百味鮮辣蟹專門店 (已結業)

作為海鮮迷緊係會睇下邊到有平靘正既海鮮食！難得地鐵終於開通，又咁岩去開西環睇下附近有咩好食，見openrice評分唔錯，試過真係不得不大讚😋食海鮮必點炒蟹，炒蟹有唔同風格：避風塘炒蟹,新加坡炒蟹,芝士牛油炒蟹, 香蔥粉絲蟹⋯總之極多烹調方法，因為第一次試，保險d㨂咗避風塘做法主菜前先上小食，冷凍海螺勁鮮甜！肉質彈牙配合甜甜地既醬油充分將海螺既鮮味提昇幾個層次！呢個開胃菜已經令我回味無窮！燉湯清甜完全唔油膩，勁多配料將精華濃縮向湯水到，一飲就知落足時間同心機去燉！蟹肉扒西蘭花爽脆好味，完全係高級酒樓既水準！炒蟹雖然冇張相咁大份，不過質量取勝，廚師將蟹分開2半，避風塘嘅椒鹽配合嫩滑蟹肉簡直不枉此行！冰鎮咕嚕骨勁有趣，排骨底放咗冰粒同乾冰增強視覺效果，食落咕嚕骨因爲比冰急凍係外凍內熱，勁有趣！！！外皮仲係糖脆口感，完全未食試過呢種食感既我超！驚！喜！唔夠喉再叫多份川辣滑雞煲，雞肉嫩滑唔似出由雞煲多油到浸肉，調味岩岩好又唔會過咸，最重要唔會太辣岩一班人食！呢間食物水準同價錢貼地，行開西環煩緊食咩既你絕對值得試👍🏻

朋友聚會，叫我帶佢地食D正野，搵嘢食最緊要識得捐窿捐罅，所以我訂左呢度，之前朋友都話過呢到d海鮮夠新鮮，結果無令我地失望，個個都好滿意。見平日都咁滿座，就知有水準。成日都出街食，所以中式燉湯就最啱我地，蟲草花燉雞湯，朋友們見到都好開心。湯一大煲足以六人分，湯料好豐富，飲落好入味，好鮮甜，番飲兩碗都得。推介！！蒸馬友，好大條，好厚肉又少骨，又唔腥，好多骨膠原，呢條魚做得好好，好味道！！識食蟹，梗係揀用避風塘炒啦！！好厚肉，份量足，啖啖肉，好味！！ 避風塘嘅蒜茸辣椒非常惹味，非常好餸飯，最後俾我哋當零食咁樣食， 送飯配酒一流。蘋果牛柳粒，聞到已經口水流，牛柳軟硬適中，好開胃。炒豆苗，煮得好爽口，外表翠綠，咬落新鮮爽脆，正！！呢度果然真材實料，價錢公道，食物質素高，非常滿足嘅一餐。

今次同事生日飯，再食百味鮮，這是我第三次黎，價錢平，小食種類多，岩晒我。由於次次黎食都食唔齊想要既野，所以今次專登打電話去留海鮮，等佢地下午17:30分開鋪就打去留海鮮，店員超好地幫我留左次次都食唔到嘅聖子，可惜既係我太遲打去，有啲海鮮已經冇晒不過冇晒嘅海鮮我都食過凍話梅豬手酸酸地開胃凍麻辣豬手炸魷魚絲密椒雞翼 好甜 店員幫你1開2放便進食 好貼心凍螺好有咬口，超好食鮑魚可以凍食可以熱食，我之前食過凍食，所以今次食熱既，店員好貼心會幫你起埋個殼，方便唔洗自己起，本人喜歡熱食，口感一流避風塘炒蝦🍤好新鮮好大隻 抄得超香 萬眾期待嘅聖子終於到啦 好大隻 成隻筷子咁長 鮮甜爽口避風塘炒米粉，之前食過超好食所以叫左2份 感覺質素差左可能我叫左2份佢一次過抄，所以火候唔夠，但都好食既黑松露蘑菇蛋白炒飯，呢個好好食又好抵 仲叫左個蟲草花時菜，迷你炸豬手，海鮮豆腐羹 鍾意食海鮮嘅朋友一定要試吓

