百味鮮辣蟹專門店 (已搬遷) 新店位置

天氣無咁熱，食蟹真係岩時候。今次揀左食避風塘炒蟹。因為兩個人食，只係叫左兩味餸，一係避風塘炒蟹（$380），叫小辣，二係金銀絲蒸蟶子（$38隻）。地方好細，七點左右開始啲人流好多，先黎蒸蟶子，都幾鮮，但未算好大隻，加埋啲粉絲蒜蓉，真係好食。等左十五分鐘，避風塘炒蟹出場啦，我地叫左小辣，先試啲配料已覺得好辣咁款呀，開始有少少擔心，但入面唔辣，我唔識佢煮法，我估係炸過，幾好食，好大隻蟹，啲肉好鮮，呢個時候食好岩，要連啲碎一齊食會更有味道，簡直係啖啖肉，個人認為如果啲蟹肉再入味啲會更好。唯一要挑剔係這裏地方好細好逼，食碟蟹都好似唔係好夠位咁。

見到咁多好評於是早一兩日打去訂枱聽電話個姐姐好有禮物令我已經係心入面加左幾分😆放工三個由中環坐的士去一坐低已經叫左想試既野食避風塘炒蟹(中辣)年糕蝦(小辣)麵醬雞煲金銀蛋時蔬首先係雞煲香噴噴😍一食落口   不得了....啲雞皮既脂肪香湧曬出黎啲肉好入味好滑$88 但份量好夠三個人分相比其他茶餐廳 我諗應該要成百幾蚊了😥之後係年糕蝦啲蝦好大隻😍一啜啲膏  好正呀救命有圖有真相我因為想食得乾淨啲已經犧牲左我雙手了😂順帶一提 呢到舖仔細細但都有三個侍應成日都會幫我地收骨碟好細心好抵讚👍主角出場$380 避風塘炒蟹一上枱已經聞到好香穫氣既味道新鮮熱辣既蒜粒入口即溶蟹鉗好大啖肉完全係皇帝級享受我真係一路食一路嗌個侍應姐姐笑住話你地食得好開心 我都好開心🙈 食左咁多濃味野清清地食啲菜啦金銀蛋浸時蔬本應係好普通即菜色但我想講佢連啲湯都好好味唔係味精湯😋不過掛住食冇影到相因為我全餐都放棄左用筷子😂好冇儀態但好過癮呢 一定一定會再黎😠😠😠😠😋😋😋😋😋加油小店繼續保持咁高水準呀😁😁😁

平時見到好多人食, 上個星期阿媽生日同屋企共6 人, 決定試下, 有驚喜嗌左八樣嘢, 整體幾好, 最好味係個年糕蝦, 同埋避風塘炒蟹~環境尚算乾淨, 服務態度好, 冷氣有啲凍, 反映後店員立即較細左, 值得讚!年糕係個亮點, 煙煙韌韌, 口感一流, 又唔係太辣~ 推介!店員介紹川辣雞煲, 但因為同行有人唔係好食得辣, 所以就叫左麵醬, 無後侮, 好香, 啲雞一啲都唔"鞋",好滑~ 因為瓜係時令, 介紹下所以叫左個呢個, 上菜時係滾的, 好熱, 要小心, 因為我燙親手味道不錯, 夠鑊氣, 呢個好多地方都有得食, 平凡左啲呢個係主打($380), 以隻計,  超正, 勁爆肉, 個人覺得比銅鑼灣黎得好, 仲平好多 啲肉好鮮甜, 蒜好香, 叫左少辣, 所以所有人都食到, 店員介紹可以二食, 將個蒜蓉攞去炒米粉, 但因為太飽, 所以食唔落了, 下次有機會啦~~

光顧這間食店已有數次了，為什麼呢？皆因每次都有驚喜，因佢地一定會選擇新鮮食材去煮給客人，令每位食客都會想再重臨再試其他未試的菜式！。今晚幾位密友再次黎呢度食，吃了黃金泡菜~少少辣令人好開胃，之前食過黑松露蛋白炒飯，今次老細推介鮑汁炆飯，雖然用鮑汁但煮得好光身，很足料，真係是ichiban。另外order咗鮮蟹肉豆腐煲，如果蟹肉有多少少就更完美了，蒜香牛仔肉的牛肉粒很嫩而且彈牙，雞煲是我必選的因是我的至愛，超正！每一道餸菜都很有水準。雖然地方不大但很整潔，服務好亦好好傾！是我近期超鍾愛的飯局地方。一間食不厭的食店*^O^*誠意推介！

同數位密友去完南丫島行山之回程中，在船上商討晚飯聚腳點，無意間在Openrice發現有辣蟹專門店，地點也是我們一起成長之地，在緣份引領下，我們第一次光顧這間令人有驚喜之特色食店。當晚部份菜式如下:1. 辣蟹炒年糕巨大肉蟹，賣相已十分吸引;加上秘制香料及精選年糕配襯，不太喜歡蟹的我也忍不住將年糕及配菜通通吃光，鮮甜的肉蟹亦令大家回味無窮。2. 招牌豬仔肉本以為是一般豬扒菜色，上菜後已發現與别不同。肉質雪白嫩滑，有點似五花腩肉，煎得十分香囗，有"那些年"住家豬扒之原肉味。3. 蒜泥蒸開邊蝦新鮮材料及適量之調味，一瞬間已把整碟海鮮及粉絲連蒜汁消化在各人肚子裏。4. 黑松露蛋白炒飯我至愛的黑松露竟然成為其中一味菜色，中西合璧，酒店級廚藝，連平時吃不多的朋友也想encore。總括來說，店舖雖小，但裝修精緻温暖，洋溢家的感覺，迅速成為我的聚腳首選地方！

