百川薈

营业中

休息中

涷涷地食雞煲就岩哂啦🤩🌟百川秘制雞煲 (半隻，微辣)半隻份量都好多，加埋其他配料同小食就岩岩好😍一打開個蓋就聞到好香雞煲味，雞件好滑嫰，一啲都唔會係鞋，而且個醬汁真係好好食，係會令人上癮😍已經諗定下次再想食雞煲一定要嚟返呢間！😍基本上每兩枱就有一枱會叫呢個雞煲，證明我真係冇叫錯😍🌟手切安格斯肥牛🥩安格斯肥牛油脂分布均勻，入口即化，再加埋雞煲嘅醬汁，令人一塊接一塊咁食🌟麻辣牛展$36有6舊，而且每一件都好厚，呢個價錢真係好抵！唔會韌到咬唔開，而且麻辣味令到更加開胃，同埋唔會遮蓋咗滷水汁嘅味道😍🌟香茅豬頸肉唔會煎炸得好乾，肉質鬆軟，但係外皮又酥脆，呢個都好好食😍🌟百香珍味蒜香骨最少都有6-7舊，每一舊都超大舊，肥瘦相間，唔會韌到咬唔開又唔會太油膩，而且大量嘅炸蒜鋪面，真係好香😍🌟凍西洋菜蜜🌟桂花圓肉菊花茶第一次見有呢個嘢飲，望落好清熱所以就叫左🤣 唔會太甜又有桂花嘅香味，值得一試🌼

鑊氣鑊氣，成日都聽人提呢個terms，到底係乜野意思？我成日覺得呢種味道好抽象，好難去形容佢，但當你一入口，你就會feel到有同無既分別，一試便知龍與鳳，呢間「百川薈」絕對係鑊年之王！👇🏻📌招 牌 推 介 -▪️ 百 川 秘 製 雞 煲 - $168▫️ 第一道必試「百川秘製雞煲」，2條友嗌左半份雞，份量比想像中豐富，入口醬汁滿滿，揀左微辣都夠哂惹味，雞肉軟腍入味，完全唔乾身，仲好juicy，送飯一流。▪️ 手 切 頂 級 安 格 斯 肥 牛 - $168▫️ 食完雞煲跟手即刻加湯整返個「手切頂級安格斯肥牛」，一上枱就咁睇賣相都知靚野，雪花紋路夠平均，輕輕灼10幾秒，即刻入口果種爽滑真係難以用筆墨形容，呢個價錢絕對係性價比高！▪️ 瑤 柱 蛋 白 海 鮮 炒 飯 - $78 ▫️ 估唔到呢個「瑤柱蛋白海鮮炒飯」幾有驚喜，炒飯夠乾身，真係好夠鑊氣，海鮮配料又足，蝦肉新鮮爽甜，蛋白夠滑溜，整體兩個人share岩岩好，呢個一定要試！▪️ 麻 辣 牛 𦟌 - $36▫️ 最後試埋個「麻辣牛𦟌」，牛𦟌食落煙韌爽口，辣辣地過足口癮！

喺佐敦買完嘢 搵嘢食嘅時候見到有一間餐廳入面有人食緊雞煲好香😍天氣咁凍 想食返啲暖笠笠嘅嘢我哋都叫咗一個雞煲食 - 半隻雞雞煲嚟到之後焗一陣就食得啦 職員會周不時過嚟幫你睇吓食得未 好細心我哋叫咗中辣 佢唔係死辣嗰一隻 香味比較重雞件滑 分量比想像中多 雞煲醬調味得好好👍🏻就連雞煲入面嘅洋蔥都好甜 ♥️兩個人食半隻夠晒 之後再加火鍋配料打埋個邊爐打邊爐點少得響鈴呢一樣邪惡嘅食物😎😎未加水之前即刻落幾舊響鈴嗍晒啲雞煲醬汁😍我同朋友都係牛魔王點少得牛肉呀手切安格斯肥牛半份 肥牛紋路好靚 濃濃牛味台山鮮蠔 隻隻都好肥美 好surprise🤩🤩🤩見到隔籬枱叫煲仔飯 我哋都好想食 不過真係太飽啦 等下一次再試吓先👀