從前在西環工作真的很快樂，皆因周圍都是充滿特色的食店。這裡絕少所謂集團式經營的餐廳，反而充斥著很多用心經營的老店、小店，今晚來到的百味鮮就是其中的表表者。這裡可謂麻雀雖小，五臟俱全。由環境、服務、食物款式到水準都是大酒樓的級數，而且比一般酒樓更用心，餸菜選擇之多媲美其他集團式經營的酒樓食肆，價錢經濟之餘，份量也大大碟，所以很受街坊歡迎。台式皮蛋豆腐先來份前菜 － 台式皮蛋豆腐。不知道豆腐是否老闆自己製作的，就是比一般在街市買到的豆腐的豆味更為濃郁，一般酒樓做這個前菜十居其九都用上百X豆腐，貪方便之餘亦包保嫩滑，可是就欠缺黃豆味。但這裡用的豆腐黃豆味很香，配上上乘的肉鬆，絕不會食到乾爭爭的感覺。蒜香凍螺另一個前菜是蒜香凍螺，看似簡單味道卻極有層次，螺肉隻隻飽滿肥美、新鮮彈牙，蒜香味極重，啱晒我哋無蒜不歡的口味；另外我們很想知道那秘製醬汁用了什麼材料，但當然老闆沒有透露啦，不過就是說不出的好味道。九層塔胡椒蟹蟹有10種食法：避風塘炒蟹、新加坡炒蟹、芝士牛油炒蟹、香蔥粉絲蟹、香葉黑胡椒炒蟹、九層塔胡椒蟹、辣味年糕炒蟹、黃金蟹、咖哩蟹、薑蔥蟹， 今晚我們的心水是九層塔胡椒蟹，九層塔味道不算突出

友人相約晚膳，竟然選了一家位於香港大學附近的食肆，朋友住黃大仙，我住新界，大家都不就腳，選它的原因是因為友人的同事對該店有甚高評價。友人的同事給店的評價為: 『味道可人，抵食到暈。』是耶？非耶？請看以下小弟當晚對每道食物的簡評。以下照片為週二晚上八時所拍，食肆當時入座率接近八成，結合食肆的位置及當晚並非假日或假日前席這些因素，晚上生意可謂相當不俗了。以街坊菜館而言，這裏光猛簇新，地方清潔，坐位闊落，環境相當不錯。先研究菜牌，定價相當貼地，小份的避風塘炒蝦炒蟹只賣HK$158，汽水每罐才賣10，全日免收加一。蒜香凍螺HK$68大大小小有接近20隻，份量很大，很多食肆出品的辣酒煮東風螺都沒有面前的份量，作價也100以上。而在味道方面，小弟及同行友人都激讚，蒜子醬油味鮮，沒死鹹，把螺的鮮味完全帶出，沒有一隻帶有異味，屬新鮮靚貨。台式皮蛋豆腐HK$48台灣流行小食，配撘恰如其份，那甜醬油是靈魂，做得不俗。櫻花蝦啫啫通菜HK$88啫啫通菜惹味乃預期之內，蝦醬再加上櫻花蝦，鹹香味十足，比預期的惹味更惹味！避風塘炒蝦HK$158朋友本想食蟹，但當晚全數售罄，唯有轉食蝦，未食蝦先試避風塘，金蒜炸得香口

自從地鐵可以去西區之後，而家去西環食嘢真係好方便！香港食辣蟹嘅地方唔多，呢間係其中一間，重點係佢有新加坡style嘅香葉黑胡椒炒蟹，呢個真係唔係度度都有得食！其實淨係炒蟹佢都有8款比你揀，一定揀到岩食既！首先叫個冷盤先，肉鬆皮蛋豆腐，份量都幾大，整體都唔錯！香葉黑胡椒炒蟹，少辣，用砂鍋上，賣相一流！試一口個汁，香辣濃郁，蟹方面用上大肉蟹，蟹鉗已被打碎咗個殻，所以食地上黎都算方便，記得食果時加返d汁係蟹肉上面，倍添美味！豆酥蒸黃花魚呢個好。好。食。！黃花魚滑身，加上炒香既豆酥，加碗白飯吖唔該！呢度食物分量都唔細，要人多先可以試多d款式！

