百利來美食

营业中

休息中

早排附近食飯時見到百利來個招牌，起初重以為只係同名，後來上OpenRice 睇下先發現原來係搬左，難得明天放假就放縱一下，買個宵夜返屋企嘆下先來一碗足料花膠雞湯翅，雖然唔係話好大碗，不過都算係足料嘅雞絲翅，至於花膠？廿幾蚊碗都唔會想太多吧！麻醬三絲冷麵，麻醬汁嘅味道剛好，個麵都幾彈牙百利炸三寶係我每次必點嘅小食，最喜歡個炸雲吞，皮脆到一咬落去就卜卜聲，好正尼個單骨雞翼係老闆推薦嘅新品，雞翼炸得好脆口，外層嘅椒鹽調味增加層次，非常美味

見到openrice唔多評論 本身唔敢試 但食左之後幾滿意 d野細細份 每樣20蚊到 可以食到好多唔同既野 老闆娘會介紹今日有咩特別野食 有少少日本居酒屋氣氛 推薦四季豆 雞絲粉皮👍

當「百利來」仍在尖沙咀一個潮人商場的年代，那時我還未認識她，彼此的緣份直至她搬進元朗冬菇亭才開展！不過幾個月後，「百利來」又在冬菇亭消失了，原來他悄俏地移施到鳳攸街！鳳攸街的店面面積不及冬菇亭可享內與外的空間般寬敞，小店子只能容下一幅小牆作粉飾，挺懷念冬菇亭那型格的花牆！現時座位亦很有限，所以外賣頻頻接過不停！天氣炎熱，友人和我第一時間要來了鮮果汁。果汁是百利來的一大特色，每日均用心準備六、七款果汁，當中不缺特別的配搭口味，無論在冬菇亭以至元朗新店，我們起碼試過了三、四款口味，水準均不賴！一來鮮果汁用料足，二來吃炸物就停不了飲飲飲，所以一定要試試！當天選了三絲冷麵 (HK$25)。除了濃濃的蒜味、還有孜然粉的點綴，絕對是重口味之作，而油份也相等多了一點點！紫洋蔥盛著「百利來」自家製的辣椒油，有點 XO 醬的風味，但重點是混合了鹹魚仔，挺有個性的作品！懷舊粉仔 (HK$20) 是「百利來」的招牌小食之一。用上上海麵條的粉仔，質感不算突出；湯底不過稀、亦不會死鹹死濃；配上菜甫、鹹魚仔和冬菇絲等食材，層次還算討好！若是突然想過口癮，吃得又不多的話，這會是恰好的選擇！另一招牌是足料花膠雞湯翅

聽聞好耐的一間小店，終於黎試啦！上次中午時間黎，未開門，原來係開晚餐時間的，大家要留意返！大約有6張細枱，提供大概二十多款小食，炸野居多！..🔶「足料花膠雞湯翅」真的好足料，清清的雞湯味，但是花膠變了魚肚，食落有點膩！..🔶「椒鹽墨魚丸」🔶「黃金炸燒賣」墨魚丸好彈牙，燒賣有魚肉的鮮味，兩款都炸得好脆，食不停口！..🔶「蒜茸雞翼」雞翼係單骨方便食，肉質有彈性，勁多蒜茸！..🔶「法式炸薯角」薯角配沙拉醬好味，唯一缺點係有部分薯角有一點硬，可能係即炸的關係，未炸透！..🔶「麻辣皮蛋」不推薦，油好多，蒜茸同皮蛋唔夾，味道怪！..🔶「蒜香炸豆腐」豆腐炸得好脆，裡面多汁，可惜跟生的蒜末唔夾，改成炸熟蒜會好好多！..🔶「麻辣雞絲冷麵」不夠麻不夠辣的冷麵，味道是幾好的，但麵的口感太軟，無彈性，失望！..🔶「咸柑桔」 🔶「洛神花飲」飲品非常推薦，全部都是店家調制，好有特式，誠意十足！整體不錯，係一間好有誠意的小食店，所以會再想去！

