百寶齋廚

营业中

休息中

老公突然興起想食齋，平時經常會經過百寶齋厨，也見証餐廳經常派飯，所以很想支持一下……我們選了比較特別的法輪常轉卷、琶扒豆腐同較普通的齋鹵味。法輪常轉卷、琶扒豆腐上菜時剛熱辣辣炸起，入口很鬆化。法輪常轉卷面是金菇和髮菜，食落爽口不會太漏。總括來說，這是一間很有心思的齋鋪

平時吃肉太多，有時吃齋菜也不錯，所以今晚約了幾位朋友一齊去齋舖聚一聚。不要以為吃齋一定很清淡，不好吃，但去百寶齋廚，你一定會有意外驚喜。蜜汁欖茸炒叉燒是必吃的菜餚，單看外觀已經想吃，味道一流，有叉燒味道。。。正確，是半肥瘦叉燒的味道，絕對有意外的驚喜，必定要試。 紅燒竹笙魚翅，山葯栗子烤麩深海茸煲，一個味道清甜，一個味道濃郁，非常好吃，根本不像是齋菜的味道，值得一試。另外今次還点了錦鹵雲吞，不過不失，可以一試。

友人係天主教徙，這個月係四旬期要守齋，原來唔單止佛教要守齋，天主教都有齋期。所以我地就選擇咗位置方便，近太子地鐵的百寶齋廚。6點半到唔太多人，不過無3人檯，要我地等咗十分鍾左右。好耐無食齋，先黎一個齋老味，有分大、小碟，我地好耐無食，叫咗個大既，份量都唔少喎!原先諗住點五柳魚，待應推介咗個香荔酥卷，未試過就試吓啦~  食落都唔錯, 無五柳魚咁散，有D鬆脆，個汁好好味。再點咗個牛肝菌會雲勝，呢個就一般炒蔬菜咁，無咩特別再黎多個三菇扒芥膽，蘑菇好大粒好爽，芥菜膽唔苦，不錯。整體黎講，野食都OK，耐唔耐食清吓腸胃都唔錯。

平日喺呢度附近返工 有時諗唔到食乜就會落嚟買番盒齋返上office度食 其實佢啲齋三十蚊都叫幾大盒 幾抵食加上佢係整得味道都唔錯 唔會太鹹 亦都唔會太油膩 有時食呢種齋都食過一啲 係成口咬落去就係油嘅 真係嚇到嚇死 不過呢度就唔同啦 唔會覺得自己食咗一大啖豬油落口不過有一樣嘢我就真係唔算太滿意嘅 就係佢哋嘅服務態度 因為一向食齋我都唔鍾意食叉燒齋嘅 所以通常都會走咗佢 但係呢度每一次我叫佢走咗佢 啲人都好似用咗咁完全聽唔入耳 照畀我 仲要大大堆 真係激死 我自問都講得非常大聲同清晰 冇可能係聽唔到㗎 不過算啦 佢啲叉燒齋又未至於好難食嘅

我由細到大都好鐘意食齋鹵味，尤其是酸齋果隻特別鐘意，其次齋🐔粒，仲有齋叉燒，榨蹄又係好鍾意食，所以成日見到就會買黎食，但吳係間間好食，所以我每次想食就會專登去呢道外賣齋鹵味回家吃。😋😋今日都吳例外，係專登去買黎食，需然間間整既都係齋鹵味，但呢到調較既味道，同食落既口感係好適中，尤其是榨蹄，咬落有口感，但又不會太硬，（我係第二道買過榨蹄，硬到呢咬到牙較都軟埋）仲有呢到個齋素鴨又係好好食，鐘意食素又香口既人就啱哂，食落好鬆脆，最好就係佢食落吳油膩但又好鬆化好食，不過今日無買，剩係買左榨蹄同一盒齋鹵味，下次先再買黎食，今日都已經食左好多嘢。不過我次次都係外賣齋鹵味，未試過係到堂食素菜，搵日約埋朋友一齊試下堂食先😊😊

