百味村

营业中

休息中

早前的歐聯決賽，時值深夜，結果跟朋友左飛右撲，都是一位難求，唯有乖乖在家中發呆。 事隔一個月，四年一度盛事「世界盃」又開打，總共64場賽事，而且時間啱啱好，今個6、7月真係人都癲。 仍記得8年前，差不多每晚在老蘭打躉，四處找地方睇波，又真係好攰。 不過今年好得多，不少酒店餐廳都提供直播賽事，既有食住飯，又有摸住酒杯底，總之各適其色。 而今年住紅磡的球迷有福了，因為紅磡嘉里酒店的 Dockyard 將會把food court搖身一變成為球迷集中地。 係世界盃期間，Dockyard會擺放投影器，直播世界盃賽事，客人除了呷住啤酒，又可以食下food court 內的美食，邊睇球賽，仲可以大叫大嗌，諗起係屋企一枝公睇波，悶到發呆既情境，今次真係WW。

百味村係五星級酒店food court，food court聽落好cheap, 又要排隊買飛，然後排隊攞。但呢度統統都唔洗，而且環境寬敞，仲有 table game 同dart 機玩。如果第一次黎，download 專用app，登記做會員，此後想食乜真係話都無咁易。從此一入黎，只要揀好位，坐定定，點菜落單，然後等食。完全唔洗行黎行去又要排隊又要拎餐咁麻煩，所以呢個確實係一個擁有五星級服務既food court，最適合識嘆既我😂食物方面亦好多選擇，有韓國菜、本地既華姐清湯腩、泰國菜、越南菜等。我就特別推介海鮮喇沙，大大碗又多餸，而且蝦非常鮮味彈牙！所以一定要食。另外華姐清湯腩同晌總店既水準一樣，香甜牛腩，彈牙魚蛋，非常滋味。配合五星級既環境，簡直抵食到笑。雖然有以上推介，但可惜都有唔好食既伏。立禁放入口既就係雞絲河⛔️‼️ 湯底無味，淨靠九層塔搭救。雞絲唔知係煮左好耐定點，又硬又乾又無味，總之難食。其他未食過，但我得閒就會去。食完再向大家報告。

用膳時間2018年6月1日晚上7時15分.韓式烤豬牛飯, $78.  不知何解叫豬牛飯, 四塊肉是一樣的, 口感像漢堡扒或麥記的豬柳, 可能是豬牛肉搞碎的漢堡扒.味道一般, 還有些少蔬菜. 送餐時間很快, 一坐下來差不多一分鐘就送到.

酒店裡面有FOOD COURT，諗住都有保證嘅，環境都唔錯，原本想係Starbucks 坐下，但有少少肚餓，咁就上左去搵食，星期六下晝都坐到有7成滿，但有時海風就會吹黎少少怪味，唔知有無辦法解決??FOOD COURT 裡面都有唔同款式，有西式啦，韓國炸雞，蒸餃，仲有華姐清湯腩等等，Download個APP就可以坐定定落單，等人送黎。揀左穩陣泰式炒金邊粉，諗住都會正正常常啦，個出事位係花生係花生係花生呀，真係有油益味，材料魚片都有D硬，可能我有D期望啦...

在黃埔逛完街，逛完Aeon，到晚餐時間找東西吃😛想起附近的嘉里酒店有一間餐廳，之前來這邊的時候也有留意到。這家酒店風景超好，有很大的海景喔！👍🏻餐廳也很大。是自助形式的，隨便找個位置坐，然後用手機程式看餐牌和下單，有九家餐廳，中西歐美泰日韓菜🍛我選了一間泰式餐廳的，點了青咖哩雜菜配白飯$68。付款的方式也有很多，我選了Apple pay，再掃描桌上的號碼就已經下單了喔。然後就只需要坐著等食物送過來。白開水也是自助的，這裡還有電視看，🎱桌球租用和擲飛標機。食物的味道還可以，可以慢慢地坐著，環境舒適也加分的😄👍🏻

