百份百餐廳 (天平商場)

营业中

休息中

唔知食咩好呢？左睇右睇，睇完又再睇，是但食個未試過架啦。焗米蘭芝士火腿肉醬意粉，一見到碟焗米蘭芝士火腿肉醬意粉完全覺得係個兒童餐，跟住先發覺原來依個係 mini tea set 黎架，所以份量同 size 都會細少少，賣相十分 cutie 囉。食兩啖覺得好有屋企既味道，好清淡、好簡單，正接無花巧。意粉質感剛剛好，唔會濕淋淋或腍劈劈，合格。肉醬同芝士都免強足夠，但無舖滿成隻碟唔好睇囉。點解叫做焗米蘭芝士火腿肉醬意粉呢？到底係塊芝士叫米蘭？定係廚師叫米蘭呢？

太陽蛋雞扒公仔麵配意大利蕃茄濃湯，點解係蕃茄架？﹗我睇 menu 時仲依為上面先係蕃茄濃湯，下面係照舊添 ﹗是但啦，試試無壞既。嘩 ﹗好難頂喎，湯底茄水乍喎，水汪汪勁稀，唔夠濃又唔夠厚，仲要有極濃洋蔥腥味 ﹗我唔食洋蔥架 ﹗雞扒今日特別淡口，都唔知食緊咩，得層皮有味。太陽蛋都正常，最好食係佢囉。真係頂唔到嗰種茄水洋蔥味 ﹗要落兩包辣椒油救命先得喇，但辣椒油都無味呢，淨係得油味。是鬼但，求其快快食完去買野預備今晚 BBQ。

急急係樓下食個麵又要急急去街市買送喇 ﹗今晚又黎住家飯，不過人少少，四個人啫，應該唔會太辛苦。太陽蛋雞扒福字伊麵，隻煎蛋，哈哈 ﹗用心地用蛋架煎太陽蛋喎，好耐無見過喇 ﹗蛋黃程深橙黃色，預計之內蛋黃特別甘甜香濃。好有趣，難得有福字伊麵供應，梗係伊麵底啦。湯底都合格，麵質都滿意，如果個湯再熱一點更好。雞扒就免免強強喇，可能放左好一段時間，所以有點乾硬，味道就不過不失。

天平邨的百分百剛開業的時候,食物美味,服務優異。但日子耐了之後,質素就每況愈下。侍應轉了N次,有如一個新人訓練基地。最緊要都係食物,剛開業可能是為了打個好名聲,食物份量大,美味。就連份蒜香多士都非常美味。但日子耐了之後,食物份量減半(以扒類為例),蒜香多士變成咸味多士。天平邨的食肆餐廳競爭對手少,本來是最佳選擇。現在成為逼不得已的選擇。

今晚去朋友仔度 BBQ，又係我做大廚 ﹗求其係樓下食個早午餐，就立即要買野返屋企預備食物喇 ﹗之前已經試過海南雞同叉燒，今次第 3 次幫襯，就試您個焗豬先啦 ﹗青紅蘿蔔瘦肉湯，今日既味道正常好多，有翻少少味道，唔難飲，但焗豬扒飯配中湯怪怪的。鮮茄焗豬扒飯，傳說中既螢光汁再現江湖？鮮紅色既茄汁賣相都幾好，不過吸引力有點弱，而且香氣欠奉，心想到底好唔好食架？得唔得？掂唔掂架？鮮茄焗豬扒飯，得奬焗豬扒飯？依間餐廳咁多菜色攞奬架咩？試一口先，嘩 ﹗掂喎 ﹗炒飯底充滿蛋香又乾爽，唔會濕淋淋黐埋一舊，無偷懶。特別地用既係珍珠米，既飽滿又嚥嚥韌韌 ﹗我一向都好討厭用珍珠米黎炒飯，因為水份較多又唔夠粘米香，但係依次真係好好味 ﹗加上香濃鮮茄醬，甜得黎帶少少果酸味道就更加開胃，撈埋完全熔化左既芝士，非常香口惹味。初時見到塊豬扒好似薄益益，有點失望 ﹗不過當大啖咬落去時，又覺得厚薄適中喎，不乾不硬，而且充滿肉汁，軟棉得黎帶咬口，無渣唔會刮口 ﹗醃味香濃而且豐富 ﹗Good ﹗

