百味川 (已結業)

今日食lunch黎到呢個百味川,之前已經經過左好多次架啦,地方小小但好彩個格局都幾好坐,一黎到坐低佢都有唔小野簡,Lunch Set 都有唔同飯同粉麵,但係一場黎到唔係唔食辣阿?佢個川字吸引左我入黎,所以我都整番碗生炸豬扒加芝士腸麻中辣米線食下。-一黎到佢地店子小小,但都識得將我個生炸豬扒另上,覺得好細心阿, 試問有邊個會想自己既炸豬扒比D湯浸到淋哂個麻辣湯除左有酸菜阿, 芫茜蔥阿, 之外都仲有好多好多肉碎, 都真係幾足料。中辣對我來講岩岩好, 有辣味之餘仲可以食到配料既味道D湯同米線都已經融合一齊:-P好惹味, 芝士腸爆芝士就基本啦!生炸豬扒就真係不得了, 又脆口, 醃得好好又唔會死咸!即炸豬扒可以話係100分, 仲要呢個送加12$ 炸, 抵食!-大家黎到葵廣又想食下米線, 我都推薦大家食下。(((ฅ•᎑•ฅ))♬♬

近日發現呢間位於葵芳嘅正宗四川味麵店，湯底有驚喜，價錢又親民，有飯有麵悉隨尊便😆。下午茶套餐$38，一個兩餸麵+飲品，抵👍。加＄可轉湯底，有酸辣、麻辣、蕃茄、沙爹及蕃茄酸辣。麵底同樣俾你揀，有米線、薯粉、油麵，最特別有淮山麵！我點咗酸辣湯+豬大腸+自家制韮菜水餃+薯粉，份量十足，香味四溢。急不及待呷一口濃湯，酸辣味做得好平衡，沒有互相搶味嘅情況，入口先係感受到酸味，落到喉嚨就感受到辣味，很有層次感。薯粉入口滑溜彈牙，滲透着湯底濃香。湯底加入酸菜、花生、芽菜。豬大腸嘅肥膏大部分已被剪去，所以食起來肥而不膩，沒有腥味。自家製韮菜水餃一夾就爛，肥豬肉過多。湯底較餸菜做得出色，下次可以試埋其他湯底及麵。不過，店員傾計聲浪太大，連客人叫落單都聽唔到，亦好騷擾在場食客。

真心 湯底凍既叫個豬耳得5條凍0茶係 有色既水 冇茶冇檸檬味雖然唔係貴 但我究竟食左d 乜野老婆叫左個蕃茄湯 嘩 甜到呢 好似食緊糖水加麵咁 真係唔明邊到好食😔 真係唔會有下次。

😋同媽媽去葵涌廣場度行街，首先要醫飽咗個肚先，咁我媽媽就比呢間舖頭嘅門面吸引咗係好大張酸菜魚嘅相係上面。第一次食咁就揀咗一碗麻辣魚湯紅薯粉，湯底好濃郁之餘味道亦都非常之好好多魚喺裏面，一碗50幾蚊而且夠大碗份量都好多👍而我自己就揀咗下午茶自選兩款揀咗酸菜湯底再加豬大腸同埋炸醬🤩碗野好開胃酸酸辣辣味道一流😋我就覺得下午茶嘅份量比較少連我平時係一個好易飽嘅人都覺得佢裏面嘅米線會比較少😂🤭如果係男仔食嘅話就要揀返佢嘅正餐會好啲😂

今日約咗朋友去葵廣行街同掃街晚餐就想坐低食返餐川菜見門口都幾多人排隊等外賣就決定試吓呢間-平時川菜最鍾意嘅就係食酸菜魚呢個酸菜魚配埋飯都只係$58 價錢極抵！唯一失望嘅係呢個酸菜魚湯底唔太酸亦唔辣只有魚湯嘅味不過啲魚口感爽滑如果湯底再酸啲同辣啲就會更夾呢個價錢都唔會要求太多了-麻辣手撕雞就唔錯充滿麻辣香味 同青瓜味好夾都幾辣下 食到底嘅時候條脷開始麻痹最後埋單每人都係$100樓下呢個價錢CP值極高 不過如果想食正宗酸菜魚嘅呢間就可能唔太啱你喇-整體評分：3.5/5

嚟到葵芳廣場，我每次食嘢都係食同一間川菜館，因為呢度都係平民價，所以我同朋友兩個人點左勁多嘢食。因為鍾意食酸菜魚，所以我嚟親百味川都會食呢度嘅百味酸菜魚米線，呢度嘅酸菜魚米線同平時啲大型川菜館做的水準有返咁上下㗎，但係個價錢就會平好多，真係好抵食呀。我們還點了好多小吃，有醋香雲耳，手拍青瓜，炸白菜雲吞，麻辣手撕雞，同埋炸韭菜餃。所有小食都好有特色，而且每一碟細細碟份量又啱啱好，價錢又唔會話貴，真係可以試暈晒咁多碟都得啊。我就比較鍾意食呢度嘅炸白菜雲吞同埋炸韭菜餃，外皮脆卜卜，內涵又足料，點少少酸辣醬真係好好味㗎。而麻辣手撕雞，手拍青瓜都是比較辣的，所以偏愛吃辣嘅朋友就啱晒。再叫多兩杯嘢飲，份量就啱啱好，我哋真係可以邊食邊飲番杯都仲得，都算係食得他條舒適。