紅磡碼頭唔係一個十分就腳既地方, 但有一間新酒店O係附近開左之後, 再加上隔離既百味村, 人流就旺左好多.  話雖如此, 其實我都係有一日見悶悶地由尖東海旁一路行到紅磡先發現一條咁好行既海濱長廊同百味村呢個地方.  當日仲要係黃昏時分, 好好feel. 之後, 我就約埋朋友一心要試試百味村既美食.  百味村入面就一個food court既格局, 但 chill D, 同有海景.  因為係酒店管理, 裝修同食物質素都有番咁上下.  第一次幫襯, 逐間睇左自己鍾意既食物就可以搵張枱坐低, 然後download 個app去order同比錢.  之後個order就會有人送到枱上, 所以唔好柯打左之後轉枱.  所有食物包括飲料都有專人送到.  免除攞住食物搵位既麻煩.  因新開有promotion, 全單折後大約$240.  即每位$120, 超值. 我地叫左韓, 日, 泰.  其他選擇仲有港式 (牛腩麵, 餃子), 及 burgers等.  我地叫既韓式酸甜烤雞同炸蝦餅真係一食愛上.  個日式鰻魚卷都好好味, 只係其餘兩樣太正, 被比下去.  睇相就知我無誇張架.  我時時都會show比朋友同

去左kerry hotel 果food court 食左個鰻魚飯. 呢個位於酒店的food court 買既野當然係少少貴，呢個飯都成九十幾蚊呀. 酒店其實在黃埔碼頭附近，如果由黃埔出發過去應該幾方便，大概5-10分鐘腳程左右。不過如果由紅磡站過去就要耐少少。講得佢位於酒店，環境當然有番酒店的質素。佢的裝修以木為住，燈光柔和，十分適個摸下酒杯底，傾下計. 此外仲有露天的坐位比客人用膳，對住個海景食飯，另有一番風味. 點餐好方便，可以download 個app 去order 野食，不過我冇用到，因為剛剛唔夠數據，哈，下次試下先. 當然可以直接比錢. 講返個飯，個鰻魚都幾厚肉，佢下邊嗰層魚皮都燒得好香. 個魚肉都幾鮮甜，而且個燒汁個甜味都叫可以，唔算太搶. 但我食鰻魚習慣左要落山椒粉，而佢就冇提供，如果有會更好. 中間有層紫菜雞蛋碎，用黎送飯都唔錯. 不過我覺得人口汁比較少，唔係幾夠我撈飯。而個飯就太濕，水份太多口感唔好。而且用芫荽拌碟有啲奇怪，應該用返日本嘅醃菜，味道會更合適.順帶一提，當日有隊Live band 表演，可惜有點趕時間,聽左一陣就走啦.

早已聽聞嘉里酒店開幕，係酒店裡仲有高級food court. 忙碌過後，終於來到試試味，看看有什麼新點子。酒店係紅磡碼頭傍，沿電梯上就見到food court entrance星期六下午一時三十分到達，裡面依舊人頭湧湧，犀利！當強國已經發展到人人食飯用支付寶，唔駛攜帶cash 出街都得。百味村也採到相似的概念，只要download dockyard 個 app 就可以係手機order food, 再scan 一下你張檯既QR code 就可以等人送餐過來，完完全全唔駛同人接觸。也奇怪如果沒有手機怎麼辦，其實也可以用傳統方法，係counter 落order 俾錢的。Food court 有數間不同風味美食餐廳供選擇，想食韓菜，但竟然超過 8成食品已售完！很可惜！等緊既同時，睇下周圍環境，有個stage很多音響設備，晚上應該有live band, 好好氣氛吧！酒吧位置高檯，happy hours 最適合不過！剛才提過大部分韓國菜已售完，包括全部炸雞唯有order 還有stock 既章魚🐙牛肉飯，份量超級細，盛惠$8x, 貴得很，完全唔飽！味道不過不失。算幾spicy! 也挑了另一間日本餐

今日響嘉里開會。早左到又肚餓，咁就揾野食。雖然黃埔果頭好多野食。但話食個下午茶餐要行返出去又懶懶地。咁啱響酒店入面竟然有food court, 仲要價錢合理而且多選擇。有粉麵、有漢堡、有酒飲、有日式又有泰式。最終㨂左泰式拼盤。有春卷三條、蝦餅兩塊、炸雲吞兩粒、雞肉沙嗲兩串！汁果方面就有沙嗲汁同埋泰式醋。同醋點春卷同雲吞都ok, 但點蝦餅就好似爭小小。雖然大部份都係炸野，但就唔算係好油。呢度最大既問題就係去落柯打既時候，職員會問你坐邊，但係枱號並唔清晰，所以最終都係㨂左最近收銀位既位置。