相隔兩個月又來啦，今次係公司同事生日聚餐，我地预訂咗百味鮮卡片後面啲野食，即係平時餐牌無嘅菜，今次又唔同上次的體驗。點咗幾個前菜，準備食住先。反正主菜都巳预訂好咗，哈哈，咕唔到最先上嘅係蟲草花浸菜芯，之後各個小食陆續就上齊。進入主題，蟹酒玉冰燒，真係食到啖啖蟹肉，一球100蚊真係貨真價實，火烧雞卷配上波蘿先发揮到威力，至今仲回味緊，雞肉够香滑，波蘿又襯得好好，加埋嗰芝麻酱真係掂呀，燒牛肉個人覺得一般。鮑魚嗰清酒湯底好熱好鮮。成餐飯菜式由熱到涷再由涷到熱猶如坐過山車，好滿足，埋單時查詢老闆佢話我地食嘅工夫菜一定要做到最好，所以吩咐厨房換咗次序及慢慢上。唔怿得之中間有10分鐘左右停咗一陣無菜上枱，但呢份用心製作做好美食真係值得俾讚，同行四人都一致讚好。

每次搭叮叮經過呢間辣蟹店都話想試, 趁住同朋友聚餐, 提議下黎一試, 畢竟食中菜都係多人一齊食比較好。先黎前菜~涼拌青瓜送上檯既時候已經聞到好清新既青瓜香，加埋醋香，開開胃先。窩燒野菌蟹肉豆腐 滑滑既豆腐配合濃湯既芡汁 ,  加埋野菌營養豐富又有纖維, 不過略嫌蟹肉不足~豆酥蒸黃花魚黃花魚蒸得剛好唔過火, 肉質幼滑, 加埋炸香左既豆酥 , 增加層次。期待既主角出場啦~黎到緊係要點招牌蟹啦 , 呢度有十多款煮法 , 最後揀左香葉黑胡椒炒蟹。諗起去新加坡時食過, 真係令人點回味~ 加上黑胡椒性溫, 補脾腎, 可減低蟹既寒涼性。而呢度都有八九成做到果種風味, 如果再多D 黑胡椒就更加香更正了~肉蟹夠哂新鮮, 先食蟹鉗, 一咬落去肉汁連埋黑胡椒, 香中帶辣, 起左提鮮作用 。豬頸肉炒通菜  冰鎮咕嚕骨呢個賣相杷當吸精, 一出場吸引埋隔離檯用乾冰做出既煙霧效果,真係人人都中意。大大舊既咕嚕骨下面有冰鎮住,食既時候既熱又凍,又甜甜的。炸漿多左D, 不過好鬆脆  都係推介之一

又到家庭聚會的一日，跟家人去西環的中菜館食晚飯。聽講依間餐廳食物質素十分優質的，所以我十分期待了很久！地理位置不等太偏僻，方便尋找啊！幸好，我地一早訂了位。入面既食客非常多，keep住刀有人流！座位刀舒服，不會感覺到太過逼。蒜香涷螺：螺肉好爽口一啲刀吾硬咖，少少蒜味同醬油味，食起上黎十分惹味。而且份量刀吾少咖！自家制豆腐：外層煎封有口感，中間保持滑溜溜，仲有西蘭花伴碟，配埋美味既醬汁，味道吾錯啊！濃湯龍躉浸菜心：湯好鮮甜，龍躉肉彈牙冇骨，菜心都好嫩，連埋濃湯一齊食超鮮味！金銀蒜粉絲蒸扇貝：扇貝size好大隻又新鮮，用金銀蒜蒸出既扇貝汁比粉絲吸收晒，所以粉絲刀好有鮮甜惹味，正！避風塘炒蟹：依間最出名食蟹，而且有好多種煮法同味道，我中意避風塘食法，因為有好多炸香的蒜和辣椒，蟹肉好鮮甜，啖啖肉好好味！黑松露蛋白炒飯：黑松露味道好香，飯炒乾身，還有瓜粒和蛋白，好味。牛乳奶凍：飯後甜品，奶味香，甜度適中，滑滑的一口一口食不停。

