百味川 (已結業)

3點3見肚餓，就落葵廣行一圈睇吓有咩外賣好食，行過見到大大塊Banner寫住外賣9折，下午茶餐只係$38，即刻停低睇睇$38蚊米線仲可以揀兩個餸，我叫咗酸辣米線加滷水雞翼同韭菜餃，凍檸茶外賣，點知媽媽呢個時候打電話嚟點餐，所以就幫佢叫咗個番茄滑蛋豬扒飯，凍奶茶，埋單$100都唔使，勁抵！返到屋企打開外賣，估唔到佢將米線同湯分開，勁貼心！而最令我驚喜嘅係杯凍檸茶竟然有4片檸檬！酸辣米線唔算好辣，夠晒醒胃，滷水雞翼炆到好淋，夠晒入味，韭菜餃亦大大粒，口感十足！個飯份量十足，大大塊豬扒，媽媽表示非常滿意，下次要再幫襯！

早幾日埃葵涌廣場行街🛍而家就無去到頂層掃街，而係去咗地下呢間百味川買外賣翻屋企🥡.蕃茄酸辣淮山麵(芥末沙律球+豬頸肉+豬耳+豬潤)🍜芥未沙律球一咬就爆漿海鮮丸😆味道似係沙律醬加少少芥末味🤪豬耳口感脆口又爽🐷.乾拌蕃茄酸辣淮山麵(柱候牛肚+娃娃菜)🥢乾拌麵有好多配菜😍蔥花、炸醬、酸菜、芫荽🌿青瓜🥒花生🥜牛肚軟腍入味😙淮山麵幼身爽滑，彈牙索汁😋.蒜香皮蛋🧄皮蛋冰涼滑溜❄️配埋濃郁生蒜泥一齊食真係好正👍🏻.川辣雲耳🌶紅油味道酸酸辣辣🤤惹味又開胃.柑桔酸梅露🥤酸甜嘅梅同鹹香嘅柑桔🍊非常止渴

依家真係好少出街，今個星期六終於出左葵芳一轉買啲野，跟住就諗住去睇下葵廣有咩食買，但望望鐘原來仲係五點，仲趕得切堂食，跟住喺一樓見到百味川啲野食都幾吸引 就快快手衝入去坐低食碗麵先！不過我入到去就發現！其實我應該買外賣！！因為佢地依家六點後 外賣自取八折！好抵！！好講返我食左咩～我叫左個麻辣牛魔王淮山麵，炸墨魚丸同手拍青瓜麻辣牛魔王淮山麵：牛魔王包含左爽口嘅牛肚，入味嘅牛腩，軟稔嘅牛筋，而麵底都有數款可供選擇～～呢次揀左外面比較少見嘅淮山麵，原來淮山麵係用淮山磨粉再加上小麥粉整成嘅，口感比米線硬身，麵身較幼，而湯頭亦有數款可選，呢次揀左惹味嘅麻辣，仲有不同辣度可供選擇，呢次揀左最少嘅微辣，食落麻味唔重，辣味真係做到微微辣，下次有機會可以進級挑戰更高級嘅辣度。炸墨魚丸好彈牙，同埋即叫即炸好新鮮；至於個手拍青瓜好爽脆，而且好多辣油，鐘意辣既一定勁鐘意 ！最後再加左杯恐龍華田，其實就係凍華田再喺上面曬上胚芽同埋可可粉，令到華田嘅味道更豐富，好有口感～～～

今天看食評看那麽多人讚好，便去試試了，點了個麻辣米線加滑牛，滑雞及加央牛油多及乾伴淮山米線，食物到了，麻辣米線，湯底不麻不辣，那都算了，我可以自己加旁邊的辣椒加辣，來了個咖央焊多士，竟然是凍的，凍牛油加凍咖央真的難以入口，想著好一餐壞也是一餐吧，食完急急腳走人，最後埋單走人時，全單是86，我給了收銀100元，她竟然找我13.9元而且還有毫子呢，不過1-2毫子我就沒和她吵，當被鬼責走人算了，寫這篇只是不想有人再中伏，自己看著辦好了

