百味村

营业中

休息中

黃埔區打工仔開飯篇】登。登。登。登！午餐又晤知食乜好，今日就同同事去左見就見得多，聽又聽過，位於嘉里酒店旁邊嘅「百味村」。好明顯我哋係俾佢嘅外型吸引左入去，都好想知道究竟入邊啲嘢係咪好食㗎呢！ ？呢度格局係一個開放式Food Court形式，但又有足球機、射飛鏢、桌球等玩意比食客玩返幾鋪。但係我見枱上邊冇標明價錢就冇主動問啦，都係食完個飯就番公司啦！首先，呢度好得意，用電話app落單，手提電話俾錢，對一啲QR code，就會有專人送餐送到你個位。APP嘅餐廳種類好多，除咗有熱門嘅韓國、日本、越南菜之外，仲有印度菜，更加估唔到嘅事竟然連茶餐廳冰室特色野都齊備左係百味村入邊！我地揀咗間韓國嘢，叫咗一個細嘅韓式炸雞（甜酸醬），唔睇餐廳app入邊嘅簡介都唔知呢間韓國餐廳原來有啲名氣！韓式炸雞塊（甜酸醬）。細炸雞淋上適中的甜酸醬，不會過甜或汁多得浸淋左個脆皮。非常醒胃！兩條炸年糕亦恰到好處，可以點買雞汁一齊食！炸雞竟然以foodcourt來說真的超岀水準，好脆，晤係隔夜翻炸！海鮮喇沙海鮮喇沙嘅湯底略嫌有點太多油，但香味濃郁都算係合格嘅！下次再試其他野食！

放工之後男朋友神神秘秘話去一間特別嘅餐廳，搭巴士去到紅磡碼頭，上一條自動電梯就係呢間咁特別嘅food Court！喺海邊，真係超級浪漫，夜晚啲樹掛住好多燈飾，餐廳嘅設計又係好retro 嘅感覺。餐廳標榜可以用手機程式點菜，但係發現load得好慢，索性去counter直接點菜。有日本野，印度野，韓國嘢，港式，美國野，東南亞菜，酒吧。價錢有平有貴，有啲五十幾蚊一個main, 有啲可以去到$130但係以酒店價錢，海景餐廳來講，真係超級抵！有送餐服務，唔使自己去攞！我哋等食物到咗之後，攞咗出去餐廳出邊嘅室外桌椅，對住海景，震震涼風，簡直係正呀！我哋帶咗兩個main，一個小食，點知原來食唔晒！又平，份量又大，環境又正，去邊度搵？

喺酒店入面竟然有個foodcourt宜個food court好特別除咗係因為佢既地點之外，佢仲可以用app落單，所以其實未去到，就已經可以落定單，跟住去到先scan枱面上面QR code～幾smart！環境舒服，唔多人， weekend唔知好似過咗八點定九點後有live Band好讚！最讚係咩啊！世界盃嗰陣，佢有直播啊！！仲要係酒店入面，都幾多外國人一齊睇，氣氛又好！啲嘢食都好味㗎咁多選擇特別推介嘅係，只有依個foodcourt先有嘅東山餃子🥟好好味^_^！不過唔好叫泡菜個隻，因為太濃味蓋過左原味，浪費左🙈🙈哈哈

香港嘉里酒店，位於紅磡碼頭旁邊，地點算係方便， 百味村是酒店內的food court，地方極大環境舒適，暫時得十間八間食店，及有酒吧。 如果說要因為一兩間餐廳而慕名而來，其實是沒有的。但作為一個輕鬆，吃簡單及多元化晚餐嘅地方，呢個係一個好選擇。店名: NAAN食物: 精品牛油雞 (butter chicken curry)，芝士烤餅精品牛油雞， 很香很滑，咖哩不是杰撻撻的，對我來說偏辣，不過雞肉方面，即使雞胸都是滑溜溜的。芝士烤餅: 非常好味，芝士好香，烤餅煙韌軟熟店名: 華姐清湯腩食物: 牛腩麵牛腩不算太淋，但都可以接受， 有牛腩香。湯底清甜，不過再淡少少會好dd另外在THE BAR 點了兩杯飲品，orange squash 及Pineapple juice, 正正常常。百味村可以download佢哋專用嘅apps，就咁在自己張枱坐定定，就用個apps嚟點食物及付款，非常方便。而且apps裏面食物嘅圖片，影得幾靚，懶人可以唔洗逐間店舖睇有乜嘢食!

