單有十幾個餐,好多外賣, 但員工唔識分量處理, 唔會先做少餐嘅先, 叫枱堂食都會分人數, 外賣又唔會, 每次問仲有幾耐, 只識答有好多外賣,未得, 又唔話有幾張大單要等25分鐘以上, 知道太耐, 客人可以選擇唔等嘛。叫外賣想快, 但變咗仲耐過堂食, 員工嘅處事應變能力有待培訓。

今日難得放假，諗住去銀座百分百食下午茶，我地一行5人，拎左張籌，無員工安排入座，但不斷俾4位以內既人入座。直到我地問員工可否安排一下，佢地就叫我地隨便坐，直到隔離枱走就要埋隔離。到叫餐時，好無禮貌咁。。講number, 下一個餐number 呢？唔該都無。態度超差。

今天下午去了這間餐廳，喺門口已選中梅菜蒸鯇魚，入到去我向服務員要蒸魚但不要尾，點知服務員話不能選擇，一定係廚師話事，如果佢入去向廚房要求會比人鬧，佢一路話鬧佢唔係鬧你。顧客永遠是上帝，現在發覺上帝是你哋就真，你入到唔入去廚房問下已經拒絕客人，還要比說話我聽，之後我唔要就叫餐肉滑蛋三文治，滑蛋不是滑蛋（見相大家評估是否滑）。其他嘢都OK。

吉列魚柳乍得金黃鬆軟香脆，麥皮香牛奶味順滑，粟米粒粒飽滿又甜又多汁， 焗多士香脆鬆軟脆博博，炒蛋好好味，好鮮甜香滑，成個早餐好豐富，食得好飽好滿足，暖粒粒，熱檸水係粒粒檸檬，好健康

#通心粉 #减脂餐 #吃瘦不饿瘦 #低卡低脂餐 #温哥华brunch 大滿足吃到飽飽的豐盛早餐，多士烘焙香脆鬆軟，粒粒粟米，飽滿香甜多汁，厚度剛剛好的豬扒鬆軟好吃，加上太陽蛋放在火腿通粉一起吃可以變成湯底濃郁非常好，配上一杯熱檸水非常健康 10:00食早餐冇咁多人爭位，同埋坐得舒服啲可以慢慢嘆

午餐🌶️椒鹽豬排飯$57望落好辣 實際吾辣 豬排新鮮軟口 不會死咸略嫌椒鹽味不重熱杏仁霜好大杯 等於平時熱飲兩杯的份量 而且好濃好滑🌶️麻婆肉鬆豆腐飯$54望落超正🤩見到好多枱都點左，食辣好香麻味，略嫌不夠咸，但都算抵食同足料！凍檸茶📍 百份百餐廳 (+WOO嘉湖) (天水圍)天水圍天恩路12-18號+WOO嘉湖一期地下G77-78A, G79&G80號舖🔍#nseat_天水圍#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨 #食評 #美食推薦 #天水圍美食 #天水圍 #椒鹽豬扒 #麻婆豆腐 #麻辣 #辣 #百分百餐廳

疫情近尾（希望係），期間都有同家人出去吃飯同聖誕，但無乜影到，今日收工去咗呢到食飯，叫咗個胡椒豬肚雞湯加飯凍檸水諗住天寒地凍暖吓個胃同身，一上枱見佢少少奇怪，第一啖湯入口，鹹度還可以，但硬係爭咁啲⋯⋯食吓飲吓，終於知道爭啲乜⋯⋯唔該⋯可唔可以比樽黑白椒我自己加落去⋯⋯🙄🙄，找粒椒睇吓都無(唔好話我知溶咗入湯呀），一啲辣都無⋯唉⋯⋯鷄好啲起碼無翼同尖，豬肚有三條加兩嚿⋯估唔到今次⋯⋯直昇機⋯伏伏伏伏伏🤦🤦🤦

為咗避開人潮，揾食肥華原本約好，大細仔仔1月14日提早食團年飯，但細仔仔突然中招，宜外出，肥華和靚媽就改變一家大細在酒楼食團年飯嘅安排，而改到大仔仔住處附近商場呢間餐廳，食晚飯而今晚此餐廳嘅中式套餐，給肥華嘅感覺真係怪怪哋，每樣嘢唔講得好食，但又唔算係難飯，個價又唔算係平，但又唔話得佢收得貴，最奇怪係靚媽個杯熱檸水，和肥華杯凍檸茶，竟然杯内係冇檸檬嘅，但兩杯都有檸檬嘅味道，在呢間百份百餐廳，肥華自問俾佢百份百考起，差啲唔識點俾評分給呢間食店🙇‍♂️🙇‍♂️🙇‍♂️

百分百嘅早餐同午餐平時返工都經常食，你今日同事去叫外賣嘅時候問我食啲乜，鍾意食辣嘅我睇到餐牌之後見到有一個麻辣牛肉炒飯隻眼即刻發光😍未到我覺得唔錯，好香口，花椒同乾辣椒嘅份量都幾多，都幾惹味㗎，但係就冇我想像中咁辣，而我每次必嗌嘅就係佢哋嘅凍檸茶，因為同出邊普通茶餐廳好唔同，佢哋嘅凍檸茶每一杯都唔會有檸檬片，因為佢哋已經將檸檬篤好之後，隔走咗檸檬片、真係超方便飲落去又唔會苦，去親百分百我一定唔會嗌第二樣嘢，一定係嗌佢哋嘅凍檸茶，真係好出色，真係冇第二間茶餐廳可以做到呢樣嘢👍🏻👍🏻

叫左跟餐具都冇跟，造成用餐唔方便，影響用餐感受，希望改善！！！三個餐嘅口味都可以，但係梅菜蒸魚腩果個餐嘅米飯口感唔夠好，希望商家可以親身體驗，改善一下，期待下次外賣有唔錯嘅用餐體驗