功夫叉燒飯套餐，見佢話叉燒係招牌菜，好 ﹗今日就試您 ﹗上次雞，今次叉燒，試左中國三大名菜之首先 ﹗燒味 ﹗青紅蘿蔔豬骨湯，事隔兩日，今次師傅記得落鹽喇喎。個例湯終於似返碗例湯喇，味道幾好。功夫蜜味叉燒，嘩 ﹗食得吓喎，比想像中好食百倍。入口質地軟棉，不乾不硬，豬味香濃，散發出淡淡甜味，仲叉燒 BBQ 香味。滿意，可以添食，如果可以再腍一點、肉汁再多一點就更正啦 ﹗腩汁菜芯，咩黎架？食落好老又粗糙、又乾又唔甜喎 ﹗劣，但都食晒。功夫叉燒飯套餐，滿意抵食，平靚正、快狠準，good ﹗

富園執左後就變左百份百喇，新進快餐店。第一次黎望望，當然要睇清楚個 menu 啦 ﹗以快餐店黎講，佢地既菜色多到嚇親我 ﹗中、港、台、日、意、印、等等。發現好多菜色都話攞奬，又話出名，係咪真架？咖哩、叉燒、蕃茄都好出名？凍齋啡走甜，正常味道，快餐店質數，合格。海南雞飯套餐配油味飯例湯，話晒第一次，試樣簡單既先啦 ﹗最緊要穩陣。蘿蔔，嘩 ﹗唔係掛，一咬即吐 ﹗又苦又澀又有渣 ﹗劣 ﹗青紅蘿蔔豬骨湯，噢 ﹗好清純呀，淡如水。睇落好多料，但水汪汪，居然要我自己加鹽，師傅唔記得落鹽？海南雞飯，點解會用鹽水雞呢？海南雞應該係白切雞黎喎，點解變左咸雞架？好采都唔難食，雖然無咩雞味，質地都夠腍，髀肉都滑，又唔係太肥，咸雞配上薑蓉同油味飯都幾好味。飯帶微微雞油香，又唔係話太濕，滿意。

今次係我第二次嚟食嘢喇，第一次嚟食嘢都差不多一個半月了，今天因有朋友來探我，本來都想去海港飲下午茶的，但酒樓實在太噪了，每一次傾計都好似鬧交咁，所以我決定轉場，一行四人沖去百份百餐廳。嚟到的時候差不多四點半了，下午茶時段人流較少，所以不用等位，我們坐定定張靚卡位之後，開始睇餐牌喇，因為得一張下午茶的餐牌，因下午茶的種類都好多下，我地都選擇咗好耐(另外提一提，如果要水的話，就要問餐廳職員喇，餐廳不會自動供應水給顧客的，環保掛？)仲有，下午茶時段叫嘢食就要快手喇，唔係食物慢，而係搵人落單難，下午人手不足掛，晚上就好少少。食物終於嚟喇...登登登...登第一樣係一口西多士(忘記影相喎)失察，雖然餐牌寫一口西多士，只係張一件西多切咗四份，如果口大的都可以一口的，西多ok，不過無糖漿就差少少嘢喇。第二樣食物嚟喇...就係上海粗炒第三樣嚟喇...開估...芝士焗雞皇飯依個食物就等耐咗少少，一放低焗飯顏色好靚好吸引，香味引到我流哂口水，急不及代食喇...芝士味比較淡(筆)起的時候都有芝士絲喎，真係估唔倒，我最欣賞係d汁唔會太少，剛剛好，我就食到椰香的味道，good，至於雞肉就無乜特別，係夠味的，不錯

前後來過兩次，頭一次是平日來吃晚餐，點了鐵板餐，質素跟連鎖快餐店集團相近，價錢也是差不多，不過這裏比較容易有位，而且環境比較舒適。這次光顧我不用等位，不像新都那邊的「大」集團每到晚飯時間總是人山人海。鴛鴦扒鐵板餐是雞扒和豬扒，不會煎得太乾，味道不錯，這個10分的話我會給7分。牛扒鐵板餐很好吃，這個10分的話我會給8分。味道比上水廣場那間cafe只差一點點，但其實不應這樣比較，因這個鐵扒餐的價錢是那邊的一半而已。第二次光顧是午飯時段，可能已開業了數天，而且質素還不差，所以人潮多了。這次我等了約十分鐘才能進去。由於我十分喜歡吃海南雞飯，所以一看見餐牌有它便二話不說點了。雞肉很滑，只連著少許骨碎，醮醬汁配油飯非常好吃。這個10分的話我會給8.5分。