週日就應該看著海悠閒的吃一個早午餐，嘉里酒店的美食廣場絕對是一個不錯的選擇！裡面有幾家餐廳選擇，可以滿足各人的口味！首先先挑選最佳景觀的座位，然後用手機掃一下桌上的QR Code，點菜後用信用卡結帳。若用其他付款方式，只須將枱號告訴收銀員然後下單，付款後就可回座位靜待食物送上。今天我們點了清湯牛腩、超級豬骨湯拉麵及韓式海鮮拉麵！華姐清湯腩的淨腩份量十足，沒有蘿蔔青菜等墊底，每件牛腩都帶筋膜，骨膠原十足，又腍又入味東山餃子不是只有餃子，這碗湯麵的麵條絕不是一般的辛辣麵，口感爽口彈牙！雖然所謂的海鮮只有八爪魚，但58元也不會要求太多啦！山的拉麵就比較普通，湯底不夠入味、叉燒一夾就散。飯後可以在附近散散步、看看海！不錯！

完全冇諗過係嘉里酒店入面會有間Foodcourt裡面有齊多國菜式，有日本菜、泰國菜、韓國菜、西式菜、港式麵檔，仲有飯後不可缺少嘅甜品鋪。咁多款又點啊，咪又要周圍走排隊先買到唔同嘢食？No no no，你咁諗就錯啦，呢間百味村有專屬嘅App，你只需要係App落單俾錢，之後就會有員工將食物送到你張檯，方便到不得了！！！

食food  court都可以嘆靚海景❤️你冇睇錯！係真架！有日黎Kerry hotel，先見到依間百味村，行入去發現係food court 但竟然對住個大海景，因為個景，直頭覺得依餐Lunch upgrade左😂而且人又唔算好多，靜靜地嘆下Lunch望下海真係唔錯！而food court入面都有幾間唔同風味既餐廳選擇！我order左泰式風味既：金不換炒豬肉配飯$68不過不失既泰飯，同出面food court無異啦！主要想寫因爲個海景，舒服既程度，覺得絕對值回票價！

唔係朋友帶我黎真係唔會知原來酒店入面有個foodcourt😳雖然佢係酒店入面但價錢又唔算好貴，而且入面都有唔少選擇。佢有個apps俾你俾落單，如果你冇你都可以照去收銀到俾錢點餐，但都一樣佢會有人送野食俾你。呢到仲好正地有liveband聽，仲有唔少電視好似可以睇波，佢仲好特別地有飛鏢擲，總之一啲都唔似foodcourt😂😂高推呢個高質foodcourt，有時同朋友黎可以平平地又冇限時吹水，正👍🏻

黎開嘉里酒店 睇 出門房，之後係 open area嗰度行下 見到有 間food court 就行咗入去啦， 環境唔錯仲可以望住個海，呢到有好多唔同國家嘅美食，我就揀咗韓國嘅甜辣 炸雞配年糕 同埋 熔岩芝士漢堡潛艇，價錢唔貴 份量充足，的確唔錯

I first tried this foodcourt in winter 2018, and was impressed by well-made aperol spritz and delicious, moderately spicy, moist pad-thai. Decided to eat there today again, and was unpleasantly surprised to find out that the quality of food has dropped dramatically. Aperol is still good, but pad thai is dry, yet very, very oily, extremely spicy and doesn’t taste even mediocre. I am very disappointed and don’t plan to go back.

