百匯軒

营业中

休息中

於2021年10月14日晚上到位於沙角的百匯軒。我們先點了小菜，接著再商量想叫鴛鴦炒飯，我哋先問黑色衫中級侍應A有無鴛鴦炒飯，佢話有，咁就非常好。點知我哋食咗7成嘅小菜，個飯都係未嚟，於是問返侍應A有無落單，佢好串咁回應「梗係有啦，我落單嘅！」於是佢去幫我check有無落單，篤咗部機好耐。過咗一陣，再問，佢都話去睇下。隔咗一段時間，我問侍應B，佢好無禮貌咁話淨係做小菜，炒粉麵飯要等下。我心諗「大佬呀！你間酒樓咁大間，營業咗咁耐，唔想炒咪出聲囉，我可以叫白飯嘅啫！」我哋話，如果無，不如取消啦！我哋都食晒小菜啦！點知佢話應該預備緊，唔可以取消。真係吹脹！最後，侍應A拎碟鴛鴦炒飯嚟啦！一睇，嘩！真係嚇親，唔係紅白汁都算，蝦果邊成個湯飯咁，仲要個飯收$128（真心！大家樂仲炒得好過佢），即時問佢呢個係咩炒飯，個中級侍應A走咗去，扮聽唔到。可能全酒樓啲侍應知我哋追個飯，跟住啲侍應black list我哋，舉極手埋單都無人嚟。侍應係多，鍾意自己友傾計，但服務態度真係⋯⋯👎🏻👎🏻👎🏻

今天放學與兩位同學都是到「百匯軒」午膳。因為其中一位同學未嘗試過燒鵝米粉，我和另一位同學都同意再嘗燒鵝米粉，今次的燒鵝比上次瘦，沒有肥膏，啖啖肉又好味道又入味。我們每人楝一款點心，A同學再楝很愛的鹹水角，鹹水角是小點價錢，熱騰騰又香脆，雖然饀料較少，都是好吃又抵食。B同學楝黑椒蒸爽肚，豬爽肚與又腍又粉的竽頭，吸收到黑椒，好好味道。我楝檸蜜蛋散，估不到小點價錢竟然有大大份量，檸蜜味道糖漿很清甜，蛋散都鬆化，祇是沒有香味。

第一次幫襯百匯軒，估唔到街坊酒樓嘅食物質素都有返咁上下水準喎！我地六個人，點咗個八人套餐，其實份量都只係啱啱好，可能大家剛剛收工，胃口大開啦！最驚喜嘅係：波士頓龍蝦（伊麵底），兩隻波龍都好新鮮，肉質爽甜彈牙，伊麵掛滿芝士湯汁，好惹味，令人回味無窮呀！龍躉魚塊好厚肉，骨腩唔會剩返啲骨俾你，都有好多肉食，非常正！最失望嘅係：小炒王裡面嘅象拔蚌略嫌過熟，好似食緊擦紙膠咁！至於其他菜式就不過不失，總括嚟講全餐飯都有80分！我地都食得好開心呀！另外，值得一讚嘅係幫我地分餸嗰位服務員姐姐，態度非常好！而家真係越嚟越少有咁好服務態度嘅員工架喇！

琴晚母親節就去咗呢度幫襯，可能係老人邨全場滿座，呢個場面其實好耐好耐無見過。又諗住酒樓會打住『母親節』𣄃號嚟親火打劫，又無喎，個套餐仲幾抵食Tim。叫咗左邊998，加一茶芥，再加上2支大啤都係1200落樓，唔太難食已經無得投訴。5餸1湯，碟碟都大大份；湯足料澳龍肉質都彈牙，啖啖肉。煎班球肉夠實淨。咕嚕肉普通叉燒拼雞，叉燒居然係全晚最好。鮑魚仔菜就麻麻啦。結果食唔晒，不過無做大嘥鬼，自備飯盒打包走。以上出品其實幾普普通通，係方便老人家唔駛去來走去。

書法班放學後，我們一行三人再到「百匯軒」茶聚，談談笑笑又消磨兩個多小時。午市套餐選擇內容多，又十分滿意，所以我們再試套餐其他選項！小食：沙薑豬手粒~沒料到是熱熨熨的，不靭，還帶爽脆，蘸沙薑吃味道很好。點心:豉椒蒸排骨~排骨肉質尚可的，味道不太濃，還有少許我喜歡的芋頭。鮮蝦菜苗餃~大大隻很有滿足感、蝦仁可口呵！金珠鹹水角~熱騰騰的、香脆的，饀料比較少。蝦仁星洲炒米~很多配料，不油膩，炒米粉很清爽的口感。

書法班終於在四月復課，放學後，我們一行四人到百匯軒茶聚，談談笑笑又消磨兩個小時。我們楝好一個套餐，選擇內容多，十分方便！小食：海蜇手撕雞，份量雖然不多，但味道不錯，口感很清爽！沙巴龍躉件蒸飯，熱騰騰的蒸飯份量不少，飯粒爽且粒粒分明，龍躉件肉質鮮美，唯一缺點是欠缺一份蒸魚豉油，否則，我們一定吃到舔舔脷。白灼西生菜，嫩、鮮、甜。桂林牛肉腸，一般，不算差也不算好，有進步空間。豉汁蒸鳳爪，沒有濃厚的獻汁，尚可的！

今日黎飲下午茶，有人探熱，無人帶台，見到有張吉台就坐，後來開茶的「大姐」威迫甘要我地要轉去同人搭台，搭台不是問題，態度是重點，她一點禮貌都沒有，呢度價錢唔算平，食物都算好食，但我感覺似大排擋

好耐冇同爸爸媽媽出過街飲早茶，自從3月上一手酒樓結業，以為以後冇得近近地去商場飲茶點知有人夠膽即刻接手從新裝修在4月開張，本來都想去試吓，點知撞正疫情關係一直都冇去過，見近期好返d就即管去試吓入到去見內在嘅格局差唔多，祗係有些地方唔同，坐低叫完茶就睇吓有乜點心，款式都幾多叫左幾款食物試味先，好食再叫或且下次再食過鳳爪排骨飯：排骨和鳳爪味道幾好味飯嘅軟硬度適中，只係鳳爪份量少d可能係叫自選孖寶，所以份量少d，如果單叫可能份量會多d馬友肉片飯：馬友鹹魚幾香，肉片幾軟滑翡翠鮮蝦腸：腸粉長度短左d，不過皮薄嫩滑，原隻大蝦，入囗彈牙鮮蝦菜苗餃：菜苗餃好足料，味道剛剛好潮州蒸粉果：外皮適中唔太厚，內裏餡料爽脆惹味山竹牛肉球：牛肉啖啖肉，嫩滑彈牙蠔皇鮮竹卷：size唔大，內裏豬肉餡料唔多，適合d唔太喜愛多肉嘅朋友，味道恰當好處，唔太肥膩食物算食得過，不過價錢貴少少和d茶有色而唔夠茶味，可能落唔夠茶葉