去親葵涌廣場都一定會掃街，因為實在太多正野食不過今次因為同個仔一齊，所以都係搵間餐廳坐低慢慢食方便d。我同老公就揀左地下間百味川試下，叫咗泡飯、米線、蒜泥白肉、皮蛋同奶茶😋酸菜魚泡飯 $58飯同湯係分開上既，個湯幾濃味，有好多魚塊，全部都無骨仲好夠滑百味鮮茄米線-蕃茄酸辣湯 $51配料有鮮牛肉同豬潤，唔會韌！個湯底我真係好鐘意，雖然話係蕃茄酸辣湯，但只係微辣，酸甜酸甜配埋米線好好食！米線咬落爽彈。整體好有驚喜👍🏻蒜香皮蛋 $32皮蛋份量多，有好多蒜泥，香香辣辣蒜泥白肉 $32肉唔會乾柴，好彈牙，配埋蒜泥食唔停口。不過老公唔食肥肉，所以佢唔識欣賞樽仔奶茶$7 （套餐價）奶茶雪到夠凍，飲落香滑，甜度岩岩好！因為係樽仔，所以無冰，甘就慢慢飲都唔怕會愈飲愈淡另外我發現佢地外賣係接唔停手，原來外賣自取有折扣優惠，抵丫

相信好多人都會聽過或者去過葵涌廣場吧, 呢度小店林立, 對於香港其他地方嘅倒模商場比較下就好似清泉一般地存在, 葵涌廣場最出名係賣衫同掃街小食, 其實都有好多餐廳值得更多人注意, 就好似底層嘅百味川, 雖然店仔細細, 但佢提供嘅湯底同配餸都好有水準, 而且疫情下提供晚市外賣優惠 打個8折, 咁所以就試一下順手出個食評啦凍奶茶配餸米線兩味或以上已經會送熱飲,但凍飲加3蚊, 味道偏甜, 我外賣回到家冰都溶了一截但都覺得好甜, 如果少甜會好一點, 不過本身茶底濃厚而且煉奶味好重, 好似叫左茶走但有冰咁包裝方面, 以蓋隔開米線同湯底避免變糊相信響將來都會係常態, 經過今次疫情, 外賣包裝嘅水平都提升了不少本人叫左麻辣湯底小辣加豬大腸同埋辣牛筋, 湯底方面本身紅油好重而且好多長身乾辣椒加埋酸菜肉碎響底, 初初食落都幾辣, 不過對舌頭嘅刺激比較單一, 有種死辣嘅感覺, 不過隨着紅油愈食愈少, 佢本身湯底陣味出番黎, 都幾甜, 可能都用唔少豬骨煲, 因為飲完都好多湯渣響底豬大腸, 9蚊餸都幾厚身, 唔吝惜分量, 而且咁岩係肥嘅部分, 所以有好特別嘅油脂香, 炆得好透, 所以唔會咬唔爛, 不過有少少

之前經過葵涌廣場地下個時，見到一間麵檔已經想食了，但就因為約左朋友行街就冇去食到，所以今日返工收早，終於有時間黎食啦麻辣牛魔王米線$58我係好鍾意食牛肉，所以係餐牌一見到依個招牌系列，就立即選左依款米線，辣度係可以由自己選，我就選左小辣，牛魔王就包括(好有牛肉味同食落有嚼口既牛腩，唔會太硬，容易入口既辣牛根，爽滑淋身牛肚)，有3款唔同牛部位，一次過滿足哂3個願望另外呢度亦都有其他湯底嘅米線沙嗲湯同番茄湯都好出名㗎大家都可以試吓😚蒜泥白肉$32白肉晶瑩剔透，肥瘦適中，肥肉唔會有太多，用左蒜泥做配搭，食落有滿滿蒜香味道，再加上白肉一齊食，食落更加香口惹味恐龍華田(套餐+$11)阿華田粉係飲品上面，而且唔會溶掉，可以見到一粒粒，飲落脆脆的，增加左層次感，味道比平時飲到既阿華田，更香濃

呢排愛上左食米線咁經開葵芳就即刻搵吓啦點知就比我搵到呢一間好多好評嘅米線鋪就去試吓都OK喎去到唔駛等位都幾好坐有卡位添～落單姐姐好有禮貌男朋友要咗個招牌紅燒肉米線（$50）雖然佢冇寫住有辣但男朋友話有少少紅燒肉冇得輸好好味好林仲好入味！！！個滷水蛋都好好味其貌不揚但係原來好入味喎份量好大份男朋友食到好飽個湯底佢話都好夠濃到我嘅自選酸辣米線我揀咗招牌紅燒肉同埋生菜當然招牌肉都好好食啦我係女仔食到好飽一碗麵入面有成7，8舊紅燒肉我最鍾意佢有花生勁好味湯底唔係好夠酸同埋唔係好夠辣下次試吓麻辣湯底先不過湯底其實略嫌鹹咗啲可以淡味返少少我哋加咗個小食雙拼($43)糖醋木耳正常出品幾好食至於口水雞翼唔係好夠辣呢個就唔係好推介嘞整體來講環境都乾淨企理嘅服務態度幾好啊性價比都幾高我見好多人都叫酸菜魚等我下次都試吓先雖然唔算好驚豔！好回味但整體體驗平均都幾好我會再嚟食㗎都值得俾個笑笑既