葵廣出名多好嘢食，今日路經附近但戴住口罩又唔方便掃街😷所以都係選擇買外賣🍴.見到地下呢間百味川幾有人氣，又有近期大熱嘅淮山麵，外賣自取仲有優惠，一於試試先！.蕃茄酸辣撈淮山麵選咗兩個餸，豬頸肉同好特別嘅芥末沙律球！豬頸肉係滷水嘅，好入味，軟腍得嚟肉質爽口，好食😋芥末沙律球一咬開就有澎湃嘅沙律醬爆出嚟，食落帶少少芥末味，好開胃！主角淮山撈麵都好正，蕃茄酸辣口味啱晒夏天食，酸酸辣辣越食越想食，輕輕鬆鬆就食晒成碗！.川香白肉蒜泥白肉就食得多，呢度嘅川香白肉係用剁椒，辣得刺激過癮🌶鍾意食辣嘅朋友要試試👍🏼.滷水雞髀🍗滷水雞髀好入味，而且色澤油潤，雞髀肉嫩滑，睇得出係用心之作！.樽仔奶茶跟餐加7蚊，茶味香濃飲落又夠滑，有水準👍🏼.小店整體食物質素有水準，價錢親民，而且疫情期間外賣自取又有優惠，值得一試再試！

葵廣嘅美食可以用百花齊放嚟形容，加完班買唔切餸，喺到兜一圈都絕對可以搵到啱心水嘅餐廳。行過見到百味川門口見有好幾個人等緊外賣，好一陣子冇行入葵廣嘅我都冇為意到呢個位置幾時開咗間餐廳，六點後外賣自取仲有八折，相當吸引。一睇menu有我最愛嘅酸菜魚同先生至愛嘅牛三寶，二話不說即刻落單。除咗非常有特色嘅米線之外，仲有唔少小食選擇，飲品方面選擇亦算多，仲有幾款少見嘅特飲。酸菜魚米線份量唔細，店員好細心為我哋分好湯，返到屋企依然食到口感剛好嘅米線，湯底鮮香濃郁，酸菜味好重。魚片方面唔係一般食到嘅薄魚片，而係比較厚身嘅龍脷柳，份量亦頗多，口感軟嫩。麻辣牛魔王米線份量同樣足，材料豐富，除咗牛腩、牛筋同牛肚，仲有大量酸菜，中和咗牛三寶嘅油膩感，亦令到湯底層次更豐富。三款配料之中我最鍾意牛肚，口感夠軟腍之餘好索汁，零舍入味。牛筋亦唔錯，口感軟嫩但又唔會太腍。手撕雞麻香同辣味平衡，加上青瓜絲增強口感，越食越開胃。蒜泥白肉好有特色，蒜香加上白芝麻相當誘人。白肉半肥瘦，配上蒜泥毫無油膩感，食多幾件都唔怕滯。冰鎮奶茶入口夠香夠濃，味道偏甜少少，解辣必備，凍檸茶亦唔錯。餐廳食物質素平均，加上晚市外賣八折實在係非常

喺葵涌廣場行街，因疫情關係不能堂食，就喺百味川買咗幾款風味麻辣小食返屋企加餸。百味川有多款食品選擇，包括特色客飯，風味小食，自選酸辣 / 麻辣等米線，價錢合理。本人揀咗幾款風味小食，平均都是HK$20-HK$30不等。涼拌海帶 （HK$26)營養非常豐富的海帶絲，比想像中辣，其刺激惹味的海帶對味蕾帶來了一點的衝擊。海帶絲酸酸辣辣，絕對是開胃的小菜。口水雞翼 （HK$29)口水雞翼麻香味重，而且不會太辣。雞翼十分嫩滑，骨肉容易分離。蒜泥白肉 （HK$32)半肥瘦的白肉切成薄片，白肉連皮，肥瘦相隔，有少許咬口。蒜味適中，容易入口，令白肉更加惹味。麻辣豬耳 （HK$29)軟骨和豬耳肉分佈均勻，軟骨位置帶脆口的感覺，非常爽口。

