百味鮮辣蟹專門店 (已結業)

剛好到西環工作，晚上朋友帶隊到一家地道小菜餐廳食晚飯。餐廳乾淨整齊，裝修新淨。海苔豆腐拼蝦棗，豆腐脆口，上面灑有海苔粉；蝦棗炸得金黃香口，中間有細細蝦肉，味道調味剛剛好。冰鎮咕嚕肉，外皮又甜又脆，帶有麥芽糖香味，內裡還是暖暖的，排骨肉味濃厚。香葉黑胡椒炒蟹，蟹肉鮮嫩有羔，茨汁裹著大蟹，胡椒味香濃。黑松露蛋白炒飯，黑松露頗多，炒飯炒得粒粒分明，非常不錯！每道菜份量都不少，價值合理，服務周到，下次會再幫襯。

為朋友慶祝新屋入伙, 於是在他家附近食晚飯,就來到百味鮮。 店地方環境寬闊,裝潢不錯舒適。** **【泡椒鳳爪】 $38 白白色的鳳爪 ,咀嚼時好有口感,肉質爽口,帶酸酸辣辣,非常開胃的小食。** 【茶樹菇燉雞湯】 $98 那晚茶樹菇燉雞湯,湯料十足,真係少油清甜好飲,非常滋補的湯 。**當然點了招牌菜【避風塘炒蟹】 中辣 $380 啖啖紮實的蟹肉好鮮甜蟹味,而蒜粒炒得好香唔油膩,味道及口感十分豐富,胃口大增, 不消一刻整隻蟹已清晒 !**【濃湯桂魚片】 $168 這款餸有好多料, 主角有已切片的桂花魚,滑滑口感,沒骨方便食用, 另有芽菜、青瓜、粉絲等配料,而濃湯底味算清鮮甜濃郁,有得食之餘仲可以飲湯呢!**【杞子豬潤浸菜芯】 $68 這煮法不錯,不會單調只食菜, 仲有爽爽的豬潤,不會粉粉的, 整體十分清甜唔錯。** 【菠蘿雞粒炒飯】 $68 這炒飯飯粒粒分離夠乾身也夠鑊氣,加上有菠蘿及雞粒待配料,令炒飯生色不少。**

約了幾個朋友食飯, 朋友喜歡食蟹，就揀了百味鮮。百味鮮是食蟹專門店。所以蟹是必食的。這裡的蟹有辣有不辣。我們叫了少辣的香葉黑胡椒炒蟹$380炒蟹一d都唔小，都算多。是一隻大蟹, 蟹肉新鮮爽口彈牙。 除了蟹，我們叫了其他小菜，都很美味。而且大碟，絕對抵食。 涼拌青瓜＄38 和芥香雲耳仔＄38只是前菜, 都很大碟, 比起出面的餐廳,多了一半。很讚。 冰鎮咕嚕骨＄238冰咕嚕骨賣相吸引, 有煙霧散出，好讚鬼。冰承托著咕嚕骨, 好像冰糖葫蘆。以為咕嚕骨是凍食的, 原來是暖的，而且皮很香脆。海苔豆腐拼蝦棗$138很香脆，又是必點。蟹肉扒西蘭花＄68 黑松露蛋白炒飯68 黑松露香氣四溢。未食已聞飯香, 增加食慾。飯炒得乾身, 一粒粒, 很飽。

約左3個朋友去西環個邊食飯，諗住簡間可以坐得耐又有啤酒飲下吹下水既餐廳，見到呢間好似幾多人食係出面望左陣menu覺得價錢OK就入去試下，都成8點了，好肚餓!叫左個蒜香凍螺($68)、涼拌青瓜($38)、醬油臘味炒飯($68)、花開添富貴($168)、蟲草花浸時蔬($68)、芝麻雞($198)、避風塘炒蟹($380)蒜香凍螺都幾大隻，味道開胃，用牙簽LIU出黎食幾過癮，但D牙簽比較軟身，建議提供硬淨D既長竹簽，食得爽快D! 涼拌青瓜都係開胃之選，份量都唔會太小，對得起$38花開添富貴其實即係西蘭花炒帶子木耳冬菇，帶子超大粒，有口感又鮮甜，唔知點解呢個送唔似酒樓咁會勾個獻，亦都冇比蠔油，所以味道就淡左D蟲草花浸時蔬佢上菜時連埋個大湯匙，我地以為係可以當湯飲，但一飲偏咸先知應該唔預我地會飲，係菜心個汁黎 笑死!芝麻雞好吸引呀! 見到個皮脆卜卜，望落又唔見有皮下肥膏，炸到雞皮同雞肉恰好連住差小小就皮肉分離既最高境界，賣相已經超班。將雞皮沾上華鹽，提昇左舊雞既雞味，雞王表示滿意。避風塘炒蟹有得簡大中小辣，我地簡左中辣，都唔算好辣，炸蒜好多，一路食一路飲啤酒一路剝蟹，實在太正了!醬油臘味炒飯比想像