我已經光顧了這間餐廳好幾年，由以前皇后大道西一間小店，我亦十分欣賞兩位老版對食物的誠意，可惜這一切都被今日的事件.....影響我對這間餐廳的評價。今日我去食午飯，被安排坐在冷氣機下的一個位置，坐了大概十分鐘，冷氣機向我面上吹風亦吹了十分鐘，一直都忍受住因為我見餐廳內很多客人，亦不想製造麻煩，十分鐘過後见到隔離枱用餐完畢，客人亦少了一半，就找來一位短髮戴黑框眼鏡穿黑色上衣的女士要求換位，她的答案是‘不好，因為廚房出菜看枱號，調會亂，我只可以較細個風’........過了一分鐘，個風依然是很強地吹住我塊面，我唯有再一次要求調位，得到的答案是‘吾可以，亦已熄咗個冷氣’，我唯有指住枱上的紙巾說‘妳睇吓張紙巾’......剛好其中一位老版行過，我第三次要求調位，答案是‘當然可以’。事後我見那位黑衣女士全程黑面，我亦留意到她可能是其中一位老版的親人......奉勸她一句，一間餐廳可能要用一年嘅努力才能留住啲食客，但要趕走一位客人，要用的時間可能就只是一個態度。我當日吃的是帶子蛋白炒飯，是lunch set,味道和份量都適中。

今日幫阿媽拎野比叔婆，佢住西環，放工就叫埋老公和女兒一齊去，因為我們一家也好耐冇去探叔婆，到了叔婆家，她老人家已在6点食左晚飯，晚上9点就要講晚安，我們都不打擾她作息，告辭後去食晚餐，叔婆知道我女兒喜歡食蟹，介紹我們到她家附近的百味鮮辣蟹專門店食，佢話尼邊好多街坊去食，價錢不貴又好味，那我們便依地址前往試試！這八個字證明店家用的食材係最合時又新鮮。避風塘炒蟹：肉蟹實肉都好大隻，大量香脆又惹味的炸蒜，伴著鮮甜的肉蟹，上枱時已香氣四溢，一梳梳蟹肉十分鮮甜，連埋炸蒜一齊食，不單提升味道，連口感也提升，真的齒頰留香，回味無窮！蒜香凍螺：不大不小的螺最好食，太大會硬，太小冇肉，這螺中等size最好，爽口不硬，蒜香醬油味不錯！野菌自家製豆腐：豆腐是用蛋白、豆漿自家製的，有點像玉子豆腐，滑嫩的口感，還有野菌的香，加埋濃味的蠔油獻汁，十分美味！濃湯龍躉浸菜心：湯真的好濃郁，龍躉起肉冇骨，一片片放到濃湯裏浸熟，還加了菜心，湯本身已濃郁香甜，現在還有龍躉的鮮味，非常好飲，龍躉肉彈牙鮮甜，菜心林甜，好好味！我們成碗湯飲曬！黑松露蛋白炒飯：有穫氣，黑松露份量不少，飯粒粒分明，軟硬適中，還蛋白和翠肉瓜粒，我們還

朋友推薦西環一餐廳，喜愛食海鮮的我們當然要黎潮蟹啦！頭盤點了麻辣豬手和凍螺：調味不錯，作為頭盤幾惹味，令我地食慾大增不知不覺食哂成碟😋必食～青芥牛立方 ：份量足，賣相一般，但有驚喜！用沙律醬同wasabi調出新味，再加上青瓜同安格斯牛柳粒，味道幾特別牛柳好濃牛味，口感軟熟，d醬汁正正主角當然是避風塘炒蟹：大大隻的肉蟹左，好吸睛，重點是啖啖肉！蟹肉肉厚口感彈牙爽口，味道鮮甜。用了大量炸蒜和辣椒炒，令蟹肉鮮甜，更是香辣、惹味，令人吃完蟹之後仍想啜指回味冰鎮咕嚕骨鋪：如圖所見，有噴煙效果, 令人產生一種“騰雲駕霧”的感覺。味道酸酸甜甜，咕嚕骨外脆內軟，肉汁豐富。外層的脆糖凍冰冰的，內層的嫩肉就熱辣辣！口感相當有趣，有冰火交溶的感覺。旁邊的配襯亦好吸晴，令人攝下不少圖。蟲草花浸菜芯：清清甜甜，蟲草花新鮮爽口，而菜芯大棵得黎清甜冇渣，飲埋其湯，好味