今日去了葵芳去了葵涌廣場！葵涌廣場內面有好多美食！我今次選了川菜！"百味川"我們點了酸菜水煮魚米線香香辣辣，魚肉滑滑的，啖啖肉好好味！👍🏻👍🏻👍🏻👍🏻麻辣牛魔王米線(牛肚，牛腩，牛筋）味道比較濃郁，麻麻辣辣好開胃！牛腩瘦了一點！牛肚煮太久了老了！牛筋不錯淋淋滑滑！米線爽口彈牙！炸餃子好好味是韮菜肉餃子！炸雲吞是菜肉雲吞，比餃子多肉！外脆內軟！炸雞肶外面好脆！但內面有點乾！味道不錯好入味！#如果晚上六點後外賣自取有8折！

好友愛吃辣話葵涌廣場的百味川辣得好味，餐廳主打川菜、粉麵、客飯。我們點左酸菜魚薯粉 ，少辣湯底，魚塊很滑又無骨啖啖肉真美味。韮菜餃子淮山麵很爽口，淮山麵夠健康很滑，韮菜餃子🥟脹卜卜餡料足，清湯底，真不錯👍蒜香皮蛋很鬆化配香辣油美味。香辣牛柏葉很爽口，辣得美味😋炸墨魚丸很彈牙，炸得金色黃色很美觀。炸韭菜餃熱辣辣，韭菜鮮香味美，炸白菜🥬雲吞餡料好豐富，炸龍蝦丸🦞配泰國辣醬很惹味。鹹檸七和支裝奶茶都不錯👍外賣自取晚上6點後有8折。我會買些回家比家人享用。

抗疫日常，叫多左外賣，今日就簡簡單單甘食左一餐。放工經過葵廣，依間餐廳做緊外賣自取8折，仲有D特價餐，好抵食。🐮牛三寶飯 - $58微辣，入面有牛腩、牛筋同牛肚。我將D餸同飯分開，發現D餸都幾多，都有一碟嫁。牛腩同牛肚都好淋，而且幾入味，送飯一流。🐷蔥油豬頸肉撈淮山麵 - $35依個抗疫餐真心抵食，有4件豬頸肉，個麵既份量又夠曬大。仲有D蔥花同醬汁撈麵食，淮山麵幾特別，少少彈牙，幾有口感。下次經過可以試下佢其他既抗疫餐。跟餐送熱飲，凍飲+$3

去葵芳探弟弟，他請我去葵涌廣場百味川吃午餐。佢話食完包讚。我們選了招牌番茄魚酸辣淮山麵和酸菜魚淮山麵套餐。兩個麵都很可口。番茄魚酸酸甜甜又香滑，加埋酸辣更惹味。酸菜魚也很出色，比美名店的出品。淮山麵健康美味嫩滑易消化。麵大大碗食飽人，而且有很多魚塊。套餐有飲品，加錢可升级特飲。樽仔凍奶茶又濃又香甜，好飲過好多茶餐廳出品。恐龍華田面頭佈滿阿華田，香濃好味又悦目，正。我們也叫了一些小食。蒜泥白肉清爽可口蒜泥香。炸雞亦大大隻好睇好食。炸韮菜餃不過不失。吃到飽飽好滿足只需209元，抵食，不用加一。外賣自取有9折。下次可再來試其他出品。