夜粥！你食過未？第一次幫趁百味鮮就是外賣消夜水蟹粥，粥底綿滑暖入心，有半隻蟹！價錢只係$18！！！最重要是蟹鮮有膏還有雞粥同豬潤粥可供選擇！等外賣時整個鋪香氣撲鼻，相信堂食其他小炒食品應該幾好！

同屋企人第二次黎呢間小店，知道佢晏左就多人，早早地六點零鐘就落去。我地四位唔使等，我地入左座之後，前後有十幾張枱因為無位而走左，看來已經做到口碑了。正題，今晚四個人四個餸一個炒飯兩支啤酒。先黎臘味排骨，呢個餸中規中矩再黎瑤柱蛋白炒飯，炒得夠乾身，份量亦好足杞子豬潤浸菜芯，菜心、豬潤新鮮，個魚湯都好正剁椒蒸桂魚腩，桂魚係夠新鮮⋯但好可惜⋯個汁浪費左啲魚，太酸，見到咁多辣椒但沒有一丁點兒辣味蒜香牛仔粒，最後係推介菜，牛粒夠嫩，蒜香夠惹味﹗總括黎講水準仍然係幾好，之前已經試過招牌避風塘炒蟹，今次專登試下其他餸。臨走時見到人地個雞煲已經話下次要試了，好香﹗

朋友飯局,好友極力推介這一間新開小店,一早訂左位,一行三人準時到達,店鋪地方雖然不大,但地方十分整潔.肚仔餓,急不及待點餐黄金泡菜:同一般泡菜唔同,唔辣,酸酸地,好開胃!九層塔石鍋胡椒蝦:石鍋上,香噴噴!蝦肉爽口彈牙,最正係d配料,吸收晒九層塔同胡椒嘅香味,十分惹味!連蝦殼都食埋玉桂蘋果牛柳粒:未上枱巳經聞到玉桂嘅香味,牛柳粒鬆化,有肉味,加上蘋果同玉桂粉,感覺蠻清新的,一口接一口,好食到唔停得口!避風塘炒辣蟹:香氣撲鼻,鑊氣十足的炒蟹鲜甜多汁,肉質嫩滑,肉蟹大大隻,好新鲜,加上金蒜,辣椒和乾葱的香氣,好味到連手指都想食埋.最後將食剩的金蒜拎去炒飯,變成了避風塘炒飯,又別有一番滋味. 虫草花浸時蔬:虫草花香氣撲鼻,生菜吸收左濃湯同蟲草花香味,味道清新 

今次已經係我第三次黎呢度食啦, 第一次同朋友試過好食, 索性中秋同屋企人黎呢度做節, 到第三次黎食宵夜,試過個宵夜後, 我決定同大家分享一下, 將我食過幾次既幾張相放出黎, 希望一啲有質素既小店可以留得低, 呢度雖然呢度地方唔係大, 但夠乾淨, 食物一啲都唔馬虎及服務水準都一流, 服務員態度好之餘, 會係咁幫你加茶, 有時間仲會同d客人傾下計, 了解下食物質素同埋客人既意見! 讚!寫番中秋做節飯個餐先:青瓜青瓜夠冰涼, 醬汁有辣有唔辣,同出面其他既醬汁有啲唔同, 用黎做前菜好岩, 開胃(但忘了影相^^")豬仔骨豬仔骨好似係用近骨既位置, 有少少肥,唔理啦XD,但真係勁香,唔會硬, 尤其係啲配料, 仲香, 我估應該落左小小蒜鹽, 餸飯一流避風塘炒蟹我怕麻煩, 所以唔食蟹, 但因為阿哥鍾意, 所以叫左一隻, 真係好大隻, 見阿哥個食相, 我諗應該好好食,仲抵過銅鑼灣好多,但我最欣賞係個二食用返啲避風塘蒜蓉炒新竹米, 嘩.. 香到呢, 出面無得咁食, 推介!!川辣雞煲由於我最愛雞煲,見到有, 一定要嗌個黎試下, 一試不得了, 啲雞好嫩滑, 一啲都唔鞋口,份量仲幾多下, 同埋有我鍾意四川麻麻地

今日同大佬慶祝生日, 一早已book 好, 唔洗等。叫了年糕炒蟹...非常惹味.. 年糕吸收左d 汁 好好味而且隻蟹好新鮮 又大又厚肉 睇住老闆親身出去捉 誠意可加此店專是食炒蟹的 所以提供各款不同的煮食方法 讚 !!~另叫了麵醬雞煲 ($88) 份量頗大 雞肉很鮮很滑 凍凍地天氣食 很配 !!

我自問唔係對海鮮熱忱既人, 但大部份朋友都好喜歡食海鮮!尋晚係我第二次去依間餐廰, 原因係佢已經將我既胃腦留住~一開始食左碟好開胃既<爽口雲耳仔>, 有芥末味, 好刺激!仲有, <手拍青瓜> 同<涼拌三鮮>. 超醒胃~ 今我胃口大開~到主角<<辣蟹>>, 今次選左以年糕炒, 好特別, 又有風味!蟹肉超足料 (至少2KGs), 厚肉彈牙~ 又鮮甜~我地仲配左<蝦醬豬頸肉炒通菜> <金銀蒜蒸蟶子皇> 同<咖喱海鮮炒烏冬> ((好好味~好飽!!!))特別係蟶子皇, 9吋長, 好新鮮~ 同粉絲好夾!我地一路食到10點~ 再食一窩<消夜水蟹粥>...粥同水蟹好夾又入味~ 想再食但太飽喇! 我地決定下次再去~ 好想試埋其他野食!!超讃! 誠意推介!