近農曆新年，又係找長輩食飯的時機，今日去左堅尼地探親，大哥帶我係附近食小菜。餐廳地方寬闊，光線足，滿有溫馨感。蜜椒翼$40燒雞翼我自細中意食，加上蜜糖最惹味。大哥專登點俾我食，滿滿童年回憶。雞翼香嫩，美味。黃金蝦$158我中意食蝦，但呢款黃金蝦第一次食，蝦肉又鮮又大隻，最驚喜係周邊脆脆的口感，原來用蛋黃混成，極香口又不油膩，好滿足。蟲草花浸時菜$68時菜選了菜芯，新鮮鮮甜，菜芯正氣加上蟲草花真係健康配撘，有個大哥最窩心。避風塘蟹$380蟹好少食，因為唔識剝，只識食蟹腳😅，今次有大哥幫手，啖啖蟹肉，好滋味。溫馨小聚，笑容滿面。

四個人係上環睇完Show覺得好肚餓，西環朋友就話佢家附近有間經濟又好味小菜館，一場過到香港島更係食埋先回家啦， 況且有好野食喎。地鋪黎嘅原來係新開一田斜對面，食飽還有時間去行一陣添朋友推介必食~ 蒜香凍螺 $68 抵食又好味又份量多，冷盤黎嘅，東風螺肥味有彈牙，用上他們自家醬油浸到d螺肉入晒味，個汁唔辣做法類型醉雞，帶鹹香微甜仍然保留都螺嘅鮮！ 青芥牛立方 $98 好大碟賣相一般，其實係用沙律醬同wasabi調出新味再加上青瓜同安格斯牛柳粒，味道幾特別，牛柳亦好濃牛味而且口感軟熟，d醬汁可以少些。XO醬海鮮烏冬湯 $88超多海鮮蝦同柱子粒湯底鮮甜，烏冬質地有彈性，XO醬撈起令成個湯香辣惹味無比，每人都足夠一碗以上。海苔豆腐拼蝦棗 $138先講豆腐炸得香脆食到海苔味，可能在豆腐面上灑上海苔碎，做到一啖一口好好味！而蝦棗好大粒炸得金黃但質地較鬆散不過就食到細碎蝦肉，調味就做得剛好。香蔥粉絲蟹煲 $350香味撲鼻，見到人地隔離枱咁正，當然我身為海鮮控又點會放過，突然諗起泰國添！ 粉絲煮得乾身吸收晒蟹嘅精華落晒落去，無得輸。隻蟹size都算大，蟹鉗通通歸我薑蔥炒過超惹味。還有黎緊新年嘅菜式已推

媽媽同我都係好鐘意食蟹，係咁多種海鮮中，對我黎講蟹都一定係三甲內，佢無元貝，蚌，蜆咁容易食，但係絕對係最鮮味， 街市買嘅價錢都已經好貴， 所以出外食蟹價錢都一定唔平，係銅鑼灣橋底嘅食蟹專門店閒閒地都5,6百蚊一隻。今次西環呢間餐廳相比之下較經濟。我們坐好媽媽負責揀餸，我要食蟹，唔想好辣，我就話選食香蔥粉絲蟹煲啦！服務非常好，一見我地d蟹殼就會自己換，值得一讚！蒜香凍螺 $68原來係冷盤呢架，好味道帶點甜嘅佢地用嘅醬汁應該自家調製，將螺肉浸到入晒味有嚼頭而味道適中，咁樣做又帶出另一風味來。 讚~~ 濃湯浸桂花魚 $168味道鮮，用上魚餚成濃湯配上豆卜粉絲牙菜打底盡吸收晒湯嘅精華，但竟然一點腥味都無呀，而桂花魚片亦好香滑同買無骨的，啱晒我同媽媽。香蔥粉絲蟹煲 $350嘩 賣相有辦有眼，同媽媽都滿意但最重要味道，先來點炒粉絲夠乾身又夠惹味。蟹走過油外殼脆口肉質嫩但係未去到好肥美要視乎季節性，不過已經好豐富而蟹蓋係有蟹膏架！ 蟹鉗亦已代為整開只需輕力就可拆到肉 ❣❣蒜蓉西蘭花 $60蒜香還帶點微微酒香，炒得軟硬適中。

