百利冰室

营业中

休息中

永遠門庭若市人山人海、職員制服背脊大大隻字印住常餐餐牌、老闆出錢出力幫員工渡過難關、收六點為咗令員工可以有家庭生活--百利回家好......百利嘅傳奇故事總係源源不絕外賣沙翁做散水沙翁，七蚊一個，大過拳頭。六個有盒。好鬆軟，有蛋香，無臭油味，好多砂糖。雖然超煩忙，但員工們仲係非常有禮貌，果然有好老闆就有好員工。

係住附近的香港同事無意間提起呢間老鋪頭，好有興趣，前晚特登從北角行到筲箕灣揾此店，揾到後先心滿意足返。今日星期六，沒食早餐。起身又從北角行到冰室，好曬點咗個沙翁同埋番茄牛肉蛋飯，一個套餐38蚊都平，沙翁好出名，味係特殊，但我本身唔中意食油器，所以都覺得OK雖然係間平價餐廳，但服務員態度都好好，雖然佢地好忙。同食係一家四口，兩個仔同爸爸好似，好溫馨有愛的一家。生活就係咁，平平淡淡卻愛意十足。

假日最健康活動來不去就是相約好友一齊行山，天氣清爽，完成行山目標，好友提議來個簡單下午茶，就來到西灣河的冰室。幸運的我們，不用等位就可以入座，聽聞這冰室很多時候都要等位啊！左選選右選選，想要蕃茄湯：「已賣哂」，想要雞脾：「已賣哂」，想要麵：「已賣哂」，想要沙翁：「已賣哂」，最後就來個午餐吧！火腿通粉，湯底是忌廉雞湯，湯底味道較濃，心想，茶餐廳也用雞湯湯底，真的很用心，有點驚喜，而通粉就煙韌彈牙有嚼口，這個火腿通粉比一般的茶餐廳好吃啊！熱狗，暖暖的麵包，外皮有點脆，裡面沾了香滑的牛油，香腸配上沙律醬，已是極品！朱古力奶，很久沒有飲過罐裝朱古力奶，很懷舊，童年的朱古力滑溜感覺完全回來了！

之前去筲箕灣，經过呢间冰室，見到超多人排隊，心唸下次再試。今日又經過，點知又係超多人！唉，又唔想等，買个沙翁，免空手而回。唔洗排有得食。都几大个，外表吸引。香噴噴。卜卜脆。甜度岩岩好！

這位於西灣河的老牌冰室已光顧多年, 給電視介紹過後太多遊客, 弄到很久沒去, 今天剛好去西灣河買餸, 試吓和它再續前緣茶杯靚左, 但茶味冇變, 多左特色沙翁差左d, 油左少少茄汁雞絲意粉 : 充滿老香港的味道, 酸得開胃, 意粉亦用茄汁兜過, 正炸雞脾意粉 : 這個炸雞脾經常一早賣哂, 識食一定食這個, 充滿南乳香味, 已經冇乜地方食到這種老香港式中西合璧的味道, 興幸這冰室能維持這老味道

今日下午得閒，突然想去百利冰室食下午茶。同以往一樣，去到門口時已經有好多人排隊，我地排咗差唔多30分鐘先至有位。喺呢間冰室食野同澳牛一樣，唔好期望什麼服務，仲一定要搭枱添。坐低後我地即刻落單，轉頭野食已經送到嚟，可謂「快靚正」。炒蛋十分香滑，好香蛋味，唔太熟唔太老，仍有蛋汁流出來，師傅的火喉控制得剛剛好。餐包仲暖暖地。熱狗個包又係暖暖地，雖然麵包唔算軟熟，但外皮有D脆，熱既包總算好食。煎香咗既香腸配酸酸沙律醬，好夾！火腿通粉就普通咗D，湯低尚算甜，不過不失。

