百份百餐廳 (華心商場)

营业中

休息中

午飯時間的餐廳都要等位，特地去華心商場的百分百，喜歡這裏座位夠多，就算要等位，只需數分鐘便能入座。潮式蠔仔肉碎野菌泡飯$60，熱氣騰騰的上桌，最適合突然轉冷的天氣，有十分充足的材料，包括蠔仔、雜菌、雲耳、豬肉碎、蝦米、白菜等，湯的味道微鹹而鮮甜，也有薑味。因為有蠔仔和蝦米，煮完就像海鮮湯，飯泡在湯裏吸收湯味，在乾燥天氣吃這個湯飯，整個人都很舒服！咖啡紅豆冰跟餐加$12，非常抵飲，手機自助落單還可以選少冰、少甜，真的非常適合自己口味。紅豆冰份量很多，微甜味配合少甜的咖啡，更能突出咖啡香味，而且有加奶，增添香滑口感，絕對是一杯特飲 。吃得整個人又飽又溫暖，埋單$72，不用加一，性價比高，上菜也快，職員有禮，值得再來。

好內無食過呢道嘅早餐，佢嘅蕃茄湯底同檸檬茶個人認為係好出色早餐煎焗流心蛋 意大利蕃茄濃湯通粉半流心滿足，但湯底同通粉退步咗好酸同埋啲粉好腍 +$4 蒜香欖油多士（個厚多士都好食）凍新鮮冷壓檸檬茶$3

平時間唔中都會食百分百早餐 午餐就好少食🤪今日突然間想試吓嗌外賣 嗌咗兩個焗飯份量都幾大 打開仲係熱辣辣同好香😋😋啲扒好大塊👍🏻汁嘅味道亦都好夠食完係好夠飽連鎖店嘅質素嚟講算係唔錯👍🏻👍🏻不過不失！

很久沒到這邊吃飯百份百以前在屋企樓下時是食堂自從搬了過這邊不順路幾乎很少去吃今天難得經過就進去吃正直午飯時間點了個咖哩牛坑腩飯可能我點餐時間有點尷尬,已經接近晚餐時間等了差不多20分鐘以上餐才到來先說咖哩味道依然是熟識的味道很有中東咖哩那種風味,很濃很順薯仔也用了焗薯吃下後可吃得出有經過烤焗處理很香吃感也不硬不軟剛剛好牛坑腩也很有脂肪感肉質鬆軟不老,也沒有牛騷味可見選料也不錯唯一美中不足是那個飯那個飯有看出是從碗形物倒出來雖然是很吸滿水的珍珠米但那個口感應該是經後期再加熱過不過飯的口感沒變得不可接受而奶茶就比較像台式奶茶店自己都寫明是立頓奶茶所以這方面是給過,再加上奶量十足很合我這種喜歡比較多奶的愛好者整體來說是合乎59元的質素最少現在很多店家收了這個價食物質素卻是將價就貨,所以是家合乎水準的店

琴晚突然好想食咖喱所以決定去附近百分百食咖哩！我今次叫咗個咖喱雞扒飯上菜好快手 落單5分鐘左右就有得食我自問對咖喱要求都幾高一定要夠香 夠辣質地唔可以太稀 又唔可以太竭我覺得百分百嘅咖喱絕對係水準以上！首先佢大大份 白飯好多啲咖喱汁都夠多 唔使驚唔夠汁撈飯咖喱汁香辣有層次 濃稠度適中唔會好油膩 撈飯食一流雞排煎得好香，鎖得住肉汁唔會好嚡熠熠以連鎖快餐店嚟講百分百嘅咖喱絕對係水準以上平時如果突然想食咖喱百分百絕對係性價比之選！

百分百早餐選擇唔算多，主打精簡，今日叫咗個鮮奶炒滑蛋，吉列魚柳配蒜香牛油多士粒粒粟米，魚柳煎得香脆，不過覺得肉質有小小唔新鮮？炒蛋香滑Juicy👍🏻蒜香牛油多士香脆可口👍🏻芝士雞蛋三文治烘底加杯熱飲$35，味道一般比較淡口亦食唔到芝士香味🥲

本身一坐低嗌咗個人過嚟落單，跟住我哋話分單，結果條友無啦啦走咗去，我以為佢去拎多一張單，點知冇再返過嚟，跟住我哋再嗌多一個人過嚟幫我哋落單，跟住過到嚟態度本身都唔好，我個朋友本身想食漢堡扒麵，結果佢話而家已經冇做，咁點解唔將佢有個菜單移走？呢啲都算啦，等嘢食等咗20分鐘，諗住問吓人哋得未，成班阿姐匿係後面傾偈，我大聲咁樣叫唔該，都冇人應，而家返工定傾偈呀？真係奉勸大家唔好食呢間！！真係好失望，之前啲態度都唔係咁