今時今日好食既食市都要訂位，齋菜都唔例外，撞啱佛誕唔洗講，本來同媽飲茶，突然佢轉口風食齋，食咩無所謂，媽媽開心就得啦，好在早去等15分鐘有位，二人餐唔多吸引，決定散叫首先更係叫個齋滷味，酸齋最好味，我食到係用山楂整，其他都唔錯，可惜义燒得個色，無味咯點心$8/件，勁推介咸水角/糯米卷/紅棗榚，好味! 個芋角唔係唔好食，有陣唔知咩味怪怪地，記得係任何2件起標，單件姐姐唔幫你落單唔湯唔水又未飽，叫多個餸又大煲到食唔晒，媽媽話留返佢夜晚自己食，鮮淮山栗子煲，係咸左少少，但材料新鮮好味

尋晚同個朋友兩個晚餐都唔知食咩好，大定不約而同都想食清d, 於是相約食齋，我就提議去一間我之前食過幾好食既齋鋪，於是就相約到太子既百寶齋廚！呢間齋廚地點就腳，太子地鐵站一出行唔駛5 分鐘，就到，除左有傳統既齋菜選擇之外，仲有好多新派既齋菜，重點係佢整得唔會好油，又好食！一坐低，就點左個我最喜歡到齋廚叫既小食齋鹵味嚟開開胃先！再嚟同朋友商量之後，叫多兩個主菜，分別係碧綠千層同埋鐵板茄子兩個主菜都整得好好味！份量也大，我哋都無另外再叫飯食！

可能位置好，對正大街 6點幾都full full 地。好在咁啱有枱人走，唔係到我走。見到人食都feel到碟頭細。叫左碟細嘅魯味。味道都唔錯嘅，難怪佢九幾廿年歷史嘅店。雙菇西蘭花，候頭菇煮齋一向都係正嘅。又係碟頭細囉。呢個夏門炒米，有驚喜，佢有一般應有嘅咸酸味，因為有落咸酸菜，出面有店煮夏門米係唔落酸菜嘅。佢個味煮得幾好，同埋呢個終於正常size。總括，價錢少少貴，而且碟頭細左D囉，不過食齋嘅好處，大部份都係麵粉或炸，都好飽嘅，但平時幫襯開其他齋店 佢size係小左D啫。但味道唔差嘅。可能無乜位，我地食完，趕住執嘢咁，又問埋單未，又提侍應執嘢，想飲多啖水坐下都好似唔好意思咁。。。。。呢個就。。。。。

因為屋企人係食齋 所以特登夜晚一行12人一齊嚟到呢間鋪食入到去個格局非常中式 老闆同夥計都係老店員 但因為一個小插曲 令我覺得佢哋其中一個夥計服務態度好差 但之後老闆同老闆娘好好客 所以呢篇食評決定淨係評食物 我哋叫咗個12人餐 (ard $3000?) 一開頭就有個素翅食 其實啲味道同質感真係同普通魚翅好似！基本所有食物都幾好食都唔差 又有好多菜同菇 個素嘅午餐肉都整得好好味好有豆味 啲汁都好好味呢個炸蜜瓜鮮奶好特別好新奇 仲好甜。不過如果鍾意食甜品嘅話就會好鍾意 我個人就覺得可以冇咁甜 但個素芋頭係幾好食嘅不過呢個係間間食到係咁好味上咗呢隻乳豬真係令我嘆為觀止 成隻都係素黎 仲有啲酸齋係側邊 酸齋嘅味道同埋乳豬嘅齋都好好味 最後仲有個福建炒飯同乾燒伊面 因為冇特別所以唔記得咗影 整體成餐飯來講 唔太油好似幾健康 如果一開頭冇個小插曲嘅話你間餐廳會值得勁高分