收工後跟行家相約於中環快樂時光，但酒過三巡還沒談什麼正事，聚散後還是跟老友P到西環百味鮮醫肚就最實際。此菜館鄰近港鐵站、坐得又舒適，價錢公道，味道亦剛剛好而且食材新鮮。開業吃過一次後每次到港島區想吃小菜的話都會先想起這裡。朋友P笑說L是否還未喝夠酒 ，其實這道藥膳米酒雞是很補身的。味道有點像肉骨茶，湯底 加入紅棗杞子黃油雞濃而不油膩，配上豆腐卜吸吸湯底的精華有點像油炸鬼。L一碗又一碗的喝。漁村風味炒米味道有點像廈門炒米，配上大蝦而米粉上的芝麻是精髓所在。米粉炒得乾身及香口更不油膩。

今晚同友人去吃蟹，好吃的程度很難用言語去形容，好想吃曬D黃金蒜，又覺得很誇張。藥膳米走雞老闆告訴我們，這個藥膳雞煲，用了2天時間去浸藥材，而藥材包括，川弓，淮山，紅棗，北芪，黨參等藥膳，而配料方面有豆卜，姜和冬菇。雞肉很嫩，酒都被我們飲曬，真的很美味，感覺很補呢！自家海苔炸豆腐豆腐是加入了雞湯和石膏粉的，吃下去很像玉子豆腐，香滑，再加上紫菜，變得香口！蒜香凍螺蒜的香味濃郁，加上特製的醬油調味，將肥美的螺表露無為，醬的好處就是把該有的鮮味帶出來，而又不奪走食物原本的味道。螺的肉質很爽口。芥香雲耳雲耳帶著醋的酸味再加上Wasabi，有點芥末的微辣，很好吃！感覺很新鮮，又特別。

要想在港島西吃小菜，我和老公往往第一時間想到是這裡，第二次來幫襯啦，口味依舊，最鐘意就是菜式沒有味精，吃落就健康好多啦！秘製東風螺，究竟落了甚麼醬汁，甜甜咸咸，一粒接一粒，停不下來。還有蒜香醉豬手，喜歡蒜頭的朋友，這肯定是大家的大愛，豬手炆得軟腍且入味，飯前涼菜非常正！！上次沒有吃到的避風塘炒蟹，今次與幾個朋友一齊吃，當然要品嚐下啦。大大隻肉蟹，用料一點也不吝嗇，而且肉厚、香辣，又不失蟹原本的鮮味。松草花上湯菜心，冬天吃菜心就是當造，口感特別爽甜，連松草花湯一齊喝，正氣又清甜。酸甜咕嚕骨，經常吃小菜都會點的菜式，酸酸甜甜，認真開胃。在我還未有找到別間比這間好味的小菜，我還是很欣賞店裏大廚的手藝和心思的，連朋友都讚不絕口啊！

天氣今晚就突然下降至10度，咁凍既天氣，首先要叫燉湯來暖暖身，暖暖胃。茶樹菇燉雞湯 $98湯十分清甜，除了雞肉更有瘦肉，而茶樹菇亦好出味，令我飲完一碗接一碗。避風塘炒蟹中辣 $380蟹之中，最鍾情以避風塘主理方式，惹味十足且更能把蟹帶出鮮味，最重要還是要蟹夠新鮮，肉甜實肉，十分好吃！杞子豬潤浸菜芯 $68菜甜豬潤厚切，豬潤烹調剛好，不會過熟而令豬潤過老。菠蘿雞粒炒飯 $68炒飯夠乾身，夠鍋氣，而菠蘿帶出了甜味，一連吃上了兩碗炒飯喜歡這店味覺不重，可以食到食材本身味道，只要食材新鮮，食品真材實料，客人總會回來。