今日去紅磡體育館睇show ,緊係食飽飽先去睇，但有show 日子，附近商場食店一定多人都爆，我寧願行遠少少，再去Kerry hotel food court 食。貪佢坐得舒服，價錢又低，酒店享受。黎呢到食最方便都係用apps order ,食物又唔洗自己拎，個apps 最好就係話埋你知有咩賣哂。泰式炒金邊粉炒得乾濕度適中，蝦又多，夠彈牙。微微嘅辣，因為加左少少馬拉盞，整體上都拍得住傳統泰式餐廳。蒸肉鮮蝦大餃子一隻都有我手掌咁大 （唔計手指喇當然🤣🤣），我未食過咁大隻餃，除左灌湯餃之外。咬入去啖啖原隻蝦肉同豬肉，好飽肚架！原味無骨炸雞份量夠多，好抵食，出面食都$50得兩，三舊喇。炸粉又唔多，雞肉多，非常脆口，送啤酒一流。

今晚同家人來這間在紅磡碼頭新開了大概一年的酒店食晚飯，這裡是一個美食廣場，最吸引地方是以一個平民價錢，可以享受到酒店環境，當然要來試試吧我地坐巴士來到紅磡碼頭，一下車便看到這棟美麗酒店，沿著酒店方向行，便會看到扶手電梯，搭上電梯便是百味村了，非常方便餐廳環境好寛闊，有好多枱，長形圓形方形枱都有，適合不同人數聚餐，每張枱上已放齊碗碟，刀叉筷子及廚房紙，好窩心！還有足球機同飛標玩，大人同小朋友都玩得好開心。百味村出面有個草地，可以比人影相睇海景，夜晚來還會看到迷人的夜景呢美食廣場通常比人感覺是自助形色，自己揀位，自己排隊買餐，自己去拎餐等，而這裡除左自己揀位及自己斟水（有冷熱水供應）外，最特別之處就係可以用手機點餐。只要download 百味村個apps，就可以坐定定輕鬆落單，不用排隊買餐了，還有專人送餐來呢懶人之選！我試左download個apps簡單輸入電郵或者電話便入左會了，百味村有十間食店，包括中日韓越印度等菜式，只要選擇自己喜好的食物及數量，再選擇堂食或自取，如堂食便會素描我枱上的QR Code，我的訂單就會出現我的枱號，然後選擇付款方式，我入了信用咭後，便會出現訂單提交成功，有

朋友介紹嘉里酒店有一個food court ,有野食，有酒飲，有電視睇，有海景，又有人唱歌。 呢個地點距離黃埔站行大概5分鐘。入到去，可以下載一個dockyard app點餐，用信用卡找數，會有人送食物上枱。非常方便。炸蝦壽司，都ok 但唔太中意d芝麻butter chicken ,咖哩好滑，好有椰味，好味華姐牛腩河，牛有d un…湯好普通，雜莓smoothie ,像飲緊blueberry yogurt ,好正！總括而言，會想黎再試其他。

隔住個Mon睇世界盃！呢間堅係適合睇世界盃同食嘢既餐廳Top10之選！酒店內的Food court，唔會烏煙瘴氣如街巴，環境酒店內，裝修夠Chill。仲有個露天草地望住維港景色，真係一流！好多Family一齊睇波，當然唔少得外國人，人地來呢度必定有個人之處！啤酒加Pad thai,大大杯，大大盤！性價比OK$60+$60到啦要霸大Screen位，唔係裝置左好多部，要7點去霸定啦！出面有露天bar位，適合情侶來。（我都時都會同將來既男朋友來！）正吖喂！英格蘭贏波！

1. Amazing free flow deal: HKD$250 for 3 hours2. All you can drink red wine, white wine, prosecco, fruit juices, soft drinks and sparkling water. You can pay for craft beer, not many choices though, just 3 on the tap3. You can order food at the food court, Korean, Japanese, America, Chinese, as well as dessert4. Free to walk in and out, with an amazing harbour front view, perfect to see the city changes in magic hour of sunset5. Chillax vibes to the max