由細到大都很喜愛食齋鹵味,但現今呢樣美味食物越來越小地方有得購買,得知呢間齋舖有得堂食,便晚上六點以齋菜昨晚餐,踏入齋舖並未有客人,但大部份枱都整留座,朋友於是便坐較濶的4人枱,突然年齡老女店員立制止及指令我們去較迫的4人枱,朋友當然不高興,知服務差👎👎👎但知我很想食齋鹵味唯有留下陪我。叫了碟至愛齋鹵味,好細碟好小.(但好味👍👍👍)明知再叫便是連加一是80元多(貴)芋頭魚味道(麻麻地👎👎)咕嚕肉(🆗👍👍👍😊)粟米粥(粥稀但味道適中👍👍)點心春卷(不新鮮難食👎👎👎👎👎)炆伊麵(味道🆗👍👍👍)以食物來講基本多數🆗但服務就不🆗價錢亦不便宜。所以再不會幫襯,再找個一間又好味又有服務齋舖算。

上星期來港旅遊的加拿大朋友要回家，我們為他送行吃頓飯，他是素食者，他剛到時我們已請了他吃一頓潮素食，今次他説要吃較傳統的，我們就選擇了太子站附近的百寶齋廚。記得多年前我們經常在斜對面的舊店吃飯，舊店陳設古雅，食物也很好。現新店相對簡約光猛，因店小，座位頗迫夾。我們要了齋鹵味、炸腐皮卷、豉汁鰻魚、羅漢上素及羅漢齋麵。這裡的齋鹵味出名好食，酸齋及素燒鴨尤其突出。炸腐皮卷外脆饀料足，醮些醋，其味無窮，絕對不容錯過。上素及脆麵普普通通，不過不失。豉汁鰻魚則不敢恭維了，仿真但魚腥味濃烈，很難接受。因時近佛誕，我們順便各自買了四個佛誕特有小食—虊樨餅回家。

今天是佛誕，我與友人早上9時便己抵達。門外己有數人在等候，亦因這家店鋪有派免費飯盒，所以在店外的不遠處己有一眾的老人家在等候。認識這家傳統齋店是因爲舊公司於每一年的佛誕會到這兒購買傳統食物-蒝荽餅這一款小食只會在佛誕這一天在傳統的齋鋪才會出售，所以很快便銷售一空。我與友人分別購買了兩盒小的齋和半打蒝荽餅，店員將一盒小的齋盛得滿滿的，有齋燒鵝，齋雞等，味道不是太酸，吃時還是暖的所以不用翻熱。若是二人吃的買小盒便足夠。蒝荽餅的顏色印象中好像較往年的更翠綠？這一家的蒝荽餅並沒有苦澀味，餅皮用糯米粉做，有少許甜味應該是有加冰糖？內里是豆沙餡，往年店鋪是有做原味的，可惜今年沒有，雖然稱不上十分美味，但每年一次還是值得品嚐的

1月中係爸爸60歲生日，佢話想食齋慶祝，一家人一行10個人book左太子百寶齋廚一齊慶祝，細個記得婆婆都好中意黎呢間食，五知隔左咁多年水準有無變到呢？必食酸齋，咖哩齋，叉燒粒拼盆齋素翅，湯頭好濃，好足料素鵝，外脆內軟呢一餐食到好滿足，間五中食一餐素食都不錯！亦祝我爸爸生日快樂🎂

本人較少食全齋, 味道大多一般, 如新式的價錢又貴, 不過友人突然想食, 只有順她意思百寶映銀湖-係有椰香味的粟米羹, 怪怪, 椰香味蓋過粟米味, 因自己不喜歡椰味, 所以感覺怪豉汁黃魚外面紫菜包住d魚肉, 爽口彈牙羅漢上素係雜菇蠔油煮, 味道略淡, 菇味欠奉法輪常轉卷全場最好食,外面腐皮包住粉絲,紅蘿白的絲, 配合腐皮一齊食, 外柔軟內脆 准山鮮竹豆腐煲豆腐滑, 味道ok套餐款式不多, 味道又麻麻, 友人話散件較好味, 下次可以散叫

点了一個准山炒牛肝菌、淨雲吞、粟米粥、細的齋老味，先來粟米粥還可以、在來齋老味列牌$38份量小得很！最攞命就是這碟准山炒牛肝菌收$88、但得勁難食裡面的配菜草姑苦嘅！味道只有一種咸、准山片薄過乜！！差……碗淨雲吞實的的又是差勁，不會在去！！！