呢間店舖經常標榜賣回憶、懷舊，但每次叫位入坐的店員總是黑口黑面，安排你點坐就要點坐，不論係咪繁忙時間，有時人少，只係想坐鬆少少，安排座位嘅店員就會口up up話客人！非常無禮，因此作為街坊嘅我哋都愈來愈唔想幫襯！嘢食方面，雞脾腸仔飯的雞脾就好似雪藏咗唔知幾多日嘅肉咁，一陣凍肉味！而店內嘅豬扒亦一樣，雪到連少少豬肉味都冇！什麼懷舊沙翁更加係又多油又難食！蕃茄肥牛湯烏冬味精勁重，不試也罷！強烈建議大家不要因電視台節目嘅推介而過嚟試，因為到最後除咗失望同失望，就只有更失望！

去開呢度上堂，Openrice見到呢間，因為對港式飲茶冰室特別鍾意，所以趕時間都會試；星期六一點幾都唔算長龍～睇咗食評同餐牌，想食鷄脾出前往一丁，但無鷄脾，好失望～見到對面嘅牛舌茄汁意粉紅色，我原本都想食茄汁意粉，但對面個個人話茄汁味唔夠～見住見餐牌同隔離台嘅肥牛蕃茄烏冬，我又好想食～最後因趕去上堂關係，所以叫做基本嘅餐肉雙蛋出前一丁 $35, 咸檸七加$12; 個餐肉比較硬，整體上普通～忍唔住口叫多個奶油多$10, 厚多士好脆好味～但總括普通唔會好似安利咁會好味到特登走過黎食～

我在这区住咗咁多年从未试过这间餐室,每次经过都见很多人排晒队,今日就同妹妹试下啦,我同妹妹都很喜欢食鸡扒,所以我同我妹都叫咗鸡扒汤米粉,和一杯冻柠茶哇!点解咁难食嘅!鸡扒唔新鲜,食咗一啖,已经放低筷子无食了 ,失望,加上冻柠茶太浓,太俗,难饮~真的唔明白点解咁多人嚟排队,是不是因为上过电视呢!还是，啲人见到咁多人排队,所以就觉得真系好食呢!服务还可以!下次一定不会再嚟了

茶記之旅@西灣河有次去到筲箕灣做野。丫唔係係西灣河先岩。其實真係分唔清楚。腦海地標唔係乜鬼文娛中心丫地鐵站咁。而係食食食既神級小食集中地“太安樓”。但今次主角另有其鋪。例牌動作打開op一禁。嘩有間茶記爆晒讚。雖然差好幾個街口。嗨～仲諗咩丫又落雨又凍快快腳過番對面殺過去啦～好啦終於埋周。出得名梗係有獨凸之處啦。九萬幾人排隊就係要攞飛等位啦。又黎well一聲。係咪堅成咁lunch茶記都搣飛仔咁西飛利。好我又等。一個人的午餐一定好快既。果然不出幾分鐘已比我攝左個死角卡位。太感動啦唔洗我同N人搭枱仲可以霸兩個位坐自閉一番先今次耳聞目睹係好多人叫飯既。咁難怪lunch time唔食飯食乜呢。但我就堅持到底茶記之選常餐熱茶。其實見多人講佢個常餐點好點好先堅持啫。你估我傻既咩。可惜原來我真係太天真太傻了如圖所見。忌廉湯底係堅濃的不是普通貨色。只是火腿通粉就係偏向腍同埋唔飽肚。感覺係浪費了湯底。再食餐包典解唔熱嫁。我又無轉到心愛既多士真係想喊出黎。幸好煎蛋同奶茶都還好。至於張相咁斜其實係想影埋個銀色糖盒。十分經典好少見了餵食病既我又點會夠皮。排隊時已經比個沙翁堆吸引住。未食完就加注黎個沙翁啦~伊！哦＊

I love Chinese Donuts which has a coat of sugar on the outside while fluffy soft on the inside. The best that I've had was in Tai O because it was still hot but the ones here are cold and seemingly stale so it had a strong oily aftertaste. The insides were not that fluffy either. I was quite turned off by the oily taste and had to throw half of it away because I couldn't finish it. 