是晚係一班女chill一番，朋友提議到呢度，估唔到係酒店內food court。餐廳都幾大，環境好好，有啲足球機，桌球枱，飛鏢機等俾人玩。想chill飲一杯又得，有小食可以點，價錢唔算貴。我地淨係行下都影好多相每個部分有唔同嘅美食，想食乜都得。原來download佢個apps可以直接點餐，亦可以記住枱號去收銀order都可以，幾特別。東南亞我地點左啲串燒，都幾好味亦有點漢堡，味道一般，可以接受。仲有呢個黑啤牛肉小漢堡，唔好睇佢細細個，食落都幾飽，不過似乎洋蔥多咗啲，蓋過肉味。另外可以叫拉麵仲有卷物可以點有時一班女人唔知食乜，呢度多唔同地方菜選擇，可以稍為滿足，我地都喜歡個環境，可以大肆傾計，無話要幾時交枱（當然要俾人收工）

今日放早諗住同爹哋媽咪出去食餐飯，爹哋食飯比較腌尖好多野唔食，唔想食自助餐所以諗到去食Kerry hotel 嘅foot court今日特別嘈，佢有三份一個場開party不過唔緊要啦搵到張枱坐低live Band開始啦，一邊食嘢一邊有歌聽真係好正，爹哋一定要有飯落肚就叫咗個咖喱牛腩飯，油菜同牛丸，我同媽咪就試D新嘢食韓國嘅炸雞年糕同埋韓式餃子我哋都覺得啲嘢好好食餃子大大隻好飽肚，炸雞年糕酸酸味味好開胃爹哋話個咖喱牛腩都唔錯唔太＼，大家點自己想食嘅嘢好似聯合國咁都幾得意！

高級food court 你試過未？今日去左新開張既dorkyard，參考傳統food court概念加上新式設計，感覺新鮮，與眾不同。最令我有驚喜係用App點餐，係自己手機睇menu，睇arm仲可以用credit card過數，之後就有人送餐黎，超方便。因為太方便，我地叫完又叫，唔覺唔覺會食多左，真係有生意頭腦。第一次食，俾華姐清湯腩吸引，湯底好蘿蔔好入味，不過河粉唔夠滑。仲叫左$8既一口雪糕，食都甜品又唔會feel gratuity，arm曬我！聽講呢度仲有野玩，足球機、飛標等，夜晚有brand sound, 真係非一般food court。

位五星級酒店的food court, 食物選擇繁多。當中以亞洲菜為主，有港式粉麵、日韓菜、印度菜、泰越菜，另外也有沙律和burger. 價錢比一般food court只是貴少少，但就有酒店級環境，近窗位置可望園景和維港景致。晚上7-10pm更有live band, 氣氛熱鬧，不過想傾計的話就會嫌嘈左少少。落單可用mobile app, 點完菜並輸入檯號後，就可以信用卡俾錢，全程自主，之後就有侍應送餐。泡菜蒸大餃子(三隻$38) - 在韓國擁有不少分店的東山餃子所出品，3大隻餃子漲卜卜很足料，味道不錯。雙併無骨炸雞($98) - 有原味和韓式甜醬，還有些沙律。雞肉炸得香脆，無骨啖啖肉。原味較好食口，甜醬略嫌過甜，不夠惹味。咖喱蝦配飯($68)，加了$10將白飯轉烤餅，但只有三小塊，而且唔夠熱。咖喱有5粒蝦仁，算係咁，但個咖喱好淡口，亦欠香味，令人失望。

嗰日搭船經過呢度，見到周圍環境幾靚，於是就約朋友嚟呢度食嘢，行吓睇吓，呢度食嘢都係用app order就得，非常方便！成程坐喺度就搞掂！我哋叫咗鰻魚飯，炸蝦卷，同兩杯smoothie!味道都唔錯！

原本想和朋友們到黃埔海濱的Bar 消磨時間，可能太久沒有來這邊了，原來全部都關了。海逸酒店的cafe 又坐滿了人，唯有走一段路到嘉里酒店碰碰運氣。旁邊其實有一間Starbucks，但坐滿人是常識吧？還好最後有這間foodcourt ，而且位置非常充裕，可以選擇離其他客人遠一點的檯。最初看到要用apps才能order，大家都有點茫然（應該只有常客才會用吧？）。最後發現其實是可以出cashier 落order的，不過要自己記低檯號，讓他們可以準確送餐就是了～原本主要目標是喝一杯消磨時間，炸雞不過是為著配啤酒而點的，沒想到這個隨便點的小食很不錯！我們要的是原味拼甜酸醬，2種都炸得外脆內嫩，只是原味吃起來有點「寡」，建議直接點大份的甜酸醬炸雞就好！另外炸雞年糕的炸年糕也不錯！最不解的應該是這裡的cocktail，3位朋友各自點了不同的cocktail，3位都同時表示太重藥水味，選擇cocktail的朋友要有心理準備😐