光顧百利來也有好一段日子了，最喜歡跟朋友們坐外面一齊吃炸物吹吹水。以前在冬菇亭舊鋪位置也吃過一次，新鋪味道一模一樣，水準沒有下降！基本上整個餐牌全部也吃過，最深刻的是燒賣及雞翼！個人就不太好粉仔，與其吃粉仔，我比較推介雞湯翅。泰式炸雲吞的皮炸的好酥脆，朋友們就只愛吃肉，但是雲吞皮也是重點咧！炸丸方面，配上沙律醬令人感嘆，簡簡單單的炸丸已令人流曬口水，蟹子丸是必點的！炸燒賣是吃過很多間糖水店，也比不上這裡的炸燒賣，很神奇的是燒賣的皮很脆很脆！椒鹽四季豆OK，可點可不點，未試過的可以試下。蒜香炸豆腐主角蒜蓉很正，蒜蓉控必吃的～～～～越式春卷配上爽口青瓜絲，令人回味啊！！PS 不喜歡這裡的炸薯角，太大舊，像是原隻薯仔掉落去炸爐，沒有口感可言。雞絲冷麵有分麻醬或麻辣，兩個也很是本人最愛，分兩次試吧哈哈麻辣雞翼每次都叫4份，因為真的醃得很正！！不槐雞翼成為熱門食材～青瓜皮雞的醃料跟雞翼也很類似，喜歡雞翼的就會很喜歡皮蛋。百利來的自家製飲品也是重點，個人最喜歡蘋果桃，甜甜的，但朋友厭偏甜落太多糖水。想降火也可以飲蘆薈，柑桔。。。。很多選擇 百利來美食的炸物是元朗數一數二，特別假日夜晚也有很多人買外

今次黎到呢個好出名既百利來。呢間鋪好近元朗西鐵站，所以要黎都十分方便，不過要記住佢夜晚先開，唔好一早黎摸門釘呀！話說今日收工好肚餓，特別落車過黎食，好好彩咁岩有位，去到就有得坐，不過鋪位太細，又坐正㕑房門口位，時不時都比人踢兩腳就無咁口。依家入正題啦，我地係呢度叫左個好出名既足料花膠雞湯翅，性價比好高，有兩三舊大大塊既花膠，湯既口感好好又夠哂熱，無腥味，超級值得推介！之後仲有左麻辣蒜蓉雞腎，麻辣味好吸引，食到停吾到口，份量好夠。呢間小食店cp值好高，食完一定會有下次，下次要食埋出名既三寶，夜左黎好多野都賣哂，下次會早少少到！

最近雞地開左間百利來，但一直都未試過，今日行過見有少少肚餓，就一於試吓。今日外賣左一碗花膠雞湯翅， 侍應好細心問埋你要唔要醋，胡椒粉。花膠雞湯翅好足料，一碗都有三嚿花膠仔，而且好多雞絲，冬菇絲。真係好好味!下次有機會再坐底，再試下其他特別小食。

係網上平台得知百利來又搵到新舖開番, 今日早少少番元朗黎試吓呢個蒜味印象有無走了樣😛 新舖位置同新B仔涼粉一個鳳攸南街街頭, 一個街尾🤟兩個都係開到凌晨時份; 新舖比起以前細啲, 得10零個位🙄; 7點前黎到, 暫時都係吉, 以為搬咗去新位無人識貨啦, 坐多一陣, 一如以往外賣雞湯翅柯打不絕😦😦 上次瘋狂嗌咗唔少炸同蒜頭組合, 今次小心翼翼落單; 因為怕蒜頭霸氣外洩😢😢 靚姐推介新菜, 雞軟骨🐥; 上枱有三串, 加唔少蒜鹽, 炸脆既雞軟骨本來已經係吸味, 用蒜鹽爆出黎仲要新鮮炸起, 光✨加熱🥵大於火🔥; 同碟加映炸頭角配蒜頭, 打頭陣已經係一招亢龍有悔, 點再上高峰?🙃 然後全城瘋搶, 日賣XX碗 (我發現好多報導用咗呢啲句式黎做TEMPLATE🤑), 既足料花膠雞湯翅, 熱辣辣出晒煙; 一筆落去充實既雞湯包實雞絲🤗, 再跟埋一塊塊實肉花膠, 飛龍在天🕊️; 用高尚既雞湯底包實你口腔所有空間; 然後軀動你牙齒去嘴嚼雞絲、花膠、翅既唔同質地💞 突然間閃出一個炸燒賣, 看似平淡, 但望望吓比平時大粒既? 👀應該係動過手腳, 咬落去極鬆軟, 唔駛點調味都正👍差啲比佢呢招見龍在田彈開埋~🎉 再黎