很久以前，筆者是港島東區的人，從北角一路向東打滾，奈何經濟發達過後就是負擔不起這邊的樓房價格，想當年在東區數一數二便宜的地區就是筲箕灣及西灣河一帶，時至今日身價十級的跳動，認真驚人。回顧這個地區，其實變化不大，以往的豪宅區已開始殘舊，以往的舊式住宅加入重建行列，交通配套分別不大，雖然人工及通脹都上昇，但實在想不到供應比以前多加上豪宅有拆舊下，反而樓房價格急升得這般厲害。作為一間老店舖，是怎樣生存的？筆者有時候會沉思了解，最後發現老店舖怎樣高質素也好，也敵不過恐怖租金，唯一可以抵受這種壓力就是自置物業。這天特意來到這一間百利冰室，聽到「冰室」這兩字就知道有一段歷史，這間冰室已有五十一年歷史，但其實在筆者在筲箕灣某小學讀書時都沒曾聽過百利這個名字，那時候可能還小根本不會也不需要自己走進冰室用膳。原本他們因為五十週年的關係而為自己設立第一間分店－上環百利，誰知開業幾個月便要結業，再次証明可見冰室真的難敵租金，筆者常打趣說不知要每天賣多少個常餐才可足夠交租，是的這個香港根本瘋了。老店又如何？好吃的也會養了一班熟客，也會有一堆如筆者般的生客來，說實一點西灣河接近筲箕灣一帶人流不多，都是集中做熟客

食雞脾一定要早啲去，平日2點就賣哂了！假日反而晏啲（試過3點仲有）職員都眼明手快效率高，就算出面好多人等，通常10~15m內都入到！上菜速度亦驚人，雞脾意5~10m內必到佢個雞脾充滿濃濃南乳味，插穿蛋汁流落意粉上，加埋超多既茄汁（撈完都係汁多過粉），冇得輸！我亦試過外賣自取，半個中先起筷，依然美味可口

一向係百利冰室o既常客, 但多時下午幫襯佢o既鮮茄豬扒湯烏冬. 難得今日放假, 又口痕痕所以去左依度tea一tea試佢地o既西多士 (因為本身已經想食左一排但怕肥唔敢叫 ). 依度o既staff都好細心會問你要煉奶定糖漿..而本人一向鍾情煉奶配西多..食落比糖漿更好味~一送到來就已經見地佢金黃色o既外層, 必定很香脆新鮮...再試一口,果然好味...外脆內軟之餘一d都唔油膩. yummy...好想再食多塊~佢地o既奶茶就一向有水準, 不澀而細滑!

「一日之計在於晨」, 一個星期的好開始當然在於一個美味的午餐! 一星期普遍都帶4日飯的我, 通常都是開心星期五先外出午餐, 不過今個星期一有事做所以就懶得帶飯盒, 早上openrice左一輪就約同事去食飯! 一向都幾中意食茶餐廳套餐, 有碗熱辣辣既粉麵+炒蛋麵包, 食得飽又有香港特色! 所以今日我叫左特餐食! $27有餐肉通粉(轉麵要加錢), 火腿奄列+餐包, 仲有飲品~餐肉通粉有2塊餐肉係通粉下面, 湯的味道有少少咸不過唔會好味精, 通粉煮得不錯, 軟硬剛剛好! 餐肉雖然不厚, 不過味道適中!火腿奄列炒得幾香! 蛋都是剛熟, 滑嫩的蛋包住火腿口感不錯! 餐包略嫌唔夠熱, 不過配炒蛋一齊食就OK!其實我地2人仲叫左個咖央多士黎試! 不過唔記得影相, 其實都係普通多士樣 中間塗左層幾厚的黃色咖央醬, 甜甜地再加脆卜卜的多士, 好味!因為沙翁好出名, 所以臨走都買左返公司當下午茶食! 倨沙翁仲大過我拳頭, 外層甜絲絲脆卜卜, 內裡軟綿綿又鬆化! 果然不錯! 只係幾大個食到好飽~見到其他人都會點午餐食, 而且又係抵食夾大份喎! 可惜去呢到要坐4個叮叮站先到, 下次有時間都可以再食!