百味鮮位於西環海旁其實他有名是他的海鮮不過今天不吃海鮮他午市如茶餐廳般賣午市套餐例湯+飯+餐飲午市餐牌菜式常常更換不怕吃到悶我選了蘿蔔牛腩飯碟子的汁有點亂，影響賣相食物味道好牛腩汁撈飯絕對一流牛腩和蘿蔔都很軟蘿蔔吸收到腩汁加上本身蘿蔔的鮮甜非常match友人點了鼓椒牛肉炒河雖然我對鼓椒類食物向來沒什麼好感不過這個一來到香味撲鼻可見鑊氣十足午餐價錢大概50元左右中規中矩和同區的午餐價格相約雖然賣相有點扣分但烹調味道和服務態度搭救是有誠意的一間餐廳

踏入十二月，秋意漸濃，提醒自己2017年差不多完結。回顧過去，今年多大變革，人丶事丶物都面目全非，作為獎勵，年尾對自己好一點，試幾位友人推介的炒蟹！這店鄰近港鐵站，步行數分鐘而已，交通方便亦容易找。充滿氣勢的格言，令我不期然有點期待呢！蒜香凍螺 - 冷盤有東風螺，肉質鮮美、酥脆爽口，配上醃得恰到好處的醋，酸酸甜甜令人食指大動。很容易就把整條螺拿出來。自家海笞炸豆腐 - 有點像炸玉子豆腐，先有玉子豆腐的嫩滑，加上蛋香、再有海笞味道及秘制和風醬汁，不預期中式餐廳能吃到。配白米飯一流。避風塘炒蟹(極微辣) - 期待已久的主菜剛放下已香味四溢，炸過再炒的蒜香吸引得不得了，這碟蟹有成人手踭至指尖長，滿滿的蒜蓋過了兩隻肉蟹，立即開動！以肉蟹來說挺多膏，有咬口，蒜頭炸得剛好，香熱之餘完全不油膩，不加醋也吃得極滋味。蟹肉多汁、嫩滑、鮮甜，咬下去時彈牙有咬口，極新鮮呢！顧不上微燙及形象開懷大嚼，爽！離開後驚覺沒有打包蒜頭，後悔莫及，大家引以為鑑

經朋友介紹，今日特登入西環試下誠意推介既餐廳雖然名叫辣蟹專門店，但係食物種類繁多，一啲都唔簡單！鋪面唔算太大，但擺位十分寬敞，一啲都唔逼招牌既蟹類餐單，有好多種既煮蟹方法：避風塘，新加坡，芝士牛油，咖哩等，可以簡選最喜歡既食法！小菜價錢合理同埋菜式繁多， 份量絕對足夠入座餐廳職員亦非常詳細介紹各款菜式， 因同行朋友唔食得辣，叫左個傳統既中式粉絲蟹煲。蟹十分大隻，亦夠哂鮮味，肉質彈牙，煲內的粉絲吸收哂蟹既鮮味，汁都撈埋！另外 叫左手拍青瓜， 龍躉球同砵酒蠔煲青瓜入味，夠哂酸，加上蒜蓉係面十分開胃龍躉球炒得非常出色，表面香脆，但肉質keep住鮮嫩。 蠔煲既蠔大大隻夠份量炸豬手好脆皮，肉質一啲都唔硬 而最後既臘味飯簡直冇得輸，料十分多，飯炒得好靚，夠入味，咁大兜都係$68，比茶記更抵食總括黎講餐廳菜式真係煮得十分出色，絕對值得推薦！

之前同老公都住過西環一段日子，充滿著回憶，也有不少美食，所以不停時番去行下揾下食。今次俾我地發現意間百味鮮辣蟹專門店。開頭以為淨得蟹好味，點知俾我發現可能係全港最好味既冰鎮咕嚕肉。係廣州食過意款冰鎮後，就一直念念不忘。原來意道係像私房菜的店鋪。不時不食不鮮不食。價錢晤算特別貴，中價價錢。店舖地方晤算好大，但舒適。前菜叫左話梅豬手，非常入味，話梅令人開胃。冰鎮咕嚕肉，賣相非常吸引，有煙霧效果，冰墊底。冰鎮既意思，係好像冰糖葫蘆咁，急凍外層，包住醬汁，咬第一口，十分脆口，甜甜的外層配上內層酸酸的完美結合。美味非常！必叫最後叫左黑松露蛋白炒飯，香味撲鼻，炒得夠乾身，不錯。