『自選米線系列』揀咗『蕃茄酸辣湯底』，配料就揀咗『墨魚丸』，『豬大腸』，『豬潤』，唔要米線，要淮山麵，細細的麵條有啲似日本的蕎麥麵，有口感，可以細意品嚐，而蕃茄好腍，湯底對我來講不算太辣，感覺幾符合香港人口味，但又好開胃，我甚至會就咁飲幾啖湯，好舒服酸酸哋，微微辣，不怕鼻子不爭氣，宜家好敏感吖嘛。『招牌系列』的『百味酸菜魚米線』，清清哋，魚肉冇骨，肥肥白白好滑嫩。『口水雞』食第一啖時，自己同自已講，唔辣嘅，慢慢哋就feel到辣意，因此後來將佢浸一浸米線，跟住再食就好ok啦。『蒜泥白肉』就真係一啲都唔辣，要食辣就自已加D辣椒油，随你自已口味有得選擇，非常之好。飲品跟餐加7蚊，8蚊就可以飲到樽仔奶茶同埋鹹檸七，超實惠。

2個女仔既晚餐，路經呢間店，見到d米線配搭咁多，就揀呢間試下。餐牌都幾多款式可以揀，我地都揀左好耐先揀到腩肉生菜酸辣撈薯粉，腩肉生菜清清地，夾埋酸辣好好味，d餸加埋薯粉，正！佢仲會有埋青瓜，花生肉醬作為配菜，中和返d辣味胃食既人，當然唔只叫一碗粉仲叫埋小食。麻辣手撕雞，味道好濃，好味呀份量唔算多，但好夠食。蒜泥皮蛋要讚正，汁料夠，超重蒜味，我至愛最後加埋杯凍檸茶，就真係完美。兩個女仔咩都想試下，就夠食。

放工去左葵廣買野，第一次係呢間店食。都幾多選擇我叫左口水雞翼（$29）三隻口水雞汁夠辣，就咁食都好好味。珍寶百味過橋米線$60 （酸辣）酸菜味濃，材料都有一種一件，個湯我幾鍾意。

係葵廣行完街就是但揾野食！我地發現地下新開左一間食米綫的餐廳就入左去試下。餐廳整潔，而且有裝玻璃版隔開客人，感覺不錯。畢竟而家因爲疫情的關係！我和朋友都點了酸菜魚米綫，不過我點酸辣口味，朋友就點麻辣口味。麻辣酸菜魚米綫：朋友的米綫湯頭很香，米綫挂湯能吃到微微的麻辣的味道！因爲叫的是小辣，鍾意食辣的朋友可以點中辣，相信會食得更過癮。酸菜魚米綫：原來酸菜魚米綫是不辣的，湯頭是魚湯！我覺得味道比較淡，但勝再魚肉夠嫩滑無骨。最後我加了餐廳自家製的菜譜和辣椒醬味道整體有被提升了。果然米綫還是辣的吃起來會比較過癮。除了米綫外餐廳還有其他小食，例如：豬耳，皮蛋，青瓜等等！

👩🏻‍💻今日去葵廣shopping，最近聽過朋友話酸菜魚好好味，行過見到有於是就入去食下☺️🥘家鄉紅燒肉米線HKD$50🌟一上枱見到湯底顏色偏紅，以為會好辣👀但原來唔係，只係紅燒肉汁嘅顏色令到佢色澤好鮮艷☺️紅燒肉炆得好夠焾‼️👍🏻幾乎係入口即溶👍🏻‼️上面嘅肥肉食落亦都唔會覺得好膩👀因為啲豬油已經煮晒出嚟；米線份量十足入邊有肉碎同滷蛋😋湯底唔會好鹹，輕微既辣味，食唔到辣既人都輕易入口👍🏻‼️🥘百味酸菜魚米線 HKD$58🌟嚟到呢度🥰真係食吓佢招牌口味「酸菜魚」😋💕因為想食得健康，就轉左淮山麵底，第一次食淮山麵😳口感竟然係咁彈牙，條條分明‼️有啲出乎意料之外，酸菜魚都好新鮮，冇魚腥味，幾足料💕；重點係冇骨☺️酸菜亦都好多👍🏻雖然係酸菜，但並冇好重既醃製味道👍🏻味道天然仍然食到好香芥菜味，湯底微辣帶麻😋本身鍾意食麻既我，都覺得係味道幾易入口，湯底亦都充滿酸菜既味道☺️👍🏻