餐廳位於葵廣地下，價錢親民份量大，最近仲推出左$35抗疫餐，例如口水雞翼/蔥油豬頸肉撈淮山麵，都幾吸引咖！-🤍百味酸菜魚米線$58🤍蔥油雞扒煎蛋飯$45🤍口水雞翼$29🤍滷水雞髀$20✨外賣自取9折-🤍 百味酸菜魚米線⭐️⭐️⭐️⭐️招牌酸菜魚米線，酸酸辣辣好開胃，辣度唔會好勁，大概3小辣咁，而酸菜魚係無骨既，最怕湯底會有魚骨，佢都冇既，可以放心食唔怕哽親🤣而不得不讚係個米線係分湯上之餘，過左成半個鐘番到屋企都冇硬晒，仲係好熱好腍👍🏻/🤍 蔥油雞扒煎蛋飯⭐️⭐️⭐️⭐️見依個都係餐廳推介就試下，雞扒煎得好腍仲有好多肉汁，一啲都唔乾，份量仲好多，而且煎蛋仲係保持流心咖，而蔥油雖然望落好似好小，但原來已經夠送哂成個餐😂不錯。-🤍滷水雞髀⭐️⭐️⭐️心血來潮想食滷水雞髀，見佢$20咁平就叫左，size都算大，滷水味岀，不過再濃啲會更好，肉質都尚可以。-環境：7/10服務：6/10好味指數：6.5/10回頭率：7/10

經常行葵芳廣場，這裡除了好多野買而且平民價之外，其實仲有好多美食，而鍾意食川菜既我，就最鍾意來這裡的平民川菜館百味川食野。今晚就同朋友行街行到累，來呢度搵個靚位食晚飯，呢度既招牌菜真係好多，首先我點了自己喜歡的招牌麵—百味酸菜魚米線，這個酸菜魚拍得上川菜館的酸菜魚，真係好好食好開胃的。朋友就點了百味小鍋米線，這個小鍋米線是選擇麻辣的，還有其他味可以選擇，裡面的配菜有豆卜，雞肉，牛丸和麻辣豬肚，朋友話味道夠辣夠正，都幾辣下但佢鍾意。我們還點了其他小吃，有川香白肉，手拍青瓜和炸白菜雲吞。點了這幾樣已經很夠我們吃了。這個川香白肉做得很正宗，手拍青瓜也是，因為是川菜口味，這兩道菜都會偏辣，適合食得辣既朋友，而炸雲吞也十分好吃，外脆內新鮮，很好吃很香脆的。吃了這麽多辣菜，點反杯野飲解下辣，我就最鍾意飲這裡的檸啡，大杯又夠檸檬同咖啡味,很喜歡很好喝。這個總體食物都好食，價錢親民，大家來到葵芳廣場可以來呢度食好野。

相信大家近期都食好多外賣㗎啦，而我買外賣返到屋企就鍾意用啲靚碗裝住，咁樣食落個人都開心啲冇咁頹😆😆而今晚我哋就去咗葵涌廣場一間川味米線舖頭買外賣🍜🍜而家外賣自取仲低至八折‼️百味小窩米線（ $49 ）好重口味嘅一碗米線，鍾意食濃味嘅就最啱啦，我特別鍾意佢入邊嗰啲麻辣豬肚絲，好爽口又好刺激正🤪🤪百味鮮茄魚米線（ $58 ）🍅🐠🐟鮮茄魚嘅魚塊有成十幾廿舊，無誇張真係食極都仲有👅湯底好鮮甜，有蕃茄濃湯嘅感覺，啱晒唔食辣嘅朋友🤤🤙🏼另外我哋都叫咗兩個小食share😽😽口水雞翼🐓（ $29 ）、麻辣手撕雞（ $32 ）兩款小食都真係幾辣下，手撕雞好滑，份量又多，加埋青瓜好爽口，雖然好辣，但係都忍唔住一啖接一啖👻👻

晏就約咗朋友去葵芳個區party room 玩下 聚下舊早到咗所以喺葵芳行陣 葵芳不嬲食嘢都係平靚正因為太肚餓諗住食少少野見到呢間有下午茶所以入咗去食一個嗌咗酸辣湯米線配金菇魚皮米線 小辣湯底好出色 有啲似好出名嗰間x哥米線 另一個朋友嗌咗炸豬扒配出前一丁 跟凍檸茶仲有一個嗌咗酸辣薯粉 配 腩肉加炸醬 （乾拌）Total : $164 人均消費$55 食落都好飽肚 唔差 😊😊😊 但係又唔算好特色 對於學生來 呢個份量呢個價 講算唔錯👍🏻