位於佐敦地鐵站附近的百川薈，真係一間不得不推薦的餐廳！當日同朋友去到呢度試左佢哋嘅古法黃鱔煲仔飯，只需$75，再加上香芋飯底，更添風味。拼高蛋牛肉只需額外$10，而選擇飲埋忌廉$12亦都係絕配選擇！百川秘制雞煲無疑係呢度另一個亮點。用三黃雞配合秘製麻辣醬料，一啖入口馬上感受到幾層次嘅麻辣滋味，鮮嫩肉質令人意猶未盡。如果你鐘意食牛，好推介佢哋手切安格斯肥牛（細份）只需 $168，油花分布平均，睇落已經好吸引，加埋湯底浸一陣，就能體驗到濃郁嘅牛肉香。另外，我們亦試了椒鹽鲜淮山 $35，爽口彈牙，非常惹味。而且因為想要健康少糖，我仲叫了杯無糖可樂($12) 嚟解渴。喺呢度唔單止食物質素高，而且款式多元化，全日免加一服務費，又有闊落舒適座位，大圓枱更適合同啲朋友仔過嚟打邊爐或者聚會！總結黎講，百川薈絕對值得再訪，不論是想輕鬆小聚還是大快朵頤，都可以滿足您各種需要。下次一定帶埋更多朋友過來分享這些美饌佳餚！

雞煲有驚喜，雞煲那個醬汁真的很美味，啲雞仲係嫩架！配料方面夠新鮮，啲餃我諗應該係自己包既，皮薄內裏既蝦都鮮！價錢方面比其他食雞煲既店對比較為經濟，環境地方整潔，服務員態度很好，很親切，令人有一種賓至如歸嘅感覺！

🖇️位於佐敦地鐵站E出口「百川薈」主打川菜、煲仔飯、鑊氣小炒，晚市仲有雞煲、烤魚、羊腩煲等，質素高有驚喜🥳👏🏻▪️百川秘制雞煲招牌菜✨香噴噴好惹味!!好足料 雖然係半隻但份量好多 見到香料有八角 桂皮 豆蔻 洋蔥 芹菜 芫荽🌿雞肉鮮嫩多汁 搭配秘制醬料 醬香濃郁 好食到停唔到口☺️▪️手切安格斯肥牛火鍋必點🫕食完雞煲侍應姐姐主動幫我哋加豬骨湯底打邊爐牛肉片紋理好靚 油脂分佈均勻 放落熱湯烚一陣就食得啦 好香好腍 有牛味✨▪️臘腸煲仔飯拼潤腸臘腸嘅鹹香與米飯嘅香氣融合 聞到已經食慾大開7肥3瘦嘅比例啱啱好淋上醬油 鹹香味十足 好正米飯粒粒分明好乾爽 又有咬口飯焦也做得出色 微微焦脆嘅口感😍▪️檸檬利賓納加冰嘅檸檬利賓納🧊配打邊爐一流 酸酸甜甜好開胃解膩🩵真心推薦呀👏🏻食物有水準 款式多元化 全日免加一 餐廳座位闊落 仲有大圓枱 下次約埋朋友仔過嚟一齊打邊爐!!😅

今日同朋友響佐敦行完街，發現到呢一間位於佐敦地鐵站後邊嘅百川薈，小店光猛闊落，因為裝修環境非常乾淨入冬開始佢哋出埋煲仔菜，鑊氣滿滿，吸引咗好多附近街坊捧場，師傅話原來佢哋嘅雞煲都好出名，我哋今日就嚟試吓！百川秘制雞煲$168肉質嫰滑的三黃雞，配上的秘製麻辣醬料炮製雞煲，佢哋嘅麻辣有幾種唔同嘅層次，惹味又足料！另外叫咗細份安格斯牛小排$168一碟牛小排份量好多，絕對兩個人share，美國安格斯牛小排油花分布平均，肉味濃郁打邊爐，當然唔可以叫嘅蝦滑，大大份放埋落去雞煲度爽口彈牙入邊仲好多蝦肉！