喺西環返工咗好多年 ，但都好少再入去石塘咀嗰邊搵嘢食， 難得幾個朋友知我平時返工好忙放工夜 ，特登就我喺我公司嗰邊搵嘢食，由於大家都好耐冇食過避風塘炒蟹所以決定嚟試一試，呢間餐廳都唔算太吊腳 ，坐地鐵去到香港大學站，出閘之後大概行五至八分鐘就搵到，估唔到呢間鋪鋪仔細細，但食物都有驚喜 ，招牌避風塘炒蟹好食不在話下，其他菜式好似冰糖咕嚕肉竟然噴曬煙，賣相心思一流， 其他小菜都好適合一家大細平日去食， 絕對可以成為附近家庭嘅飯堂。頭盤醃青瓜豬潤浸時菜避風塘炒蟹冰糖咕嚕肉生炒糯米飯炸豆腐

依間食店真係好多人食，weekday7點幾黎到好full要等位，不過好彩一到8點就走左好多枱。餐廳主要做街坊生意，價錢唔貴，選擇都幾多。黃金蟹 $380黎依到就緊係要食蟹啦，依排好興嘅黃金xx依到都有得食。蟹都好大隻，夠三四個人share，肉質扎實，上面舖滿好多咸蛋黃粒粒，咸香惹味，撈飯一流。蒜香凍螺$68螺肉好入味，凍螺肉質彈牙，雪凍左口感一流。食落帶酒香，食唔停口。芥香雲耳$38同想像中唔同，落左醋隻酸味同芥辣味唔太夾。麵醬滑雞煲$98較為一般，好咸。豉油皇海蝦$148海蝦好大隻，蝦肉爽脆鮮甜，而個汁甜甜地帶蒜香，十分推介大家試下。蒜蓉西蘭花$60好大碟，不過略嫌咸左啲。水蟹粥$108個粥夠綿，入口鮮甜，蟹味十足，大家一致認為好食過澳門幾間好出名嘅水蟹粥，而且好大鍋，夠四個每人分兩三碗.

去年12月來了一次，很懷念它們的黃金蟹和蒜香凍螺，所以今天又約朋友來捧場。今天是星期四仍然是全場爆滿，幸好我們有訂枱，所以來這裏吃飯一定要先訂枱。這裏吃晚飯只收每位$5茶錢，竟然免加一服務費，真的很划算。蒜香凍螺 $68東風螺很香酒味和蒜味，醬汁甜甜地，螺肉很鮮味和彈牙。芥香雲耳仔 $38雲耳味道酸酸地，再加上芥末辣辣地很醒胃，但略嫌味道濃了一點。豉油皇海蝦海蝦很大隻，肉質新鮮彈牙，醬汁惹味帶點甜，值得一試。黃金蟹上次試了黃金蟹，原來想試避風塘炒蟹，但因為朋友沒有試過，所以今次仍然點了黃金蟹。鹹蛋黃炸成脆卜卜很香口，蟹肉很鮮甜而且很多蟹膏，只需$380就能吃到一隻黃金蟹，真的很划算。水蟹粥這窩粥外形平平無奇，但其實很足料很好味。水蟹份量不少，粥底很綿很鮮味，蟹蓋也有蟹膏，還配有一碟豆卜、榨菜和蔥粒，水準比起澳門的水蟹粥還高，而且價錢又便宜。麵醬滑雞煲雞肉肉質適中不會太硬或太腍，醬汁也很滋味，最喜愛它的配菜有洋蔥和西芹。蒜蓉西蘭花以蒜蓉來炒西蘭花，簡簡單單的一道菜也做得不錯。