尋日去左食晚餐 叫左中式牛柳 金銀蛋炒時菜金銀蛋10分鐘就上左諗住食住金銀蛋炒時菜等中式牛柳啦等等等都仲未有連隔籬枱遲落單嘅中式牛柳已經上咗菜咁我哋就喺30分鐘嗰陣，搵咗佢哋同事追單佢地幾西利 明明見到你舉手都扮見唔到終於搵到個樓面 同佢講已經等左30分鐘佢行番黎同我地講因為今日得一個人炒小菜等下啦果下已經嬲 等到45分鐘都無 決定餓住都要取消張單搵佢地同事取消 今次呢個好似經理黎 佢發現隔離枱應該係咕嚕肉 上錯左牛柳比隔離枱換言之我第一次幫我追單嗰個同事冇幫我跟真心失望 佢哋連唔好意思都唔會講，淨係話上錯菜呢間嘢服務態度一直好差，作為街坊真係好失望 大家唔信可以試吓企喺收銀處叫外賣1分鐘都唔會有人理你或者喺餐枱度舉手叫人落單2分鐘都唔會有人理你 見到都扮見唔到我屋企人一直叫我唔好食呢間，但因為呢間嘅中式牛柳真係幾好食，所以我都一直有幫襯落去，但係今次之後我以後唔會再幫襯了

食左咁多區百分百 依家都算最差一間 不過最慘就係依家係我屋企附近。有時都會食，其實平時我食完都覺得唔好食，可惜百分百菜式配搭都幾岩我口味，最喜歡食逸峯同奧運果邊果間雞扒太陽旦飯。今日又去華心食流心蛋午餐肉飯，我同姐仔講我既要求 蛋黃一定唔可以熟，唔得就太陽蛋，點知出左黎流心蛋差唔多熟，我都懷疑流心蛋係咪本身咁，午餐肉外面皮煎到硬 但係凍既，本身我都係唔想浪費食物既人，食得到就食，因為換過姐仔就會丟左佢，最後我都接受唔到同姐仔反映下，姐仔幫我換過加1份，變為太陽蛋午餐肉飯，熱到可以 不過我都係覺得唔滿意，因午餐肉本身咸 再煎／炸太過份 再加上有豉油 咸上加上咸 最後我食碗飯食完 6粒午餐肉比我食左1粒半 。希望你邊將午餐肉唔好再整一粒一粒 同加豉油上面。還有請係餐廳加wifi 華心網絡太差 所以加wifi 可以吸引我依d手機送飯既人黎食

呢間百分百 經歷左十個春秋 都依然係我回家必食既心水茶餐廳。 地方都夠大 座位空間都夠寬鬆。 入去選擇都當然夠晒多， 仲有服務員都唔會催催供， 吃得安心又舒服，有時返工趕時間買個包又得 仲要係有水準好吃既麵包質地 中意藍莓奶酪包 夠晒飽又實在。 當然啦 可以比d優惠價最好🤭

不知何時開始，新年第一餐總會到百份百餐廳食第一餐，祝大家都百份百健康愉快。🍴果占花生醬多士配麥皮，會是為我昨晚瘋狂喪食後的清腸胃餐。厚厚的多士塗上厚厚的果占花生醬，喜愛多醬的人士是喜訊，對我都是減少吧！這才香脆可口。麥皮是沒有添加糖飽肚又健康。👏☕️黑咖啡，採用的咖啡豆一般般，淡淡咖啡帶苦澀味。服務態度一向都一樣。

今日去食晚飯時咁啱下午茶時段仲未過，於是我地叫咗一個下午茶餐同兩個晚餐茶餐叫咗炸髀薯條茶餐唔錯，雞髀同薯條都好香，叫咗紅豆冰都ok 見佢哋個扒餐好似幾靚咁，叫咗個牛扒魚柳餐試吓，諗住已有炸髀薯條，跟飯意粉薯菜就揀咗意粉，跟蒜茸汁首先講吓塊牛扒，個size同佢餐牌上差好遠，細到唔知點咁，而且好韌魚柳同腸就唔錯嘅意粉好難食，有陣好怪嘅香精味，早知都係叫翻薯菜啦最後就叫多咗個海南雞飯味道一般般，d雞都係有d韌，跟上雞汁蘿蔔幾好味，圖中已食幾啖，d飯比得幾足嘅

包類非常好食😋家附近唔係好多選擇，有次買左呢個包食左後就忘記唔到，平時喜歡間中來這裡買包作早餐或下午茶，正因味道好，大個又抵食！依家疫情唔想食咁飽又唔想太熱氣，回家嘆茶必選。🥰近排食過呢個包，黑椒芝士腸仔包，必推介，👍🏻👍🏻👍🏻現在賣16/2個，真係好好食又讚。包面勁多芝士又香，包質軟軟好味，腸仔長而香，跳料，食到我唔停得口，所以幫襯左好多次都係食呢個包。😋😋😋😊😊😊😂😂😂味道：好好食衞生：好

食晚市，未夠9點就拖地，趕客。其實拖唔拖地，客人唔會理你地，係個陣味太濃，差d嘔反d野出利。比錢時同矩地講反岩先真係太臭，矩地冇道歉，仲要一臉唔耐煩既樣，矩地話9:00我地就係要清潔，但個時都未夠9:00，仲要漂白水拖到利台邊。甘我都明既，邊個唔想早少少收工啊但可唔可以唔好甘臭啊，落少d漂白水！！！如果係9:00想早少少清後場，就唔好比客入後場。但成間鋪既客都聞到超濃烈既漂白水。員工表示係要9:00清潔，甘我睇矩地既樣覺得都係聽老闊講，甘真係冇得話矩既，唯有唔再食姐。

話咁快就 2021 年，終於送走難過的2020 ，新一年第一餐還是老樣子交了給百份百。🍴我最愛的黑咖啡，醒神醒腦的恩物。🍴食清啲無糖雞蛋麥皮，高纖低卡份量十足。🍴勁多醬的占醬厚多士，滿足豐富早餐🍴小鬼的肉醬通心粉，肉醬香濃微辣惹味開胃。