最近喺佐敦發現了一間新開的餐廳，晚市有佢哋嘅普通嘅套餐、亦有雞煲、羊腩煲、烤魚等套餐。這次我地揀咗佢哋嘅雞煲套餐，都十分唔錯。雞煲辣度適中，惹味得嚟又唔會嗆喉，雞肉鮮嫩多汁，配上特製的麻辣醬，令人忍唔住一啖食完又一啖。店員上菜嘅時候會上埋Gas爐，一路食煲雞煲都係滾嘅。食完雞煲店員會加湯，可以加唔同嘅配料去打邊爐。套餐都包咗響鈴、生菜同埋出前一丁，索晒啲湯汁好邪惡😈安格斯牛肉望落顏色都好新鮮，好重肉味😋火鍋配料嘅魷魚都好新鮮，好有咬口；牛丸都十彈牙😋總括而言，係一間適合聚會打邊爐食雞煲嘅餐廳😁

百川薈 (佐敦)今日去左朋友介紹，新開餐廳，雞煲雖然好吸引不過早幾日食左，最後就揀左烤魚，星期五食好少少！！✨蒜蓉烤鱸魚 $238鱸魚幾新鮮，蒜蓉香氣十足好惹味，烤得剛剛好魚皮略帶脆口，內裡多汁，配料有椰菜花，蘿蔔，娃娃菜，夠哂健康，份量都唔少好夠飽✨手切安格斯肥牛 $168肥牛片切得均勻，油花分佈恰到好處，係烤魚必嗌既組合😎✨唐生菜 $28唐生菜爽脆清甜，煮後吸收湯底精華，菜葉柔嫩但唔會過軟，清新口感。✨秘制單骨雞翼 $36單骨雞翼外皮香脆，秘制醬汁鹹甜適中，雞肉嫩滑多汁，啖啖入味😋✨菊花蜜、柑桔蜜 $18菊花蜜甜而不膩，帶有菊花嘅淡雅清香，滋潤又清新，飲落喉嚨舒適；柑桔蜜酸甜清新，酸甜比例剛好，飲完好醒神，仲非常解膩。

這家店如同店名一樣提供各款面食，小抄，煲仔，選擇多價格實惠親民！### 烤魚魚身外焦裡嫩，經過炭火烤製，散發出誘人的香氣。咬一口，魚皮香脆，鮮美的魚肉緊實而帶香辣味，辣味適中，既能喚醒味蕾，又不會掩蓋魚肉的鮮香。在魚旁邊，配以新鮮的蘿蔔、娃娃菜和花菜，不僅增添了色彩，還帶來了清新的口感，讓整道菜更加和諧！### 手切安格斯肥牛紋理好靚，切的厚薄均勻，放入魚鍋中幾秒鐘就撈起，入口鮮嫩多汁，口感滑順！### 菠蘿生炒骨菠蘿的加入為這道菜增添了獨特的甜酸味，與豬骨的鹹香形成了絕妙的平衡。每一口都能感受到菠蘿的果香與肉汁的交融，既有嚼勁又不失柔軟，口感豐富多變！### 百川麻脆雞扒雞扒外皮非常酥脆，咬下去時發出清脆的聲音，而且帶點麻辣，讓人欲罷不能！

今晚朋友約咗我去佐敦行街，他帶我去百川薈食飯，室內環境整潔乾淨，招牌菜有雞煲、烤魚、羊腩煲及其他打邊爐配料，鑊氣小炒、豬扒酸辣米線、煲仔飯…. 様様都想食。最後我哋揀咗食雞煲加安格斯肥牛打邊爐🍲。百川薈秘制雞㷛，材料有雞之外，用八角、豆蔻、洋蔥、芫荽及秘製醬汁煮，老闆提醒我這隻「蕙食貓」，雞未完全熟，唔好食住吖，雞在廚房煮到七八成熟，然後放入砂㷛再上枱，這樣會令到啲雞肉滑啲，唔會過熟令肉質變嚡，其間我同朋友繼續吹水，老闆(我估）仲主動過來幫我哋整，以免雞肉過熟或黐底，他真係非常細心🥰。果然d雞肉真係好滑又入味，食到最後一嚿雞肉都唔覺得嚡實實👍🏻，之後再放湯打邊爐，安格斯肥牛油脂分布均勻，好有牛肉味，同雞煲汁又幾夾喎，加埋一份生菜及淮山，真係好新鮮及好好既配搭!桂花圓肉菊花茶可以清熱又滋潤，好香又好飲。見到隔籬枱食煲仔飯及酸辣米線都好吸引，已經約定朋友下次再去百川薈食煲仔飯及酸辣米線😘

Ooo招牌米線及烤魚ooO佐敦呢間餐廳 有小炒、煲仔飯、酸辣粉、雞煲、烤魚都有地點方便 岩晒簡單食個晚飯OooooO烤新鮮鱸魚 $238烤魚有三款魚可以選 我點了蒜蓉鱸魚原條大大條烤鱸魚 肉質堅新鮮 外層魚皮炸至脆卜卜魚肉非常鮮嫩 加上配菜：蓮藕、蘿蔔、大豆牙、椰菜花等好惹味OooooO手切安格斯肥牛（細） $168油脂分布平均 真係好岩打邊爐 肉味口感都滿分OooooO招牌豬扒酸辣米線豬扒半煎炸 醃得很美味 外層酥脆內層肉爽 酸辣湯味道出色辣味與酸味恰到好處 要食

佐敦德興街，恒豐酒店對面有間餐廳，無論早餐、飯餐、小炒、煲仔飯、酸辣粉，到雞煲火鍋等，應有盡有。百川秘制雞煲（半隻） $168我相信除了廚師的秘制醬料、豆蔻、八角、洋蔥、芫茜等令味道特出，選用的材料也有嚴選過，因為入口肉質鮮嫩，一點雪藏味也沒有。手切安格斯肥牛（細） $168油脂分布平均，入口肉味濃，喜歡食牛的朋友一定唔會錯過。麻辣拼盤（雲耳、牛展、豬肚、豬耳）微辣 $52幾様材料都好爽口，而且非常入味，個麻辣味不會太強烈令你失去味覺。唐生菜 $28生菜可以完全吸收雞煲湯底的味道。鮮淮山 $38我很喜歡淮山那種嘅粉又爽的口感。桂花圓肉菊花茶（熱） $26可樂 $12我和朋友二人，一個要清熱，一個要解渴。每天都有四款不同的套飯供大家選擇，而且又附有例湯或飲品。餐牌選擇很多，無論一個人快食，幾個人慢慢食都唔錯。

這是一道美味的中式雞煲。鍋中裝滿了各種口感豐富的食材,包括雞肉、蔬菜和醬料。雞肉很軟嫩,吸收了醬汁的香味。蔬菜也保持了新鮮的顏色,這道菜的口感會很滑順、多汁。整體來看,這個雞煲既營養均衡又令人食指大動。作為一道家常菜,它無疑能給人帶來滿足感和溫暖。另外叫了安格斯牛肉。安格斯牛是一種著名的優質牛肉品種,以其豐富的大理石紋理和嫩滑多汁的口感而聞名。最初擔心牛肉會很肥。但係想不到放入煲裏面之後變得嫩滑可口。另外我們還叫了響鈴和油麥菜，配料新鮮，加上我最愛的凍檸茶，很滿足的一餐。

又到左最愛嘅冬天🤤最好就係食啲煲去暖吓個胃！果日入呢間係見到有好多煲可以揀，羊腩煲、雞煲、煲仔飯、小菜乜都有。由於選擇好多😂用咗都幾耐時間去諗究竟食咩好，好似好多都好吸引最後揀咗好耐都冇食嘅羊腩煲😋好足料！！有啲surprise，餐廳唔係Hea你，好多半肥既羊腩咬落幾淋又有羊羶味，岩灑我呢啲中意羊羶既人😂除咗羊腩之外，都有好多配料，例如馬蹄、枝竹點埋個腐乳簡直冇得彈🥹佢個腐乳醬有啲啲特別，加咗啲類似香草嘅嘢，但係食得多唔會太漏個set本身包埋一碟菜同埋一碟響鈴，其實巳經可以好飽😂但一食就停唔到，所以都加咗佢呢個安格斯肥牛，啲雪花靚到🥹油脂分布又好平均，入口好鬆口，食完呢餐飽到😂當然唔少得要啤啤佢🍻